ᔫᓂ 11, 2020 – ᐋᓐᑯᕆᑦᔅ, ᐊᓛᔅᑲ – ᐱᓱᕋᔭᑦᑐᐊᓘᕙᑦᑐᓂᑦ ᓈᒻᒪᓴᓐᖏᑦᑐᐊᓗᓐᓂᑦ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᒪᑭᑕᖃᑕᐅᒋᕗᑦ ᐳᐊᑎᑭᓄᑦ ᐊᒻᒪᓗ ᐅᕕᓂᖃᑎᒋᓐᖏᑕᖏᓐᓂ ᓈᒻᒪᓴᓐᖏᑦᑐᐊᓗᓐᓂᑦ ᓂᓪᓕᐊᖃᑦᑕᑎᓪᓗᒋᑦ ᓈᒻᒪᓴᓐᖏᑦᑐᐊᓗᓐᓂᑦ ᑕᐃᒪᐃᓪᓗᐊᑎᑦᑎᖏᑦᑐᓂᓪᓗ ᑕᒪᓐᓇ ᐃᓄᓕᕆᓂᕐᒧᑦ ᐱᐅᓐᖏᑎᑦᑎᑲᓐᓂᓪᓚᕆᒻᒪᑦ ᐸᓖᓰᓪᓗᑦ ᐱᑦᑎᐊᖃᑦᑕᖏᑦᑐᕐᔪᐊᕌᓘᓪᓗᑎᒃ, ᐅᕕᓂᖃᑎᒋᓐᖏᑕᒥᓂᒃ, ᑕᐃᒪᐃᓪᓗᐊᑎᑦᑎᓐᖏᑦᑎᐊᖅᑐᑎᓪᓗ ᒥᐊᓕᒐᐃᑦ ᓄᓇᖓᓐᓃᒥᐅᑦ ᓇᒥᓕᒪᑦᑎᐊᕐᓗ ᓯᓚᕐᔪᐊᓕᒫᒥ.
ᐊᑯᓂᕐᔪᐊᕌᓗᒃ ᑭᖑᕚᕇᑦ, ᐃᓄᐃᑦ ᐊᔅᓱᕈᖃᑦᑕᐃᓐᓇᖅᓯᒪᒻᒪᑕ ᐅᕕᓂᖃᑎᒋᓐᖏᑕᒥᓂᒃ ᓂᓪᓕᐊᑲᐅᒻᒪᐅᑎᓕᓐᓂᒃ ᑕᐃᒪᐃᓪᓗᐊᑎᑦᑎᖏᑦᑐᓂᓪᓗ ᐃᓄᓐᓂᑦ ᓇᒥᑐᐃᓐᓇᖅ ᓄᓇᓕᕐᔪᐊᕐᓂᑦ. ᐊᔾᔨᐅᖏᑦᑑᒐᓗᐊᖅᑕᐅ ᐱᔪᓐᓇᐅᑎᒥᑦ ᓇᒻᒥᓂᖅᓱᕋᓱᐊᕐᓂᕐᒥᑦ ᓄᓇᑦᑎᓂᓪᓗ, ᐅᑭᐅᖅᑕᖅᑐᒥᓪᓗ, ᐊᑐᐃᓐᓇᐅᔪᑦ ᑭᓱᑐᐃᓐᓇᐃᑦ ᓄᓇᖃᖅᑳᖅᑐᒥᓃᑦ ᓇᓗᓇᐃᖅᓯᒪᔪᑦ ᐃᓄᐃᑦ ᐱᔪᓐᓇᐅᑎᖏᓐᓂ, ᐱᖃᓯᐅᔾᔨᓪᓗᑎᒃ ᓯᓚᕐᔪᐊᒥ ᑲᑐᔾᔨᖃᑎᒌᓐᓂᒃ ᓇᓗᓇᐃᖅᓯᓯᒪᓂᖏᓐᓂ ᐱᔪᓐᓇᐅᑎᖏᓐᓂ ᓄᓇᖃᖅᑳᖅᑐᒥᓃᑦ, ᑕᐃᒪᐃᓪᓗᐊᖅᑎᑕᐅᖃᑦᑕᖏᓐᓂᖏᓐᓂᑦ ᓱᓕ ᓴᖅᑭᔮᕐᖓᑦ ᐊᐳᖅᑕᕈᑕᐅᕙᑦᑐᑦᑎᒃ ᐱᔪᓐᓇᐅᑎᖏᓐᓄᑦ ᑲᔪᓯᑦᑎᐊᕋᓱᓐᓂᖏᓐᓂᓪᓗ ᐃᓄᓕᕆᓂᕐᒥᑦ ᒪᑭᒪᔾᔪᑎᔅᓴᓂᓪᓗ.
ᐃᓄᐃᑦ ᐊᑯᓂᕐᔪᐊᕌᓗᒃ ᐅᕕᓂᖃᑎᒋᔭᐅᓐᖏᓐᓂᖏᓐᓄᑦ ᐱᐅᒋᔭᐅᖃᑦᑕᖅᓯᒪᓐᖏᒻᒪᑕ ᐅᑭᐅᑦ 100−ᓂᑦ, ᐊᖏᖅᓯᒪᑎᓐᓇᒋᑦ ᐊᐅᓪᓛᖅᑕᐅᓪᓗᑎᑦ, ᐃᓕᓐᓂᐊᕆᐊᖅᑎᑕᐅᓪᓗᑎᑦ, ᖃᓪᓗᓈᑦ ᐱᖁᔭᖏᓐᓂ ᒪᓕᑦᑎᑕᐅᓪᓗᑎᒃ, ᖃᓪᓗᓈᕈᖅᑎᑕᐅᒐᓱᖃᑦᑕᖅᓯᒪᓪᓗᑎᑦ, ᐅᕕᓂᖃᑎᒋᓐᖏᑕᖏᓐᓄᑦ ᐱᐅᒋᔭᐅᓇᑎᑦ ᐃᖅᑲᖅᑐᐃᕕᓕᕆᓂᕐᒧᓪᓗ ᐱᔪᓐᓇᑦᑎᐊᕋᑎᑦ ᒪᑯᐊ ᐊᕐᓇᐃᑦ, ᓱᕈᓰᑦ ᐊᓯᖏᓪᓗ ᐊᑦᑐᖅᑕᐅᓴᕋᐃᓐᓂᖅᓴᐅᔪᑦ ᐃᓄᐃᑦ.
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑎᓕᓯᕗᑦ ᒥᐊᓕᒐᐃᑦ ᓄᓇᖓᓐᓃᑦ, ᑲᓇᑕᒥ ᐅᓛᓵᓂᑦ ᑲᓛᖡᑦ ᓄᓈᓂᓗ ᐱᓕᕆᖃᑎᖃᕐᓗᑎᑦ ᐃᓄᓐᓂᑦ ᒪᓕᒐᓕᐅᕐᓂᐊᕐᖓᑕ ᐱᖁᔭᕐᓂᓪᓗ ᑕᒪᒃᑯᓂᖓ ᐊᑐᖅᑕᐅᒍᓐᓇᕋᔭᖅᑐᓂᒃ ᐃᓄᖃᑎᒌᓐᓂᕐᒥᑦ, ᐱᖃᓯᐅᑎᓗᒋᓪᓗ ᐃᖅᑲᖅᑐᐃᕖᑦ, ᐊᔭᐅᖅᑐᐃᔾᔪᑏᑦ ᐸᓖᓯᓐᖑᐊᑦ, ᐊᓄᓪᓚᔅᓰᕕᒻᒥᐅᑕᐃᑦ ᒪᓕᒐᓕᕆᔩᓪᓗ.
ᓯᓚᕐᔪᐊᒥ ᑲᑎᒪᓂᒃᑯᑦ ᑕᒪᒃᑯᐊ ᐲᔭᕈᓐᓇᖅᑑᒐᓗᐊᑦ ᖃᓄᐃᑦᑐᐃᓐᓇᐃᑦᑎᐊᖅ ᓈᒻᒪᓴᓐᖏᓂᐅᔪᑦ ᐅᕕᓂᖃᑎᒋᓐᖏᑕᒥᓂᒃ ᑭᓯᐊᓂ ᑎᒍᓯᓚᐅᖅᓯᒪᔪᑦ 1965−ᒥ ᑲᑎᒪᑎᓪᓗᒋᑦ ᓯᓚᕐᔪᐊᖅ ᐅᑭᐅᓄᑦ ᐊᕙᑎᐅᓗᐊᖅᑐᓄᑦ “ᐱᒋᐊᕈᑕᐅᓯᒪᒋᐊᖃᖅᓯᒪᓕᖅᑑᒐᓗᐊᖅ ᑕᒪᓐᓇ ᓈᒻᒪᓴᓐᖏᓐᓂᑦ ᐅᕕᓂᖃᑎᒋᓐᖏᑕᒥᓂᒃ ᐊᒻᒪᓗ ᑕᐃᒪᐃᓪᓗᐊᑎᑦᑎᖏᓐᓂ”, ᐱᒋᐊᕈᑎᖃᓪᓗᐊᖅᓯᒪᓐᖏᑦᑐᑦ ᒐᕙᒪᒃᑯᑦ ᐊᒻᒪᓗ ᑕᒪᓐᓇ ᐱᑕᓕᓪᓚᕆᐊᓗᒃ ᐃᓚᐃᓐᓈᖅᑕᐅᓂᖏᑦ ᐳᐊᑎᑮᑦ ᐊᓯᖏᓪᓗ ᐅᕕᖃᑎᒋᔭᐅᓐᖏᑦᑐᑦ, ᒪᑯᐊᓗ ᓄᓇᖃᖅᑳᖅᑐᒥᓃᑦ.
ᓂᓪᓕᕈᓐᓇᖅᓯᓚᐅᖅᑐᒍᑦ ᑲᔪᓯᒍᒪᔭᑦᑎᓐᓂ “ᓯᓚᕐᔪᐊᖅ ᐳᐊᑎᑭᓂᑦ ᐃᓚᐃᓐᓈᖏᓪᓗᑎᑦ, ᐳᐊᑎᑮᑦ ᐃᓅᓯᕐᒥᓂᒃ, ᒪᑭᒪᔪᑎᔅᓴᒥᓂᒃ, ᑲᑎᒪᔨᐅᓂᕐᒥᓪᓗ ᓴᓐᖏᓂᖏᓐᓂ ᑲᔪᓯᓯᒪᕗᑦ” ᑕᐃᒫᒃ ᓇᓗᓇᐃᖅᓯᒪᒻᒪᑕ ᐳᐊᑎᑮᑦ ᐃᓅᓯᖏᑦ ᐱᒻᒪᕆᐅᒋᕗᑦ ᑲᓇᑕᒥ ᓯᓚᕐᔪᐊᒥᓗ ᑕᒪᓐᓇ ᐱᒋᐊᖅᑕᐅᓯᒪᔪᖅ.
ᑐᑭᓯᒋᐊᕐᕕᔅᓴᖅ:
Kelly Eningowuk
ICC (Alaska)
907-274-9058
kelly@iccalaska.org
Stephen Hendrie
ICC (Canada)
613-668-1923
type88@post.com