ᓴᖅᑭᔮᖅᑎᑕᐅᔪᑦ ᐸᖅᑭᔭᐅᓂᖏᓪᓗ ᐃᓄᐃᑦ ᐅᖃᐅᓯᖏᑦ ᓯᕗᓪᓕᖅᐸᐅᔾᔭᐅᖏᓐᓇᑦᑎᐊᖅᑐᑦ ᐃᓄᓐᓄᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᓂᖏᓐᓂ.

ᐊᒥᓱᓂᓪᓗ ᐱᒋᐊᕈᑎᖃᖅᓯᒪᓪᓗᑎᑦ ᐅᑭᐅᒐᓚᐅᔪᓂᒃ ᐊᓂᒍᖅᑐᓂᒃ.

ᑕᒪᒃᑯᐊ ᐱᖃᓯᐅᑎᓯᔪᑦ ᓯᓚᕐᔪᐊᒥ ᐅᑭᐅᖅᑕᖅᑐᖅ ᐃᓕᓴᕆᔭᐅᓂ (IPY), ᑲᓛᖡᑦ ᓄᓈᓂ ᑎᑎᕋᖅᑏᑦ ᑲᑐᔾᔨᖃᑎᒌᖏᑦ, ᐊᒻᒪ ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ. ᑲᓇᑕᒥ ᐃᑦᑕᕐᓂᓴᓕᕆᔨᒃᑯᑦ, ᓲᕐᓗ, ᐱᓕᕆᖃᑎᖃᕈᒪᓯᒪᔪᑦ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᓐᓂ ᐸᕐᓇᓪᓗᑎᑦ ᓯᓚᕐᔪᐊᒥ ᐅᖃᐅᓯᓕᕆᓂᕐᒨᖓᔪᒥᑦ ᑲᑎᒪᕕᔾᔪᐊᑎᑦᑎᓗᑎᑦ.

ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᐃᑲᔪᖅᑐᐃᑦᑎᐊᓚᐅᕐᒥᔪᑦ ᐃᓚᒋᔭᐅᓪᓗᑎᓪᓗ ᑲᑐᔾᔭᐅᖃᑕᐅᓪᓗᑎᑦ ArcticNet/ᓄᓇᕗᑦ ᑐᓐᖓᕕᒃᑯᓐᓂ ᐱᓕᕆᐊᓂᑦ ᓴᖅᑭᖅᑕᐅᓚᐅᖅᑐᓂᒃ ᐃᓄᐃᑦ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ ᐅᖃᐅᓯᓕᕆᓂᕐᒥᑦ; ᐊᒻᒪᓗ ᕿᓪᓕᖅᑐᒥ ᐅᖃᐅᓯᕐᓂᑦ ᐃᓄᑦᑎᑑᖓᔪᓂᒃ ᐊᑐᐃᓐᓇᖅᑕᖃᓕᕆᓪᓗᓂ.

ᐊᓯᖏᓐᓂᑦᑕᐅ ᐱᓕᕆᖃᑦᑕᕐᒥᔪᖅ ᐊᔾᔨᐅᖏᑦᑐᓂᑦ ᐅᖃᐅᓯᕐᓂᑦ ᐃᓄᓐᓄᑦ ᐱᓕᕆᖃᑎᖃᖅᑐᑎᑦ, ᖃᐅᔨᒪᔭᐅᒋᐊᖃᕐᒥᔪᑦ. ᑲᓛᖡᑦ ᓄᓈᓂ ᐅᖃᐅᓯᓕᕆᓂᕐᒧᑦ ᑲᑎᒪᔨᕋᓛᖏᑦ ᐊᒻᒪᓗ ᓄᓇᕗᑦ ᐃᓄᐃᑦ ᐅᖃᐅᓯᓕᕆᓂᕐᒧᑦ ᑲᒥᓴᓇᒃᑯᖏᑦ ᐅᖃᖃᑎᒌᖃᑦᑕᖅᑐᑦ ᐱᖁᔭᐃᑦ ᐱᔾᔪᑎᒋᓪᓗᒋᑦ.

ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᐃᑲᔪᖅᑐᐃᕙᑦᑐᑦ ᐊᓯᖏᓐᓂ ᐱᓕᕆᐊᓂᑦ ᖃᕋᓴᐅᔭᓕᕆᓂᕐᒨᖓᔪᓂᒃ ᐅᖃᐅᓯᓕᕆᓂᕐᒧᓪᓗ ᓯᓚᕐᔪᐊᒥ ᐅᑭᐅᖅᑕᖅᑑᑉ ᐊᕐᕌᒍᖓᓐᓂ ᐊᒻᒪᓗ ᓯᓚᑦᑐᖅᓴᕐᕕᔾᔪᐊᖓᓐᓂ ᑐᕌᓐᑑᑉ, ᓲᕐᓗ. ᐊᓛᔅᑲᒥ, ᑲᑕᓇᓪ (ᖃᕋᓴᐅᔭᓕᕆᓂᕐᒧᑦ ᐅᖃᐅᓯᓕᕆᓂᖅ ᐊᓛᔅᑲᐅᑉ ᐅᖃᐅᓯᖏᓐᓂ) ᐱᐅᑦᑎᐊᖅᑐᖅ ᐃᑲᔪᖅᑐᖅᑕᐅᓪᓗᓂᓗ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᓐᓄᑦ. ᓱᓕ ᐱᓕᕆᒃᑲᓐᓂᕆᐊᓖᑦ ᓯᑳᑦᑕᒥ, ᐃᓄᒋᐊᓗᐊᓐᖏᒃᑲᓗᐊᖅᑎᓪᓗᒋᑦ ᔪᑉᐱᑦᑎᑑᕈᓐᓇᖅᑐᑦ, ᐱᕙᓪᓕᐊᖏᓐᓇᖅᑐᑦ.

ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᐱᖃᑕᐅᓚᐅᖅᓯᒪᔪᑦ ᓯᒪᕐᔪᐊᒥ ᑲᑐᔾᔨᖃᑎᒌᓐᓂᒃ ᓄᓇᖃᖅᑳᖅᑐᒥᓃᑦ ᐅᖃᐅᓯᖏᓐᓂ ᓇᓗᓇᐃᔭᐃᖃᑕᐅᓪᓗᑎᒃ. ᑖᒃᑯᐊ 2019−ᒥ ᓯᓚᕐᔪᐊᑉ ᐊᕐᕌᒍᒋᑎᓪᓗᓂᐅᒃ ᓄᓇᖃᖅᑳᖅᑐᒥᓃᑦ ᐅᖃᐅᓯᖏᓐᓂ, ᐊᒻᒪᓗ ᓯᓚᕐᔪᐊᒥ ᐅᑭᐅᓄᑦ ᖁᓕᓄᑦ ᓄᓇᖃᖅᑳᖅᑐᒥᓃᑦ ᐅᖃᐅᓯᓕᕆᓂᕐᒥᑦ 2022-2032.