ᓯᓚᕐᔪᐊᒥ ᐊᕙᑎᓕᕆᔩᑦ ᐊᓪᓚᕕᖓ ᓴᖅᑭᖅᑕᐅᓚᐅᖅᓯᒪᔪᖅ ᓯᕗᓂᖓᓐᓂ 1992 ᕆᐅᒥ ᓄᓇᕐᔪᐊᒥ ᑲᑎᒪᓂᐅᔪᒥᑦ ᑲᒪᒍᒪᓪᓗᑎᑦ ᓄᓇᕐᔪᐊᑉ ᐊᑲᐃᓪᓕᐅᕈᑎᖏᓐᓂ ᐊᕙᑎᑦᑎᓐᓂ ᑲᒪᒍᒪᓪᓗᑎᑦ. ᑕᐃᒪᓐᖓᓂ ᓯᓚᕐᔪᐊᒥ ᐊᕙᑎᓕᕆᔩᑦ ᐊᓪᓚᕕᖓ ᑮᓇᐅᔭᖃᖅᑎᑦᑎᓯᒪᓕᖅᑐᖅ $21-ᐱᓕᐊᓂᑦ ᑐᓂᕐᕈᑎᓂᒃ, ᐊᒻᒪᓗ ᓴᓂᕐᕙᐃᑲᓐᓂᖅᓯᒪᓪᓗᑎᑦ $114-ᐱᓕᐊᓂᒃ ᑮᓇᐅᔭᖃᖅᑎᑦᑎᖃᑕᐅᓪᓗᑎᑦ ᐅᖓᑖᓄᑦ 5,000−ᓂᑦ ᐱᓕᕆᐊᖑᔪᓂᒃ 170−ᓂ ᓄᓇᓕᕐᔪᐊᓂᑦ ᐊᕕᑦᑐᖅᓯᒪᔪᓂᑦ. ᒥᑭᓂᖅᓴᑦ ᑐᓂᕐᕈᑏᑦ ᐃᑲᔫᓯᐊᖑᕙᑦᑐᓂᑦ, ᓯᓚᕐᔪᐊᒥ ᐊᕙᑎᓕᕆᔩᑦ ᐊᓪᓚᕕᖓ ᐃᑲᔪᖅᑐᐃᓯᒪᒻᒥᔪᑦ ᐅᖓᑖᓅᓗᐊᖅᑐᖅ 25,000 ᐃᓄᐃᑦ ᓴᓴᐃᔭᑎᖏᓐᓄᑦ ᓄᓇᓕᓐᓂᑦ ᐱᒋᐊᕈᑕᐅᓯᒪᔪᓂᒃ 133−ᓂᑦ ᓄᓇᓕᕐᔪᐊᓂᑦ ᐊᕕᑦᑐᖅᓯᒪᔪᓂᒃ.

ᐊᖏᖅᑕᐅᓯᒪᒋᐊᖃᕐᖓᑦ ᐅᑭᐅᖅᑕᖅᑑᑉ ᑲᑎᒪᔨᖏᓐᓄᑦ, ᑖᒃᑯᐊ ᓯᓚᕐᔪᐊᒥ ᐊᕙᑎᓕᕆᔩᑦ ᐊᓪᓚᕕᖓ ᐊᐱᕆᔭᐅᓯᒪᔪᑦ ᑮᓇᐅᔭᖃᖅᑎᑦᑎᒍᓐᓇᕐᒪᖔᑕ ᐱᓕᕆᐊᔅᓴᐅᔪᓂᒃ ᐊᒥᓱᑲᓪᓚᓐᓂᒃ ᐱᖓᓐᓇᖓᓐᓄ ᐅᓛᓵ ᒪᑯᓂᖓᓗ ᓱᕈᓐᓇᖅᑐᖃᓕᖅᑐᓂᑦ ᐃᓅᓕᑕᖏᓐᓂ, ᐸᖅᑭᔭᐅᒋᐊᖃᕐᓂᖏᓐᓂ ᐃᒪᕐᒥᐅᑕᐃᑦ, ᐱᐅᖅᓱᐊᕆᐊᖃᕐᓂᖏᓐᓂ ᐱᕈᖅᑐᓂᒃ ᐊᔾᔨᒌᓐᖏᑦᑐᓂᒃ, ᐊᒻᒪᓗ ᖃᐅᔨᓴᖅᑕᐅᓂᖏᓐᓂ ᐊᑦᑐᐃᓂᖃᕐᓂᖏᓐᓂ ᓯᓚ ᐊᓯᔾᔨᐸᓪᓕᐊᓂᖓᓐᓄᑦ. ᐱᓕᕆᐊᔅᓴᐅᔪᑦ ᐱᖓᓐᓇᖓᓂ ᐅᓛᓵ ᐃᑲᔪᖅᑕᐅᔪᒪᑦᑎᐊᖅᑐᑦ ᑖᒃᑯᓄᖓ ᓯᓚᕐᔪᐊᒥ ᐊᕙᑎᓕᕆᔩᑦ ᐊᓪᓚᕕᖓ ᑮᓇᐅᔭᖅᑎᒍᑦ – ᓱᕈᓐᓇᖅᑐᑕᖃᐃᓐᓇᕐᓂᖏᓐᓂ ᐃᓅᓕᑕᐃᑦ − ᑲᒪᒋᔭᐅᓗᑎᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑐᓂᕐᕈᓯᐊᖅᑖᓚᐅᖅᑐᑦ USD−ᒥᑦ 25,000 ᑐᔅᓯᕋᐅᑎᓕᐅᕐᓗᑎᑦ, ᑐᓂᑦᑕᓕᖅᑯᑦ ᐅᑭᐅᖅᑕᖅᑐᒧ ᕿᒥᕐᕈᔨᓄᑦ ᖃᐅᔨᓴᖅᑎᓄᑦ ᐱᓕᕆᔨᓄᑦ ᐊᒻᒪᓗ ᐅᓛᓵᑦ ᑲᑐᔾᔨᖃᑎᒌᖏᓐᓄᑦ ᓄᓇᖃᖅᑳᖅᑐᒥᓂᕐᓄᑦ ᐅᑭᐅᖅᑕᖅᑐᖓᓐᓂ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᑯᓂᒧᑦ ᑲᒪᖃᑕᐅᖏᓐᓇᕐᓂᐊᕐᓂᖏᓐᓂ ᐊᖅᑮᓯᒪᔪᑦ ᑖᒃᑯᓄᖓ ᓯᓚᕐᔪᐊᒥ ᐊᕙᑎᓕᕆᔩᑦ ᐊᓪᓚᕕᖓᓐᓂ ᐱᓕᕆᖃᑎᑲᓐᓂᕋᓱᐊᕐᓗᑕᓗ ᐱᓕᕆᖃᑎᒌᓐᓇᑦᑎᐊᖅᑕᕋᓗᐊᕗᑦ ᑖᒃᑯᐊ UNEP, UNDP, ᐊᒻᒪᓗ ᓯᓚᕐᔪᐊᒥ ᑮᓇᐅᔭᒃᑯᕖᑦ. ᐊᒻᒪᓗ, ᖃᐅᔨᒃᑲᐃᒍᒪᒻᒥᒐᑦᑕ ᑮᓇᐅᔭᐃᑦ ᐊᑐᓕᖅᑎᑦᑎᑦᑎᕙᑦᑐᓂᓪᓗ ᐱᓕᕆᖃᑎᖃᒃᑲᓐᓂᕆᐊᖃᕐᓂᑎᓐᓂ ᐃᓛᓐᓂᒃᑯᑦ ᐳᐃᒍᖅᑕᐅᖃᑦᑕᕐᖓᑕ.

ᑖᒃᑯᐊ ᓯᓚᕐᔪᐊᒥ ᐊᕙᑎᓕᕆᔩᑦ ᐊᓪᓚᕕᖓ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᓂᑦ ᐅᕙᓃᒻᒥᔪᑦ: https://www.thegef.org/