Press Releases

Documenting our Progress

ᐃᓄᐃᑦ ᓇᓗᓇᐃᖅᓯᑲᓐᓂᓚᐅᖅᑐᑦ ᑎᒍᒥᐊᕐᓂᖏᓐᓂ ᐃᑯᐱᑦᑐᓕᕆᓂᕐᒥᑦ ᐊᑐᖃᑦᑕᖅᑕᖏᓐᓂ ᐅᑭᐅᖅᑕᖅᑐᒥ ᐃᓅᓇᓱᔾᔪᑎᓂᒃ

ᓄᕕᐱᕆ 7, 2017 – ᐋᑐᕚ, ᑲᓇᑕ – ᐃᓄᐃᑦ ᑲᓇᑕᒥ, ᑲᓛᖡᑦ ᓄᓈᓂ, ᐊᓛᔅᑲᒥ ᓯᑳᑦᑕᒥᓗ ᐅᖃᖃᑎᒌᓚᐅᖅᑐᑦ ᐋᑐᐋᒥ ᐱᖅᑯᓯᖏᓐᓂ ᐃᑯᐱᑦᑐᓕᕆᓂᕐᒥᑦ, ᓂᕿᔅᓴᖃᑦᑎᐊᕐᓂᕐᒥᑦ ᐱᐅᖅᓯᐊᖅᑕᐅᓂᖏᓐᓂᓪᓗ. ᑲᑎᒪᑎᓪᓗᒋᑦ ᐱᓕᕆᖃᑎᒌᖃᑦᑕᕐᓂᐊᕐᓂᕋᓚᐅᖅᑐᑦ ᐃᓚᓕᐅᔾᔨᓪᓗᑎᑦ ᓴᖅᑭᔮᖅᑎᑦᑎᓂᕐᒥᑦ, ᐱᐅᖅᓱᐊᕐᓂᕐᒥᑦ ᓴᓐᖏᓂᖏᓐᓂᓪᓗ ᐃᓄᐃᑦ ᐱᖅᑯᓯᖏᑕ ᐱᔪᓐᓇᐅᑎᖏᑦ ᓂᕿᔅᓴᖅᓯᐅᑦᑎᐊᕐᓂᕐᒥᑦ. ᑲᑎᒪᓂᐅᔪᖅ ᐊᔾᔨᐅᖏᑦᑐᑦ ᐱᖓᓱᑦ ᐅᑭᐅᖅᑕᖅᑐᕐᒥᐅᑦ ᓂᓪᓕᐊᖃᑎᒌᓚᐅᖅᑐᑦ ᐃᓄᐃᑦ ᐱᔪᓐᓇᐅᑎᖏᓐᓂ ᐱᐅᖅᓱᐊᖃᑦᑕᓂᕐᒥᑦ ᐅᑭᐅᖅᑕᖅᑐᒥ ᐃᓅᓇᓱᐊᕐᔪᑎᒋᓗᒋᑦ ᓱᓇᒃᑯᑖᑦ ᐊᒻᒪᓗ ᓯᓚᕐᔪᐊᑉ ᐅᑭᐅᖅᑕᖅᑐᖓᓐᓂ ᓂᕐᔪᑎᓂᑦ ᐊᐅᓚᑦᑎᓗᑎᑦ ᑭᓪᓕᖃᖅᑎᑕᐅᓐᖏᑦᑎᐊᕐᓗᑎᓪᓗ.

ᓄᐊᓐ ᓯᒥᑦ, ᐃᔅᓯᕙᐅᑕᖅ ᐊᒻᒪᓗ ᐃᖅᑲᓇᐃᔭᖅᑎᓄᑦ ᓯᕗᓕᖅᑎ ᐃᓄᑉᐱᐊᓂᑦ ᐊᕕᑦᑐᖅᓯᒪᔪᓂᒃ ᑯᐊᐳᕇᓴᒃᑯᓐᓂ ᐊᒻᒪᓗ ᐃᔅᓯᕙᐅᑕᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ICC) ᓂᕐᔪᑎᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑲᑎᒪᓪᓗᑎᑦ ᓇᓗᓇᐃᖅᓯᓚᐅᕐᒥᔪᖅ, “ᐱᔪᓐᓇᐅᑏᑦ ᐊᓯᕙᕈᓐᓇᓂᕐᒥᑦ ᐅᑭᐅᖅᑕᖅᑐᒥ ᐃᓅᓇᓱᔾᔪᑕᐅᕙᒻᒪᑕ ᐃᓕᓯᒪᑦᑎᐊᕆᐊᖃᖅᑐᑦ ᓯᓚᕐᔪᐊᒥ ᑲᑐᔾᔨᖃᑎᒌᓐᓄᑦ ᓇᓗᓇᐃᖅᑕᐅᓯᒪᔪᓂᒃ ᐱᔪᓐᓇᐅᑎᖏᓐᓂ ᓄᓇᖃᖅᑳᖅᑐᒥᓂᕐᓄᑦ. ᐃᓄᐃᑦ ᐱᔪᓐᓇᐅᑎᖃᕐᖓᑕ ᓴᖅᑭᖅᓯᒪᔪᑦ ᐊᕙᑎᕗᑦ ᐊᓯᔾᔨᐸᓕᐊᓕᕐᓂᖓᓐᓂ ᑭᒃᑯᑐᐃᓐᓇᐃᓪᓗ ᐃᓱᒪᒋᔭᖏᑦ ᒪᓕᑦᑐᒋᑦ. ᐃᓄᐃᑦ “ᐊᑕᐅᓯᐅᒻᒪᑕ” ᐃᓅᓇᓱᐊᖅᑐᑦ ᑎᓴᒪᓂᒃ ᓄᓇᓕᕐᔪᐊᕐᓂᑦ ᐊᔾᔨᒌᓐᖏᑦᑐᓂᒃ ᐊᑐᖃᑦᑕᖅᑐᑎᑦ ᐊᓯᕙᕐᓂᖏᑦᑕ ᐱᔪᓐᓇᐅᑎᖏᓐᓂ ᐃᑲᔪᖅᑐᕈᒪᓪᓗᑎᒍᓪᓗ ᐃᓕᓐᓂᐊᖃᑎᒌᓪᓗᑕᓗ”.

ᔨᒻ ᓯᑖᑦᔅ, ᐊᖏᔪᖅᑳᖓ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᓛᔅᑲᒥ ᐅᖃᓚᐅᖅᑐᖅ, “ᐃᓄᐃᑦ ᐱᔪᓐᓇᐅᑎᖃᖅᑐᑦ ᓂᕿᓄᑦ ᑐᓐᖓᕕᒋᓪᓚᕆᒻᒪᔾᔪᒃ ᐱᖅᑯᓯᑦᑎᓐᓂ ᐅᑉᐱᕆᔭᑦᑎᓂᓪᓗ ᐊᒻᒪᓗ ᑐᓐᖓᕕᐅᓪᓗᑎᑦ ᐃᓄᐃᑦ ᓂᕿᖏᑦ ᓂᕿᖃᑦᑎᐊᕆᐊᖃᕐᓂᕐᒨᒻᒪᑕ. ᖃᐅᔨᒪᓂᑦᑎᓐᓄᑦ ᐊᐅᓚᑕᐅᕙᑦᑲᑦᑕ ᐊᐅᓚᑦᑎᑦᑎᐊᖅᑐᑕ ᐅᑉᐱᕆᔭᖃᑦᑎᐊᖅᑐᑕᓗ ᐃᓅᕕᒋᓇᓱᐊᖅᑕᑎᓐᓂ ᒥᓕᐊᖏᓐᓂ ᐊᕐᕌᒎᓕᖅᑐᓂᑦ ᑕᐃᒫᒃ ᐃᓕᖅᑯᓯᖃᕋᑦᑕ ᐊᒻᒪᓗ ᑕᐃᒫᔅᓴᐃᓐᓇᖅ ᑲᔪᓯᓂᐊᖅᑐᑕ. ᐅᖃᐅᓯᕆᑐᐃᓐᓇᕆᐊᖃᓐᖏᓇᑦᑎᒍ ᑭᓯᐊᓂ ᑲᒪᒋᔭᕆᐊᖃᕋᑦᑎᒍ ᑕᒪᓐᓇ.”

ᐊᒪᓕ ᔭᓐᓴᓐ, ᐊᖏᔪᖅᑳᕆᔭᐅᔪᖅ, ᒥᓂᔅᑕ ᐃᖃᓗᓕᕆᔨᒃᑯᓐᓄᑦ ᐊᓯᕙᕐᓂᒧᓪᓗ ᐅᖃᓚᐅᖅᑐᖅ, “ᐃᓄᐃᑦ ᐱᓕᕆᖃᑎᒌᒋᐊᖃᕐᖓᑕ ᓄᓇᖅᑲᑎᒌᑦ, ᑎᒥᐅᔪᓂᒃ, ᐊᕕᑦᑐᖅᓯᒪᔪᓂᒃ, ᓯᓚᕐᔪᐊᑉ ᐅᑭᐅᖅᑕᖅᑐᖓᓐᓂ ᓯᓚᕐᔪᐊᒥᓗ ᐊᑐᓕᖅᑎᑦᑎᓗᑎᑦ ᓴᓐᖓᑎᒃᑲᓂᕐᓗᒋᓪᓗ ᐃᓄᐃᑦ ᐊᓯᕙᕈᓐᓇᐅᑎᖏᑦᑕ ᐱᔪᓐᓇᐅᑎᖏᑦ ᐅᕝᕙᓘᓐᓃᑦ ᐃᓄᐃᑦ ᐃᓯᕈᓐᓇᕆᐊᖃᑦᑎᑕᐅᒐᔭᓐᖏᒻᒪᑕ ᐃᓅᓇᓱᐊᕐᕕᖏᓐᓄᑦ ᐅᑭᐅᖅᑕᖅᑑᑉ ᐃᓗᓕᖏᓐᓂ ᐱᔪᓐᓇᖏᓪᓗᑎᑦ ᓯᕗᓂᑦᑎᓐᓂ.”

ᑲᑎᒪᓂᐅᔪᖅ ᐱᒋᐊᖅᑎᑦᑎᑲᓐᓂᕈᒪᓚᐅᖅᑐᖅ ᑭᑎᒑᕐᔪᐃᑦ ᓇᓗᓇᐃᖅᑕᐅᓯᒪᓂᖓᓐᓂ ᑕᐃᑲᓐᖓ 2014−ᒥᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᑎᒪᕕᔾᔪᐊᕐᓂᖏᓐᓂ ᕿᒥᕐᕈᖁᔨᓪᓗᑎᑦ ᑖᒃᑯᓂᖓ ᐱᖁᔭᖏᓐᓂ (ᓯᓚᕐᔪᐊᒥ, ᐊᕕᑦᑐᖅᓯᒪᔪᓂᒃ, ᓄᓇᓕᕐᔪᐊᓂᓪᓗ), ᐊᕙᑎᕗᑦ ᐊᓯᔾᔨᕐᓂᖓᓐᓄᑦ, ᑭᒃᑯᑐᐃᓐᓇᐃᓪᓗ ᐃᓱᒪᒋᔭᖏᑦ ᐅᑭᐅᖅᑕᖅᑑᑉ ᓂᕐᔪᑎᓕᕆᓂᕐᒥᑦ ᐊᒻᒪᓗ ᐃᓄᐃᑦ ᐊᓯᕙᖃᑦᑕᕐᓂᖏᑕ ᐱᖅᑯᓯᖏᓐᓂ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.