Press Releases

Documenting our Progress

ᐃᓄᐃᑦ ᐅᓪᓗᖓ 2017

ᓄᕕᐱᕆ 7, 2017 – ᐹᓐ, ᔫᒪᓂ ᐋᑐᕚᓗ, ᑲᓇᑕ – ᐅᓪᓗᒥ ᐃᓄᐃᑦ ᓇᓪᓕᐅᓂᖅᓯᐅᕐᖓᑕ ᐊᔾᔨᐅᖏᑦᑐᒥᑦ ᑎᒍᒥᐊᕐᓂᒥᓪᓗ. 40−ᓄᑦ ᐅᑭᐅᓄᑦ ᐊᓂᒍᖅᓯᒪᓕᖅᑐᓄ ᐄᐸᓐ ᕼᐊᑉᔅᓴᓐ, ᐅᖃᐅᔾᔨᒋᐊᖅᑎᐅᓚᐅᖅᓯᒪᔪᖅ ᐃᓄᑉᐱᐊᖅ ᐅᑦᕿᐊᕕᒻᒥ (ᐴᕈ), ᐊᓛᔅᑲᒥ ᐃᓄᓕᒫᑦᑎᐊᑦ ᐊᓛᔅᑲᒥᐅᑦ, ᑲᓇᑕᒥᐅᑦ, ᑲᓛᖡᑦ ᓄᓈᓂᒥᐅᑦ ᐊᒻᒪᓗ ᓯᑳᑦᑕᒥ ᐱᓕᕆᖃᑎᒌᖁᓚᐅᕐᖓᒋᑦ ᐃᑲᔪᖅᑎᒌᓪᓗᑎᑦ, ᓴᐳᓐᓂᐊᕐᓗᒋᑦ ᐃᓄᐃᑦ ᐱᔪᓐᓇᐅᑎᖏᑦ, ᐃᓄᓪᓗ ᓇᓪᓕᐊᑐᐃᓐᓇᑦᑎᐊᖅ ᓄᓇᓕᖓ ᕿᒪᑦᑕᐅᖏᑦᑎᐊᕐᓗᓂ ᐊᓯᔾᔨᕐᓂᐅᔪᓂᒃ ᐱᕙᓪᓕᐊᑎᑦᑎᒐᓱᐊᕐᓂᒥᓪᓗ ᐅᑭᐅᖅᑕᖅᑐᒥ. ᐅᖃᐅᓯᖃᖅᑐᓂ ᓯᓚᒥᑦ ᐹᓐ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖓ ᐅᑲᓕᖅ ᐃᔨᑦᓯᐊᖅ ᐅᖃᓚᐅᖅᑐᖅ, “ᓯᓚᕐᔪᐊᕐᒥᑦ ᑲᑎᒻᒪᑕ ᐸᕐᓇᒋᐊᖃᓕᑦᑕᐅᑎᒋᓪᓗᑎᑦ ᐱᐅᔪᓂᒃ ᐱᒋᐊᕈᑎᖃᕐᓗᑎᑦ ᐃᓄᓐᓅᖓᔪᓂᒃ ᓯᓚ ᐊᓯᔾᔨᐸᓪᓕᐊᓕᕐᓂᖓᓐᓄᑦ ᐊᒻᒪᓗ ᑲᒪᒋᕆᐊᖃᓕᖅᑐᑎᒍ ᖃᓄᐃᒍᑕᐅᔪᑦ ᐱᔭᕆᐊᓕᕗᑦ ᒪᑭᒪᔾᔪᑎᒋᓇᓱᐊᕐᓗᑎᒍᓪᓗ ᐊᑐᕐᓗᒋᑦ ᐃᓄᐃᑦ ᖃᐅᔨᒪᓂᖏᑦ ᐅᑉᐱᕆᔭᖏᓪᓗ.”

ᐃᓄᐃᑦ ᑎᓴᒪᓃᓐᖔᖅᑐᑦ ᓄᓇᓕᕐᔪᐊᓂᑦ ᑲᑎᒪᒻᒥᔪᑦ ᑕᒫᓂ ᐱᓇᓱᐊᕈᓯᕐᒥ ᐋᑐᐋᒥ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ICC) ᓂᕐᔪᑎᓕᕆᓂᕐᒥᑦ ᐊᐅᓚᑦᑎᓂᕐᒧᑦ ᑲᑎᒪᓪᓗᑎᑦ, “ᐅᖃᐅᓯᖃᕆᐊᖃᓕᕋᑦᑕ ᓂᕿᔅᓴᖃᑦᑎᐊᖃᑦᑕᓂᕐᒥᑦ ᑎᒍᒥᐊᖏᓐᓇᕋᓱᐊᓕᕐᓗᑎᒍ. ᑭᓱᓂᑦ ᐱᔭᕆᐊᖃᖅᑯᑕ ᓯᓚᕐᔪᐊᒥ ᐱᓕᕆᖃᑎᒌᓐᓂᐊᕐᓗᑕ ᑕᒪᑐᒥᖓ ᓂᕐᔪᑎᓂᑦ ᐊᐅᓚᑦᑎᓂᕐᒥᑦ ᐅᑭᐅᖅᑕᖅᑐᒥ. ᑕᒪᓐᓇ ᒪᓕᑦᑐᖅ ᐅᑉᐱᕆᔭᐅᔪᓂᒃ ᐃᓄᐃᑦ ᐅᓪᓗᖓᓐᓂ” ᐅᖃᖅᑐᓂᓗ ᔭᐃᒻᔅ ᓯᑳᑦᔅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᓛᔅᑲᐅᑉ ᐊᖏᔪᖅᑳᖓ.

ᑲᑎᒪᖃᑕᐅᔪᑦ ᐃᓄᓐᓂᑦ ᐋᑐᔮᒥ ᓄᓇᓕᓐᓂ ᓂᕆᕕᔾᔪᐊᕐᓂᐊᖅᑐᑎᑦ ᓇᓪᓕᐅᓂᖅᓯᐅᕐᓗᑎᑦ ᐃᓄᐃᑦ ᐅᓪᓗᖓᓐᓂ ᓂᔾᔭᐅᓯᔭᕐᓂᒃᑦ, ᐃᓄᓕᑕᕐᓂᑦ ᓂᕆᓗᑎᑦ ᐃᓄᐃᑦ ᐱᓐᖑᐊᕈᑎᖏᓐᓂ ᐱᓐᖑᐊᖅᑎᑕᐅᓗᑎᑦ ᑐᓐᖓᓴᕝᕕᖓᓐᓂ ᐃᓄᐃᑦ.
ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ICC) ᑲᓛᖡᑦ ᓄᓈᓂ ᐊᖏᔪᖅᑲᖅ, ᕼᐊᔭᒪᕐ ᕼᓪ ᐅᖃᒃᑲᓐᓂᓚᐅᕐᒥᔪᖅ “ᐃᓄᐃᒡᒎ ᐱᔪᓐᓇᐅᑎᖏᑦ ᓇᓗᓇᐃᖅᑕᐅᓯᒪᑦᑎᐊᖅᑐᑦ ᓯᓚᕐᔪᐊᑉ ᑲᑐᔾᔨᖃᑎᒌᖏᓐᓄᑦ ᓇᓗᓇᐃᖅᑕᐅᓯᒪᓪᓗᑎᑦ ᓄᓇᖃᖅᑲᖅᑐᒥᓃᑦ ᐱᔪᓐᓇᐅᑎᖏᑦ ᐊᒻᒪᓗ ᐱᓕᕆᖃᑎᖃᐃᓐᓇᕐᓂᐊᖅᑐᑦ ᓄᓇᓕᕐᔪᐊᑎᓐᓂ ᐊᑐᓕᖅᑎᑦᑎᓇᓱᐊᕐᓗᑎᑦ ᑕᒪᑐᒥᖓ UNDRIP.”

ᓇᒥᑐᐃᓐᓈᕋᓗᐊᕈᕕᑦ ᓯᓚᕐᔪᐊᒥ ᐱᓕᕆᖃᑕᐅᒋᑦ ᐃᓄᐃᑦ ᐅᓪᓗᖓᓐᓂ ᓇᓪᓕᐅᓂᖅᓯᐅᖃᑕᐅᓗᑎᑦ ᐃᓄᐃᑦ ᐱᖅᑯᓯᖏᓐᓂ ᐊᔾᔨᐅᓐᖏᑦᑐᓂᑦ ᐃᓚᒋᔭᐅᓗᑎᓪᓗ ᐃᓄᓐᓂ ᖃᓄᐃᓘᖃᑦᑕᖅᓯᒪᓪᓗᑎᓪᓗ ᓄᓇᓕᓐᓄᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.