Press Releases

Documenting our Progress

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐊᐅᓚᑦᓯᔨᖏᑕ ᑲᑎᒪᔨᖏᑦ ᑲᑎᒪᓂᖃᖅᐳᑦ ᐱᐊᖢᒥ, ᐊᓛᔅᑲ

ᐋᒡᒌᓯ 20, 2015 – ᐱᐊᖢ, ᐊᓛᔅᑲ – ᐊᐅᓚᑦᓯᔩᑦ ᑲᑎᒪᔨᖏᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᑲᑎᒪᑎᑦᓯᔪᒥᓃᑦ ᐊᐅᓚᑦᓯᔩᑦ ᑲᑎᒪᔨᖏᑕ ᑲᑎᓂᖓᓂᒃ ᐱᐊᖢᒥ, ᐊᓛᔅᑲ ᐅᓪᓗᓂ ᐅᑯᓇᓂ 18 ᐊᒻᒪ19 ᐋᒡᒌᓯ 2015. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑭᒡᒐᖅᑐᐃᕙᑦᑐᑦ ᓄᓇᕐᔪᐊᒥ ᐱᔪᒪᔭᐅᔪᓂᑦ ᐅᖓᑖᓃᑦᑐᓄᑦ 160,000−ᓂᑦ ᐃᓄᖕᓄᑦ ᕋᓴᒥ (ᓱᑯᑦᑲ), ᒥᐊᓕᒐᐃ ᓄᓇᖓᓂ (ᐊᓛᔅᑲ), ᐅᑭᐅᖅᑕᖅᑐᒥ ᑲᓇᑕᒥ ᐊᒻᒪᓗ ᑲᓛᖡᑦ ᓄᓈ. ᐊᐅᓚᑦᓯᔩᑦ ᑲᑎᒪᔨᖏᑦ ᒫᓐᓇᐅᔪᒥ ᐃᒃᓯᕙᐅᑕᓖᑦ ᐅᑲᓕᖅ ᐃᔨᑦᓯᐊᒥ, ᐃᖃᓗᒻᒥᐅᖅ, ᓄᓇᕗᑦ, ᐃᒃᓯᕙᐅᑕᐅᕕᒋᓂᐊᕐᓗᒍ 2014 ᑎᑭᓪᓗᒍ 2018.

ᐊᐅᓚᑦᓯᔩᑦ ᑲᑎᒪᔨᖏᑦ ᐅᖃᖃᑎᒌᒍᑎᖃᖅᑐᒥᓃᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᐱᕙᓪᓕᐊᓂᕆᓯᒪᔭᖓᓂᒃ ᓯᕗᓪᓕᐅᑎᔭᖏᑦᑕᓗ ᒥᒃᓵᓐᓄᑦ ᐅᔾᔨᕆᓪᓗᓂᒋᑦ ᐱᕙᓪᓕᐊᔭᐅᓯᒪᔪᑦ ᐸᕐᓇᑕᐅᓯᒪᔪᓪᓗ ᑐᑭᒧᐊᒍᖑᑕᐅᓂᐊᖅᑎᓪᓗᒋᑦ ᐊᑐᓕᖅᑎᑦᓯᓂᐊᕐᓗᑎᒃ ᑎᓕᔭᐅᔾᔪᑎᒋᓯᒪᔭᕐᒥᓐᓂᒃ. ᑖᓐᓇ ᓯᑕᒪᓄᑦ−ᐊᕐᕌᒍᓄᑦ ᑎᓕᔭᐅᔾᔪᑕᐅᓯᒪᔪᖅ ᑎᓕᔭᐅᔾᔪᑎᒥᓂᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᓯᕗᓕᖅᑎᓂᒃ ᑲᑎᒪᖃᑎᖃᖅᑎᓪᓗᒋᑦ ᐃᓅᕕᒻᒥ ᓄᖑᐊᓂ 2014 ᐃᓄᐃᑦ ᐊᑐᓕᖅᑎᑕᐅᖁᓪᓗᒍ ᐊᑐᓕᖅᑕᒥᓂᖓᓂᒃ ᑭᑎᒑᕐᔪᐃᑦ ᐅᖃᐅᓯᕆᓯᒪᔭᖓᑦ ᐅᖃᐅᓯᖅᑕᖏᑕ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑐᑭᒧᐊᑦᑎᑕᐅᖃᓯᐅᑎᒋᕗᑦ ᒪᕐᕉᓐᓄᑦ ᐊᓯᖏᓐᓄᑦ ᐅᖃᐅᓯᖅᑕᓕᐊᖑᓯᒪᔫᓐᓄᑦ ᐊᑐᓕᖅᑕᒥᓂᖓᑦ ᐃᓚᐅᒍᑎᖃᕐᓂᕐᒥᒍᑦ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ, ᐅᑭᐅᖅᑕᖅᑐᒥᐅᖃᑎᒌᑦ ᐃᓄᐃᑦ ᐅᖃᐅᓯᒥᓂᖏᑦ ᓇᖕᒥᓂᖅᓱᕐᓂᐅᑉ ᒥᒃᓵᓄᑦ ᐅᑭᐅᖅᑕᖅᑐᒥ (2009) ᐅᖃᖅᓯᒪᔪᖅᑕᓕᒃ ᐊᐅᓚᑕᐅᓂᖓᑕ ᐱᓕᕆᖃᑎᒌᖕᓃᑦ ᐅᑭᐅᖅᑕᖅᑐᒥ ᐊᒻᒪᓗ ᐋᖅᑭᒋᐊᕐᓂᒥᓂᖓᑦ ᓄᓇᕐᔪᐊᒥ ᐊᐃᕙᖃᑎᒌᒍᑎᖃᕐᓂᐅᑉ ᐅᑭᐅᖅᑕᖅᑐᒥ, ᐃᓚᐅᑎᑦᓯᓯᖃᑦᑕᕆᐊᖃᕐᒪᑦ ᐃᓄᖕᓂᑦ. ᐊᒥᓱᖑᒪᓪᓕᐊᔪᓄᑦ ᓄᓇᕐᔪᐊᒥ ᑐᒃᓯᕋᕐᓂᕐᒧᑦ ᐅᑭᐅᖅᑕᖅᑐᒥ ᐅᔭᕋᕐᓂᐊᕐᓂᖅ ᐱᓪᓗᒍ, ᓯᓚᐅᑉ ᐊᐅᓚᑕᖏᑎᒍᑦ ᐆᒻᒪᖅᑯᑎᖃᕐᓃᑦ ᐊᒻᒪᓗ ᐆᒪᑎᓪᓗᒋᑦ ᑕᕆᐅᕐᒥᐅᑕᐃᑦ ᐊᑐᖅᑕᐅᒍᒪᓂᖏᑦ ᐊᑐᖅᑕᐅᕕᒋᒍᓐᓇᖅᑕᖏᑎᒍᑦ ᑲᔪᖏᕈᑕᐅᓯᒪᕗᑦ ᐃᓄᖕᓄᑦ ᐊᑐᓕᖅᑎᑦᓯᖃᓯᐅᑎᒍᒪᓂᕐᒥᒃ ᓄᑖᖑᓂᖅᐹᒥᒃ ᐅᑭᐅᖅᑕᖅᑐᒥᐅᓄᑦ ᐃᓄᓐᓄᑦ ᐅᖃᐅᓯᐅᓯᒪᔪᒥᒃ ᐊᑐᕈᓐᓇᖅᑐᑦ ᓄᓇᒥ ᐱᕙᓪᓕᐊᔭᐅᓂᖏᓐᓄᑦ ᐊᑐᐊᒐᒃᓴᓂᒃ ᐃᓄᐃᑦ ᓄᓈᓂ (2011) ᐊᑐᐊᒐᓕᐅᕈᒪᓪᓗᑎᒃ ᐊᑐᕈᓐᓇᖅᑐᑦ ᓄᓇᒥ ᐱᕙᓪᓕᐊᔭᐅᓂᖏᓐᓄᑦ ᐃᓄᖕᓂᑦ ᐱᖃᑕᐅᔪᖃᕐᓗᓂ ᐊᐅᓚᑦᓯᓂᕐᒥ, ᐊᐅᓚᑦᓂᖃᕐᓗᑎᒃ, ᐱᕙᓪᓕᐊᑎᑦᓯᓂᖃᖃᑕᐅᓗᑎᒃ, ᐅᕝᕙᓘᓐᓃᑦ ᐊᑐᖅᑕᐅᓂᖏᑦ ᐊᑐᕈᓐᓇᖅᑐᑦ ᓄᓇᒥ ᐅᑭᐅᖅᑕᖅᑐᒥ ᓄᓇᓕᐅᕕᐅᔪᓂ.

ᐅᖃᖃᑎᒌᖑᑕᐅᖃᓯᐅᑎᓯᒪᔪᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᐱᖃᑕᐅᕕᒌᓐᓇᖅᑕᖏᑦ ᐅᑭᐅᖅᑕᖅᑐᒥ ᑲᑎᒪᔨᓂ ᐊᒻᒪᓗ ᑲᑐᔾᔨᖃᑎᒌᑦᑐᓄᑦ ᓄᓇᓕᐅᖃᑎᒌᓄᑦ ᑎᒥᖁᑎᒋᔭᐅᔪᓂᐱᖃᑕᐅᖃᑦᑕᖅᑐᑦ ᐱᓕᕆᖃᑕᐅᓂᒃᑯᑦ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ ᐱᔪᓐᓇᐅᑎᒋᔭᐅᔪᓂ ᑖᒃᑯᐊᓗᑦᑕᐅᖅ ᐱᖓᓱᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑲᑎᒪᕕᒃᓴᒫᖏᑦ ᑲᔪᓯᑎᑕᐅᓗᑎᒃ ᑖᓐᓇ ᑎᓕᔭᐅᔾᔪᑕᐅᓯᒪᔪᖅ ᐱᓕᕆᔾᔪᑕᐅᓂᖓᓂ. ᐱᖓᓱᑦ ᑲᑎᒪᓂᐅᒍᒫᕐᓂᐊᖅᑐᑦ ᑲᑎᒪᔾᔪᑎᖃᕐᓗᑎᒃ ᐆᒪᔪᓂᒃ ᐊᐅᓚᑦᓯᓂᖅ, ᐃᓕᓐᓂᐊᖅᑐᓕᕆᓂᖅ ᐊᒻᒪᓗ ᑮᓇᐅᔭᓕᐅᕋᓱᐊᕈᑎᖃᕐᓂᒃᑯᑦ ᐱᕙᓪᓕᐊᓂᖅ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑲᑎᒪᔨᖏᑕ ᐊᐅᓚᑦᓯᔨᖏᑦ ᑐᙵᓱᑦᑎᑕᐅᑦᓯᐊᖅᐳᐅᑦ ᑖᒃᓱᒧᖓ ᓄᓇᓕᒻᒧᑦ ᐱᐊᖢᒧᑦ, ᐊᓛᔅᑲ. ᐱᐊᖢᒦᓐᓂᕐᒥᓐᓂ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑕᑯᔭᖅᑐᖅᑎᑕᒥᓃᑦ ᐋᔅᑯᕕᐅᓪᒧᑦ, ᐊᓛᔅᓴᒥ. ᑖᓐᓇ ᓄᓇᓕᕋᓛᖅ ᔫᑳᓐ ᑯᔅᑯᒃᕗᐃᒻ ᑎᐅᓪᑕᒥ ᓯᓚᑎᑦᓯᐊᖓᓃᑦᑐᖅ ᐱᐊᖢ. ᐋᔅᑯᕕᐅᓪ ᓂᕈᐊᖅᑕᐅᓯᒪᔪᖅ ᐃᓚᒋᔭᐅᖁᔭᐅᓪᓗᓂ ᖃᐅᔨᓴᕈᑕᐅᔪᒧᑦ ᐱᓕᕆᐊᒧᑦ ᑐᕚᖑᔪᕐᓗ ᐱᓕᕆᐊᒧᑦ ᐊᑕᖏᕐᓗᒍ ᐱᓇᓱᐊᕐᕕᖃᕐᓂᖅ ᖃᓄᐃᖏᑦᓯᐊᑲᓐᓂᖅᑐᒥᒃ, ᑲᔪᓯᓂᓕᒻᒥᒃ ᓱᕐᕋᐃᑦᑑᓪᓗᓂ ᓄᓇᓕᒃ ᐅᖃᖃᑎᒌᒍᑕᐅᖁᓪᓗᒋᑦ ᐊᒥᓱᑦ ᑐᙵᕕᒋᔭᐅᔪᑦ ᓱᕐᕋᐃᑑᑎᑦᓯᓂᕐᒧᑦ ᐱᖃᑕᐅᑎᑕᐅᑎᓪᓗᒋᑦ ᓄᓇᓕᒃ ᐱᓕᕆᖃᑎᒌᓐᓂᑯᓪᓗ ᓇᒻᒥᓂᖃᖃᑎᒌᖕᓂᒃᑯᑦ. ᑕᒪᓐᓇ ᐱᒋᐊᖅᑎᑦᓯᒐᔭᕐᒪᑦ ᓄᓇᓕᕐᔪᐊᓅᖓᔪᓂᒃ ᐱᔾᔪᓯᕐᒥᒃ ᓄᓇᓕᐅᑉ ᐱᕙᓪᓕᐊᔾᔪᑎᒃᓴᖓᓄᑦ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᐃᒃᓯᕙᐅᑕᖓ, ᐅᑲᓕᖅ ᐃᓕᑦᓯᐊ ᖁᔭᓕᕗᖅ ᐅᐱᖅᑲᓪᓗᓂᓗ ᑐᙵᓱᑦᑎᑕᐅᓂᕐᒥᒃ ᐊᖓᔪᖅᑳᒧᑦ ᐊᓕᐊᒃᓯ ᓂᑯᓚᐃ ᐊᖏᔪᑦᓯᕐᒧᑦ ᐊᒻᒪᓗ ᓄᓇᖅᑲᑎᖏᓐᓄᑦ. ᐃᔨᑦᓯᐊᖅ ᓯᕗᓂᖃᑦᓯᐊᖅᐳᖅ ᑲᔪᓯᕕᖃᕐᓂᐊᕆᐊᒃᓴᖅ ᐊᓛᔅᑲᒧᑦ ᐅᐸᒍᑎᖃᑦᑕᓂᐊᕐᓂᕐᒥᒃ ᐋᖕᑯᕆᑦᓯᒥ ᑲᑎᓯᖃᑦᑕᕐᕕᒋᓂᐊᖅᑕᒥᓂᒃ ᐊᔾᔨᒌᖏᑦᑐᓂᒃ ᑎᒥᖁᑎᐅᔪᓂᒃ ᑲᔪᙱᖅᓴᐃᒍᑎᒋᓗᒍ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᓯᕗᓪᓕᐅᑎᒍᒪᔭᖏᑦ ᐊᒻᒪᓗ ᓄᓇᓕᕐᔪᐊᒨᖓᔪᓂᒃ ᐱᕕᖃᕐᕕᑦᓴᐅᔪᓂᒃ.

ᑖᒃᑯᐊ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᐊᐅᓚᑦᓯᔨᖏᑦ ᑲᑎᒪᔩᑦ ᑭᖑᓪᓕᕐᒥ ᑲᑎᓛᖅᑐᑦ ᑲᓇᑕᒥ ᔮᓐᓄᐊᕆ 2016−ᖑᓕᖅᐸᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.