Press Releases

Documenting our Progress

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᖁᕕᐊᒋᔭᖃᖅᐳᑦ ᐊᑐᓕᖅᑎᑕᐅᓂᖓᓂᒃ ᕿᑎᖅᐸᓯᐊᓂ ᐅᑭᐅᖅᑕᖅᑐᒥ ᑕᕆᐅᒥ ᐃᖃᓗᓕᕆᓂᕐᒨᖓᔪᓂᒃ ᓄᖅᑲᖓᑎᑦᓯᓂᖅ

ᔪᓚᐃ 17, 2015 – ᐋᑐᐋ, ᐊᓐᑕᕆᐅ – ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᔪᖏᖅᓴᖅᑕᐅᒍᑎᖃᖅᐳᐅᑦ ᖃᐅᔨᒋᐊᒃᓴᖅ ᑖ ᒃᑯᐊ ᑕᓪᓕᒪᑦ ᐅᑭᐅᖅᑕᖅᑐᒥ ᓯᔾᔭᖏᑦ (ᑲᓇᑕ, ᕋᓴ, ᒥᐊᓕᒐᐃᑦ ᓄᓇᖓᑦ, ᑎᐊᓐᒫᒃ ᐊᒻᒪᓗ ᓄᐊᐅᐃ) ᐊᖏᖃᑎᒌᓐᓂᕐᒪᑕ ᐊᑎᓕᐅᕐᓂᐊᓂᕐᒥᒃ ᓄᖅᑲᖓᑎᑦᓯᓂᕐᒧᑦ ᑮᓇᐅᔭᓕᐅᕋᓱᐊᕈᑎᖃᕐᓗᓂ ᐃᖃᓗᓕᕆᓂᕐᒧᑦ ᕿᑎᖅᓯᐸᓯᐊᓂ ᐅᑭᐅᖅᑕᖅᑐᒥ ᑕᕆᐅᒥ. ᑖᓐᓇ ᐊᖏᖃᑎᒌᖑᑦ ᑎᑎᕋᖅᑕᒥᓂᖅ ᐊᕐᕌᓂ ᓄᒃᒥ, ᑲᓛᖡᑦ ᓄᓈᓂ, ᑭᓯᐊᓂ ᐊᑎᓕᐅᖅᑕᐅᓚᐅᖅᓯᒪᓐᓂᖏᑦᑐᖅ. ᐅᑲᓕᖅ ᐃᔨᑦᓯᐊ, ICC−ᑯᑦ ᐃᒃᓯᕙᐅᑕᖓᑦ ᐅᖃᖅᑐᒥᓂᖅ, “ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᐃᑲᔪᖅᑐᐃᔪᑦ ᐅᔾᔨᕈᓱᒋᐊᕐᓂᒃᑯᑦ ᐱᓇᓱᐊᕈᑕᐅᔪᒥᒃ ᐊᒻᒪᓗ ᑲᔪᖏᖅᓴᖅᑲᕗᑦ ᐊᓯᖏᑦ ᓄᓇᓖᑦ ᒪᓕᖁᓪᓗᒋᑦ ᑕᒪᒃᓱᒥᖓ ᓯᕗᓕᕈᑕᐅᔪᒥᒃ ᐊᑎᓕᐅᕐᓗᒍᓗ ᐊᖏᖃᑎᒌᒍᑦ”. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑭᒡᒐᑐᖅᑕᐅᖃᑦᑕᖅᓯᒪᒻᒪᑕ ᐅᖃᖃᑎᒌᒍᑕᐅᔪᓄᑦ ᑖᒃᑯᓄᖓ ᓯᔾᔭᓕᓐᓄᑦ ᓄᓇᓕᕐᔪᐊᓄᑦ ᐊᑐᐃᓐᓇᐅᑎᑦᓯᓐᓂᖅᓱᑎᓪᓗ ᐃᓄᐃᑦ ᐃᓱᒪᒋᔭᖏᓐᓂᑦ ᑕᒪᑐᒧᖓ ᐱᕙᓪᓕᐊᓂᐅᔪᒧᑦ.

ᐊᖏᖃᑎᒌᒍᑦ ᑐᒃᓯᕋᖅᑐᖅ ᓄᖅᑲᖓᑎᑦᓯᓂᕐᒥᒃ ᑮᓇᐅᔭᓕᐅᕋᓱᐊᕈᑎᒋᓗᒍ ᐃᑲᓗᓕᕆᓂᕐᒥᒃ ᓄᓇᕐᔪᐊᒥ ᐃᒪᕐᓂ ᑕᒫᓃᑦᑐᓂ ᑖᒃᑯᐊ ᑕᓪᓕᒪᑦ ᐅᑭᐅᖅᑕᖅᑐᒥ ᓯᔾᔭᓕᓐᓂ 200-ᒪᐃᓕᓂᑦ (320-ᑭᓛᒥᑕᐃᑦ) ᑭᓪᓕᖃᖅᑎᑕᐅᔪᑦ ᑮᓇᐅᔭᓕᐅᕋᓱᐊᕐᕕᒃᓴᐃᑦ ᑭᓪᓕᓕᐅᖅᑕᐅᓯᒪᔪᑦ ᓄᖅᑲᖓᑎᑕᐃᑦ ᖃᐅᔨᓴᖅᑕᐅᑲᓐᓂᓚᐅᖅᑎᓐᓇᒋᑦ ᐃᖃᓗᐃᑦ ᐊᒥᓲᓂᖏᑦ ᐊᒻᒪᓗ ᓴᖅᑭᖅᑎᑕᐅᖏᓐᓂᖓᓂ ᐃᑯᐱᕝᕕᓕᕆᓂᕐᒧᑦ ᐊᐅᓚᑦᓯᓂᕐᒧᑦ ᑲᒪᔨᐅᓂᖅ ᐱᖃᓯᐅᔾᔨᔪᑦ ᐃᓄᐃᑦ ᐱᖅᑯᓯᑐᖃᒃᑯᑦ ᖃᐅᔨᒪᓂᖓᓂᒃ, “ᓯᑯᖃᑦᑕᕈᓐᓃᕐᓂᖅ ᐊᒥᓱᓂ ᐊᕐᕌᒍᓂᒃ ᐊᒻᒪᓗ ᐊᑯᓂᐅᓂᖅᓴᖅ ᓯᒃᑯᒐᓱᐊᖃᑦᑕᓕᕐᓂᖅ ᖁᑦᓯᑦᑐᒥ ᐅᑭᐅᖅᑕᖅᑑᑉ ᐃᒪᖏᓐᓂ ᐱᔾᔪᑎᒋᓪᓗᒍ ᓯᓚᐅᑉ ᐊᓯᔾᔨᕐᓂᖓ ᑕᕝᕙᓂ ᓄᓇᒥ ᐱᕕᖃᕈᑕᐅᓕᖅᐸᓪᓕᐊᒪᑦ ᖃᐅᔨᒪᓇᙱᑦᑐᓄᑦ ᐅᒥᐊᕐᔪᐊᓄᑦ ᐊᒻᒪᓗ ᓱᕋᐃᒍᓐᓇᖅᓱᓂ ᐊᕙᑎᒥᒃ. ᐅᖃᙱᑦᑐᒍᑦ ᕿᐱᓗᓐᓂᕋᕐᓗᑕ ᑮᓇᐅᔭᓕᐅᕋᓱᖃᕈᑎᖃᕐᓂᕐᒥᒃ ᐃᖃᓗᓕᕆᓂᒃᑯᑦ ᖃᐅᔨᓴᑦᓯᐊᖔᕈᒪᕗᒍᓪᓕ, ᓈᓚᓪᓗᒋᑦ ᐃᓄᐃᑦ ᓈᒻᒪᓂᖅᐹᖅᑎᒍᓪᓗ ᖃᐅᔨᓴᖅᐸᓪᓗᑕ”, ᐅᖃᖅᑐᒥᓂᖅ ᔨᒥ ᓯᑦᑖᑦᔅ, ᐊᖓᔪᖅᑳᖅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᓐᓄᑦ (ᐊᓛᔅᑲ).

ᐊᖏᖃᑎᒌᒍᑦ ᐱᕕᖃᖅᑎᑦᓯᒐᔭᖏᑦᑐᖅ ᐅᒥᐊᕐᔪᐊᓂᑦ ᑖᒃᑯᓄᖓ ᑕᓪᓕᒪᓄᑦ ᓯᔾᔭᖏᓐᓄᑦ ᓄᓇᓕᕐᔪᐊᑦ ᐃᒫᖅᑎᑦᓯᖃᑦᑕᖁᓇᒋᑦ ᓄᓕᐊᒥᓐᓂᑦ ᑕᒫᓂ ᕿᑎᖅᓯᐸᓯᐊᓂ ᐅᑭᐅᖅᑕᖅᑐᒥ ᑕᕆᐅᒥ ᐃᖅᑲᓇᐃᖅᑕᐅᖏᓐᓂᓕᒫᖓᓂ ᑭᓪᓕᓯᓂᐊᖅᑕᐅᓂᕐᒧᑦ ᖃᐅᔨᓴᕐᓂᖅ ᐃᖃᓗᐃᑦ ᐊᒥᓲᓂᖏᓐᓂᒃ ᖃᓄᕐᓗ ᐃᑯᐱᕝᕕᓕᕆᓂᒃᑯᑦ ᐊᙳᑕᐅᖃᑦᑕᕈᓐᓇᕐᒪᖔᑕ. “ᖃᓄᐃᖏᓯᐊᖅᑐᑦ ᐊᒻᒪᓗ ᐊᒥᒐᖏᑦᑐᑦ ᐃᖃᓗᐃᑦ ᐱᔭᕆᐊᖃᓪᓚᕆᒻᒪᑕ ᐱᖅᑯᓯᕐᒧᑦ, ᓂᕿᑦᓯᐊᕙᐅᓂᖏᓐᓄᑦ ᐊᒻᒪᓗ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᑐᖅᑕᐅᑦᓯᐊᕐᓂᖏᑦ ᓄᓇᓕᓪᓚᑐᓄᑦ ᐃᓅᓯᕆᔭᐅᓪᓗᓂᓗ ᑕᒪᓐᓇ ᐃᓄᓐᓄᑦ ᐃᓅᓯᖃᕐᕕᐅᒻᒪᑦ ᑰᑦᑐᑦ ᒥᒃᓵᓐᓂ ᓯᔾᔭᓂᓗ. ᐃᓄᐃᑦ ᑐᙵᓱᑦᑎᑦᓯᒍᑎᒋᓚᐅᖅᑕᖓ ᑕᒪᓐᓇ ᐅᖃᐅᓯᐅᔪᖅ ᐱᖅᑯᓯᑐᖃᒃᑯᓪᓗ ᖃᐅᔨᒪᓂᖃᕐᒪᑕ ᑕᒪᒃᑯᐊ ᐃᖃᓗᐃᑦ ᒥᒃᓵᓐᓄᑦ ᐃᓐᓂᒥᒍᑎᒋᓇᒋᓪᓗ ᐊᓯᓄᑦ ᐱᔭᐅᑉᐸᑕ.” ᐅᖃᖅᑐᒥᓂᖅ ᑐᐊᐃᓐ ᓯᒥᔅ, ᐊᖓᔪᖅᑳᖓ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ (ᑲᓇᑕ.) ᐅᑭᐅᖅᑕᖅᑐᒥ ᓄᓇᓕᐅᔪᑦ ᓄᖅᑲᑎᑦᓯᒍᓐᓇᖏᒃᑲᓗᐊᑦᖅᑎᓪᓗᒋᑦ ᐅᒥᐊᕐᓂᑦ ᓴᐃᓇᒦᙶᖅᑐᒥᒃ, ᔭᐹᓐ, ᓂᒋᖅᐸᓯᐊᓂ ᑯᕇᔭᐅᑉ ᐊᒻᒪᓗ ᑕᕆᐅᑉ ᐊᑭᐊᓂ ᑲᑐᔾᔨᖃᑎᒌᒥᒃ ᐃᑎᖅᑎᑦᑕᐃᓕᓗᒋᑦ ᑕᒪᐅᖓ ᐅᑭᐅᖅᑕᖅᑐᒧᑦ ᓂᕆᐅᒍᑕᐅᕗᖅ ᐊᖏᖃᑎᒌᒍᑦ ᐊᑐᐊᕋᑦᓴᐅᓂᖓᓂ. “ᑕᒪᓐᓇ ᐱᒋᐊᕈᑕᐅᑦᓯᐊᖅᑑᒐᓗᐊᖅ ᒪᓕᒐᖅᑎᒍᑦ ᓇᕿᔾᔪᓯᖅᓯᒪᔪᒥᒃ ᓄᓇᕐᔪᐊᕐᒥ ᐊᖏᖃᑎᒌᒍᑎᖃᕆᐊᖃᖅᑐᒍᑦ.” ᐅᖃᖅᑐᒥᓂᖅ ᓯᒥᔅ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑲᑎᒪᑐᐃᓐᓇᖅᓱᑎᒃ ᑲᑎᒪᓂᖓᓂ ᐃᓅᕕᒻᒥ, ᓄᓇᑦᓯᐊᒥ ᐊᕐᕌᓂ ᐃᓄᐃᑦ ᓯᑕᒪᓃᙶᖅᓯᒪᔪᑦ ᓄᓇᓕᕐᔪᐊᓂ (ᑲᓇᑕ, ᑲᓛᖡᑦ ᓄᓈᑦ, ᓱᑯᑦᑲ ᐊᒻᒪᓗ ᐊᓛᔅᑲ) ᑭᑎᒑᔪᐃᑦ ᐅᖃᐅᓯᕆᓯᒪᔭᖓᑦ ᐅᖃᐅᓯᖅᑕᓕᒃ ᑐᒃᓯᕋᖅᓯᒪᒻᒪᑦ ᓄᖅᑲᖓᑎᑦᓯᓂᕐᒥᒃ ᑮᓇᐅᔭᓕᐅᕋᓱᐊᕈᑎᒋᓗᒍ ᐃᖃᓗᒐᓱᐊᕐᓂᕐᒥᒃ ᕿᑎᖅᐸᓯᐊᓂ ᐅᑭᐅᖅᑕᑑᑉ ᑕᕆᐅᖓᓂ ᐊᒻᒪᓗ ᑐᑭᒧᐊᒍᑕᐅᖁᓪᓗᒍ, “ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᓯᕗᓕᕐᓂᖓ ᓂᐱᖃᖅᑎᑦᓯᒍᑎᖓ ᖃᐅᔨᓴᑦᓯᐊᕐᓂᖅᑕᖃᕐᓗᓂ ᐱᓇᓱᐊᕈᑎᒃᓴᖅ ᓄᓇᕐᔪᐊᒥ ᐃᒪᐅᔪᓂ ᕿᑎᖅᐸᓯᐊᓂ ᐅᑭᐅᖅᑕᑑᑉ ᑕᕆᐅᖓᑕ ᐊᒻᒪᓗ ᐃᑲᔪᖅᑐᐃᓂᖓᑦ ᓄᖅᑲᖓᑎᑦᓯᓂᕐᒥᒃ ᐃᖃᓗᐃᑦ ᐊᒥᓲᓂᖏᑦ ᖃᐅᔨᓴᖅᑕᐅᑦᓯᐊᓚᐅᖏᓐᓂᖏᓐᓂ ᐊᒻᒪᓗ ᐃᑯᐱᕝᕕᓕᕆᓂᕐᒧᑦ ᐊᐅᓚᑦᓯᓂᐅᒐᔭᖅᑐᖅ ᐋᖅᑭᑦᑕᐅᖏᓐᓂᖓᓂ ᐱᖃᑕᐅᑎᑦᓯᔪᖅ ᐃᓚᐅᑎᑦᓯᔪᓪᓗ ᐃᓄᖕᓂᑦ”.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.