ᐃᓄᐃᑦ ᐃᓱᒪᒋᔭᖏᑦ ᐅᓂᒃᑳᒥᓃᑦ ᑮᓇᐅᔭᓕᐅᕋᓱᐊᖅᑏᑦ ᑲᓇᑕᒥ ᑲᑎᒪᑎᓪᓗᒋᑦ

ᑎᓯᐱᕆ 3, 2014 – ᑐᕌᓐᑐ, ᐋᓐᑎᐅᕆᔪ – ᑐᐊᐃᓐ ᓯᒥᔅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓃᖔᖅᑐᖅ ᖃᐃᖁᔭᐅᓯᒪᔪᒥᓂᖅ ᑮᓇᐅᔭᓕᐅᕋᓱᐊᖅᑎᓄᑦ ᖃᐅᔨᒪᓕᑕᕐᒧᑦ ᐅᓂᒃᑳᖁᔭᐅᓪᓗᓂ ᐃᓱᒪᒋᔭᖏᓐᓂᑦ ᐃᓄᐃᑦ ᓯᕗᓕᖅᑏᑦ ᑲᓇᑕᒥ ᑲᑎᒪᑎᑕᐅᑎᓪᓗᒋᑦ ᐅᓪᓗᒥ, ᑕᐃᔭᐅᔪᒥᒃ ᑲᓇᑕᒥ ᑲᑎᒪᓂᖅ: ᓴᒻᒥᓪᓗᓂᒋᑦ ᐊᐱᖅᑯᑕᐅᔪᑦ ᐱᒻᒪᕆᐅᑕᐅᔪᑦ.

ᑲᑎᒪᓂᕐᒥ ᐅᖃᖅᑎᐅᖃᑕᐅᔭᖅᑐᖅᓯᒪᔪᑦ ᐊᒻᒪᓗ ᐅᖃᕆᐊᖅᑐᖅᓯᒪᔪᑦ ᐅᑯᐊ ᐃᓚᒋᔭᐅᓪᓗᑎᒃ ᐊᓪᐴᑕᐅᑉ ᓯᕗᓕᖅᑎᖓ ᔨᒻ ᐳᕆᐊᓐᑎᔅ ᐊᒻᒪᓗ ᑮᓇᐅᔭᒃᑯᕕᓕᕆᔨᒃᑯᑦ ᑲᓇᑕᒥ ᒐᕙᓇᖓ ᓯᐊᑎᐊᕚᓐ ᐳᓗᔾ, ᐱᖃᑕᐅᒋᓪᓗᑎᑦᑕᐅᖅ ᐊᒥᓱᑦ ᑮᓇᐅᔭᒃᑯᕕᖕᓂ ᐃᖅᑲᓇᐃᔭᖅᑏᑦ, ᑮᓇᐅᔭᓕᐅᕋᓱᐊᖅᑏᑦ, ᐊᒻᒪᓗ ᐊᖓᔪᖅᑳᑦ ᐊᐅᓚᑦᓯᔩᑦ ᐅᖃᐅᓯᓕᒥᓃᑦ ᐃᓱᒫᓘᑕᐅᔪᓂᒃ ᓲᕐᓗ ᓄᓇᕐᔪᐊᒥ ᑮᓇᐅᔭᒃᑯᕕᓕᕆᓂᕐᒧᑦ, ᐆᒻᒪᖅᑯᑎᓕᕆᓂᕐᒧᑦ ᐊᒻᒪᓗ ᐱᔪᓐᓇᕐᕕᖃᖅᑎᑦᓯᔪᑦ ᐃᑲᔪᖅᑐᐃᓂᒃᑯᑦ ᐃᓱᒪᒋᔭᐅᔪᓂᑦ.

ᓯᒥᔅ ᐃᓚᓕᐅᑎᓪᓗᓂ ᐅᖃᖅᑎᓄᑦ ᑕᐃᔭᐅᔪᓄᑦ “ᑲᓇᑕ ᐊᒻᒪᓗ ᐅᑭᐅᖅᑕᖅᑐᒥ ᑲᑎᒪᔩᑦ” ᑖᒃᓱᒧᖓ ᑐᕌᓐᑐᒥ ᒪᐃᔭᐅᓚᐅᕐᓂᑯᒧᑦ ᐊᒻᒪᓗ ᒫᓐᓇᐅᔪᒥ ᐊᖓᔪᖅᑳᒻᒪᕆᒃ ᐆᒪᔪᓕᕆᔨᕐᔪᐊᒃᑯᑦ ᓄᓇᕐᔪᐊᒥ ᑮᓇᐅᔭᖃᖅᑎᑦᓯᔨᖏᓐᓄᑦ ᑲᓇᑕᒥ, ᑕᐃᕕᑦ ᒥᓗ, ᐊᒻᒪᓗ ᑑᓂ ᒐᖢᕆ, ᐊᖓᔪᖅᑳᖅ ᐊᐅᓚᑦᓯᔨ ᑕ ᐱᐅᒃᑯᓐᓄᑦ ᑲᓇᑕᒥ.

ᐅᖃᓕᒪᔨᐅᓪᓗᑎᒃ ᑕᒪᒃᑮᓐᓄᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ ᑲᓇᑕᒥ ᐊᖓᔪᖅᑳᖅ, ᐊᒻᒪᓗ ᑐᒡᓕᐊ ᐃᒃᓯᕙᐅᑕᐅᓂᕐᒧᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ, ᓯᒥᔅ ᐊᒥᖅᑲᐅᑎᓕᒥᓂᖅ ᐃᓄᐃᑦ ᑐᑭᓯᐊᓂᖏᑕ ᒥᒃᓵᓐᓄᑦ ᒪᓕᓪᓗᒋᑦ ᐊᐱᖅᑯᑕᐅᔪᑦ ᐊᐅᓚᑦᓯᔨᒧᑦ ᑲᑎᒪᔪᓂ ᐊᒻᒪᓗ ᑲᓇᑕᒥ ᑎᑎᕋᖅᑎᐅᑉ ᑕᒪᑐᒧᖓ ᑮᓇᐅᔭᓕᐅᕋᓱᐊᕐᓂᕐᒨᖓᔪᓄᑦ ᑲᒪᔨᐅᑉ ᒫᑕᓚᐃᓐ ᑐᕉᕼᐊᓐ. ᒥᑦᓴᐅᓴᕐᓗᒍ ᒐᖢᕆᐅᑉ ᐃᓱᒪᒋᔭᖓ ᐅᑭᐅᖅᑕᖅᑐᖅ “ᑭᖑᓪᓕᖅᐹᖑᓪᓗᓂ ᓄᓇᕐᔪᐊᒥ ᑭᓪᓕᒋᔭᒥᓂᐅᒻᒪᑦ”, ᓯᒥᔅ ᐅᖃᖅᑐᒥᓂᖅ ᐅᑭᐅᖅᑕᖅᑐᖅ ᓇᓗᓇᐃᖅᑕᐅᑦᓯᐊᖃᑦᑕᕐᓂᕆᐊᖓ ᐆᒻᒪᕆᑦᑑᓪᓗᓂ ᓄᓇ ᐃᓅᓯᓕᓐᓂᒃ ᐃᓄᓕᒃ ᐊᒻᒪᓗ, ᓇᓗᓇᖏᒍᑎᒋᒃᑲᓂᖅᑕᖓ, “ᓄᓇ ᐃᓄᐃᑦ ᐃᓅᓯᖃᕐᕕᖓ 40−ᐳᓴᖑᓪᓗᖑ ᑲᓇᑕᒥ ᓄᓇ ᐊᖏᓂᖓ.”

ᑕᒪᒃᑮᒃ ᓯᒥᔅᑯᒃ ᐊᒻᒪᓗ ᑕᐃᕕᑦ ᒥᓗᒃᑯᒃ ᐅᖃᖅᑐᒥᓃᒃ ᑖᒃᑯᐊ ᑕ ᐱᐅᔅᑯᑦ ᒫᓐᓇᐅᓕᖅᑐᖅ ᑕᑯᑦᓴᐅᑎᑦᓯᓯᒪᓕᕐᒪᑕ ᐊᒥᓱᑎᒍᑦ ᓄᓇᓕᐅᖃᑎᒌᓂᒃ ᐅᑭᐅᖅᑕᖅᑐᒥ ᑭᓯᐊᓂ “ᐃᓕᒋᐊᖃᖅᓯᒪᔪᑦ ᐱᔭᕆᐊᑐᔪᒃᑯᑦ”, ᐃᓚᓯᔪᒥᓂᖅ ᐅᖃᐅᓯᕐᒥᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᑲᓇᑕᒥ ᐊᖓᔪᖅᑳᖓ.

ᑭᐅᒍᑎᒋᓪᓗᒍ ᐊᔪᐃᓐᓇᓂᖅᓴᓂᒃ ᐊᑐᐊᒐᖅᑕᖃᕆᐊᖃᕆᐊᖓ ᐅᑭᐅᖅᑕᖅᑐᒧᑦ ᐱᕙᓪᓕᐊᔭᐅᓗᑎᒃ ᑖᒃᑯᓄᖓ ᐆᒪᔪᓕᕆᔨᕐᔪᐊᒃᑯᑦ ᓄᓇᕐᔪᐊᒥ ᑮᓇᐅᔭᖃᖅᑎᑦᓯᔨᖏᓐᓄᑦ ᑲᓇᑕᒥ ᑎᒥᐅᔪᒧᑦ, ᐊᒻᒪᓗ ᐃᓄᐃᓴᓐᓂᖅᓴᓂᒃ ᐊᑐᐊᒐᖃᖁᔨᑎᓪᓗᒋᑦ ᑕ ᐱᐅᒃᑯᑦ ᐊᖓᔪᖅᑲᒻᒪᕆᖓ, ᑐᐊᐃᓐ ᓯᒥᔅ ᐅᖃᐅᓯᖃᕆᐊᒃᑲᓂᖅᑐᒥᓂᖅ ᐱᒻᒪᕆᐅᓂᖓᓂᒃ ᒪᓕᑦᓯᐊᕐᓗᒋᑦ ᐊᑐᖅᑕᐅᖃᑦᑕᖅᑐᑦ ᐊᑐᐊᒐᐃ ᐊᒻᒪᓗ ᒪᓕᒐᖅᑎᒍᑦ ᐊᑐᐊᒐᐃ ᐋᖅᑭᓱᖅᑕᐅᒪᒌᖅᑐᑦ. “ᖃᐅᔨᒪᒋᐊᑦᓯᐊᕆᐊᖃᖅᑐᒍᑦ ᐊᑐᐊᒐᐃᑦ ᒥᑦᓯᖃᑦᓯᐊᕋᓗᐊᕐᒪᖔᑕ, ᐃᓚᖏᑦ ᐊᑐᕈᓐᓇᖅᑐᓄᑦ ᑲᒻᐸᓂᐅᔪᑦ ᑐᒃᓯᕋᖅᑕᖏᑦ, ᑭᓯᐊᓂ ᐱᒻᒪᕆᐅᒃᑲᓂᕐᓂᖅᓴᐅᕗᖅ ᖃᐅᔨᒪᒋᐊᑦᓯᐊᑲᓐᓂᕐᓗᒋᑦ ᐊᑐᖅᑐᖅ ᐋᖅᑭᓱᖅᑕᐅᓯᒪᔪᑦ, ᓲᕐᓗ ᐊᐅᓚᑦᓯᖃᑎᒌᖕᓂᖅ ᐊᑐᖅᑕᐅᖏᓐᓇᕐᓗᓂ ᓴᙱᑦᓯᒋᐊᖅᑕᐅᓗᓂᓗ,” ᐅᖃᐅᓯᕆᓪᓗᒍ ᐃᓚᓕᐅᑎᑦᓯᒍ.

ᑕᐃᕕᑦ ᒥᓗ ᐅᐱᒋᔭᓕᒥᓂᖅ ᑲᓇᑕᒥᒃ ᐃᓱᒪᒋᔭᖃᕐᓂᕐᒪᑦ 1996−ᖑᑎᓪᓗᒍ, ᑖᒃᑯᐊ ᐅᑭᐅᖅᑕᖅᑐᒥ ᑲᑎᒪᔩᑦ ᐱᒋᐊᖅᑎᑕᐅᕕᒥᓂᖓᓂᑦ, ᐊᖏᖃᑎᖃᖅᓱᑎᒃ ᓄᓇᕐᔪᐊᒥ ᓄᓇᖃᖅᑳᖅᓯᒪᔪᓄᑦ’ ᑎᒥᐅᔪᑦ ᑕᒪᑐᒧᖓ ᑐᕌᖅᑐᒥᒃ ᐊᒻᒪᓗ ᑐᑭᓕᒻᒥᒃ ᐱᓇᓱᐊᒐᖃᕐᓂᖏᑦ ᑖᒃᑯᓂᖓ ᓄᓇᓕᔾᔪᐊᓂᒃ ᐱᓕᕆᖃᑎᖃᖅᓱᑎᒃ ᐅᑭᐅᖅᑕᑐᒥ ᑲᑎᒪᔩᑦ, ᐃᓚᖓᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑖᓐᓇᐅᓪᓗᓂ ᐊᕐᕕᓂᓕᕆᔭᖅ.

ᑭᐅᒍᑎᒋᓗᒍ ᐊᐱᖅᑯᑎ ᐅᑭᐅᖅᑕᖅᑐᒥ ᓇᖕᒥᓂᖅᓱᕐᓂᖅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᑲᓇᑕᒥ ᐊᖓᔪᖅᑳᖓᑦ ᐃᖅᑲᐃᑎᑦᓯᔪᒥᓂᖅ ᐅᐸᒍᑎᓯᒪᔪᓂᒃ ᓇᖕᒥᓂᖅᓱᕐᓂᖅ ᐃᓄᖕᓄᑦ ᐱᖃᓯᐅᑎᓯᒪᓂᖓᓂᒃ ᐆᑦᑑᑎᒃᑰᖅᓯᒪᔪᓂᑦ ᑕᒪᒃᑯᓂᖓ ᓂᐅᕕᐊᖑᖃᑦᑕᖅᓯᒪᔪᓂᒃ ᓯᑯᓯᐅᑎᓂᒃ ᐅᒥᐊᕐᔪᐊᓂᒃ, ᓲᕐᓗ ᓂᕿᒥᒃ ᐊᔪᖅᓴᖏᓐᓂᕐᒥᒃ ᐊᒻᒪᓗ ᐃᓅᓇᓱᐊᕐᓂᒃᑯᑦ ᖃᓄᐃᖏᑦᓯᐊᓂᕐᒥᒃ.

ᓯᒥᔅ ᐅᖃᖅᑐᒥᓂᖅ ᑭᖒᒪᔭᐅᔪᒥᒃ ᑕᑯᔪᒥᓂᖅ 2011−ᖑᑎᓪᓗᒍ ᐃᓄᖕᓄᑦ ᓯᕗᓕᖅᑎᓄᑦ ᑲᓛᖡᑦ ᓄᓈᓃᙶᖅᓯᒪᔪᓂᒃ, ᐊᓛᔅᑲᒥᒃ, ᕋᓴᒥᒃ, ᐊᒻᒪᓗ ᑲᓇᑕᒥᒃ ᐋᖅᑭᑦᓱᐃᖁᓪᓗᒋᑦ ᑲᑐᔾᔨᖃᑎᒌᒍᑕᐅᔪᒥᒃ ᐊᖅᑯᓯᐅᕈᔾᔨᓂᕐᒥᒃ ᑕᒪᒃᑯᓄᖓ ᐅᖃᐅᓯᐅᓯᒪᔪᓄᑦ ᐊᒻᒪᓗ ᐋᖅᑭᑦᓲᔾᔨᓗᑎᒃ ᐃᓄᖕᓄᑦ ᓯᕗᓕᖅᑎᓄᑦ ᑲᑎᒪᓂᒃᓴᒥᒃ ᐱᓪᓗᒋᑦ ᐊᑐᕈᓐᓇᖅᑐᑎᒍᑦ ᐱᕙᓪᓕᐊᑎᑦᓯᓂᕐᒥᒃ. ᓄᖅᑲᐅᓯᕈᑎᖃᖅᑐᒥᓂᖅ ᖃᐃᖁᔨᓪᓗᓂ ᑕᐃᒃᑯᓂᖓ ᑐᑭᓯᒍᒪᓂᖃᖅᑐᓂᒃ “ᓇᖕᒥᓂᖅ ᐃᓘᓪᓗᑕ ᐊᑐᐊᒐᑦᑎᓐᓂᒃ ᐱᔾᔪᑎᓕᓐᓂᒃ ᐱᕙᓪᓕᐊᓂᕐᒥᒃ” ᖃᐅᔨᒋᐊᕐᕕᒋᓗᒋᑦ ᒪᓕᑦᑐᑦ 2011−ᖑᑎᓪᓗᒍ ᐅᑭᐅᖅᑕᖅᑐᒧᑦ ᐊᖏᕈᑕᐅᓯᒪᔪᓂᒃ ᐊᑐᕈᓐᓇᖅᑐᓂ ᐱᕙᓪᓕᐊᑎᑦᓯᓂᕐᒧᑦ ᐊᑐᐊᒐᕐᓂᑦ ᐃᓄᐃᑦ ᓄᓈᓂ, ᐃᒪᐃᑦᑐᒥᒃ, “ᓇᓗᓇᖏᓚᖅ ᐱᕙᓪᓕᐊᑎᑦᓯᓂᕐᒧᑦ ᓇᒻᒥᓂᖃᖃᑎᖃᕈᒪᓂᕗᑦ, ᑭᓯᐊᓂ ᐊᑐᖅᑕᐅᖁᔭᕗᑦ ᐊᑐᖅᑕᐅᓗᑎᒃ ᐊᒻᒪᓗ ᓈᒻᒪᑐᑰᖅᑎᑕᐅᓗᑎᒃ ᐃᖏᕐᕋᑎᑕᐅᓂᖏᑦ.”