Press Releases

Documenting our Progress

ᐃᓄᐃᑦ ᐱᔪᒪᓕᖅᓯᒪᓂᖓ ᓴᙱᔪᒥᒃ ᓄᓇᕐᔪᐊᒥ ᐃᑲᔪᖅᑕᐅᓂᕐᒧᑦ ᐊᒥᓱᓂᒃ ᑲᑐᔾᔨᖃᑎᒌᑦᑐᓄᑦ ᓄᓇᓕᐅᖃᑎᒌᓄᑦ ᓄᓇᖃᖅᑳᖅᓯᒪᔪᓂ ᐃᓄᖕᓂᑦ ᑲᑎᒪᑎᑦᓯᓂᖓᒍᑦ; ᖁᓅᒻᒥᖅᓱᑎᒃ ᐊᖏᖃᑎᐊᙱᑦᑐᓄᑦ ᓂᐱᓄᑦ ᑐᓴᖅᑕᒥᓐᓄᑦ ᑲᓇᑕᒃᑯᑦ ᒐᕙᒪᒃᑯᖏᓐᓂᒃ

ᓯᑎᐱᕆ 25, 2014 – ᓂᐅ ᔪᐊᒃ, ᓂᐅ ᔪᐊᒃ – ᑖᓐᓇ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐱᔪᑦᓴᐅᔮᕐᓂᕐᒥᓐᓂᒃ ᐅᖅᑲᕆᑦᓴᐅᑎᖃᑲᐃᓐᓇᖅᐳᑦ ᐅᓪᓗᒥ ᑭᖑᓂᖓᒍᑦ ᑎᑎᕋᖅᓯᒪᔪᖅ ᐱᓪᓗᒍ ᓄᓇᕐᔪᐊᒥ ᑲᑎᒪᓂᐅᔪᒥ ᐃᓄᐃᑦ ᓄᓇᖃᖅᑳᖅᓯᒪᔪᑦᑕ ᐱᓪᓗᒋᑦ, ᖁᑦᓯᑦᑐᒦᑦᑐᖅ ᑲᑐᔾᔨᖃᑎᒌᑦᑐᓄᑦ ᓄᓇᓕᐅᖃᑎᒌᓄᑦ ᐃᓱᓕᓚᐅᖅᑐᒥ ᐃᒃᐸᒃᓴᖅ ᓂᐅ ᔪᐊᒃᒥ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᑲᓇᑕᒥ ᐊᖓᔪᖅᑳᖓ, ᑐᐊᐃᓐ ᓂᖓᖅᓯᖅ ᓯᒥᔅ, ᐅᖃᖅᑐᒥᓂᖅ ᖁᕕᐊᓱᓪᓚᕆᒋᐊᒃᓴᖅ ᑕᖅᑭᒐᓚᓐᓂᑦ ᐅᖃᖃᑎᒌᒍᑕᐅᓯᒪᓕᖅᑎᓪᓗᒍ ᐊᒻᒪᓗ ᐊᒃᓱᕈᕐᓇᖅᑐᑦ ᐋᔩᖃᑎᒌᖕᓃᑦ, ᓄᓇᕐᔪᐊᒥ ᓯᕗᓕᖅᑏᑦ ᐊᒻᒪᓗ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐅᐸᒍᑎᓯᒪᓐᓂᕐᒪᑕ ᐊᖏᑲᑎᒌᒍᑕᐅᓪᓗᓂ ᑲᑐᔾᔨᖃᑎᒌᑦᑐᓄᑦ ᓄᓇᓕᐅᖃᑎᒌᓄᑦ ᑲᑎᒪᓂᖃᖅᑎᓪᓗᒋ ᖃᓄᖅ ᓈᒻᒪᓂᖅᐸᐳᒍᓐᓇᕐᒪᖔᖅ “ᐋᖅᑭᓱᖅᑕᐅᑎᓪᓗᒍ ᑲᑐᔾᔨᖃᑎᒌᑦᑐᓄᑦ ᓄᓇᓕᐅᖃᑎᒌᓄᑦ ᓇᓗᓇᐃᖅᓯᒍᑎᖓᑦ ᐱᔪᓐᓇᐅᑎᖏᑕ ᓄᓇᖃᖅᑳᖅᓯᒪᔪᑦ ᐃᓄᐃᑦ ᑲᓇᑕᒥ, ᖃᓄᕐᓗ ᐊᑐᓕᖅᐸᓕᐊᒍᓐᓇᕐᒪᖔᒋᑦ”.

ᒥᔅᑕ ᓯᒥᔅ, ᑭᓯᐊᓂᓕ, ᓂᐸᐃᖅᑎᑦᓯᓯᒪᒻᒪᑦ ᐱᔪᑦᓴᐅᔮᕐᓂᕆᔭᓐᓂᒃ ᐊᐱᕆᔭᐅᒐᒥ ᑲᓇᑕᒥ ᒐᕙᒪᐅᑉ ᑖᒃᑯᑑᓗᑎᒃ ᑭᖑᓂᖓᒍᑦ ᑎᑎᕋᖅᑕᐅᓯᒪᔪᖅ. “ᐄ, ᑕᒪᐅᖔᑐᐃᓐᓈᓇᖅᑐᖅ”, ᐅᖃᖅᑐᒥᓂᖅ. “ᑐᑭᓯᑦᓯᐊᖏᓐᓇᒃᑯᑦ ᖃᓄᖅ ᐱᓇᓱᐊᕐᒪᖔᖅ ᒐᕙᒪᕗᑦ ᐃᓚᓕᐅᑎᑎᑕᐅᒐᓱᐊᕐᓂᖓ ᒪᑭᒪᖃᑕᐅᑎᑦᓯᓗᓂ ᑲᑐᔾᔨᖃᑎᒌᑦᑐᓄᑦ ᓄᓇᓕᐅᖃᑎᒌᓄᑦ ᑲᑎᒪᓂᖏᓐᓂ ᖁᕕᐊᓲᑕᐅᔪᑦᓴᑐᐃᓐᓇᐅᑎᓪᓗᒍ ᐃᓘᓐᓇᐃᓐᓄᑦ, ᐊᒻᒪᓗ ᖃᓄᐃᓕᐅᕐᓂᒥᓂᖓᑦ”. ᐊᐃᑉᐸᖓᑕ ᐃᓱᒫᓘᑕᐅᔫᑉ, ᐊᓯᖏᓪᓗᓂᐅᒃ ᐃᓱᒫᓘᑕᐅᔪᖅ, ᐅᖃᐅᓯᒥᓂᖅ ᕼᐅᓕ ᓰᒨᑦ.

ᑲᓇᑕᒥ ᒐᕙᒪᖏᑕ ᐊᖓᔪᖅᑲᐅᑎᖏᓐᓄᑦ ᐊᖏᖃᑕᐅᓐᓂᖏᑦᑐᖅ ᐱᓇᓱᐊᕈᑕᐅᒍᒪᔪᑦ ᐊᒻᒪᓗ ᓇᓗᓇᐃᔭᖅᓯᒪᓂᖏᑕ ᑖᒃᓱᒪ ᑭᖑᓂᖓᓂ ᑲᑎᒪᓂᐅᑉ ᑎᑎᕋᖅᑕᐅᓯᒪᔫᑉ, ᓇᓗᓇᐃᕆᐊᖅᓯᒪᔪᖅᑕᖃᖅᓱᓂ ᐅᖃᐅᓯᐅᓯᒪᔪᖅ ᐃᓚᖏᓐᓂᒃ ᐃᓗᓕᖃᖅᓱᓂ ᒪᑐᒥᖓ “ᐋᖅᑭᑦᑕᐅᓯᒪᒍᓐᓇᖏᑦᑐᖅ ᑲᓇᑕᒥ ᒪᓕᒐᕐᒧᑦ”. ᑲᓇᑕ ᑖᓐᓇᑑᓪᓗᓂ ᓇᖏᕈᑎᒋᓪᓗᒍ ᓇᓗᓇᐃᖅᓯᒍᑎᖏᓐᓂ ᓇᓗᓇᖏᑦᑐᓂᒃ ᑎᑎᕋᖅᑕᐅᒍᑎᖃᖅᓯᒪᔪᑦ ᐊᖏᖃᑎᒌᒍᑕᐅᓯᒪᓂᖓᓂᒃ ᐅᖃᐅᓯᖅᑕᐅᑉ ᐊᑭᖃᖏᑦᑐᖅ, ᓯᕗᓪᓕᐅᔾᔨᔪᖅ ᐊᒻᒪᓗ ᓇᓗᓇᐃᖅᓯᒍᑕᐅᓯᒪᓪᓗᓂ ᐊᖏᖅᑕᐅᓯᒪᔪᖅ, ᐃᒪᐃᑦᑐᖅ ᒪᓕᓪᓗᒍ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓄᓇᓕᐅᖃᑎᒌᓄᑦ ᓄᓇᕐᔪᐊᒥ ᐃᒃᓯᕙᐅᑕᕆᔭᐅᔫᑉ, ᐅᑲᓕᖅ ᐃᔨᑦᓯᐊᑉ, “ᒐᕙᒪᒃᑯᑦ ᑐᑭᓕᐅᕆᕙᒻᒪᑕ ᕿᐱᓗᐊᓂᖃᖅᑐᒥᒃ, ᓄᓇᕐᔪᐊᓕᒫᒥ ᒪᓕᖓᖅᑎᒍᑦ ᐊᑐᐊᒐᖃᙱᑦᑐᓂᑦ. ᓄᐊᑦᓯᔫᔮᕐᒪᑕ ᑕᕝᕙᓂᓗ ᑲᑐᔾᔨᖃᑎᒌᑦᑐᓄᑦ ᓄᓇᓕᐅᖃᑎᒌᓄᑦ ᐅᖃᐅᓯᐅᓯᒪᔪᓂᒃ ᓴᐳᓐᓂᐊᕈᑎᒋᓪᓗᒍ ᑕᒪᓐᓴ ᑲᔪᓰᓐᓇᖅᑐᖅ ᓄᖅᑲᖓᑎᑕᐅᑐᐃᓐᓇᖅᑐᑦ ᑖᒃᓱᒪ ᐊᑐᖅᑕᐅᓯᒪᔪᓂᑦ ᐅᖃᐅᓯᖃᖅᓯᒪᔪᑦ ᓴᙱᔪᒥᒃ ᐃᑲᔪᖅᑐᐃᔪᖅ ᑕᒪᑐᒧᖓ, ᐃᑲᔪᖅᑐᖅᑕᐅᓪᓗᓂᓗ, ᐃᓄᖕᓄᑦ ᐊᓯᖏᓐᓄᓪᓗ ᓄᓇᖃᖅᑳᖅᓯᒪᔪᓄᑦ ᐃᓄᖕᓄᑦ”.

ᑖᓐᓇ ᑲᑐᔾᔨᖃᑎᒌᑦᑐᓄᑦ ᓄᓇᓕᐅᖃᑎᒌᓄᑦ ᐅᖃᐅᓯᐅᓯᒪᔪᑦ ᐱᔪᓐᓇᐅᑎᖏᑕ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐊᕐᕌᒎᓂ 24−ᓂᒃ ᐋᔩᖃᑎᒌᒍᑕᐅᓯᒪᔪᖅ, ᑲᓇᑕᐅᑉ ᐃᑲᔪᖅᑐᕋᔪᑦᑕᖓ ᐊᑐᓕᖅᑎᑕᐅᓚᐅᖅᓯᒪᔪᖅ 2007−ᒥ, ᐃᑲᔪᖅᑐᐃᓯᑲᓪᓚᒻᒪᑕ ᓴᙱᓈᖅᑐᒥᒃ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑲᓛᖡᑦ ᓄᓈᑕ ᐊᖓᔪᖅᑳᖓ, ᔭᓪᒫᕐ ᑖᓪ, ᐱᖃᑕᐅᖃᑦᑕᖅᑐᒥᓂᖅ ᑕᐃᒃᑯᓇᓂ ᐊᕐᕋᒍᓂ ᐋᔩᖃᑎᒌᖃᑦᑕᕈᑕᐅᓕᕋᑖᖅᑎᓪᓗᒍ ᐅᖃᖅᑐᒥᓂᖅ, “ᓇᓗᓇᐃᖅᓯᒪᑦᓯᐊᖅᑐᑦ ᐊᖏᕈᑕᐅᔪᑦ ᐱᔭᕆᐊᖃᓪᓚᕆᑉᐳᖅ ᐊᓐᓇᐅᒪᒍᑎᑦᓴᖓᑦ ᓄᓇᖃᖅᑳᖅᓯᒪᔪᑦ ᑕᒪᓐᓇᓗ ᐋᔩᖃᑎᒌᒍᑎᒋᑐᐃᓐᓇᕆᐊᖃᕈᓐᓃᕋᑦᑎᒍ.”

ᑲᖔᕈᑎᖃᓕᕋᓗᐊᖅᓱᓂ ᐃᑎᔪᒥᒃ ᑲᓇᑕᐅᑉ ᖃᓄᐃᓕᖓᓕᕐᓂᖓᓂᒃ, ᓯᒥᔅ ᐊᖏᖃᑎᓕᒥᓂᖅ ᐃᔨᑦᓯᐊᕐᒥᒃ ᐅᖃᖅᑐᒥᓂᕐᒥᒃ ᐃᒫᒃ, “ᐅᓪᓗᒥ ᖁᕕᐊᓲᑎᒋᕙᕗᑦ ᑲᔪᓯᑎᑕᕗᑦ ᐊᓂᒍᖅᑎᓯᒪᔭᕗᑦ ᓄᓇᕐᔪᐊᒥ ᐅᓪᓗᒥ ᐊᒻᒪᓗ ᓴᐃᓕᒍᑕᐅᓕᖅᓱᑎᒃ ᓄᓇᕐᔪᐊᖅ ᓯᕗᒧᐊᑦᑎᑦᓯᓯᒪᓪᓚᕆᒻᒪᑦ ᐱᓕᕆᐊᕆᓯᒪᔭᖏᓐᓂᑦ ᑖᒃᑯᐊ ᑲᑐᔾᔨᖃᑎᒌᑦᑐᓄᑦ ᓄᓇᓕᐅᖃᑎᒌᓄᑦ ᐅᖃᐅᓯᐅᓯᒪᔪᑦ. ᐃᓄᐃᑦ, ᑕᐃᒪᖓᓕᒫᖅ, ᑐᓂᓯᒪᓂᖃᕐᒪᑕ ᐱᓕᕆᖃᑕᐅᓂᕐᒧᑦ ᐃᖅᑲᒋᔭᐅᔪᓄᑦ ᒐᕙᒪᓄᑦ, ᐱᖃᓯᐅᑎᑦᓱᒍ ᑲᓇᑕ ᐅᖃᐅᓯᐅᓯᒪᔪᑦ ᐊᑑᑎᖃᖅᑎᓪᓗᒋᑦ ᐃᓄᖕᓄᑦ.”

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.