Press Releases

Documenting our Progress

ᐅᑭᐅᖅᑕᖅᑐᒥᐅᖃᑎᒌᓄᑦ ᑲᑎᒪᔨᓄᑦ ᐃᓄᒃ ᓯᕗᓕᖅᑎ ᖁᕕᐊᓲᑎᖃᖅᐳᖅ ᐊᖏᖅᑎᑕᐅᓂᖓᓂᒃ ᓕᐅᓇ ᐊᒡᓘᑲᐅᑉ ᐅᑭᐅᖅᑕᖅᑐᒥ ᑲᑎᒪᔨᓄᑦ ᐃᒃᓯᕙᐅᑕᐅᓂᕐᒧᑦ

ᐊᒡᒌᓯ 23, 2012 – ᐋᑐᐋ, ᐋᓐᑎᐅᕆᔪ – Tᐊᖓᔪᖅᑳᖓᑦ ᑲᓇᑕᒥ ᐱᕕᖃᕐᓂᖓ ᑖᒃᑯᐊ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ (ᑲᓇᑕᒥ) ᖁᕕᐊᒋᔭᖃᖅᐳᑦ ᓯᕗᓕᖅᑎᐅᓂᕐᒧᑦ ᒥᓂᔅᑕᐅᓂᕐᒧᑦ ᐊᖏᖅᑎᑕᐅᓂᖓᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕ ᓕᐅᓇ ᐊᒡᓘᑲᖅ ᐃᒃᓯᕙᐅᑕᕆᔭᐅᓂᐊᓕᖅᑎᓪᓗᒍ ᐅᑭᐅᖅᑕᖅᑐᒥ ᑲᑎᒪᔨᖏᓐᓄᑦ.

ᑐᐊᐃᓐ ᓯᒥᔅ ᐅᖃᖅᑐᒥᓂᖅ ᐋᑐᐋᒥ ᐅᓪᓗᒥ, “ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᑖᓐᓇ ᐊᖏᖅᑎᑕᐅᓂᖅ ᑐᑭᖃᕐᓂᖓᓂᒃ ᑲᓇᑕᒥ ᒐᕙᒪᒃᑯᑦ ᐱᓕᕆᖃᑎᑲᒃᑲᓂᕐᓗᑎᒃ ᐅᑭᐅᖅᑕᖅᑐᒥᐅᑕᓂᒃ, ᑕᒪᓐᓇᓗ ᑐᓴᕈᒥᓇᖅᓱᓂ ᐱᓗᐊᖅᑐᒥ ᓄᓇᖃᖅᑳᖅᓯᒪᔪᓄᑦ.”

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐅᑭᐅᓂᒃ 16−ᓂᑦ ᐱᓕᕆᓂᖃᖅᓯᒪᓕᖅᑎᓪᓗᒋᑦ ᑲᑎᒪᔨᐅᓂᕐᒥᓐᓂ, ᒥᔅᑕ ᓯᒥᔅ ᐅᖃᖅᑐᒥᓂᖅ ᑎᒥᖁᑎᖓ ᐊᑐᐃᓐᓇᐅᓂᐊᕐᓂᖓᓂᒃ ᐱᓕᕆᖃᑎᖃᕐᓂᕐᒧᑦ ᐱᓕᕆᖃᑎᒋᑦᓯᐊᕐᓗᒍ ᒥᓂᔅᑕ ᐊᒡᓘᑲᖅ, “ᐃᓱᒪᒋᔭᕗᑦ ᐅᖃᖃᐅᓯᕆᓗᒋᑦ ᑐᑭᓯᑎᑕᐅᓗᑕᓗ ᖃᓄᖅ ᐊᑲᐅᓂᖅᐹᒃᑯᑦ ᐱᓕᕆᐊᖑᔭᕆᐊᓕᒃ ᐃᖅᑲᓇᐃᖅᑕᐅᒍᓐᓇᕐᒪᖔᖅ ᐃᓱᒫᓗᒋᔭᐅᔪᖅ ᐃᓄᓐᓄᑦ ᑲᓇᑕᒥᐅᑕᓕᒫᓄᓪᓗ.”

ᐃᓚᓗᒍ, ᓯᕗᓪᓕᖅᐹᒥ ᐊᕐᕌᒍᑦ 12 ᐊᑯᓐᓂᖏᓐᓂ ᑲᓇᑕᒥᐅᑦ ᐃᓄᐃᑦ ᐱᕕᒃᓴᖃᕐᓂᐊᖅᐳᑦ ᐊᒻᒪᓗ ᐱᔭᒃᓴᖃᕐᓗᑎᒃ 2014−ᒥ ᑲᑎᒪᕕᐅᓂᐊᕐᒪᑕ ᐊᕐᕌᒍᑦ ᓯᑕᒪᑦ ᐊᓂᒍᕋᐃᒻᒪᑕ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᑎᒪᓂᖓᓂ ᐊᕐᕌᒎᓐᓂᒃ ᒪᕐᕉᓐᓂᒃ ᒥᔅ. ᐊᒡᓘᑲᐅᑉ ᐊᖏᖅᑎᑕᐅᓂᖓᓂᒃ ᓯᕕᑐᓂᓕᒃ. ᑕᒪᓐᓇᐅᓚᐅᖅᑎᓪᓗᒍ ᑲᑎᒪᕕᐅᓕᕐᒥᓗᑎᒃ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐊᒡᓚᕕᖓᑕ ᐃᒃᓯᕙᐅᑕᐅᓂᖅ ᐊᐅᓚᓂᖃᖅᓯᒪᓕᖅᑎᓪᓗᒍ ᐊᕐᕌᒍᓂᒃ ᓯᑕᒪᓂᒃ. “ᑕᒪᓐᓇ ᐊᑕᐅᑦᓯᒃᑰᕐᓂᖅ ᐊᑑᑎᖃᑦᓯᖃᑐᐃᓐᓇᖏᑦᑐᖅ, ᑭᓯᐊᓂ ᑎᒥᐅᖃᑎᒌᑎᑦᓯᓯᐊᕐᒪᑦ ᑲᓇᑕᒧᑦ ᓯᕗᓕᒃᑲᓂᕐᓂᒃᑯᑦ ᑲᑎᒪᔨᓂ ᐱᕈᖅᐸᓪᓕᐊᑐᐃᓐᓇᖅᑐᒥ ᓄᓇᕐᔪᐊᒥ ᐱᖃᑕᐅᕕᐅᒍᒪᓕᖅᐸᓪᓕᐊᑐᐃᓐᓇᖅᑐᖅ ᐅᑭᐅᖅᑕᖅᑐᖅ ᐊᑕᖏᖅᑎᓪᓗᒍ”.

ᑖᒃᑯᐊ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑭᒡᒐᖅᑐᐃᔪᑦ ᐃᓄᖕᓂᒃ ᕋᓴᒥ, ᐊᓛᓴᑲᒥ, ᑲᓇᑕᒥ ᐊᒻᒪᓗ ᑲᓛᖡᑦ ᓄᓈᓂᒃ ᐱᔾᔪᑎᓕᓐᓂᒃ ᓄᓇᕐᔪᐊᒥ ᐱᒻᒪᕆᐅᔪᑦ ᐊᒻᒪᓗ ᐃᑲᔪᖅᑐᕐᓗᒋᑦ ᐱᔭᕆᐊᖃᓪᓚᕆᑦᑐᑦ ᖁᕕᐊᒋᔭᓕᒃ ᐊᑕᐅᓯᐅᖃᑎᒌᖕᓂᖕᖓᓂᒃ ᐃᓄᖏᑦ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᑲᓇᑕᒥᐅᓄᑦ ᐱᔨᑦᑎᕋᕈᑕᐅᕙᒃᐳᖅ ᓂᐱᒋᔭᐅᓪᓗᑎᒃ ᓄᓇᕐᔪᐊᓕᒫᒥ ᐱᔾᔪᑕᐅᔪᓄᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.