Aaggiissi 6, 2020 – Aankurits, Alaaska – Inuit Ukiuqtaqtumiuqatigii Katimajingit saqqiilauqsimammijut nutaarmit tusaagassanik Aaggiissi 9−ngutillugu − Silarjuami Ulluqatitaullutit Nunaqaqqaaqtuminiit. Pilirisinnaaqtutit ukiuqarninginni 40−nit 1980−mi Saqqilauqsimajumit Inuit Ukiuqtaqtumiuqatigiit Katimajingit Arraagutamaaqsiutinganni Katimanirmit Nuukmi, Kalaaɬiit Nunaani sivulliqpaamilu inuit Ukiuqtaqtumiuqatigiit Katimajingit maligarjuanganni maligaralaanginnillu tigujaujuqaqtuni. Nutaarnit pitaqaliqtuni taiguusilinnit Unikkaat / Unikkaat / Unipkaat / Ungipaghat / Nallunairutit tukiqaqtuni unikkaanit, unikkausirnit, ulikkausiujullu inuit uqausiqtigut.
Uqausiit ajjigiinngittut asinginnut uqausiqatigiinngittunut Inuit Nunanganni. Inuttituuqtut Kanatami – Unikkaat, Kalaɬisut Kalaaɬiit Nunaani – Unikkaat, Inuppiat Alaaskami – Unipkaat, Alaaskami Juppik, uqausiq Nallunairutik, ammalu Saipiurijami Juppik Sukaatkami – Ungipaghat. Qallunaatitut taivattavut “Ukiuqtaqtumiuqatigiit Malingit” sanngininginni malittitut namutuinnattiaq tikigunnarngata, imavimmiugaluaqqat, qarasamiugaluaqqat malingit, nipiliugarnit maliugaluaqqat, silamiluunniit maliugaluaqqat, namuruluujaaluurunnarningannut ukiuqtaqtumi.
“Qarasaujakkut pivalliajuqutivut unikkaaqtut, nilliajunik, unikkaaliuqsimajunik tisamanik nunalirjuarnit ungataanullu,” uqalauqtuq Inuit Ukiuqtaqtumiuqatigiit Katimajingit Issivautanga Talii Sampu Turu. “Namminiq nipittinni unikkaaqtugut Inuit Ukiuqtaqtumiuqatigiit Katimajingit qanuiluuqattaqsimammangaata taimanngani 1970−minit, qanurlu tamakkuninga maannalisarnit kamaqattaqsimammangaaqta Inuit sivulliqpautigiaqarnitinni, nalunaijaqsimajut unikkaarnit suurlu Utqiavikkut Nalunaiqsisimaninganni kajusititalauqsimajumit 2018−mi ArraagutamaaqsiutinganniKatimatillugit Alaaskami. Tamanna quvianallariqttuq, nutaangullunilu pigiarutausimajuq Inuit UkiuqtaqtumiuqatigiitKatimajinginnut ammalu inunnit nunanginni asinginni silarjuami unikkaaqtuqarniaqtussaugivuq asinginni.”
Sivuliqpaat unikkaat Inuit Ukiuqtaqtumiuqatigiit Katimajinginni apiqsuutiminiit Inuit Ukiuqtaqtumiuqatigiit Katimajingit Issivautanganni Tali Sampu Tarumit, Inuit Ukiuqtaqtumiuqatigiit Katimajingit Kanatami Angijuqqaanganni Maanika Aul-Kanajuq, Inuit Ukiuqtaqtumiuqatigiit Katimajingit Kanatami Angijuqqaap Tungilinganni (Silarjuami) Liisa Qupirrualuk, ammalu Issivautanganni Inuit Ukiuqtaqtumiuqatigiit Katimajingit Ukiuqtaqtuuqatigiinnik Inuit Aanniaqtuilimanirmut Parnattiit Mini Gurai. Uvanittau qaujigiarvissaummijuq Paaspurautmi: https://bit.Ly/3gwLV9w
“Maanna, piniqsauliqtuq, ajjiungittunit qanuqtuuriaqaratta takussaujunnaqtunik tusaumatittiniqsaulutit asittinni,” uqalauqtuq Inuit Ukiuqtaqtumiuqatigiit Katimajingit Kanatami Angijuqqaanga Maanika Aul-Kanajuq. “Nipiliugarnit amisukallannik atuinnaqarluni isumaqattaqsimalirattigu tamanna akuni, piuniqpaangujaaqtunilu sivulliqpaami Silarjuami Ullunganni Nunaqaqqaaqtuminiit Ullunganni qanimannaaluutillugu takunnaqattautijunnanginnitinni. Assurunnaqattaraluaqtillugu taqqigajannat aniguqtunut, aaqqiisimagatta namminiq, takunnaqtutalu namminiq unikkaaqtiaqtinni nipiqarumanittinni. Ilaatigullu naalautikkuuqattarnikuulluta, ikajurniqarniaqtuni taimaak.”
Nipiliugait makuninga nijjausijaqtinit tusaqtautittiqattarlutit Inunniinngaaqtunik. Sivulliqpaaqsiuti saqqijaaqtittiluni Nunavummi katajjasaarnit Niusan Tagunnaq Kamaniqturmi. Inuit Ukiuqtaqtumiuqatigiit Katimajingit asinginnuttau qaujigiarlutit Inuit Nunanganniittunik.
-30-
Tukisigiarvissaq:
Kelly Eningowuk
ICC (Alaska)
907-274-9058
kelly@iccalaska.org
Kiuru Saiman
Inuit Ukiuqtaqtumiuqatigiit Katimajingit (Kanata)
613-563-2642
CSimon@inuitcircumpolar.com