Jaannuari 20, 2020 – Anaatai – Aankurits – Aatuaa – Nuuk – Ullumi Inuit Ukiuqtaqtumiinguqatigiit Katimajingit nalunaiqsivut Inunnit inusuttunit ilisarijaujunik ᕼans-Pivia Ruusing Sivukkatarnirmut Tunirrutimit:
Janisa Ilanik – Kanata
Tatjana Ulainikuva – Sukaatka
Samaanna ᕼiurisan – Alaaskak
Pipaluk ᕼammikan – Kalaaɬiit Nunaani
Inuit Ukiuqtaqtumiinguqatigiit Katimajingit saqqiilauqsimajut ilisarijaujunik ᕼans-Pivia Ruusing Sivukkatarnirmut Tunirrutimit 2019−mi iqqaumajaujumallu saqqiilauqsimajuq angijuqqaq inuugunniijujuq, kamagijaulluni 13−nganni Arraangutamaaqsiutinganni Utqiavimmi, Alaaskami Julaingutillugu 2018-mi.
Tunirrutiujuq inuusuttunut inunnut turaangajut asinginnut upigijaujunik – maligassaqsiuqtut. Taimaak tatatirialimmi uqaqsimammata ammalu niruarassaliurutinik, “ilisaqsigatta nalunaiqsigumalluta taikkuninga nunalittinni, sivukkattaittiarunnaqtunik aulattigunnaqtunillu. Nalunaiqsigumagatta ammalu saqqiiluta amisunik uuttuutittiavannik sivuliqtiujunnaqtunik qanuittutuinnattiaqtigut. Amisuummata inuusuttuit namminiqauqtut, asivaqtiujut, ikajuqattaqtiaqtut akiliqsuqtaugatik makuninga annikittuarjuvimmi, makimajjutissanik, inulirinirmit, piqqusilirinirmit katimajiunirmilluunniit.”
Janisa Ilanik quviagijaqallarittuq tamuassaliuqattariassaq taimaittulirijiujumallunilu, tamuaqsataarvimminit matuiqsijumallunilu Nunattiarmi, Kanatami sivunittinni. Tatjana Ulinikuva ilisaiji Sirinikimi, Sukaatkami tunirrusiangit aturumaarniaqtangit saqtijaaqtittikannirluni anaanangata uqausinganni atuqtittikannirasuarnirmit ilinniarvinganni. Aanniasiuqtiulluni, Samaanna ᕼaurisan aaqqiijumajuq “Aanniavingmut Atikluk” aturumallunijjuk imminut asiminullu aanniaqtailimajulirinirmit, Alaaskami. Pipaluk ᕼamikan ilinniariarumajuq uqausilirinirmit saqqijaaqtittikannirumalluni inuit uqausinginni piqqusinginnillu Kalaaɬiit Nunaani.
Pijaaqqutaunngittumit sivulliqpaami tunijauniaqtunit nalunaiqsilaqijugut tavvani arraagumi nutaamit nalliuniqsiuqtillugit 40−nit ᕼans-Pivia Ruusing niruarnami sivulliqpaanganni angijuqqaamit Inuit Ukiuqtaqtumiuqatigiit Katimajingit. 40−ngannittau nalliuniqsiuqtuq tigusilauqsimaninganni Maligarnit Maligaralaanginnillu katujjiqatigiimmut.
Sivulliqpaami Tunirrusiarvaallutillugit, ilisarijaujuq piusivaallikanniriaqarninginni ujjirusuttittikannirluta Tunirrusiarnit pivalliajukkut inunnullu piusivaallikannirlugillu tussirautiit niruarassaliurnimillu. Suurlu, angiqatigiissimammata saqqijaaqtittikannirluni Tunirrusijaujjutimit Inunnut katujjiqatigiinut niruarassaliurunnarajarmimmata sivunittinni. Uqaujjigiaqtiit Katimajiralaangit qimirruniaqtut tamatuminga asinginnillu malissanik.
Ajjiungimmata pijumajut suurlu sivulliulauqsimajut Angijuqqaaq Inuit Ikiuqtaqtumiuqatigiit Katimajingit, pijjutingit ᕼans-Pivia Ruusing Sivukkaqtainirmut Tunijaujjuti“ ikajuqtuivut piruqpalliajunik pivalliagumajunillu inuusuttunit inunnit arnanit angitinillu ajjiungittunik, makuninga asivaqtinit pilimmassimaninginnut ilisarijaujjutiit innarnut pilirittiakkauninginnut, quttiniqsamillu ilinniaqsimajunik, sivukkaqtainirmut ilinniaqtitaujunnarlutit, qissirinirmillu uvvaluunniit asinginni inuit iliqqusinginni, atuqattaqtanginni uppirijanginnillu.
Tamanna attuajuq ilisarijaujjutinut ammalu ᕼans-Pivia Ruusing Angirranginni Kalaaɬiit Nunaani, Jalmur Tal, Angijuqqaaq Inuit Ukiuqtaqtumiuqatigiit Ktimajinginnut Kalaaɬiit Nunaani Issivautaup Tungilirilluniullu uqalauqtuq, “Upigusuttiaqqunga saqqiqtaulaurninganni ᕼans-Pivia Ruusing Sivukkattainirmut Tunijaujjuti iqqaumajaullunilu tainna. Upigittiaqqakka taikkua ilisarijaujut. Sivunittinillu qinirmijugut ilisarijaujunnaqtunik inuusuttutinnut ikajuutiqarajarngata pijumalikkanirlutit pinasualikkanirlutit inuit piliriqatigiillutit silarjuamullu attuajunik. ”
liupav Tain, Inuit Ukiuqtaqtumiuqatigiit Katimajingit Sukaatka Angijuqqaanga Issivautaullu Tungilinga, uqalauqtut taanna “ᕼans-Pivia Ruusing Sivukkataqtinut Tunijaujjuti ajjiunngittuq piviqaqtitaullutalu iqqaitittigutaulunillu qanuittuqattaqsimaninganni Inuit Ukiuqtaqtumiuqatigiit Katimajingit), ammalu inuusuttut ilikkannirunnaqtutit sivuqtiunirmit uvvaluunniit namminiq pivalliakannirasuarlutit. ”
Inuit Ukiuqtaqtumiuqatigiit Katimajingit Kanatami Angijuqqaaq Maanika Aul-Kanajuq upigusuttialaurmijuq ilisarijaujunik ᕼans-Pivia Ruusing Sivukkaqtainirmut Tunijaujjutitaaqtunik “takujumattiarivungalu inuusuttunit sivuliqtiugunnaqtunik, ikajuqtaulutit ilisarijaujjutitigut, ammalu inuit pinasuakkanniqattaquvakka sivunittinni. ”
Inuit Ukiuqtaqtumiuqatigiit Katimajingit Alaaskami Angijuqqaanga Issivautaullu Tungilinga, Jaims Sitats uqalauqtuq quviagijaqarami imaak “Tamanna ilisaqsiniq piqannarilauqtarnit iqqanaijaqatigijujannillu saqqiqtasinnaliqtuq. Qujagittiaqtara namminiq takulluni ᕼans-Pivia iqqaumajautillugu taimaak. Upigittiaqtakka taikkua sivuliqpaami ilisarijaujjutitaattut. Quvianaqtuinnattiangujusi, sivunittinni kajusijukulunni takukkanniruminaq. Pinasuttiarissitu.”