Press Releases

Documenting our Progress

Inuit Ukiuqtaqtumiuqatigiit Katimajingit Kanatami Quviagijauttiaqtut Atuliqtittigiarnirmut Pigiarninginni “Tamanna Nutaaq Pigiaqpallialiqtuq”

Mai 10, 2016 – Arviat, Nunavut – Nansi Qarasaq−Lintiul, Angijuqqaaq Inuit Ukiuqtaqtumiuqatigiit Katimajingit Kanatami quviagijaqarivuq Kanataup gavamakkunginni pilirijumattiarninginni Silarjuap Katujiqatigiingit Nalunaiqsitillugit Pijunnautinginni Nunaqaqqaaqtuminiit.

Kiurulin Panat, Minista Inulirijituqakkunnu ullumiujuq uqaqqaummat Silarjuami Katujjiqatigiingita allavinganni Nuu Juakmi Kanataguuq Nalunaiqtaulaarngat sanirvaqtausimajulimaat tigumiaqtaunialirngata gavamaulaaqtunut asijjirumaaliqtullu.

Inuit Ukiuqtaqtumiuqatigiit Katimajingit Kanatami Angijuqqaanga uqalauqtuq, “ullumiujuq sulittiaqtumit quviasuutiqarniaqtugut angijualummit Inuit Ukiuqtaqtumiuqatigiit Katimajingit Kanatami piliriarisimaliqtanginni arraagunut avatiuluaqtualunnut aivaqatiqaqsimallutit Nalunaiqtaujumaninginni Silarjuap Katujjiqatigiinginni, taimainngani isumalunginni 1980−nginni.”

“Nutaarmit pigiaqpallianialiqtugut.” uqaqtuni “Kanataup gavamakkungit qujannamiirumagakkit, ilisarilugillu Inuit sivuliqtiit Ulaasaammiinngaaqtut, Alaaskami, Kalaałiit Nunaani Kanatamilu titirakkannirialinnit titiralauqtut aivajjutiqaqtutillu, assurunnalauqtuq ukiugalannut tamanna kamagillugu, katimaqatiqaqtutillu gavamakkunni tamatuminga Nalunaiqsijjutimit saqqiijumit.”

Inuit Ukiuqtaqtumiuqatigiit Katimajingit Kanatami Angijuqqaangata tungilinga, ᕼup Nakimajuk, uqalaurmijuq kanataup gavamakkungigguu nalunaiqsilaurngata ullumiujuq, “Kanata sakkuiniaqtuq sanirvassimajanganni titiraqsimajumit 3−mit 20−mut asijjirninginni tamatuminga nunaqaqqaaqtuminilirijumit. Piliriniarningit nunaqaqqaaqtuminirnit pijunnarlutit, sivuningani tusaumalutillu angirunnarlutit, tigusilaunnginninginni atuliqtittilaunnginninginnillu maligarjuarnit uvvaluunniit kamagijaugialinik gavamakkunni attuiniqarajaqtunik uvattinnut, takussautittuvut pigiarutinginni.”

Qaritaq−Lintiulu uqalaurmijuq, “Inuit Ukiuqtaqtumiuqatigiit Katimajingit Kanatami maanna tunngasuttittiliqtut piviqaqtittillutillu piliriqataugunnarninginni Gavamakkunni pigiarutiqarninginni atuliqtittigumallutit tamakkuninga maligaujunik Nalunaiqsinirmuungajunik ”.

For more information: Carole Simon, ICC Canada csimon@inuitcircumpolar.com P: 613-563-2642 Inuit Circumpolar Council – Canada

Enacted by the General Assembly in 2007, the UNDRIP recognizes indigenous people’s basic human

rights, as well as rights to self-determination, language, equality and land, among others. The Liberal

government committed to implementing the UN Declaration on the Rights of Indigenous Peoples as part

of its effort to rebuild its relationships with Inuit, First Nations and Métis.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.