Juuni 2, 2016 – Qummuattitausimajuq supijualuk katagumarngat Kanataup Ukiuqtaqtungitta imanginnut tamaani pinasuarusirmit isumaalugijaullutillu Inunnut “Apirijuqalaurngat avativut attuqtauniarmangaaq uqsualungannu ukiuqtaqtuup imangit ammalu savirajaminialuit ulurianarmangaata ukiuqtaqtuup nirjutinginnut Inunnullu”, uqalauqtuq Ukaliq Ijitsiaq, Issivautarijaq Inuit Ukiuqtaqtumiuqatigiit Katimajingit ammalu Silarjuami Kamisanangannut Pikialasursuaq Katimajinginni.
Ukiuqtaqtuup Imangita aukkarnilingit, uvvaluunniit Pikialasursuaq sikugunnangittuq avalua sikuinnaulluni. Pingannangani tallurutiup ikinga/sanirutiup imanganni akunninginni Kalaałiit Nunaani Kanatamilu ausuittuup qikiqtanganni qanittumit Simit Kangiqłungani Nius Imanganilu. Pikialasursuaq piruqtulik piqqusiqtigullu ajjiungittuq irniurviuvattunilu aqqusaqtarviuvattunilu asianuuqtaqtunik nirjutinit suurlu tuugaalinnik, qilalugarnit, aivirnit, arvinnit timmianillu. “taanna qummuattitausimajuq supijualuk inulimmut katajjaangittuq. Imarmuurajaqtuq uumajuqtalinnut niqissaqsiuviuvattunik Inunnut Kalaałiit Nunaanimiutarnut Kanatamiutarnullu” Ijitsiaq uqaqtunilu. “Inuit tamaanimiutaummata, Inuit uumajurasuaqpattut tamaani imanginni nirivattutillu ilagiit, angirragigattigu tamanna”.
Pikialasursuaq Katimajingit saqqilauqsimajut Jaannuarimi 2016−mi ajjiungittunit kamaqujaullutit nunamit ammalu naalallutit inunnit atuqattaqtunit, tatiqaqattaqtunik najuqtunigillu takunnaqtangillu sivunittinni pikialaursuaq katimajingit pingasunut katimajinut kamagijauniaqtuq, Sivulliqpaami Katujjiqatigiinninginnut Katimagumaaqtut ullumiujuq Iqalunni, Katimajingit Ukuangullutit: Inuit Ukiuqtaqtumiuqatigiit Katimajingit Issivautanga, Ukaliq Iitsiaq (Silarjuamut Katimajiujut); SIvuliqtiulauqsimajuq Nunavummut, Iiva Aariak (Kanatami Kamisanaunirmut), ammalu Kalaałiit Nunaani Sivuliqti, Kuupik Kiłiistit (Kalaałiit Nunaani Kamisana).
Katimajiit maanna naalattittijut nunalinnit tamakkiinnik Ukiuqtaqtumi Imanginni aukkannilirmit uvvaluunniit (Pikialasursuaq) pijjutiqaqtut nunaliit isumaaluutinginni isumagijanginnillu tamakkuninga piruqtut attanaqtumiigunnarninginni. “Namunngatuinnaraluarutta, tusaqattaqtugut nunalinni piqatauqattarumajugut imalirijunit isumaliuqattaqtunit ukiuqtaqtumi avittuqsimajunik”, uqaqtuni Ijitsiaq.
“Ukiuqtaqtumi Imangit attuqtaujunnattiarngat asijjiqtut suurlu silamut, pularaqtulirinirmut uvvaluunniit sanajinik surunnaqtutaarlutit imait savirajaminialunnillu kanagaqtunit qilammi”, uqalauqtuq Iiva Aariak. “Igittituinnariaqanngittuugaluat umiarjuamiinngaaqtunit uvvaluunniit nunamut taimaassainnaqtau igittituinnariaqanngimmijuugaluat anirniqarnangittumut”.
Inuit atuqattaqtut najuqtunigillu tamanna uqaqsimajut qimirrukannirumammata nunalinni aulatauluni sivuvaqtittikannirlutit umiarjuakkuuqpattunit, pularaqtuliriniq, iqalugasuarniq, piruqtuniunngittuq nunaminngaaqtunik qimirruninginni. “Ukiuqtaqtuq silarjualimaami attarviutuinnariaqanngikkaluarngat kikkutuinnarnut”, uqaqtuni Kuupik Kalaist.
