Mai 24, 2019 – Aatuaa, Antiuriju – Inuit Ukiuqtaqtumiuqatigiit Katimajinginni Kanata sapummijjijuq tigumiaqtaminik Kanatamiut Ukiuqtaqtuninganni tunisilauqsimallutit 2,100−nit mappiqtugalinni Silarjuap Katujjiqatigiinginnut Katimanirjuangannut Maligarmit Imarmut (UNCLOS) nalunaisisimajunik “Ungavariaqullugit” Ungasittualummut Isiqtaujunnangillutit Killiqarlutit.
“Inuit upaqattarngata sikukkut ungataanuuniqsammarik killingagut nunannguamiittunit tamatuminga ammalu niqissaqsiurninginni. Quviagittiaqtavut ukiunut qulinut qaujisarnimit qaujisaqsimammata titiraqsimajangillu tunijaulauqtutit ippassaq,” uqaqtuni Inuit Ukiuqtaqtumiuqatigiit Katimajinginni Kanatami Angijuqqaaq Maanika Iul-Kanajuq. “Quviattunga taimaittulirijaummat. Malittugit qaujisaqtiit, piliriqatiqaqtutillu amisunit Gavamaujunik, sivumuattaullutit Silarjuami Pilirijinik Kanatami, piqasiujjillutit makuninga Inuit missaanit pilirininginni. Nalunaijaqtaullutit nalunaiqsillutit Kanatamiutarnit tigumiaqtauninginnut amisutigut sunakkutaaqtigut. Inuit qaujimammata tamatuminga atuqtaunginnaqtuq nalunaijaqtauninginni Kanata tigumianginnattiarngat tamatuminga uattiarunialuk.”
Kanataup tigusininga tigumiarningailaak ammalu sivukkaqtaininga ukiuqtaqtumi pitaqaqtuq piliriqatiqarnirmit Inunnit. Taimaak uqaqsimammat Silarjuap Ukiuqtaqtunganni Inuit Nalunaiqtausimammata tigumiaqtiujariangita Nunamit Ukiuqtaqtumi, pijariatujualuuluanngittuq attuaninga tamanna tigumiaqtauningani kikkunnut nuna ammalu pijunnautingit Ukiuqtaqtumi ammalu inuit pilirininginni asinginnillu pijunnautiqaqtutit titiraqsimajunik pitaqarninganni kamagiaqarninginnillu inuit piliriqataulutit silarjuami pilirianut attuajut ukiuttaqtumi . … Tunngavinga, missausattausimaningalu ammalu quviagijauninga Ukiuqtaqtumi tigumiaqtauninganni ammalu pijunnautinit piuttiarialik nungusaqtaungillutit sunakkutaangit nunalillu Ukiuqtaqtumi.”
Taakkua UNCLOS−kut tunisilauqtut pimmariujunit Kanatami tigusivallianinginni nunamit silarjuap kajjinganni ilagimmagu tamanna ungasittualummi isiqtaugiaqannginirmit. Kanata tunisilaurmijuq nalunaiqsilauqtut tamatuminga ungasittualummi isiqtaugiaqaninginirmit ukiuqtaqtumu ungavariaqtaujuq tamaani 200−nik mailinnik sijjanginni killiqarluni. Taakkua timiqutivut UNCLOS tunisilaurmijut nalunaiqsijjutimit ungasittualummi isiqtaugiaqaninginniq “ungaviriaqtauqullugu” killinginni akuniuqullugit nunamit piruqtuit nunagigattigu. Taimainningannut Kanatami missausaisimajuq tamaaniqai 85−nik nunalirjuanit ungavariaqtittisimaliqtuq ungasinniqariaqarninginnut avungaaluk isiqtaujariaqannginningannut.
“Tamanna pillarialuummat kamagijariaqarattigu,” uqaqtuni Maanika Iul-Kanajuq. “Tukisijunga arraagugasaalunni quliuluaqtunit tamanna tulijaujjuti qimirrujaunasukkajarmimmat tunijaujut, ammalu malimmijut quliriilirmangaata Kanatami ungasittumiigiaqarningit upattauttailimaningit asinginnut, akunikkanniugajarillunilu kinguningani. Aivaqatiqariaqaqtugut, Ulaasaamiutarnit, Tanmaak, Mialigaillu Nunanganni. Tamakkua pimmariummata isumaliurniujut attuiniqarajarngata sivunittinni ammalu nunattinni Inunnillu ilagijaujumajunik aivanirmit Kanatami.”