Juuni 15, 2017, Aulu, Vinlan– Inuit Ukiuqtaqtumiuqatigiit Katimajingit Issivautaq, Ukaliq Ijitsiaq, ullumiujuq qaiqujivuq Inuit Ukiuqtaqtumiuqatigiit Katimajingit nalliuniqsiurniaqtillugit ukiunut 40−nut Ijitsiaq, katimaqataujuq “Ikupittulirinirmit Ukiuqtaqtumi − Ajjiungittulinasuarniq” katimatittillutit Silarjuami Tariup Akiani Katimajingit, silarjuamiittunit piqatauqujivuq Inunnit sivunittinillu atuqtaunginnarniaqtumit Ukiuqtaqtumit.
“Inuit Ukiuqtaqtumiuqatigiit Katimajingit takunnannguaqattalaurngalli uppirijauttiaqtunilu Inuppiaq, sivuliqti, Iitan ᕼapnan, paqqittiqujilluni pijunnautinginni Inuit uumajurasuqattainnarunnaqullunigit imarmiutarnit atuullarimmata inuit niqigimmajjuk tamakua isumaalunaqtut uqsualuit gaasinillu qiniqpattut” Ijitsiaq uqaqtuni. “Tukisillunilu Inuit nipingit sanngijualuummata silarjuap ukiuqtaqtunganni tigumiarngata. Qaumammijuqtau piliriqatigiinnikkut, inuit qimaijjaangittiarngata asinginni inuqatinginni piliritillugit,” uqalauqtuq tatiana atsijiina, Angijuqqaap Tungilinga, Sikaatta.
“Inuillu, uattiarurnisarnit tigumianginnaratta, ungasittuugaluaqqat maannalisaugaluaqqullu. Atausiugatta inuunasuaqtutigut kalaałiit Nunaani, Kanatami, Alaaskami, Ulaasaamillu 5−miliani kilamiitanik anginiqaqtuni silarjuami,” uqausirilauqtanga Jiim Sikaats, Angijuqqap Tungilinga, Alaaskamut.
Inuit Ukiuqtaqtumiuqatigiit Katimajingit Piqataunginnaqtut Ukiuqtaqtumi Katimajinut Tigumiaqataullunilu Piliriqatigiinnirmit Katujjiqatigiinnut Silarjuami. Inuit Ukiuqtaqtumiuqatigiit Katimajingit kiggaqtuijiujut nipiqaqtiullutit Silarjuap Ukiuqtaqtulimaanginni Inunginnu Silarjuamillu pimmariujunik. “Ukiunit 40−nit, Inuit Ukiuqtaqtumiuqatigiit Katimajingit kajusittiaqsimammata kiggaqtuillutit nilliajiullutillu nunaqaqqaaqtuminiit pijunnautinginni makununga piqqusinginnut, niqissaqattiarnirmut Nunaqaqqaaqtuminiit qaujimaninginnut piuqsuarninginnillu uqausirmik. Inuit Ukiuqtaqtumiuqatigiit Katimajingit aivaqatiqaqsimajut Silarjuami angirutimik surunnaqtutaqannginiqsauliqullut Ukiuqtaqtumuuqpattunik, sapummillutit Inuit pijunnautinginni tamaani nillasuttumi silaup asijjipallianinganilu ammalu nilliajiullutit pisiuvalliqujillutit inuit aanniaqtailimaninginni, inuunasuattiarninganni inulirinirmillu makimattiarasuarnirmi,” uqalauqtuq ᕼajalmar ᕼal, Issivautaup Tungilinga, Kalaałiit Nunaani.
Inuit Ukiuqtaqtumiuqatigiit Katimajingit katimalaaqtut 13−nganni Katimavijjuarlutit Utqiavimmi (Puruulauqsimajumi), Alaaskami, Julaimi 16-19, 2018. Quviasuutiqalaaqtut inuit piqqusinginni tigumiarninginnillu tamanna pimmariummat parnagiaqarninginni Silarjuap Ukiuqtaqtunginni Inunnit, atuqtaujumaarniaqtunit ukiunut tisamanut ilisimatillugu. “Tunngasuttittivugut silarjuami piqataujumajunik Inuit Ukiuqtaqtumiuqatigiit Katimajingit ilagiinnik Utqiavimmi 2018−mi uqausiqarniaratta aaqqigiarutissanik assuruutauvattunik makimajjutissanillu tamakkuninga utiqtarniaqtunik pivattatinni nunalittinni,” uqaqtuni Sikaats.
“Silarjuaq takujumatillugu Ukiuqtaqtumi umiarjuakkuuqattarumajunik, sunakkutaaqtaarumajunik, iqalulirinirmit tigusigumanirmillu, Inuit nalliuniqsiuqtut Inuit Ukiuqtaqtumiuqatigiit Katimajingit ukiunut 40−nut takunnaqtanginni Ukiuqtaqtumi takujumajattinni surusittinnut ammalu irngutaqtinnu ukiunu 40−kannirnut,” Ijitsiaq uqaqtuni.
Inuit Ukiuqtaqtumiuqatigiit Katimajingit saqqiisimajut uppirusuttunik tarrijaassamit Inuit Ukiuqtaqtumiuqatigiit Katimajingit isumagijanginni kajusisimajanginnillu. Naqillugu una takunnarunnaqtait https://www.youtube.com/watch?v=hxgDyuUxvsM&t=3s