Inuit Ukiuqtaqtumiuqatigiit Katimajingit Pikialasursuaq Tilijaujjutigisimajangit Atuliqujaminik Saqqiiliqtut Nunalinnit Uqausiminirnit

Viivvuari 24, 2017 – Aatuaa, antiuriju – Inuit Ukiuqtaqtumiuqatigiit Katimajingit Pikialasursuq Katimajingit katimarataalauqtut isumaqsaqsiuqtutit unikkaaminirnit tusalauqtaminik aujakkut akiassaakullu Kanatami Kalaałiillu Nunaani uattiaru, maannalu sivunittinillu Pikialasursuaq Pikialasursuaq, Tamanna Saqqiqtuq, uqausiumijuq Ukiuqtaqtuup Imanganni aukkanilirmit Ukiuqtaqtumi Tallurutiup Ikingani/Sannirutiuip Imanganni.
“Inuit Ukiuqtaqtumiuqatigiit Katimajingit pikialasursuat tilijaujjutigisimajangit pigialauqsimajut nunalinni ammalu Katimajiulluta ilisaqsinasuaqtugut tamakkuninga uppirijaujunik nilliajjutaujunik”, uqalauqtuq Ukaliq Ijitsiaq, Inuit Ukiuqtaqtumiuqatigiit Katimajingit Issivautanga. Kuupik Kalaaist, Kalaałiit Nunaani Kamisana uqaqtunilu, “Pikialasursuaq Katimajingit tusaqtausimaliqtut suurlu ataani pijausimajut”. Kamisana naalagiaqtulauqsimajuq nunalinnut qanigijanginnu pikialasursuarkkut ammalu maanna unikkaliurlirmijut atuliqujaminik. Kingullirmili kamisana nunalinni tusaqtanginni takunnannguaqtanginnillu atuliqujaujunik titiralaalirmijut. Unikkaaq aaqqissimalaaqtut maligaulutit nunalinnu uqausiusimajunik pimmariugijarnit ammalu nunalinni piliriqatigiiqattarlutit Pikialasursuarmit ammalu takunnaqtanginni sivunittinni.
Nunalinginni Katimajingit isumalauqtut aukkanniliqtaqarninganni kisianili, “tusalauqsimajugut nunalilimaanik piqqusiujut Pikialasursuarmi malittut aanniaqtailimanirmit tavvani Pikialasursuaq. “ uqaqtuq Iiva Aariak, Kanatami kamisana. Kuupik Kalaist uqaqtunilu, “Sukkalijualuk missausagassaungittuq ukiuqtaqtumi sila asijjipallianinga ulurianaqtuq pikialasursuaq ammalu ujjisuqtiarialiit maligait kamagijaulutit.”
Maligalluatangit Kamisanait nunalinniinngaaqtunik, “Inuit pikialasuarsuami atausiuqatigiimmata ilagiit katimattiaqtut, taimanngaalunik, Piqqusinginni inuillu qaujimaninginni, ammalu pikialasursuaq atausiulluni avissimajuq nunalirjuanit”, Iiva uqaqtuni. “Tusaqsimagatta asivarniq taikani pikialasursuami tunngavigijaunginnaqtuq inuit niqissanginnut, piqqusirmut, ammalu piuqsuarnirmut kinguvaariigasaalunnut piruqtuqattiaqtunilu tamanna”, uqaqtuni Ijitsiaq Kuupik Kalaist, uqaqtunilu “piuqsuariaqaratta Inuit namminiq pijunnarlutit nunalinnillu pivallianirmit ammalu Kamisananganni atuliqujattinni malittiaqullugit takunnaqtatinni.”
“Takunnaqtaujut aaqqiigumaninginni inuit Pikialasursuarmit Aulattinirmuungajunik, suli takunnannguaqtanginni nalunaiqsigiaqaqtutit aulattijjutissanginni. Taanna timiujuq aulattiniujuq, qaujisarniujuq attuiniqarajaqtunit silataaninngaaqtunit makuninga umiarjuarnit, iqalugasunniq, pularaqtuliriniq, uumanngittunit pivallianinginni umaajunillu”, uqausiujuq Aariarmut. “Taakkua atuliqujaujut nunalilimaanik asinginnillu, piqasiujjigiaqaqtuq atuluaqattangillutit sunakkutaarnit nunalinnit qaujisaqtauttiaqattarlutillu” Ijitsiaq uqaqtuni. Tilisijjutaujunit isumagijaugiaqarmijut atuliqujaujut apuqtarutitaqannginiqsaulisuungummata ingirralluni Pikialasursuamut ammalu qanigijanginnut nunalinnu tamakkuninga aaqqiinasukkaniqtunit ilagiinnik, piqqusiqaqtittiinnarasuarnirmit, niqiqaqtittiinnarasuarnimillu ikupittulirinirmillu pivallianikkut nunalinnit.
Asingit sivulliqpaujjaugiaqarmijut isumagijaujut atuliqujaujunit piqasiujjilutit tunngavigijanginni uppirijanginni Inuit qaujimajanginni tusaqtittilutit pigiarutinginni Pikialasursuarmit, isumagijaugiaqarmijut piliriarijarialingit inuusuttuit aulattinirmi parnautinik ammalu sivunittinillu paqqijauttiaqullugit, tamakkualu paqsainirmit ammalu avatittinni kamagijarialittini.
Kamisanait aaqqigiarialinni tunisiniaqtut maligassanik atuliqujajunillu nunalinnut Aipulumi Maimilu aujaulauqtinnagu saqqiqtaujumaarillutit unikkaat pijariijaqsimattiaqtut. Utirlutillu nunalinnu taimattiangugaluarmangaata qaujisaqtaulutit inunnut unikkaariaqtunnguatassinnalauqtunut qaujimaninginnillu unikkaaqaqtunut.