Press Releases

Documenting our Progress

Inuit Ukiuqtaqtumiuqatigiit Katimajingita Aulatsijingita Katimajingit Katimaniqaqput Piałumi, Alaaska

Aaggiisi 20, 2015 – Piału, Alaaska – Aulatsijiit katimajingit Inuit Ukiuqtaqtumiuqatigiit Katimajingita Katimatitsijuminiit aulatsijiit Katimajingita Katininganik Piałumi, Alaaska ulluni ukunani 18 amma19 Aaggiisi 2015. Inuit Ukiuqtaqtumiuqatigiit Katimajingikkut kiggaqtuivattut nunarjuami pijumajaujunit ungataaniittunut 160,000−nit inungnut Rasami (Sukutka), Mialigai Nunangani (Alaaska), Ukiuqtaqtumi Kanatami ammalu Kalaałiit Nunaat. Aulatsijiit katimajingit maannaujumi iksivautaliit Ukaliq Ijitsiami, Iqalummiuq, Nunavut, iksivautauviginiarlugu 2014 tikillugu 2018.

Aulatsijiit katimajingit uqaqatigiigutiqaqtuminiit Inuit Ukiuqtaqtumiuqatigiit Katimajingikkut pivallianirisimajanganik sivulliutijangittalu miksaannut ujjirillunigit pivalliajausimajut parnatausimajullu tukimuagungutauniaqtillugit atuliqtitsiniarlutik tilijaujjutigisimajarminnik. Taanna sitamanut−arraagunut tilijaujjutausimajuq tilijaujjutiminiq Inuit Ukiuqtaqtumiuqatigiit Katimajingikkut sivuliqtinik katimaqatiqaqtillugit Inuuvimmi nunguani 2014 Inuit atuliqtitauqullugu atuliqtamininganik Kitigaarjuit Uqausirisimajangat uqausiqtangita.

Inuit Ukiuqtaqtumiuqatigiit Katimajingikkut tukimuattitauqasiutigivut marruunnut asinginnut uqausiqtaliangusimajuunnut atuliqtaminingat ilaugutiqarnirmigut. Inuit Ukiuqtaqtumiuqatigiit Katimajingit, Ukiuqtaqtumiuqatigiit Inuit uqausiminingit nangminiqsurniup miksaanut Ukiuqtaqtumi (2009) uqaqsimajuqtalik aulatauningata piliriqatigiingniit ukiuqtaqtumi ammalu aaqqigiarniminingat nunarjuami aivaqatigiigutiqarniup ukiuqtaqtumi, ilautitsisiqattariaqarmat Inungnit. Amisungumalliajunut nunarjuami tuksirarnirmut Ukiuqtaqtumi ujararniarniq pillugu, silaup aulatangitigut uummaqqutiqarniit ammalu uumatillugit tariurmiutait atuqtaugumaningit atuqtauvigigunnaqtangitigut kajungirutausimavut Inungnut atuliqtitsiqasiutigumanirmik Nutaanguniqpaamik Ukiuqtaqtumiunut Inunnut Uqausiusimajumik Aturunnaqtut Nunami Pivalliajauninginnut Atuagaksanik Inuit Nunaani (2011) atuagaliurumallutik aturunnaqtut nunami pivalliajauninginnut Inungnit piqataujuqarluni aulatsinirmi, aulatniqarlutik, pivalliatitsiniqaqataulutik, uvvaluunniit atuqtauningit aturunnaqtut nunami Ukiuqtaqtumi nunaliuviujuni.

Uqaqatigiingutauqasiutisimajut Inuit Ukiuqtaqtumiuqatigiit Katimajingikkut piqatauvigiinnaqtangit Ukiuqtaqtumi Katimajini ammalu Katujjiqatigiittunut Nunaliuqatigiinut timiqutigijaujunipiqatauqattaqtut piliriqataunikkut nunaqaqqaaqsimajunut inungnut pijunnautigijaujuni taakkualuttauq pingasut Inuit Ukiuqtaqtumiuqatigiit Katimajingikkut katimaviksamaangit kajusititaulutik taanna tilijaujjutausimajuq pilirijjutauningani. Pingasut katimaniugumaarniaqtut katimajjutiqarlutik Uumajunik Aulatsiniq, Ilinniaqtuliriniq ammalu Kiinaujaliurasuarutiqarnikkut Pivallianiq.

Inuit Ukiuqtaqtumiuqatigiit Katimajingikkut katimajingita aulatsijingit tunngasuttitautsiaqpuut taaksumunga nunalimmut Piałumut, Alaaska. Piałumiinnirminni, Inuit Ukiuqtaqtumiuqatigiit Katimajingikkut takujaqtuqtitaminiit Aaskuviulmut, Alaassami. Taanna nunaliralaaq juukaan kuskukvuim tiultami silatitsianganiittuq piału. Aaskuviul niruaqtausimajuq ilagijauqujaulluni qaujisarutaujumut piliriamut tuvaangujurlu piliriamut atangirlugu pinasuarviqarniq qanuingitsiakanniqtumik, kajusinilimmik surraittuulluni nunalik uqaqatigiigutauqullugit amisut tunngavigijaujut surraituutitsinirmut piqatautitautillugit nunalik piliriqatigiinnikullu namminiqaqatigiingnikkut. Tamanna pigiaqtitsigajarmat nunalirjuanuungajunik pijjusirmik nunaliup pivalliajjutiksanganut.

Inuit Ukiuqtaqtumiuqatigiit Katimajingikkut Iksivautanga, Ukaliq Ilitsia qujalivuq upiqqallunilu tunngasuttitaunirmik Angajuqqaamut Aliaksi Nikulai Angijutsirmut ammalu nunaqqatinginnut. Ijitsiaq sivuniqatsiaqpuq kajusiviqarniariaksaq Alaaskamut upagutiqattaniarnirmik Aangkuritsimi katisiqattarviginiaqtaminik ajjigiingittunik timiqutiujunik kajunngiqsaigutigilugu Inuit Ukiuqtaqtumiuqatigiit Katimajingikkut sivulliutigumajangit ammalu nunalirjuamuungajunik piviqarvitsaujunik.

Taakkua Inuit Ukiuqtaqtumiuqatigiit Katimajingikkut aulatsijingit katimajiit kingullirmi katilaaqtut Kanatami Jaannuari 2016−nguliqpat.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.