Sitipiri 14, 2012 – Aatuaa, Aantiuriju – Kinguningani ikpaksaq quviasuutiqalauqtilluta Kanatami Takujagaqarviup Pivallianinginnit tallimagiliqsuniuk nalliuniqsiuqtauningata Katujjiqatigiittut Atausiuqatigiitsutik angirutigisimajangat pijunnautinginnut nunaqaqqaaqsimajut, angajuqqaanga Kanatami pigiarniup tamatumunga Inuit Ukiuqtaqtumiuqatigiit Katimajingita (Kanata) tuksirarmata “piniarniqarluni” pijunnautiujumut.
“Takugumagakku Kanata piliriqatiqaqtillugu Inungnit amma asinginnit nunaqaqqaaqsimajunik sulijumik atuliqtitsilutik Angirutausimajumik,” Simis uqaqtuminiq “Ippaksaq pimmariujumik quviasuutiqanauqpugut angirutimik Ilitaqsijumik nunattinnik, nunait avittuqtausimajunik, aturunnaqtunik nunamiingaaqtunik, ammalu qaujimanirmik, ammalu pijunsautittinnit taakkununga Ilitarijaujunik Ullumi angirutausimajumik suliliqtitsigiaqaratta.”
Quviasuutiqaqtillugit, Tiuri Aulla, angajuqqaanga Inuit Tapiriit Kanatami, Kanataup nunarjuami Inuit timiqutinganik kiggaqtuijuq, uqalimajuminiq upaksimajunut. “Inuit qaujimammata nunaqaqqaaqsimajut nunarjuami atuqtunik amisunik aksururutiqaqsutik uqaritsautigivavullu kajusijumik atausiuqatiqarnivut taakkunangat.”
Quviasuutiqariaqtuqsimajut tusarviqaqasiutinnirmijut qaiqujausimajumik, Luuis Iavilis Aanturaat Kasama, Angajuqqaaq Katimajinginnut Kanatami Nunaqaqqaaqsimajut Timiqutinganut Kalampiap uqausiqaqtillugu qanuq nunaqaqqaaqsimajut nunalingani qanuimmangaata nalunanngigutaulluni tuavirijaujariaqalirninganik atuliqtitauningata Angirutiup maannaujumik. “Niriuttugungut ujararniarviit kampaningit asingillu nunaligijaujuni piliriniqarumajut ujjirijauvanniarsata Katujjiqatigiittunut Nunaliuqatigiinut Angirutiliangusimajuq,” Simis uqaqtuminiq “Iqqanaijaqatiqatsiarumagatta Kanatami gavamaujunik ammalu piliriviujunik atsururnaqtut kamagilugit attuaniliit tuaviqtuujaaqtutitut Ukiuqtaqtumi, taimaimmat niriuttugut kalampia ammalu ujararniarviit iksivaaqatigiillutik uqausiqarniarninginnik Kalampiami nunaqaqqaaqsimajunik ilulirijauqasiutijulutik Angirutimi kingulliuniaqtumik. ”
Taakkua Inuit Ukiuqtaqtumiuqatigiit Katimajingit kiggaqtuijut Inungnit Rasami, Alaaskami, Kanatami ammalu Kalaałiit Nunaani pijjutilinnik nunarjuami pimmariujunik ikajuqturlugillu ammalu quviagilugu atausiuqatigiinningat Inuit. Inuit Ukiuqtaqtumiuqatigiit Katimajingit Kanatami pijitsiqtut Kanatamiunut inungnut nipigijaullutik nunarjuami pijjutaujunit.
Press Releases
Documenting our Progress
Ukiuqtaqtumiuqatigiinut Inuk Sivuliqti Pigiaqtauqujivuq Piniarniqtaqarluni Arraagunut Tallimanut Ukiuqaliqtuq Taanna Katujjiqatigiittunut Nunaliujunut Angirutausimajumik Nunaqaqqaaqsimajut Pijunnautinginnut
The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.