Nuvipiri 26, 2021 – Ankurij, Alaaska – Taakkunani taqqini pingasuni ukiuksaangurataami ICC−kut ajjigiingittunik qaritaujakkutilinnianiqaqtuminiit ikajuqsiqujaullutik pivalliajauningani Inuit Ukiuqtaqtumiuqatigiit Nunarjuami Atuagaksanginnitajjigiititsinirmut Naammattumillu Piqataugiaqarningit (EEE) Inuit nunalinginni ammalu Nunaqaqqaaqsimajut Qaujimaninganik Tamaaniqai 35−niitsutik niruaraksaliangusimajut Inuit Katimajaqtuqsimajut ikaaqsugu Inuit Nunaat piqataunniqput ilinniarnirni ajjigiingittuni
Kingullipaaqsiurniqaqtillugit ilinniasinnaat ajjigiingittunit katimaqataujut, katitaujlutik, Nuvipiri 18, 2021, ICC−kut Iksivautangat Taakta Talii Sampu tuaruu uqausirigumajaminik uqausiliminiq matusigutiminik Taakta. Talii maqpu tuaruu taanna arna uqaqsuni “arraagugasauluaqtunit, kilisiniarniup taijauningata qaujisaqtulirinirmi, alajjaijuqaqattaqsimavuq pijaarijunit piungititsijunit uvvaluunniit atunirluttunit nunaqaqqaaqsimajut qaujimaningat miksiqaruniitilluguluunniit tamatuma tukinganuungagiaqaraluaqtillugu asinganginnut miksiqangittunut atuqsugit. Nunaqaqqaaqsimajut qaujimaningat, ammalu Nunaqaqqaaqsimajut qaujimaninginnit tigumiaqtiit ilitarijaujariaqaqpuut iqqagijautsiarlutillu asiminnut. Sivumut kajusiniq, tamanna iqqanaijaangujuq ikajuqsiniaqtuq uvattinnit nalunaitsiarigasuaqtilluta asittinnut iqqagilugiq ilitarilugillu pimmariujut atuagait aturialiit kamagitarniarlugu naammattunit, ajjigiititsijunit, naammagiaqtunillu iluunnainnut, ammalu aturlugu kisiani qaujimanivut. Tamanna iqqanaijaangujuq pijjutilik pijunnautittinnit namminiqarnirmut, piqarnirmut, aulatsinirmut, pivalliatitsinirmut, ammalu sapujjinirmut qaujimanittinnit.”
Atuagait atuutiqarniaqtut atuqtauliqtuni ullumi pijaallirutaulutik Inuit aulatsigusinganit, tukimuagutinit, ammalu sivulliutijarialinnik Kanatami piliriviujunilu nunarjuamilu katimaniuvattuni, suurlu Ukiuqtaqtumut Katimajiit Katujjiqatigiittut ammalu Katujjiqatigiittut Nunalirjuat.
Pivalliajauningita atuagat ikajuqsijauniqaqtut katiqtitausimajunut unikkaaliaminirni ICC−kunnut. Unikkaaliaminiit katititsivapput tukisikkannirutiksanit titiraqtausimajunilu inuit−aaqtitsimajanginnit atuagaksani, maligait, aturatsait, atuagait, ammalu qaujimajatuqaujut atuaratsait qanuq asivut piqataujariaqarmangaata nunalitta ammalu qaujimanittinni. Uvani ikiaqqivimmiittuq: https://bit.ly/3zCbONA
“Amisut Katujjiqatigiittut Nunalirjuat pigiaqtisimajangit ammalu gavamauqatigiittut atuagangit ikajuqsijaugunnaqtut qaujimaniqarnitinnut,” uqaqtuminiq Talii Sampu Tuaruu. “Utupiri 2−mik tikitsugu Nuvipiri 10 sivuliqsitiujumunga qaujimanivut pillugu, uqaqaqtumini sivulilauqtunga katimajaqtusimatillutanga COP26−mi Nalunangilaq nunalirjuat piqataujut Silaup Asijjirningata katimanirmi ammalu amisut asivut uqausiqaqtillugit amisuuningit tukisiumajut iqqagijaliillu nautsitutsiariaqarnirmit pivalliajattinnit saqqititsiqattaqulluta uqausiqarlutalu qaujimanittinnit, uvagut atuqtangitigut malillugillu pimmariqutigijavut. Tamauna iqqanaijaavut atuutiqarniarmat Inungnut asinginnullu iluunnainnut piqataugumaniqaqtunut saqqiqtitauninginnut qaujimaniqarninginnit Inuit miksaannut ammalu Inuit Nunaanit.”
Titiraqtaugiarngaqtuq kingulliqpauluni titiraqsimajuq niriugijaujuq tunitiuqqaqtaulaarninganik iluunnanginnut ICC−kunnut ilagijaujjutilinnut timiujunut pigialirataarningani arraagu 2022 takilimaalluamik piviqaqtitauviuluni qimirrujaunirmut. Titiraqtaugiarngaqtuq tunijaugumaarniarningata aaqqittausimavia ICC−kut Aulatsijingita Katimajinginnut uirngatsaami tavvani 2022 angiqtauqullugu saqqititauqullugulu kiktuinnarnut 14−ngani ICC−kut Katimanituinnautillugu Katimalaunnginninginni. Ijutilluatanga atuagait ikajuqsiqullugit nunarjuami iqqanaijangujunit. Ilaliutititllugu, atuagait atuutiqarajaqtut piqataugumajunut iqqanaijarlutik Inuit Nunaani, iqqanaijaqatiqarlutik atuutiqaqtunik piliriqatiqarlutik namminiqaqataulutik uvattinnut, ikajuqsiniqarajaqtut kamagitsiarlugillu atuqtautitsiarlugit nunalivut qaujimanirlu, ikajuqsikanniniaqtuq inuit aulatsigusinganit.