Press Releases

Documenting our Progress

Inuit Ukiuqtaqtumiuqatigiit Katimajingit, Sivulliqpaat Nunaqaqqaaqsimajunut Timiqutigijaujuq Piqatauvattut Qaujisaqtigijaullutik Taakkunani Gavamauqatigiittuni Katimajini Silaup Ajjirninga Pillugu

Maajji 1, 2022 – Aankurij, Alaaska – sivulliqpaulluni taakkua Gavamauqatigiit Katimajiit Silaup Asijjirninga Pillugu (IPCC−kut), Nunaqaqqaaqsimajut Timiqutinga piqatauqattaqsimaliqput Qaujisaqtilluataullutik gavamauqatigiittut katimajini silaup asijjirninga pillugu angiqtauniqaqtillugu. Taakkua Inuit Ukiuqtaqtumiuqatigiit Katimajingit (ICC) angiqtaugutiqarnirmata Qaujisaqtiunirmik taakkununga IPCC−kunnukt Viivuariutillugu 2020 Nalunaiqtaullutik Sivulliqpaami Nunaqaqqaaqsimajut Timiqutingat ilitarijaunikkut Qaujisaqtiuniaqtillugit.

Pinasuarusiup nunnguani, taakkua IPCC−kut – nunarjuami timiqutiujut qaujisautiminirnik unikkaaliuqpattut killisiniarniup miksaanut qaujisaqtulirinikkut silaup asijjirningata miksaanut–katimajariiqtuminiit 55−giliqtanganit katimanirmi piqatauvigillugu angiqtaunirmut katimaniq Piliriqatigiillutik Katujjiqatigiit 2 (WGII) Pijariaqaliraigami Tavvasainnaq Atuagaliuqtit (SPM−kut). Katujjiqatigiit WGII unikkaaliuqpattut Attunirluijut, Ilitturutiqaqpallianiq, ammalu Attuqtaugunnaqtut miksaannut piqasiutitsugu tavvasainnaq pijariaqaliraigami atuagaliuqtinit, saqqiqtitaulauqtuq tamanna ippatsaq.

Taakkua WGII angiqtaunirmut katimaniqaqtillugit nuqqausirutaulluni, ICC−kut Nunarjuami Iksivautangat, Taakta. Talii Sampu Tuaruu uqalimalluni ilaliutiniq pillugu. Taanna nainaaqtillugu tunngasuttitsugit ICC−kut uqausiqaqsunilu ilaliutijauningita pijunnautingit nunaqaqqaaqsimajut pijunnautingitalu nunaqaqqaaqsimajut ammalu Nunaqaqqaaqsimajut qaujimaninginnik taakkua Pijariaqaliraigami Tavvasainnaq Atuagaliuqtit:

“…quviagijaqaqtugut nalunaiqsigutigigiaksanganik pimmariniungata ilitarijausimaniup pijunnautingittalu Nunaqaqqaaqsimajut Miksaannut, iluliqarninga kajusiniqaqtitauningata ilittupallianiup tamaksumunga. Taanna pijariaqallariqataummat ilulingit tamakkua pijunnautajut pijunnautigigattigu nangminiq−ajuinnarunnanittinnit, niriugijaqaqpugullu takugumallugu tamanna ilitarijauningita pijunnautit angilligiaqtauqullugi iluunnanginnut ilittunirmut turaangajut ammalu aaqqigiarigutaujutigut.”

Tamanna ilaliutiniq kingulliqpausimajuq katimajuqalauqtinnagit WGII−mut katimajunit nuqqausirutaulluni atuqtaulauqsimangittumik aturnirmik piviqaqtitauniq taakkunani IPCC−kut atuqattaqsimajanginni alaggaittumillu alluriarniulluni sivumut pivaalliqtigumallugu nunaqaqqaaqsimajut ilautitauvangningit tavvani IPCC−kut pivallianinginni.

Arraani, Aaggiisiutillugu 2021, Pilirititaulirningita Katujjiqatigiittu 1 unikkaaliaminirmi Pijjutilik Takutsauningata Killisiniaknikkut Qaujisarutauvattut Turaaqtitauninga Kinguningani Katujjiqatigiittut Nunalirjuat Titiraqtimmarianut, Aantuuniu Gatturas, uqausirijangani ilitaqsinikkut “nalunaikkusiqtauninga aupaqtumik inungnut timilinnut”. Piliriqatigiittut Katujjiqatigiitsutik 3 unikkaaliuqtuminiit Pivaalliqtitaugasuarningata Silaup Asijjirningata Piuniqsamut saqqitaujuksamaaq Iippuuliqpat tavvani arraagumi.

Unikkaaliaminiq saqqiqtitaulauqtuq ippatsaq nalunaijaisimajuq katiqsuqtausimaningita attuinirluttut suraivalliajut nunarjualimaami inungnut−piniarniujutigu silaup asijjirningata. “angiqtausimajuq unikkaaliaminiq ammalu piliriangit atuagaliuqtit qaujisarniusimajuq nalunaiqsigutausimalluni nunarjualimaami siammapallianinga quaqsaarutausimallutillu qaujijausimaningit attunirluttausimajullu Ukiuqtaqtuup nunalingit iluunnatik killiliuqtausimajut nunaqutaujut. Tamanna tusaratsaliangusimajuq uqausiqakkanniqtuq Inuit uqausirisimajanginnit uqausiriinnaqtanginnillu qaujisimaliqtatinnit inuusiqarvigisimaliqtatinnilu, sivulliqpaangutillugu qaujisimajavut,” uqaqtuminiq Luuktaaq Talii Sampu Tuaruu.

Qaangiqsimaliqtut amisuuluangittut arraaguit, ICC−kut nuqqajuittuullutik piqatausimavingat taakkua IPCC−kut Arviniliriliqtanganit Qaujisaqattarningitta qaujimalitaullutik qimirrujiit ikajuqsisimajullu titiraqpattut tamaksunga miksaannut Amisuuluangittutigut Unikkaaliurnirmigut Piqasiutitsugu Ajjiqangittuq Unikkaaliaminiq Imaup Ammalu Silaup Miksanut Asijjipalliatillugu Sila (SROCC), saqqiqtitaminiq Sitipiriutillugu 2019, ammalu Nalunaikkusiqtausimajut−Mappigait Paippaamiittut Ukiuqtaqtumi Nunaliit Miksaannu Tavvaniittut WGII−kut unikkaalimininginni saqqiqtitaulauqtunik ippatsaq Tavvani ikajuqsigutaujumi pimmariuninga nunaqaqqaaqsimaju nangminiq−ajuinnarunnaningit qaujisaqtulirinirmi nunaqaqqaaqsimajullu sivuliqtiuninginnik atuliqpallialugit ilittuqtaugunnaqtut ammalu silamit suraittailimaniup.

Piliriqatiqarnikkut Gavamakkunginnit Kanataup, ICC−kut piqatauqattaqsimajuq kingunittinni IPCC−kut angiqtaugutinginni ilagilluniuk Kanatamiunut katimajaqtuqatauqattaqtunut. Tamanna atuutiqatsiaqtuq piliriqatigiingniq kajusititausimajuq taaksumani katimataunirmi pijjusitsiavaullunilu qanuq nunalijjuamiut piliriqataunirmut ilaujut ikajuqtuigunnarmangaata iqqanaijaqatiqarlutillu Nunaqaqqaaqsimajut Timiqutinginnit.

Taakta. Talii Sampu Tuaruu nalunaiqsigutigisimammagu kinguningani ilaliutivimi, “Taakkua ICC−kut iqqanaijaqatiqaqsimaliqtut taakkuninga IPCC−kunnit isumatsaqsiurutautsiaqullugu nunaqaqqaaqsimajut qaujimaninga sivuniksami qaujisautitsanut, sivuniritsiaqpavullu kajusititauniarninga tamanna pimmariujuq iqqanaijaanguninga.”

-30-

Qaujigiarvigiguk:

Kiali Ininguvuk ICC (Alaaska) +1 907-274-9058 kelly@iccalaska.org

Kiuru Saiman ICC (Kanata) +1 613 293-9728 csimon@inuitcircumpolar.com

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.