Inuit Ukiuqtaqtumiut Katimajingit Kanatami amma Kuin Kanatami Nunalirijikkut Sasaiatingat Tusaqtitsivut Katujjiqatigiinnimmik Piliriamik Isumagillugit Aaqqigiarutit

Inuit Ukiuqtaqtumiut Katimajingit Kanatami / Kuin Kanatami Nunalirijikkut Sasaiatingat Pivalliajulirijinut Tusagassat

 Airrili 20, 2022 – Aatuaa, Kanata – Inuit Ukiuqtaqtumiut Katimajingit Kanatami amma Kuin Kanatami Nunalirijikkut Sasaiatingallu alianaigusuttut uqausiqarunnaramik katujjaujumik pilirinimmik turaaqtumik ujjirusunniqsaunirnut ukiuqtaqtuni inunnut akaunngiliurutinik pirjuanguninginnullu Inuit nunarjuarmi ikajuutaulutik pitsialirnirnut. Taanna piliriniq piqasiujjijuq unikkaalianik Kanatami Nunalirinirnut Uqalimaagammi, inugiattuni uqausiqarninnut, ilinniarutinut tusaqtitsinasunnirnullu, unikkaaqtullu tarrijaliangujuq. 

“Kiggaqtuqtugit Inuit Ukiuqtaqtumiut Katimajingit Kanatami alianaigusuttunga uqausirijunnarakku katujjiqatigiinniq timitsinnut saqqijaaqtillugit pirjuanguninga Inuit nipingita nunarjumrmi aulajjusirnut. Kuin Kanatami Nunalirijikkut Sasaiatingat tusaumatitsisimajut kanatamiunik 1929-minit Kanataup missaanut angiqsimallutillu nipiqquqtitsiniqsaujumallutik Inuit nipinginnik. Taanna katujjiqatigiinniq saqqijaaqtitsijuq inunnit pigiaqtunut pitsialirnirnut qanuigiarnirnut Kanataup iluani, piruqlunilu katimanirnit pilirijinit timitsinnit qangamut. Katimajivuttauq taanna piliriniq alianaigusutsiaqtutik pilirisimavut, ippigusuttugullu pivaaliurutiginiaratsigut tamakkiitsinnut. Qujagivara Niqsurnarnirjuanga ikajurmat taassuminga pilirinirmik.” uqaqtuq Maanika Ial-Kanajuq, Angajuqqaaq, Inuit Ukiuqtaqtumiut Katimajingit Kanatamikkunnut.

“Kuin Kanatami Nunalirijikkut Sasaiatingat angiqsimallagittut aturnirnut uppirijaujunik pitsialirnirnut naukkulimaaq pilirinitsigut. Ilisarillattaarlugu pilirijavut – Kanata qaujimajautsialiqtillugu Kanatamiunut nunarjuarmiunullu – nipiqquqtusigiariaqaqtavut Inuit nipillattaangit attuajunut qaujimajanginnut Inuit Nunanganik aulatsinirnullu atuqtaulluni turaarutaulluni namminiq qanuigiaqtatsinnut, kanatamiulimaanullu, qanuiliurasutsilluta sukkaillitinnasuttugu silaup asijjirninga pujunillu silanut qanuigiarluta. Katujjiqatigiinnivut Inuit ukiuqtaqtumiut katimajingit Kanatami piviqaqtitsijuq taakkununa pivissanut upittugullu niruaqtaugatta uppirijaulluta piliriqataulluta inunnit taassumunga pilirinirmut.” Jan Gaigu, Aulatsijilluataq, Kuin Kanatami Nunalirijikkut Sasaiatinganut.

Nalunaiqsijut katujjinirmut nanijaujunnaqpagiiqtut mappiganginni qangatsiaq titiraqtaujuni Kanatami Nunalirinirnut Uqalimaagangani, uqausiqaqtutik inuit ukiuqtaqtumiut katimajingita nunarjuarmi pilirijanginnik, qangatsiangulaasaakkuttauq atuinnangittuq titiraqtaujuq nunaqaqqaaqsimajut Nipinginnut uqausirijaulaangulluni pigiakkannirninginnik iliqqusituqakkut kakkisinirnik. Qangauliqtillugu 2022mi, piviit piviqaqtitsilirutik, katujjijunut inugiattunut uqausiqarniq pannattausimajuq, piliriliqtutillu tamaani arraagumi pannalittutik unikkaaqtumik tarrijamik uqausiqarluni atuutiqaluaqtunik ukiuqtaqtuni inunnut akaunngiliurutinik.

“Taanna piliriniq alianaittualuk Inunnut,” uqaqtuq Inuit Ukiuqtaqtumiut Katimajingit Kanatamikkut Angajuqqaap Tullia Liisa Kupuqualuk. “Attuiniit ukiuqtaqtuni tikittut tariut akinginnit, saputiqullugulu Ukiuqtaqtuq Inuit Nipingit tusaqtaujarialiit. Inuit uakallanik pilirijut nuqqaqtitsinirnut silaup asijjirnituangungittumut, kisianittauq Nunaqaqqaaqsimajut Qaujimajatsigut asiujjaiqtauninginnullu uqausivut tunijassaqallattugut makkuktutsinnut, Kanatamut nunarjuarmullu. Kanatami Nunalirijikkut Sasaiatingat katujjiqatitsiavaalluk ikajurlutik unikkaatsinnik uqausiqallutik. Kamanaqtunik katinniqaratta katinngalluta, taimaimmat taanna katujjiqatigiinniq saqqisimavuq tavvanngattainnapalummit, alianaigusuttualuujungalu uqausirigatsigut ullumi, ikajuqtauluta Gavanu Jianurumut Kanatami”.

“Katujjiqatigiingit Inunnut, Nunaqaqqaaqsimajunut Maitiinullu aulataujunut sivumuaqtillugit nammitivut, Kanatamiullu, tukisiniq atuutiqatsiaqtuq taimailiqtitsinirnut Kanatami Nunalirijikkut Sasaiatingata pannatsiaqsimajunut assuruuringit sivumuarasullugit Sulinirnut Pitsialirnirnut Kanatalimaami Upittunga quviasuqatigigatsigut taanna katujjiqatigiinniq Inuit Ukiuqtaqtumiut Katimajinginnut Kanatami,” Saaliin Piuhiat, Aulatsiji Pitsialirnirnut, Kanatami Nunalirijikkut Sasaiatinganut.

-30- 

Uqaqatigijuk:

Kanatami Nunalirijikkut Sasaiatingat

saqqitaujuq 1929mi, Kanatami Nunalirijikkut sasaiatingat Kanatamik tusaumajauniqsauliqtitsisimajut Kanatamiunut nunarjuarmullu 90 arraagunut Qaujimajaulaanguluni Kanatami Nunalirinirnut uqalimaagamut, Sasaiati ikajurmijut Kanatami nunanut qaujisarnirnut tunisivattutillu kiinaujanik ilinniarutinut sivuliqtinut nunalirinirnut qaujisarnirnut. Sasaiatikkut sivumuttau ikajuutauluni Kanatamiunik aqqutiullutik kajusitsiaqtunut sivunirnut piruqsailutik tukisiniqsaunirnik kanataup nunanginnik – ajjigiingittut inunnut tautukkullu nunangit – piqasiullugit asijjiiniit attujunut inungik avatinillu. 

ICC