Qujalijaujarialiit Kanataup Gavamakkut Iqanaijarvinga taikani Kanatamiut Piusituqarijanginnik – Nunalituqait Uqausituqanginnut Ilagijauqatauningit, Aisisiikkut Kanatami tunijausimalirmata kiinaujanik ikajuutiksanik quviasuutauninginni iliqkusituqarijaujut ammalu uqausituqarijaujut Kanatami
Quviasuutaunirmut sivullirijaq arraagunga taakkununga Nunarjuarmi Tapiriit Qulinik 10 Arraagunik Ilitarijautittinningit Nanituinnaq Uqausituqarijaujunik, Aisisikkut Kanatami kajusitittinialiqtut piliriaksanginnik taijaujunik “Aisisikkut Kanatami Inuit Sanaugaliuqtinginik Taqitamaq”
Taqitamaanguniaqtuq pigiarlutik Januari 2023-mik Tisipiri 2023-mut, Inungni ilitaqsiqatarniaqtut taikuuna tusaqsauvaktutigut qaritaujakkut atuqtauqatarunnarniq taijaujunik Unikkaat – Inuit Sanaugaliuqtiit Ilitarijauninginnik tusaajaksait kinguliriiqatarniaqtut. Sanaugaliuqtiit iliqusituqarminiglu aturninginni qanuiliuqtiuvaktut makuangujunnaqtut kinakkutuinnait nijjausijaqtiit/tusarnaagaksaliuqtiit, katajjaqtiit, qilaujjaqtiit, ullumisiutiuniqsanik tusarnaagatsaliuqtiit makuningalu qalunaatitut taijaujunik uqausiqsuqpaktunik inngiqtiit raap-mik, paap-nguniraqtaujuniglu nijjausijaqpaktunik, miqsuqtauvaningilu inungnut atigiliarijauvaliqtut, annuraallu, miqsuqtiuvaktullu, takuminaqtullu atuqtaujunnaqtunik sanajiuvaktut, sungaujanik atugaksanik sanajiit, amaussiuqtiit, sananguagtiit, atugaksanik ujamingnik asinginnilu sanajiit, niqiliuqtit/Inuit niqillirivaktanginnik titiraqtiit/nirijaksanik niurrutiksaqasuut ammalu qanuq sanajauvanninginnik qaujimajitait, mumiqtiit, takuminaqtunik sanavaktut, iviraliuqtiit ilisivviksakulungnik, iglurjuat ilulinginnik qanuilinganinginnik aaqiksuijiit ammalu Inungnik pinguaqtiuvaktunik timikkut aksururnaqtunik asikkanninginniglu.
Ilitarijaujut saunagaliuqtiit qanuiliuqtiillu asingit tunijauvangniaqtut $5000.00-nik ikajuutauniaqtunik piliriarivaktanginnut, nipiuliqtaulutiglu qaritaujakkut tusaajaksanik unikkaanik – tusagaksaliarivaktanginnik ammalu naalautikkuurlutiglu ammalu takujaksaliarijaulutik qaritaujakkut Aisisikkunnut ikajuqtaulutik, ammalu atuinnautitaulutik Aisisiikkut tusagaksaliurvigivaktangagut, ungataanuullu.
Aisisikkut kamajiuniaqtut ikajuqtiuniq sanaugaliuqtinik tusagaksaliuqatarlutik qaritaujakkut atuqtaujunnaqtunik tusaajumajunut, ammalu asinginnik tusagaksaliurutaulutik ammalu tusaumajauvalliajunnarninginnik taqaunga.
Ilaujunnaqtut imailingajarialiit:
- Inuit iliqusinginnik aturumaqatarlutik, inuusinginniglu tamainnik aviktuqsimaninginni kanatalimaamilu inungni asinginnik nunaligjuarni.
- Ajungittarialiit uqarunnarniq apiqsuqtauninginni inuktitut, qallunaatilunnit.
- Ajjiliuqtaujunnarlutik asimini sanagaliuqatauvangmijunik ammalu piliriarijanginnik aisisiikkut takuniaqtauvvingagut qaritaujakkut saqititausimaniaqtunik
- Qaritaujakkut kinaungmangaat qaujigirviujunnarialiit takujaksaniktausimaluni tamainnik inungnik ikajuqtigijaminik ilaqarluni
- Atiliuqtausimalujarialik naliangnituinnaq Inuit Nunataarutinginni Angirutiqaqataujuni Kanatami.
- Asinginnik kiinaujaqtaaqtitausimasimajuviniunngilluni, qanutuinnaq uvvalunniit ilinniakkannirutiksanik pisimajuvviuningilluni piliriarijunnaqtanginnut pivaallirutaujunnaqtunik tamaani 12-nik taqinik sivuniagut ilitarijauvviksangata pigiarluni tamaani Nuvipiri 2022-mik.
*Inuit nunaqaliqtut silataani aviktuqsimaninginnik nunataarvigisimajaminik suli ilaujunnaqtut kisiani titiqautiqariaqaqtut takujaksaqarlutiglunnit nunataaqatausimanirminik. *