Press Releases

Documenting our Progress

Nunaqaqqaaqsimajut Uqausingit Saputilugit: Inungmut Atausirmut Amma Kikkulimaanut Pinajullarigasungnaqpuq

Viivvuari 21, 2023 – Nuuk, Kalaałłiit Nunaanni – Viivvuari 21 Nunarjuarmi Uqausillattaarijat Ullunga, amma Nunarjuarmi Nunaqaqqaaqsimajut Uqausingit pigiaqtauttiaqsimajut. Taanna ulluq isumagijaqaqujivuq pimmariuninganik jagatittittailimanirmik kajusiinnaqtumiglu aaqqiksuivallianirmik nunaqaqqaaqtut uqausinginnik.

Amisut nutaqqat piruqpalliajut Nunaqaqqaaqsimajut uqausinginnik uqallagunnaqtutik. Kisiani amisuummijut surusiit piviqaqtitauvanngittut. Amisuuniqsait surusiit piruppalliajarialiit ilinniarlutik ammalu aturlutik inuit uqausinginnik. Inutuulutik pijumaniqariaqasuut angajuqqaanit avatinginniittuniklu inuuqatigiinit aturlutik sanngijumik, qautamaat aturnirmik Nunaqaqqaaqsimajut uqausiqtanginni. Tiliurumavakka angajuqqaalimaat nalunaiqtauqullugit ilinniaqtittinirmut ikajuqsuinirmullu ilinniarnirmik nunaqaqqaaqsimajut uqausinginnik tamainnut inuit nutaqqanginnut.

Atuqtaunginnaqullugu amma pivalliatitaunginnaqullugu Nunaqaqqaaqsimajut uqausingit, gavamakkut iqqanaijarvingit sivulliujjijariaqaqput ilisainirmik amma uqausittinni aturlutik. Tamanna piqasiujjijuq ilinniarnialisaaqtunik, surusiujut ilinniarvinginnik, uvikkaujunik ammalu quttinirsaujunik, piqasiujjimmijuq inunnik surusiujunik, nunatta silataani nunaqaqtunik. Ajjigiingittunik atuqattaratta uqausittinnik inuit nunanginnit, kisianili iliqqusiqatigiippattugut ammalu uqausittinnik tausagasannik arraagunik. Saputigiaqaqpavut amma papataaritarlugu tamanna ajuqsanginniujuq inuqutittinnut.

Tamatumani arraagumi Nunarjuarmi Uqausillattaarijaujut Ullungani, UNESCO−kut tiliurivut qassikallannik ilinniaqtittiqujillutik. Taanna atuliqujaq uqausirikkannirumavara, tiliurutigikkannirumavaralu takuqattaqullugit uqausirnik saqqittiqullugit ajurnanngituinnarialingnik, amma tuluqtarutaunngittutik. Nunaqaqqaaqsimajuulluta, uqausiqput assuruqtitaunginnarmata, ammalu aksuruinnaqtutik sapujjisimanasuaqtutik ammalu pivalliatittikanniqtutik uqausittinnik aturasuarnirmik.

Inuttiavaulluta maligaliuqtiuqativut kiggaqtuijiullutalu Silarjuarmiut Katujjiqatigiinginnut Katimainnarniaqtillugit Nunaqaqqaaqsimajut Missaanut, Aluki Kuttiq pigialauqsimavuq saqqitautillugu Nunarjuarmi Nunaqaqqaaqsimajut Inuit Tisipiriutillugu arraani; “Uqausiqput aturlugu namminiq−pijumaniummat.”

kikkulimaat Quviasuquvakka Nunarjuarmi Uqausillattaat Ullungani – pilluarta, uqaatsivullu paarilluartigit.

-30-

Qaujigiarvissaq:

Saura Ulsvig
ICC-kut Issivautanga
sara@inuit.org

Iippu Pigalak
ICC-kut Issivautanga
apigalak@inuitcircumpolar.com

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.