Maajji 22, 2023 – Nuuk, Kalaałłiit Nunangat – Qassinut Gavamanut Katimajiit Silait Asijjirninginnut (IPCC) Nainaaqsimajuq Unikkaanga saqqitaujuq Naggajjaumi ikajuqtuqtut Inuit uqaqsimainnaqtanganik: piviigutilirmata pilirinasulluni silait asijjirninnginnik.
Inuit Ukiuqtaqtumiuqatigiit Katimajingit (ICC) ilaulauqtut kingulliqpaanganut qimirrujaujumut Qassinut Gavamanut Katimajiit Silait Asijjirninginnut Nainaasimajurmut Unikkaanganut Intulaikan, Suitsulanmi, pinasuarusiulauqtumi Ukiuqtaqtumiuqatigiit Katimajingit inutuangujuq Nunaqaqqaaqtunut Inunnut Timiujuq Tautugunnaqtutik Timimi sanasimajurmut nunarjuarmi qaujimalaanut silanut kiglisiniaqtinut. Inuit Ukiuqtaqtumiuqatigiit Katimajingit ilaulauqtut sanajauningita ilangit qimirrunirnut unikkaap qimirrullugillu kingulliqpaamut nainaaqsimajuq atuagaliuqtinut. Intulaikanmi, Inuit Ukiuqtaqtumiuqatigiit Katimajingit ajaurilauqtut uqausinut piqasiujjijunik pijunnarninginnik Nunaqaqqaaqtut Inuit piqasiujjaulunilu Nunaqaqqaaqtut Qaujimajangit asinut.
Unikkaaq katittijuq qimirrunirnik unuqtualunnit kiglisiniaqtinit nunarjuarmi, tikkuaqsillutik ulurianaqtualunnut qanuittunut nunarjuarmut qanuigiangikkutik manna. Angiqtaunirnut katittut pijariilaaqtut Ullutuinnaulauqtillugu kisiani pinasuarusiup nunnguanut kajusilluni.
“Qujagivavut angajuqqaat piliriiinnarmavvit taanna unikkaaq,” uqaqtuq Inuit Ukiuqtaqtumiuqatigiita Issivautanga Siara Ulsvig. “Maanna nunarjuarmiulimaat tavvanngakautigi qanuigiariaqaqtut. Kingunianiittialiratta, nunarjuarmi uqquusiniq timaaniitinniaruttigut 1.5 Sialsias qulaani nunarjuarmi kisuliuqtiqalaunngitillugit puqtunirnut.”
“Inuit Ukiuqtaqtumiuqatigiit Katimajinginnita kiggaqtuqtingit uqalauqtut Nuvipirimi COP27 Iijjiptimi, pujuurniit pujuungilluarniqsauliqtut manna. Pujuurniit avvapalungmut pujuurunniirialiit 2030-mi nalimuttumaguttigut 1.5 Sialsias tikinnasuttumut. COP28 aggiqtillugu, puqtusigiariaqaqtavut pijumanivut tikinnasuglugit angiqsimajut piqasiullugit pilirijarialiit nuqqaqtinnasullugu nunarjuarmi uqquusiniq.”
Uqausiujut Qassinut Gavamanut Katimajiit Silait Asijjirninginnut Nainaaqsimajurmut unikkaanganut piviirutiliratta qanuigiariassaq uqaqtaukkannilauqtu Inuit Ukiuqtaqtumiuqatigiit Katimajingita piqujanginnut angiqtaunirnut katittuni pinasuarusiulauqtumi.
“Inuit uqaqattaqsimammata akunimut ukiuqtaqtuq uqquusiniqsaummat sukkaniqsamik nunarjuarmiunit. Uqakkannilauqtavut taakkua pinasuarusiulauqtumi Suitsulanmi,” uqaqtut Inuit Ukiuqtaqtumiuqatigiit Katimajingita Issivautauqataujuq Liisa Qupirrualuk. “Ukiuqtaqtuq nunarjuatta nillaqtirutigimmagu. Sirmiit sikuillu auttillugit, qanuittut ippigijauvut nunarjuarmiunut silarujugjuarniqsaullutik, suurlutut maqungittut akunimut, kuutauluaqtut aulatassaungittunullu napaaqtuni ikittut.”
Uunarniit maannaujuq 1.1 Saulsiasmik qulaaniittut kisuliuqtiqalaungittutut puqtunirnit, Qassinut Gavamanut Katimajiit Silait Asijjirninginnut uqalauqtut Tusariaqattiaqtuq unikkaangani ajurnanngituinnarialik surangnilaat taimaingillutik malittunut 1.5 saulsiasmik uqquusinirnut nunarjuarmi.
Inuit Ukiuqtaqtumiuqatigiit Katimajingit ilauniaqtut uqaqatigiittuni kingullirmi qimirrunirmut unikkaarmi pigiarlutik tamaani arraagumi. Nassanniammijut uqaqtaujunik 6-nganut Qimirrunirnut Unikkaarmut kingulliri UNFCCC Katittuni Ilaujunut, parnassimajut Junaitit Arap Imiritsni pigiarluni Nuvipiriup nunnguani tamaani arraagumi.
-30-
Contact:
Ailiin Atams
Inuit Ukiuqtaqtumiuqatigiit
Katimajjingit (Alaaska)
eilene@iccalaska.org
Aani Mitti Aantusan
ICC (Greenland)
anemette@inuit.org
Apuril Pigalak
Inuit Ukiuqtaqtumiuqatigiit
Katimajjingit (Kanata)
apigalak@inuitcircumpolar.com