Inuit Ukiuqtaqtumiuqatigiit Katimajingit piliriqatauvattut Silarjuani Katimajiujunik sapummittinirmit pijunnautigijaujunik asivaqtinut asivaqtauvattunullu nirjutinik, ammalu piuqsuaqtauqullugit avatittinniittut nirjutiit. Katimaqataulauqsimammijugut Piruqtunik Avatittinnin Ajjiungittunik turaagaqaqtuta jagainnginiqsaugumalluta piruqtuni avatittinni silarjualimaami. Silarjuami Katujjiqatigiit Katimanirjuamut Nunattinni anginiqpaanguqataujuq avatittinni piqujaqtaqaqtuni uqaujjigiaqtiullutillu silarjuami. Katimaqatiqattialauqsimajugut saqqiinasuaqtuta Nunaqaqqaaqtuminirnit Katujjiqatigiinnik avittuqsimajunik. Piusivaallitittikannirasuaqtuta avatittinni, nirjutinik, utiqtarialinnillu pijauvattunik Silarjuami piruqtunik. Katimatittiniujut Silarjuami Pilirininginni Ulurianaqtumiigunnaqtunik Nirjutinit silarjuami angirutiujuq ilaujuqaqtuni ungataanut 190 avittuqsimajunik. Katimatittiniujut Silarjuami Pilirininginni Ulurianaqtumiigunnaqtunik Nirjutinit qaujimattiarasuasuut maligaqtigut siqumittijuqanngikkaluarmangaarlu attuiniqaqammallutit saqqikanninngituinnarialinnik kisutuinnarnit, piuqsuaraluarmangaatalu, annaumagaluarmangaatalu nirjutiit ajjigiinngittut silarjuami piliriangullutit. Inuit Ukiuqtaqtumiuqatigiit Katimajingit piliriqatauqattaqsimajut Katimatittiniujut Silarjuami Pilirininginni Ulurianaqtumiigunnaqtunik Nirjutinit qaujimattiarumallutit Inuit piliriqataunginnaqullugit piusivallillugillu nanuit piuqsuaqtaugiaqarninginni, nannuttaujunnarninginni tauqsiijuqarunnarninginnillu.