ᑭᓲᒻᒪᑕ ᑲᒪᓇᓱᐊᕐᓂᖅ ᖃᓄᐃᑦᑑᓂᖏᓐᓂ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ?

ᐱᓇᓱᐊᕈᓐᓇᕐᓂᖅ ᒪᑯᓂᖓ ᐊᔾᔨᐅᖏᑦᑐᓂᑦ ᓇᑭᓐᖔᖅᓯᒪᓂᖏᓐᓂ ᐊᑐᐃᓐᓇᐅᔪᓂᒃ ᑲᑐᑎᓪᓗᒋᓪᓗ ᐃᑲᔫᑏᑦ ᓴᖅᑭᖅᑐᑦ ᑕᒪᑐᒥᖓ ᖃᓄᐃᑦᑑᓂᖏᓐᓂ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ ᑐᕌᒐᕆᔭᐅᖃᓯᐅᔾᔭᐅᔪᖅ ᑲᑎᒪᓂᐅᔪᓂᒃ ᐆᒪᔪᓂᑦ ᐊᔾᔨᐅᓐᖏᑦᑐᓂᑦ. ᐱᓕᕆᖃᑎᒌᑦ ᐆᒪᔪᓂᒃ ᐊᔾᔨᐅᖏᑦᑐᓂᒃ ᑲᑎᒪᓂᐅᔪᓂᒃ ᐆᒪᔪᓂᑦ ᐊᔾᔨᐅᓐᖏᑦᑐᓂᑦ, ᐱᖃᑕᐅᑎᑦᑎᓗᑎᑦ ᓄᓇᖃᖅᑳᖅᑐᒥᓂᕐᓂᑦ, ᐊᐃᕙᖃᑎᖃᕐᓗᑎᑦ ᓯᓚᕐᔪᐊᒥ ᒪᓕᒐᖏᓐᓂ ᑕᒪᑐᒥᖓ ᖃᓄᐃᑦᑑᓂᖏᓐᓂ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᒪᓕᒐᓕᐅᕈᑎᖃᓕᕐᓗᑎᑦ ᐱᔪᓐᓇᕐᓂᖏᓐᓂ ᖃᓄᐃᑦᑐᓂᖏᓐᓂ ᐊᑐᐃᓐᓇᕐᓂᑦ ᐊᒻᒪᓗ ᑲᑐᔾᔨᓗᑎᑦ ᐃᑲᔫᑎᐅᖃᑦᑕᖅᓯᒪᔪᓂᒃ ᑕᒪᑐᒥᖓ ᓴᖅᑭᖅᑐᓂᒃ ᐆᒪᔪᖃᖅᑐᓂᑦ ᑲᒪᒋᔭᐅᔪᓂᒃ.

ᖃᓄᖅ ᖃᓄᐃᑦᑑᓂᖏᓐᓂ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ ᑐᑭᖃᖅᑲ ᓯᓚᕐᔪᐊᑉ ᐅᑭᐅᖅᑕᖅᑐᖏᓐᓄᑦ?

ᖁᑦᑎᓂᖅᐹᖑᔪᓂᒃ ᐅᑭᐅᖅᑕᖅᑐᒥ ᐊᕙᑎᕗᑦ ᑕᑯᔭᐅᔪᒪᓂᖅᓴᐅᓕᕐᖓᑕ ᑕᒪᒃᑭ ᖃᐅᔨᓴᖅᑎᒻᒪᕆᓐᓄᑦ ᐆᒪᔪᓂᓪᓗ ᖃᐅᔨᓴᖅᑎᓂᒃ ᑲᒻᐸᓂᐅᔪᓂᒃ ᐱᕙᓪᓕᐊᒍᒪᓪᓗᑎᑦ ᓴᖅᑮᔪᒪᓪᓗᑎᑦ ᐊᔾᔨᐅᖏᑦᑐᓂᑦ ᓇᑭᓐᖔᖅᓯᒪᓂᖏᓐᓂ ᓱᓇᒃᑯᑖᕐᓂᑦ ᐅᑭᐅᖅᑕᖅᑐᒥ ᐆᒪᔪᓐᓇᖅᑐᓕᒫᑦ ᐊᕙᑎᑦᑎᓐᓃᑦᑐᓂᒃ. ᑕᒪᓐᓇ ᑲᔪᓰᓐᓇᖅᑐᖅ ᖃᐅᔨᓴᖅᑎᒻᒪᕆᓐᓄᑦ ᐱᓕᕆᐊᖑᓗᑎᑦ ᐅᑭᐅᖅᑕᖅᑐᒥ ᑲᓇᑕᐅᑉ ᐊᕙᑎᖏᓐᓂ ᐱᑕᖃᕐᖓᑦ ᓯᕗᓂᑦᑎᓂᓪᓗ ᖃᐅᔨᓴᖅᑕᐅᔪᓐᓇᕋᔭᖅᑐᑎᑦ.

ᓲᕐᓗ, ᑕᑯᔭᔅᓴᐅᖏᑦᑐᑦ ᐆᒪᔪᕋᓛᑦ, ᐱᕈᖅᑐᓂᒃ ᑕᒪᒃᑯᐊ ᑕᐅᑕᐅᖃᑦᑕᖅᓯᒪᔪᑦ ᐅᑭᐅᖅᑕᖅᑐᒥ ᖃᐅᔨᓴᖅᑎᓄᑦ ᓄᑖᕐᓂᑦ ᑕᑯᔪᒪᒻᒪᑕ ᓱᓇᒃᑯᑖᖑᓂᐊᖅᑐᓂᒃ ᐃᑲᔫᑎᖃᕈᓐᓇᖅᑐᓂᑦ ᐋᓐᓂᐊᓲᖅᑎᐅᔾᔪᑕᐅᓗᑎᒃ ᐅᕝᕙᓘᓐᓃᑦ ᐆᓇᓗᐊᓐᖏᒍᓐᓇᖅᑐᓂᑦ ᓱᓇᒃᑯᑖᕐᓂᑦ ᖃᐅᔨᓴᕐᓗᒋᑦ.

ᓱᒻᒪᑦ ᖃᓄᐃᑦᑑᓂᖏᓐᓂ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ ᐱᒻᒪᕆᐅᕙ ᓄᓇᖃᖅᑳᖅᑐᒥᓂᕐᓄᑦ ᓄᓇᓕᓐᓄᓪᓗ ᐊᓯᖏᓐᓄᑦ?

ᖃᐅᔨᓴᕐᓂᐊᖅᑎᓪᓗᒋᑦ ᐅᑭᐅᖅᑕᖅᑐᒥ, ᖃᐅᔨᓴᖅᑎᒻᒪᕇᑦ ᐅᔭᕋᕐᓂᐊᖅᑎᒻᒪᕇᓪᓗ ᑲᑎᒪᖃᑎᖃᖃᑦᑕᕐᖓᑕ ᑐᑭᓯᒋᐊᕈᑎᓂᒃ ᓄᓇᖃᖅᑳᖅᑐᒥᓂᓐᓃᓐᖔᖅᑐᓂᒃ ᓄᓇᓕᓐᓂᓪᓗ ᖃᓄᖅ ᐊᑐᖅᑕᐅᖃᑦᑕᓲᖏᓐᓂ ᑕᒪᒃᑯᐊ ᐊᑐᐃᓐᓇᐅᔪᑦ.

ᓲᕐᓗ, ᖃᐅᔨᒪᔭᑐᖃᖏᓐᓂ ᐱᔭᐅᓯᒪᔪᑦ ᓄᓇᖃᖅᑲᖅᑳᖅᑐᒥᓂᑦ ᒪᒥᓴᖅᑎᖏᓐᓂ ᐃᑲᔪᑎᖃᕈᓐᓇᖅᑐᑦ ᖃᐅᔨᓴᖅᑎᒻᒪᕆᓐᓂᑦ ᑐᑭᓯᑎᑦᑎᑲᓐᓂᕐᓗᓂ ᖃᓄᖅ ᐊᑐᖅᑕᐅᓲᖑᒻᒪᖔᑕ ᑕᒪᒃᑯᐊ ᐊᑐᐃᓐᓇᐅᔪᑦ ᑲᒪᒋᔭᐅᓂᐊᖅᓪᑎᓪᓗᒋᑦ ᓄᑖᖑᓕᕐᓗᑎᑦ ᐋᓐᓂᐊᓲᑎᐅᓂᕐᒧᑦ. ᑕᒪᓐᓇ, ᖃᐅᔨᒪᔭᑐᖃᖓ ᑕᒪᓐᓇ ᐊᑦᑐᐊᒻᒪᑦ ᓇᑭᓐᖔᖅᓯᒪᓂᖏᓐᓂ ᐊᑐᐃᓐᓇᐅᔪᑦ ᐊᒻᒪᓗ ᐃᓚᒋᓪᓗᒋᑦ ᑲᔪᓰᓐᓇᕐᓂᐊᖅᑐᒥᑦ ᖃᓄᐃᑦᑑᓂᖏᓐᓂ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ ᐅᖃᐅᓯᐅᖃᑦᑕᖅᑐᑦ ᐃᓗᐊᓂ ᑲᑎᒪᓂᐅᔪᓂᒃ ᐆᒪᔪᓂᑦ ᐊᔾᔨᐅᓐᖏᑦᑐᓂᑦ.

ᐊᖏᖅᑕᐅᓂᖏᑦ ᓯᕗᓂᖓᓐᓂ ᑐᓴᖅᑎᑦᑎᓚᐅᖅᑎᓪᓗᒋᑦ ᐊᖏᕈᑎᖓᓐᓂ ᓄᓇᖃᖅᑲᖅᑐᒥᓂᕐᓂᑦ ᐊᒻᒪᓗ ᓄᓇᓕᓐᓂ ᖃᐅᔨᒪᔭᑐᖃᖏᓐᓂ ᐱᔪᓐᓇᓂᖅᓴᐅᒐᔭᖅᑐᑦ ᖃᐅᔨᓴᖅᑎᑦ ᑕᐃᒪᐃᑦᑐᓂᑦ ᓇᑭᓐᖔᕐᓂᖏᓐᓂ ᐊᑐᐃᓐᓇᐅᔪᓂᒃ ᖃᐅᔨᓴᕈᒪᔪᓂᒃ ᓄᓇᓕᓐᓃᓐᖔᖅᑐᓂᑦ ᖃᐅᔨᒪᓂᖏᓐᓂ ᑐᓴᕐᓗᑎᑦ. ᑕᐃᒫᒃ ᐱᓕᕆᖃᑎᒌᑦ ᑲᑎᒪᓂᐅᔪᓂᒃ ᐆᒪᔪᓂᑦ ᐊᔾᔨᐅᓐᖏᑦᑐᓂᑦ ᐱᓕᕆᖃᑎᒌᑦᑐᑦ ᓇᑭᓐᖔᖅᓯᒪᓂᖏᓐᓂ ᐊᑐᐃᓐᓇᐅᔪᑦ ᐊᒻᒪᓗ ᖃᐅᔨᒪᔭᑐᖃᖏᑦ ᐊᒻᒪᓗ ᖃᐅᔨᓇᓱᐊᕐᓗᑎᑦ ᐊᖏᖅᑕᐅᓂᖏᑦ ᑐᓴᖅᑎᑦᑎᓚᐅᖅᑎᓪᓗᒋᑦ ᐊᖏᕈᑎᖓᓐᓂ ᐊᖏᖅᑕᐅᒋᐊᓖᑦ ᐊᒻᒪᓗ ᑭᒃᑯᓐᓅᒐᔭᖅᑲ?

ᖃᓄᐃᑦᑑᓂᖏᓐᓂ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ ᐱᒻᒪᕆᐅᒻᒥᔪᖅ ᐊᑐᖅᑕᐅᒍᓐᓇᕋᔭᕐᖓᑦ ᒪᑭᒪᔾᔪᑎᔅᓴᐅᓗᓂ ᐃᓄᓕᕆᓂᕐᒧᓪᓗ ᐅᑭᐅᑦᑕᖅᑐᒥ. ᐊᒥᓱᓐᖏᑦᑑᒐᓗᐊᑦ ᐆᑦᑑᑎᐅᔪᑦ ᖃᓄᖅ ᓄᓇᓕᒃ ᒐᕙᒪᒃᑯᓪᓗ ᐊᑐᕈᓐᓇᕋᔭᕐᒪᖓᑕ ᖃᔨᐅᓴᕐᕕᒻᒥᑦ, ᐱᕙᓪᓕᑎᑦᑎᓂᕐᒥᓪᓗ ᓄᓇᓂᑦ ᐊᐅᓚᑦᑎᓂᕐᒥᑦ, ᐸᖅᑭᑦᑎᓂᕐᒥᑦ ᖃᐅᔨᒪᔭᑐᖃᐅᔪᓂᒃ, ᐊᒻᒪᓗ ᑕᒪᒃᑯᐊ ᐅᑭᐅᖅᑕᖅᑐᒥᐅᑕᕐᓄᑦ ᐃᑲᔫᑎᖃᓪᓚᕆᒃᑲᔭᕐᖓᑕ ᐊᒻᒪᓗ ᓴᓇᓯᒪᓂᖏᓐᓂ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ ᐱᓕᕆᐊᕆᓂᐊᖅᑕᖏᓐᓄᑦ.

ᖃᓄᐃᑦᑑᓂᖏᓐᓂ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ ᑲᓇᑕᒥ

ᖃᐅᔨᓴᕐᓂᖅ ᐅᔭᕋᕐᓂᐊᕐᓂᕐᒧᑦ ᐅᑭᐅᖅᑕᖅᑐᒥ, ᖃᐅᔨᓴᕐᓂᕐᒥᑦ ᐱᕙᓪᓕᐊᑎᑦᑎᓂᕐᒥᓪᓗ ᖃᐅᔨᓴᕐᓂᕐᒥᑦ ᐃᑲᔫᑕᐅᔪᓐᓇᖅᑐᓂᑦ ᐊᐃᕙᔾᔪᑕᐅᔪᑦ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ. ᑲᓇᑕᒥ ᑕᐃᒪᐃᑦᑐᓂᑦ ᐱᕙᓪᓕᐊᑎᑦᑎᒍᒪᒻᒪᑕ ᖃᐅᔨᓴᐅᑎᐅᒍᓐᓇᖅᑐᓂᒃ ᐅᓪᓗᒥᓕᓴᕐᓄᑦ ᐅᐊᔭᒨᖅᑐᓂᒃ ᐊᑐᕐᓗᑎᑦ ᐊᒻᒪᓗ ᓱᓇᒃᑯᑖᑦ ᐃᑲᔫᑎᖃᕋᔭᖅᑐᑎᑦ ᐃᓄᓕᕆᓂᕐᒧᑦ ᑕᒪᒃᑯᐊᓗ ᑲᒪᒋᔭᐅᒋᐊᓖᑦ ᐃᑯᐱᑦᑐᓕᕆᓂᕐᒧᓪᓗ ᐊᑐᑦᑕᐅᑦᑎᐊᕈᓐᓇᕐᓗᑎ ᓯᓚᕐᔪᐊᒥ ᐆᒪᔪᓂᒃ ᖃᐅᔨᓴᕐᓂᕐᒥᑦ ᐊᔾᔨᒌᓐᖏᑦᑐᓂᒃ.

ᐊᔅᓱᕉᑕᐅᕙᑦᑐᑦ ᑲᓇᑕᒥ ᑕᐃᒪᐃᓪᓗᐊᑎᑦᑎᒐᓱᐊᕐᓗᓂ ᐱᕙᓪᓕᐊᑎᑦᑎᓂᕐᒥᑦ ᑕᒪᒃᑯᓂᖓ ᐊᑐᖅᑕᐅᔪᓐᓇᕐᓗᑎᑦ ᓇᑭᓐᖔᖅᓯᒪᓂᖏᓐᓂ ᐱᑕᖃᕇᖅᑐᑦ ᐊᒻᒪᓗ ᑕᐃᒪᐃᓪᓗᐊᖅᑐᓂᑦ ᑲᑐᔾᔨᒍᓐᓇᕐᓗᑎᑦ ᐃᑲᔫᑎᓂᒃ, ᐸᖅᑭᓯᓐᓈᕐᓗᒍ ᐊᕙᑎᕗᑦ, ᐃᓄᓕᕆᓂᖅ ᓂᐅᕐᕈᑎᖃᕐᓂᒧᓪᓗ ᐱᔭᐅᔪᒪᔪᓂᒃ.

ᐊᑐᐃᓐᓇᐅᑎᑦᑎᔨᐅᓪᓗᑕ (ᓇᑭᓐᖔᖅᓯᒪᓂᖏᓐᓂ ᐊᑐᕋᔅᓴᐅᔪᑦ) ᓄᓇᓕᕐᔪᐊᒥ, ᑲᓇᑕ ᐱᓕᕆᖃᑎᖃᕆᐊᖃᖅᑐᖅ ᐱᓕᕆᐊᔅᓴᐅᔪᓂᒃ ᐊᐅᓚᑦᑎᒍᓐᓇᕐᓗᑎᑦ ᑕᒪᒃᑯᓂᖓ ᐱᕚᓪᓕᕈᑕᐅᔪᓂᓪᓗ ᐱᑕᖃᕐᓗᓂ ᐸᖅᑭᑦᑎᔾᔪᑕᐅᒐᔭᖅᑐᓂᒃ ᐱᔭᐅᔪᒪᔪᓂᒃ ᑎᒍᒥᐊᖅᑎᐅᖃᑕᐅᔪᓂᒃ ᐊᒻᒪᓗ ᓄᓇᖃᖅᑳᖅᑐᒥᓂᕐᓂᑦ.

ᐃᓱᒪᒋᓇᓱᐊᕐᓗᒋᑦ ᐊᖏᓂᖅᓴᐅᔪᑦ ᒪᑯᐊ ᖃᐅᔨᓇᓱᐊᕐᓗᒋᑦ ᑲᓇᑕᒥᐅᑉ ᐱᔪᒪᓂᖏᓐᓂ ᐊᒻᒪᓗ ᖃᓄᖅ ᐱᐅᓂᖅᐹᖑᒐᔭᖅᑲᑦ ᐸᖅᑭᑦᑎᓂᐊᕐᓗᓂ, ᑲᓇᑕᒥ ᓯᓚᕐᔪᐊᒥᓗ. ᑕᒪᒃᑯᐊ ᐱᔾᔪᑎᒋᓪᓗᒋᑦ, ᑲᓇᑕᐅᑉ ᒐᕙᒪᒃᑯᖏᑦ ᐱᓕᕆᖃᖅᑎᖃᖅᑐᑎᑦ ᑲᓇᑕᐅᑉ ᐊᕕᑦᑐᖅᓯᒪᓂᖏᓐᓂ ᐊᒻᒪᓗ ᑲᓇᑕᐅᑉ ᐅᑭᐅᖅᑕᖅᑐᖏᓐᓂ ᒐᕙᒪᒃᑯᖏᓐᓂ ᒫᓐᓇᕈᓗᒃ ᓴᖅᑮᕋᑖᓚᐅᖅᑐᑦ ᑲᓇᑕᒥ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ ᐱᖁᔭᓕᐅᖅᑐᑎᑦ ᓇᓗᓇᐃᖅᓯᓇᓱᐊᖅᑐᑎᑦ ᑕᑯᓐᓇᖅᑕᖏᓐᓂ ᑲᓇᑕᐅᑉ ᐱᔪᒪᔭᖏᓐᓂ ᑕᒪᒃᑯᓂᖓ ᐱᕙᓪᓕᐊᓂᕐᒨᖓᔪᓂᒃ ᖃᓄᐃᑦᑑᓂᖏᓐᓂ ᐊᑐᖅᑕᐅᔪᓐᓇᖅᑐᑦ ᐃᑲᔫᑎᓂᓪᓗ ᑲᑐᔾᔨᓂᐅᔪᑦ ᐱᖁᔭᖏᓐᓂ.