Inuit Ukiuqtaqtumiuqatigiit Katimajingit qaujisaqattaqsimata pivallianinginni tamakkuninga inuit silatuningitta piqutinginni pijunnautinginni Tamakkua qaujimajatuqait ajjiungittut atuqtaunginnaqtutillu, piqqusittinillu uqausiqaqpattutit ammalu pituqarnit unikkaaqaqattaqtutit. Tamanna atuinnaqtavut Silarjuami Silatunirmut Piqutigijaujunik Katujjiqatigiinnut Gavamalirijiit Katimajingit Silatunirmut Piqutinnut Nakinngaaqsimaninginnillu Atuinnaujunik, Piqqusituqakkut Qaujimajatuqanginni ammalu Unikkaaqtuatuqarnit. Katimajiralaat aivavallialiqtut piqujassanginni turaagaginiaqtanginni ammalu maligassariniaqtanginni tamatumunga silatunirmut piqutigijaujunit maligassamit taakkununga qaujimajatuqait ajjiungittut atuqtaunginnaqtutillu asijjiqtauniaqtunit pitaqariiqtuq maligaq, ajjiliuqtaugiaqarngittuq niurrutaugiaqarngitullu qaujimajatuqait ajjiungittut atuqtaunginnaqtutillu pijariiqqata kinguninganni.

Taakkua Qaujimajatuqait Ajjiungittut Atuqtaunginnaqtutillu ammalu nunalik katimatittilauqsimajut kisiani maligarnut ilittiaqsimanngimmata piqutinut maligarnit, pijariatummata nalunairasuaqtugit silatuniujut piqutinginnit maligarnit. Taimainningannut, nutaarnit uqausiqarumagatta taakkuninga Piqqusituqakkut Qaujimajatuqanginni ammalu Unikkaaqtuatuqarnit katujjinirmit namminiqainnarniarlutit tamakkuninga ajjiungittunit silatunirmut piqutiujunik.