Piliriangugumajut Turaagangillu

• Piliriqattaqtut Inuit Ukiuqtaqtumiuqatigiit Katimajingit (Kanatami) kamagilugit pilirianguniaqtut turaagangillu imaittut:
• Kiggaqturlugit pijumajangit Kanatamiut Inuit katujjiqatigiingitigut (Inuit Tapiriit Kanatami), nunaliillu nalunaiqtausimaningit nunataarutiit, silarjuamilu attuajunut;
• Piuqsuarlugit saqqijaaqtillugilu Inuit Ukiuqtaqtumiutauninginnut ammalu ikajurlugit Kanatamiut Inuit nilliatillugit Ulaasaami, Alaaskami Kalaałiit Nunaani silarjuamilu;
• Piliriqatiqarlutit Inuit Tairiit Kanatami qanuilinganinginni unikkaaqattarlutit Kanatamiut Inungit silarjuamut;
• Kiggaqturlugit Kanatamiut Inuit takunnaqtanginni Sivuliqtiit Katimajiralaanginni Inuit Ukiuqtaqtumiuqatigiit Katimajingit (silarjuami) atuliqtillugillu, Kanatami, piqujivungaarutiit arraagutamaaqsiutimiinngaqtuminirnit Inuit Ukiuqtaqtumiuqatigiit Katimajinginni;
• Piliriqatiqarlutit kuapuriisaujunik inuit nunataarutinginni katujjiqatigiinnik silarjuamuungajunik;
• Pijittirlugit aulattiluni, tukimuattittilunilu Inuit Tapiriit Kanatami, saqqijaaqtittinirmut makuninga Kanatamiutarnit Inunnit ammalu Ulaasaammiinngaqsimajunik, Alaaskami Kalaałiit Nunaanilu;
• Piliriqatiqarlutit Kanatami Inunnit atuqtautittiarlugit silarjuami pijunnautingit pijumajangillu nunaqaqqaaqtuminiutaulutit Kanatami silarjuamilu;
• Silarjuami aqutiulutit Kanatamiutalimaanit inunnit nilliajiuqattarlutit isumaaluutinginni silarjuamut timiujunut, silarjuamilu katimaniujunut, gavamaullu iluani timiujunut, silarjuami gavamaunngittunut katujjiqatigiinnut, ammalu silarjuami nunaqaqqaaqtuminirnut pigiarutiqaqattaqtunit;
• Pilirivallialutit silarjuami paqqittinirmit ukiuqtaqtuup avatinganni sunakkutaanginnillu nungusattaililugit sivunittinnut pijaujumaarninginnut Kanatamiutarnut Inunnut pivaallirutauttiaqullugit nunamiittut imarmiittut piruqtuillu;
• Kamaqattarlutit silarjuami makuninga paqqittinirmut saqqijaaqtittinirmullu Inuit pijunnautinginni makununngangaajunik aanniaqtailimajulirinirmut, piqqusilirinirmut, uqausilirinirmut, uppirijarnut, Inunnut pijunnautinut, uvvaluunniit asinginni piliriangujunik attuiniqarnirmit Inunnit qanuittuugajarninganni sivunittinni inuuqatinginni silarjuami Ukiuqtaqtumiunguqatinginni ammalu silarjuami;
• Piliriqatauqattarlutit silarjuami tigusivallialutit tauqsiinirmuungajunik pivallianirmullu Kanatamiutarnut Inunnut ikajurlugillu pivallianasuaqtillugit namminiqarnirmit namituinnattiaq;
• Saqqiikannirlutit Kanatamiutarnit Inunnut qanuigutauqattaqtunik isumaaluutiujunillu Inunnit Ulaasaami, Alaaskami, Kalaałiit Nunaani ammalu maligalirinittigut Kanatamiutarnit inunnit ikajuqattarluni taimaigiaqaqqata;
• Uqaqatiqainnaqattarlutit ministait Kanatami Gavamakkunginni tamakkuni pimmariujunik silarjuami pilariuninginni Inunginni Kanatamiutarnit;
  • Uqaqatiqainnaqattarlutit ministait Kanatami Gavamakkunginni tamakkuni pimmariujunik Inuit Ulaasaami, Alaaskami ammalu Kalaałiit Nunaani saqqijaaqtittikannirasuarlutit pijunnautinginni pijumajanginnillu Kanatami