Nuuk, Kalaałiit Nunaani – Julai 24-31, 1998

8−nganni Inuit Ukiuqtaqtimiuqatigiit Katimavijjualauqsimajut Nuukmi, Kalaałiit Nunaani tuttarviujuq (Kalaałiit Nunaat) Julaimi 24-31,1998. Pijjutiqanngualauqsimajut Katimavijjuarninganni “Inuit Uppirijangit Silarjuami Piliriqatiqarniarninginni”, tamanna Inunnut piliriqatiqarumaninginni amisunit kajusisimattiaqtunit iInuit Ukiuqtaqtumiuqatigiit Katimajinginni ukiunut avatiulualiqtunut Ilisaqsimmijut pimmariuningani piliriqatiqakkannirasuarluni asinginni nutaarnit.

Kanatami tilijausimajut nuukmuuqujaullutit 70−ulauqsimajut makua 18−ngullutit Inuit Ukiuqtaqtumiuqatigiit Katimajinginni katimavijuariaqtut, tisamat innait tilijausimajut, inuusuttuit, tusaajiit, pinnguaqtiit iqqanaijaqtiillu Kiggaqtuijiit asinginni nunaqaqqaaqtuminiinngaaqtut katujjiqatigiinnik, gavamakkunni, ilinniavijjuarnit, tarrijaalirijinik pivalliajulirijikkunniinngaaqsimajunillu tamaaniqai katittugit 150−ulauqsimajut.

Ullunut 9−nut katimatillugit, 32−nik piqujivungaarnit kajusitittilauqsimajut ajjigiinngiruluujaqtunik makuninga pijunnautilirinirmit, pivallijulirinirmit, tauqsiinirmit, ilinniaqtulirinirmit, ingirrajulirinirmit, tusaumaqattautilirijimmit avatilirinirmillu. Nalunaiqsilauqsimagillutit Inuit Pijunnautinginni asivarunnarninginni, katujjigunnarninginni tauqsiigunnarninginnillu imarmiutarnit sunakkutaaqutinginnillu kajusititaullutit. Innait inuusuttuillu kajusitittillutit piqujivungaarutinik isumaaluutigijanginni. Piqujivungaarutiit piliriarijaulauqtut assuruqtutit kativijjuatillugit tilisillutillu qanuittut kamagijaugiaqarniarmangaata arraagunik tisamauniaqtunik.

Angijualuit upinnammarittut piqataujut ulaasaanit sikaatkami piluaqtumit pimmariuvuq katimavijjuaqtunit ammalu nalunaiqtauninginni kajusisimajangit inuit ukiuqtaqtumiuqatigiit katimajinginni ukiunut pingasunut, jaan amarualik iqqaumajuq katimaniulauqsimajumi suuviat tuttarvinganni kanatamut 1983−mit apirilluni ulaasaamiut inuit piqataujunnaqullugit iqalunni aujakkut katimavijjuarnirmit. Tussiraanga angiqtaulluni kisiani kappiasulauqtut uppirijaqattiarnatillu, kisiali ajuinnaruluujattarngata tamanna isumanga asijjiqtaulauqsimajuq. Uqaqtunilu “ammalukitaaq iluittururniraqtuniuk” ilisarijauttiaqtutillu ukiugalannut assuruutigilauqsimaningannut inuit ukiuqtaqtumiuqatigiit katimajinginni, ammalu piqatauninginni ulaasaat katimavijjuarnirmit quvianallarittualuulauqsimajuq.

Piliriangujut katimavijjuatillugit takunnatittillutit pinnguaqtunit piqqusingit atuqtugit atuni nunalirjuat unnukkut. Kingulliqpaangannilli innunganni, kanatami upassimajut pinngualauqtut inuit uppirijanginni. Upassimajut iqqanaijaqtiillu piqqusinginni atuqtutit kalaaᖡt nunaaniinngaqtunit “qujannamiirutiqalauqtut” inngiqtutik. Isulilauqtut inngittutit imaak “Nunarjuangugatta”.