ᔫᓂ 16, 2023, ᐃᓐᓯᐊᖕᒪ ᑲᕝᓂᒋᐊᓂ ᑯᕇᕋᐅᑉ −ᑐᖏᓕᐊ ᑲᑎᒪᓂᐅᑉ ᐊᖏᖃᑎᒌᖑᑎᐅᑉ ᓴᐳᔾᔨᓂᐊᕐᓗᓂ ᒪᓕᒐᖃᖏᑦᑐᓂᒃ ᐃᒪᕕᖕᓂ ᐃᖃᓗᒐᓱᐊᕐᕕᐅᕙᑦᑐᓂ ᕿᑎᖅᐸᓯᐊᓂ ᐅᑭᐅᖅᑕᖅᑑᑉ ᐃᒪᕕᖓᓂ ᐃᓐᓴᓐ, ᓂᒋᐊᓂ ᑯᕇᔭᐅᑉ—ᑐᖏᓕᐊ ᑲᑎᒪᓂᐅᑉ ᑲᑎᒪᔩᑦ ᐊᖏᖃᑎᒌᖑᑎᒧᑦ ᓴᐳᔾᔨᓂᕐᒥᒃ ᒪᓕᒐᖅᑎᒎᖏᑦᑐᓂᒃ ᐃᒪᕕᖕᓂ ᐃᖃᓗᒐᓱᐊᕐᓂᐅᕙᑦᑐᓄᑦ ᕿᑎᖅᐸᓯᐊᓂ ᐅᑭᐅᖅᑕᖅᑑᑉ ᐃᒪᕕᖓᑕ (CAOFA) ᑲᑎᒪᓂᖃᓚᐅᖅᐳᑦ ᑕᒫᓂ ᐱᓴᓱᐊᕈᓯᕐᒥ, ᐃᓄᐃᓪᓗ ᐱᖃᑕᐅᓂᖓ ᐃᓚᒋᓪᓗᓂᐅᒃ ᑲᓇᑕᒥ ᑲᑎᒪᔭᖅᑐᖅᓯᒪᖃᑕᐅᔪᑦ ᐃᓱᒪᓕᐅᕈᑎᖃᕐᓂᖅ ᑐᑭᑖᕈᑎᒋᓂᐊᕐᓗᒍ ᐃᓱᒪᑦᓴᖅᓯᐅᕈᑎᖃᑦᓯᐊᕋᓗᐊᕐᒪᖔᖅ ᐊᑐᐃᒍᓐᓇᖅᑐᓂᒃ ᐃᓅᓪᓗᑕ ᐱᐅᓯᑦᑎᓐᓂᒃ, ᐱᓗᐊᖅᑐᓂᒥ ᐊᖑᓇᓱᐊᕐᓂᑯᑦ ᓂᕿᖃᕆᐊᖃᕐᓂᑯᓪᓗ.
ᐃᓄᐃᑦ ᐱᖃᑕᐅᓂᖓ ᑕᕝᕙᓂ ᐊᒥᓱᓄᑦ−ᐊᕐᕌᒍᓄᑦ ᐱᕙᓪᓕᐊᓂᐅᓂᐊᖅᑐᒥ ᑕᐃᒪᖓᓂᒃ ᓯᕗᓕᐅᓚᐅᖅᓯᒪᔪᒥᒃ ᐋᔩᖃᑎᒋᓂᐅᓯᒪᔪᓂ ᐊᖏᖃᑎᒌᒍᑎ ᐱᓪᓗᒍ. ᐱᖃᑕᐅᓂᕗᑎ ᑕᓴᒃᓱᒧᖓ ᐊᑕᖐᑎᑦᓯᒻᒪᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖓᓂᒃ ᑕᕝᕙᓂ CAOFA−ᑯᑦ ᐊᑐᓕᖅᑎᓯᒪᔭᖓ. ᐃᓄᐃᑦ ᐊᑕᖏᖅᑐᒥᒃ ᐊᑐᐃᓐᓇᐅᑎᑦᓯᔪᑦ, ᓇᓕᒧᒌᓐᓂᓕᒻᒥᒃ ᐱᓇᓱᐊᕐᓂᖃᕐᕕᓕᒻᒥᒃ ᑐᑭᓯᐅᒪᓂᕐᒥᒃ ᐅᑭᐅᖅᑕᖅᑐᒥᒃ ᐃᓱᒪᑦᓴᖅᓯᐅᕈᑎᖃᖅᐸᑦᑕᒥᒃ ᓂᕿᒌᖑᖃᑎᒌᓕᒪᑦᓯᐊᓂᒃ, ᐊᑦᑐᖅᑕᐅᑐᐃᓐᓇᕆᐊᖃᕐᓂᐃᓐᓂᒃ ᐃᓄᐃᑦ ᓂᕿᖏᑦ, ᐃᓕᑕᖅᓯᓂᖃᖅᓱᓂᓗ ᐃᓄᖕᓂᑦ ᑎᒥᓕᓐᓂᒃ, ᐱᖃᑕᐅᓪᓗᑎᒃ ᐃᓄᐃᑦ, ᐊᑦᑐᐊᓂᖃᕐᒪᑕ ᐅᑭᐅᖅᑕᖅᑐᒥ ᐆᒪᔪᑦᓄᑦ ᓯᓚᖃᑎᒌᓄᑦ ᓇᔪᒐᖃᑎᒌᓄᓪᓗ. ᑕᒪᓐᓇ ᑐᑭᓯᐅᒪᓂᖅ ᑕᒪᒃᓱᒪᖓ ᐊᑐᕆᐊᖃᓪᓚᕆᒻᒪᑦ ᐊᖏᖃᑎᒌᒍᑦ ᐊᐅᓚᔾᔭᕆᐊᖁᔨᒻᒪᑦ ᖃᐅᔨᓴᑦᓯᐊᕐᓗᓂ ᓴᐳᔾᔨᓂᕐᒥᒃᑦ ᒪᓕᒐᖃᐅᖏᑦᑐᓂᒃ ᐃᖃᓗᒐᓱᐊᕐᕕᐅᕙᑦᑐᓂᒃ ᐅᑭᐅᖅᑕᖅᑐᒥ ᐃᒪᕕᖕᓂ ᐃᓚᖓᓂ ᕿᑎᖅᐸᓯᐊᑕ ᐃᒪᕕᐅᑉ ᐅᑭᐅᖅᑕᖅᑐᒥ ᓇᐅᑦᓯᑐᑦᓴᐅᑦᓯᐊᖁᓪᓗᒋᒃ ᐳᐃᔨᑦ ᓇᔪᒐᖏᓐᓂᑦ.
ᑕᓐᓇ ᑐᖏᓕᐊᓂ ᑲᑎᒪᓂᒥᓂᖓ ᐱᖃᑕᐅᔪᑦ ᑭᖑᓂᖓᓂ ᐱᔪᒥᓂᖅ ᐱᔪᓐᓇᖅᑎᑕᐅᓗᓂ ᑲᑐᔾᔨᖃᑎᒌᒍᑕᐅᔪᒥᒃ ᐱᓕᕆᐊᒥᒃ ᑭᓪᓕᓯᓂᐊᕐᓂᕐᒧᑦ ᖃᐅᔨᓴᖅᑐᓕᕆᓂᕐᒥ ᐊᒻᒪᓗ ᓇᐅᑦᓯᑐᕐᓂᕐᒥ (JPSRM) ᑐᑭᒧᐊᒍᑎᑦᓴᖓᓂᒃ ᐸᓐᓇᐅᒻᒥᑦ, ᐱᖃᓯᐅᔾᔨᔪᒥᒃ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖓᓂᒃ ᖃᐅᔨᓴᕐᓂᕐᒥ ᐸᕐᓇᐅᒻᒥᒃ ᑐᑭᓯᑦᓯᐊᑲᓐᓂᕈᒪᓪᓗᒍ ᕿᑎᖅᐸᓯᐊᓂ ᐅᑭᐅᖅᑕᖅᑑᑉ ᐃᒪᕕᖕᒥ ᐆᒪᔪᑦ ᓯᓚᖃᑎᒌᑦ ᓇᔪᒐᖃᖃᑎᒌᑦ ᐊᒻᒪᓗ ᐱᒋᐊᕈᑕᐅᒍᓐᓇᖅᓱᓂ ᐃᖅᑲᓇᐃᔮᖑᒋᐊᓕᒃ ᓯᕗᓂᑦᑎᓐᓂ ᑖᒃᑯᓄᖓ ᐱᖃᑕᐅᔪᓄᑦ.
ICC −ᑯᑦ ᖃᐅᔨᒃᑲᐃᖃᑦᑕᖅᓯᒪᔪᑦ ᐃᓄᐃᑦ ᐃᓚᒋᔭᐅᓂᖏᓐᓂᒃ ᐅᑭᐅᖅᑕᖅᑐᒥ ᐆᒪᔪᑦ ᓯᓚᖃᑎᒌᓄᑦ ᓇᔪᒐᖃᖃᑎᒌᓄᓪᓗ ᓂᕿᖃᖅᐸᑦᓱᑎᓪᓗ ᓂᕿᓂᒃ ᓂᕐᔪᑎᔭᓂᒃ ᐊᑐᐃᓐᓇᐅᔪᓂᑦ. ᐱᒻᒪᕆᐅᒻᒪᑦ ᐃᓄᐃᑦ ᓇᔫᑎᓂᖓ ᓴᙱᓂᓕᒃ ᐊᖏᖃᑎᒌᒍᑎᑦ ᐊᑐᓕᖅᑎᑕᐅᑎᓪᓗᒋᑦ, ᐊᒻᒪᓗ ICC−ᑯᑦ ᐃᓚᒋᔭᐅᖏᓐᓇᓂᐊᖅᓱᑎᒃ CAOFA ᐱᕙᓪᓕᐊᓂᖓᓂ ᑭᒡᒐᖅᑐᐃᓗᑎᒃ ᐃᓄᓕᒫᓂᑦ.
“ᑕᐃᒫᑦᓴᐃᓇᒐᓚᒃ ᐊᑕᖏᖅᑐᒥᒃ ᓄᓇᕐᔪᐊᑉ ᑕᑯᓐᓇᕐᓂᖓᑎᑐᑦ, CAOFA ᐱᕙᓪᓕᐊᓂᖓ ᐃᓚᒋᒻᒪᐅᒃ ᐊᖏᓂᖅᓴᐅᑉ ᐋᖅᑭᓱᖅᑕᐅᕙᓪᓕᐊᔫᑉ. ICC−ᑯᑦ ᑲᔪᓯᔪᑦ ᐱᖃᑕᐅᕕᒋᓪᓗᓂᒋᑦ ᐊᔾᔨᒌᖏᑦᑐᓂ ᓄᓇᕐᔪᐊᒥ ᐱᕙᓪᓕᐊᓂᐅᔪᓂ . ᐃᓚᓕᐅᑎᑎᓪᓗᒍ ᑖᒃᓱᒧᖓ, ᐱᖃᑕᐅᕙᑦᑐᒍᑦ ᐊᖏᖃᑎᒌᒍᑎᒧᑦ ᐱᐅᖅᓱᕆᐊᖃᕐᓂᕐᒨᖓᔪᒥᒃ ᐊᑐᑦᓯᓱᐊᕐᓗᒋᓪᓗ ᐳᐃᔨᑦ ᐊᔾᔨᒌᖏᑦᑐᑦ ᑲᓇᑕᒥ ᑭᓪᓕᓕᐅᖅᑕᐅᓯᒪᔪᒥ ᓄᓇᓂ, ᔫᓇᐃᑦ ᓇᐃᓴᓐᑯᓪᓗ ᑐᑭᒧᐊᒍᑎᓕᐊᕆᓯᒪᔭᖓ ᐸᕐᓇᐅᑦ ᑲᑎᒪᓂᕐᒥ ᓯᓚᐅᑉ ᐊᓯᔾᔨᕐᓂᖓ ᐱᓪᓗᒍ, ᓄᓇᕐᔪᐊᒥ ᑲᑎᒪᔩᑦ ᓯᓚᐅᑉ ᐊᓯᔾᔨᕐᓂᖓᓄᑦ, ᐃᒪᓕᕆᔨᒃᑯᑦ ᑎᒥᖁᑎᖓ, ᐱᖃᑕᐅᓪᓗᓂᑦᑕᐅᖅ ᓇᒻᒥᓂᕗᑦ ᐱᑭᐊᓚᓱᐊᕐᓱᐊᖅ−ᐱᓕᕆᐊᖅ, ᐅᖓᑖᓅᖅᑐᖅ ᒥᐊᓕᒐᐃᑦ ᓄᓇᖓᑕ ᑭᓪᓕᓕᐅᖅᑕᐅᓯᒪᓂᖏᓐᓂᒃ. ᐊᑑᑎᖃᖅᑐᓂᑦ ᐃᑲᔪᖅᓯᒪᔨᒋᕙᑦᑕᕗᑦ ᐊᑑᑎᖃᑐᐃᓐᓇᖏᑦᑐᑦ ᐃᓄᖕᓄᑦ ᐃᓅᓇᓱᐊᖅᑐᓄᑦ ᐅᑭᐅᖅᑕᖅᑐᒥ; ᑭᓯᐊᓂᑦᑕᐅᖅ ᓄᓇᕐᔪᐊᖅ ᐊᕙᑎᓕᒫᖓᓗ ..
– ᓯᐊᔭ ᐊᓪᔅᕕᒡ, ᐃᒃᓯᕙᐅᑕᕆᔭᖅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ
“ᐱᖃᑕᐅᔪᑦ ᐃᖅᑲᓇᐃᔭᖃᑎᖃᕆᐊᖃᕐᓂᐊᖅᑐᑦ ᐃᓄᖕᓂᑦ ᐱᕙᓪᓕᐊᑎᑕᐅᖁᓪᓗᒍ ᑐᙵᕕᓕᐅᖅᑕᐅᓗᓂ ᐊᒻᒪᓗ ᐱᕙᓪᓕᐊᓂᕐᒥ ᑐᑭᓕᒻᒥᒃ ᐱᖃᑕᐅᑎᑦᓯᓂᒃᑯᑦ ᐃᓄᖕᓂᑦ ᐊᑐᓕᖅᑎᑕᐅᓂᖓᓂ ᐊᖏᖃᑎᒌᒍᑦ, ᐃᓕᑕᕆᔭᐅᓂᖃᑦᓯᐊᕐᓗᑎᓪᓗ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖓ ᓇᖕᒥᓂᖅ ᐱᔪᓐᓇᐅᑎᒥᒍᑦ.”
– ᕼᐅᑉ ᓴᑭᒪᔭᒃ, ᐊᐅᓚᑦᓯᔨ ᑲᑎᒪᔨᐅᖃᑕᐅᔪᖅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ
ᐃᓄᐃᑦ ᐃᓚᒋᒻᒪᐅᒃ ᐆᒪᔪᑦ ᓯᓚᖃᑎᒌᑦᑐᓄᑦ ᓇᔪᒐᖃᑎᒌᓄᑦ ᐊᒻᒪᓗ ᓂᕆᔭᒃᓴᖃᕐᓗᑎᒃ ᑭᓯᐊᓂᐅᓪᓗᓂ ᓂᕿᓂᒃ ᓂᕐᔪᑎᔭᓂᒃ ᐊᑐᐃᓐᓇᐅᔪᓂᑦ. ᐃᓄᖁᑎᕗᑦ ᐃᓅᓯᓕᑦ ᐊᖑᓇᓱᐊᕐᓂᕐᒥᒃ, ᐃᖃᓗᒐᓱᐊᕐᓂᕐᒥᒃ, ᑲᑎᖅᓱᐃᓂᕐᒥᓪᓗ ᐱᖅᑯᓯᕐᒥᒃ, ᐱᔭᑦᓴᖃᖅᐳᒍᓪᓗ ᑲᒪᑦᓯᐊᓂᕐᒥᒃ ᐊᑐᐃᓐᓇᕆᔭᑦᑎᓐᓂᒃ ᒪᑭᒪᐅᑎᑦᑎᓐᓂᒃ ᐱᖅᑯᓯᑦᑎᓐᓄᑦ ᐃᓅᓯᕐᒥᓪᓗ ᐃᓱᖃᖏᑦᑐᒧᑦ.”
– ᒪᐃᔭ ᕼᐃᐅᕆ ᐳᕉᕗ ᓄᑲᖅᓯᖅ., ᒪᐃᔭᖓ ᓄᐊᔅ ᓯᓘᑉ ᐳᐊᕈᑉ
| CONTACT: | ||
| Kelly Eningowuk | Kuluk Lyberth | Cassandra Elliott |
| ICC (Alaska) | ICC (Greenland) | ICC (Canada) |
| (907) 274-9058 | 299 34 22 25 | 613-407-2642 |
| kelly@iccalaska.org | Kuluk@inuit.org | celliott@inuitcircumpolar.com |