ᐊᓐᑯᕆᔾ, ᐊᓛᔅᑲ – ᑎᓯᐱᕆ 7, 2021 – ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ICC−ᑯᑦ) ᐱᖃᑕᐅᔪᒥᓃᑦ ᖃᕆᑕᐅᔭᒃᑯᑦ ᑲᑎᒪᓂᕐᒥ ᓄᓇᕐᔪᐊᒥ ᑕᕆᐅᕐᒥᐅᑕᓕᕆᔨᑦ ᑎᒥᖁᑎᖏᑦ (IMO−ᑯᑦ) ᑕᕆᐅᕐᒥᐅᑕᐃᑦ ᐊᕙᑎᖓ ᓴᐳᑎᔭᐅᓂᖏᓐᓄᑦ ᑲᑎᒪᔨᕋᓛᑦ (MEPC−ᑯᑦ) 77 ᑲᑎᒪᓂᖏᓐᓂ ᐱᓇᓱᐊᕈᓯᐅᔪᔪᒥ ᐱᒻᒪᕆᐅᔪᓂᑦ ᐃᓱᒫᓘᑕᐅᔪᓂᑦ ᐊᑦᑐᐃᓂᕐᓗᑦᑐᓂᑦ ᐅᑭᐅᖅᑕᖅᑐᒥ ᐅᖃᖃᑎᒌᒍᑕᐅᑎᓪᓗᒋᑦ. ᓯᕗᓪᓕᖅᐸᐅᓪᓗᑎᒃ ᓄᓇᖃᖅᑳᖅᓯᒪᔪᑦ ᑎᒥᖁᑕᐅᔪᑦ ᐊᑐᑲᐃᓐᓇᖅᑎᓪᓗᒍ ᖃᐅᔨᒋᐊᕐᕕᐅᒍᓐᓇᖅᑐᑦ ᐱᔪᓐᓇᕐᓂᖃᖅᑎᑕᐅᒍᑎᖓᑦ IMO−ᑯᓂ, ICC−ᑯᑦ ᐊᔾᔨᖃᖏᑦᑐᓂᒃ ᐃᓱᒪᒋᔭᐅᔪᓂᑦ ᓴᕝᕙᐃᕗᑦ ᑖᒃᑯᓄᖓ ᐅᖃᖃᑎᒌᖕᓂᐅᕙᑦᑐᓄᑦ ᑐᙵᓱᑦᑎᑦᓯᓪᓗᑎᓪᓗ ᓄᑖᓂᑦ ᐱᓕᕆᖃᑕᐅᓂᕐᒧᑦ ᓇᖕᒥᓂᖃᖃᑕᐅᓂᐊᖅᑐᓂᑦ.
“ᐃᓱᒫᓘᑕᐅᓂᖓᑕ ᐊᖏᓂᖓ ᒪᓕᑦᓱᓂ IMO−ᑯᑦ ᐱᓕᕆᐊᖓᓂᑦ ᒐᓛᔅᑯᒧᑦ ᐊᖏᖃᑎᒌᖑᑎᐅᑉ ᑕᒪᒃᑯᐊ ᐱᒻᒪᕆᐅᔪᑦ ᓯᕗᒧᐊᒍᑕᐅᕙᓪᓕᐊᔪᑦ ᒥᑭᓪᓕᕚᓪᓕᖁᓪᓗᒍ ᓱᕈᕐᓇᖅᑐᑦ ᓄᓇᕐᔪᐊᒥ ᐅᓯᑲᑕᕐᓂᖅ ᐱᓪᓗᒍ ᑎᑭᐅᑎᒐᓱᐊᕐᓗᒍ 1.5°C−ᓂᓪᓚᓱᓐᓂᐅᖁᔭᐅᔪᖅ ᐊᖏᖃᑎᒌᖑᑎᒥᓂᓂᖅ COP26−ᒥ ᓯᓚ ᑲᑎᒪᔾᔪᑕᐅᑎᓪᓗᒍ. ᑕᒪᓐᓇ ᐱᖃᓯᐅᔾᔨᒐᔭᖅᑐᖅ ᐊᑎᓕᐅᖅᑕᐅᓂᖏᓐᓂᑦ ᑖᒃᑯᐊ ᑖᑲ−ᒐᓛᔅᑯ ᐊᖏᖃᑎᒌᒍᑦ, ᑲᒪᐃᑦᐹᖕᒃ ᐊᖏᖃᑎᒌᒍᑦ, ᐊᒻᒪᓗ ᑖᓐᓇ ᐊᖏᖃᑎᒌᒍᑦ ᐱᑕᖃᕈᓐᓃᑯᓪᓗᒍ ᓱᕈᕐᓇᖅᑐᑦ ᓯᐊᒻᒪᐸᑦᑐᖅ ᐅᓯᑲᑦᑕᓂᒃᑯᑦ ᒥᑦᓯᑎᓐᓂ 2050 ᐳᒧᕐᓗᕐᒥᑦ ᒑᓚᓖᒦᖔᖅᑐᒥᑦ (GHG) ᒥᑭᓪᓕᕚᓪᓕᖅᑎᑕᐅᓗᑎᒃ ᓄᓇᕐᔪᐊᒥ ᐅᓯᑲᑕᓐᓂᐅᕙᑦᑐᓄᑦ. ICC−ᑯᑦ ᐅᒡᒍᐊᕆᔭᖃᖅᑐᑦ ᐊᖏᖅᓯᒪᑦᓯᐊᕐᓂᖅ, ᓯᐊᒻᒪᐸᓪᓕᐊᖏᓐᓇᕋᓗᐊᖅᑎᓪᓗᒍ ᐃᑲᔪᖅᑐᖅᑕᐅᓂᖅ ᒥᑭᓪᓕᕚᓪᓕᖅᑎᑦᓯᒍᒪᓂᖅ ᐳᔪᕐᓗᓐᓂᑦ ᒥᑦᓯᑎᓐᓂ 2050 ᐃᑲᔪᖅᑐᖅᑕᐅᓂᖏᑦᑐᖅ. ᑭᓯᐊᓂᓕ, ᕿᑎᕋᐃᓕᖅᐸᑦ−ᖃᐅᔨᓴᕈᒪᓃᑦ ᓄᖑᑎᕆᕙᓪᓕᐊᒐᓱᐊᕐᓂᕐᒧᑦ ᐳᔪᕐᓗᓐᓂᑦ – ᐱᖃᑎᓯᐅᑎᓗᒋᒃ ᑕᒪᒃᑮᒃ ᐳᒧᕐᓗᓃᖔᖅᑐᑦ ᐊᒻᒪᓗ ᐅᖅᓴᐊᓗᒻᒥᒃ – ᐅᖃᖃᑎᒌᒍᑎᖃᖅᓱᑎᒃ ᐱᒋᐊᒃᑲᓂᕈᒪᓪᓗᑎᒃ 2022−ᒥ ᐅᖃᐅᓯᒥᓂᖅ ᑭᖑᓂᖓᓂ” ᐅᖃᖅᑐᒥᓂᖅ ᑕᓖ ᓴᒻᐳ ᑐᐊᕉ, ICC−ᑯᑦ ᐃᒃᓯᕙᐅᑕᖓᑦ.
ᕿᓂᖅᑕᖅ ᐳᔪᕐᓗᐃᑦ, ᖃᐅᔨᒪᔭᐅᔪᑦ ᐃᓱᒫᓘᑕᐅᓪᓗᓂ ᐅᑭᐅᖅᑕᖅᑐᒥ ᓯᓚᒥᒃ ᐊᓯᔾᔩᕙᓪᓕᐊᓂᖃᕐᓂᖓ, ᐅᖃᖃᑎᒌᒍᑕᐅᓐᓂᕐᒥᔪᑦ ᐊᖏᖃᑎᒌᖑᑕᐅᓪᓗᓂ ᐋᖅᑭᒋᐊᕆᒍᑎᑦᓴᒥᑦ ᑕᒪᑐᒧᖓ ᕿᓚᒥᐅᔪᒥᒃ, ᐃᓱᒪᖅᓲᑕᐅᓗᓂ, ᐅᓗᕆᐊᓇᕈᓐᓇᖅᑐᑦ ᓱᕈᐃᕙᓪᓕᐊᔪᓪᓗ ᐅᖅᓱᐊᓗᒻᒧᑦ ᓴᓗᒻᒪᓂᖅᓴᓂᑦ ᐊᑐᖔᕐᓂᕐᒧᑦ. ᑕᒪᓐᓇ ᐊᑐᓕᖁᔭᓕᐊᖑᓯᒪᔪᖅ ᐱᓪᓗᒍ IMO−ᑯᓐᓄᑦ ᐃᓚᐅᔾᔪᑎᓖᑦ ᑐᑭᓯᓇᖅᑐᒥᒃ ᑐᓴᖅᑎᑦᓯᔪᒥᓃᑦ ᐊᑦᑐᐃᓂᕐᓗᓐᓂᖏᓐᓂᑦ ᕿᕐᓂᖅᑕᐅᑉ ᐳᔪᕐᓘᑉ ᐱᖃᑕᐅᓪᓗᑎᓪᓗ ᐅᓯᑲᑦᑕᖅᑏᑦ ᐱᔭᒃᓴᖃᖃᓯᐅᑎᓂᖓᑦ ᑕᒪᓐᓇ ᒥᑭᓪᓕᕚᓪᓕᑎᓪᓗᒍ. ICC−ᑯᑦ ᐅᖃᕆᐊᖃᓯᐅᑎᓐᓂᕐᒥᔪᑦ ᐃᓂᒥᑕ ᒥᒃᓵᓄᑦ ᐃᓄᐃᑦ ᓄᓇᓕᓪᓚᑑᓂᖅᓴᓃᑦᑐᑦ ᐊᑭᓖᔭᕆᐊᖃᙱᒻᒪᑕ ᓴᓗᒪᓂᖅᓴᒥᒃ ᐅᖅᓱᐊᓗᖃᕆᐊᖅᑐᖃᕐᓂᐊᖅᐸᑦ.
ᐃᑲᔪᖅᑐᖅᓱᒍ ICC−ᑯᑦ ᐱᓕᕆᓂᖏᑦ, ᔨᒥ ᓄᐊᒃ, ᓵᓚᒪᓐ ᐊᐃᓚᓐᒧᑦ ᑐᒡᓕᐅᓪᓗᓂ ᑎᑎᕋᖅᑎ, ᐱᓕᕆᕕᖓᑦ ᐊᑐᖅᑐᒃᓴᓄᑦ ᐱᕙᓪᓕᐊᑎᑦᓯᓂᕐᒧᑦ, ᐅᖃᖅᑐᒥᓂᖅ ᑲᑎᒪᓂᕐᒥ, “ᕿᑭᖅᑕᓪᓚᑐᒥᐅᑦ ᐱᕙᓪᓕᐊᓂᖏᑦ ᓄᓇᓕᕐᔪᐊᓂ (SIDS) ᑕᐃᒫᑦᑕᐅᖅ ᓵᓚᒪᓐ ᐊᐃᓚᓐ ᐊᑐᖅᑕᖏᑦ ᐃᓱᒫᓘᑕᐅᔪᑦ ᐊᑦᑐᐊᓂᓖᑦ ᓯᓚᐅᑉ ᐊᓯᔾᔨᕐᓂᖓᓄᑦ ᐃᓚᓕᐅᑎᕗᒍᓪᓗ ᐅᑭᐅᖅᑕᖅᑐᒥ ᖃᑕᙳᑎᑦᑎᓐᓄᑦ ᑐᒃᓯᕋᖅᓱᑕ ᐊᐅᓚᔾᔭᒋᐊᕈᑕᐅᖁᓪᓗᒍ ᒫᓐᓇᑦᓴᐅᑎᒋ ᓄᖑᑎᕐᓗᒋᑦ ᐳᔪᕐᓗᐃᑦ ᐅᖅᓱᐊᓗᒃᓴᐃᑦ ᐊᒻᒪᓗ ᕿᓂᖅᑐᖅ ᐳᔪᕐᓗᒃ ᓄᓇᕐᔪᐊᒥ ᐅᓯᑲᑦᑕᖅᓂᕐᓄᑦ.”
ᓖᓴ ᖁᐱᕐᕈᐊᓗᒃ, ICC−ᑯᑦ ᑲᓇᑕᒥ ᑐᒡᓕᐊ−ᐊᖓᔪᖅᑳᑉ ᓄᓇᕐᔪᐊᒧᑦ, ᐅᖃᖅᑐᒥᓂᖅ, “ICC−ᑯᑦ ᑲᔪᓯᔪᑦ ᐃᑲᔪᖅᑐᐃᓂᕐᒥᓐᓂᒃ ᓱᕐᕋᐃᑦᑑᖁᔨᓂᖅ ᐅᑭᐅᖅᑕᖅᑐᒥᑦ. ᐅᑭᐅᖅᑕᖅᑐᒥ ᐅᓯᑲᑕᓐᓂᐅᕙᑦᑐᖅ ᐊᑐᖅᑐᒃᓴᓂᑦ ᐅᑭᐅᖅᑕᖅᑐᒧᑦ ᐱᔭᕆᐊᖃᕐᓂᖓᓂᒃ ᐅᑭᐅᖅᑕᖅᑐᒥ ᓄᓇᓕᖏᓐᓂ ᐊᒻᒪᓗ 90−ᐳᓴᖏᑦ ᓄᓇᕐᔪᐊᒥ ᑕᐅᖅᓰᓂᕐᒨᖓᔪᑦ ᐅᒥᐊᕐᔪᐊᒃᑰᐸᒻᒪᑕ ᑕᒪᓐᓇ ᐱᓪᓗᒍ ᐃᖅᑲᓇᐃᔭᖃᑎᖃᕆᐊᖃᖅᐳᒍᑦ ᓇᒻᒥᓂᖃᖃᑕᐅᔪᓂᑦ ᐱᕚᓪᓕᑲᓐᓂᖁᓪᓗᒍ ᐊᕙᑎᐅᑉ ᓴᐳᑎᔭᐅᓂᖓ. ᓴᐳᔾᔨᓂᖅ ᐅᑭᐅᖅᑕᖅᑐᒥ ᑕᕆᐅᕐᒥᐅᑕᓂᑦ ᐊᕙᑎᖓᓂ ᐊᒻᒪᓗ ᓂᕿᖃᕆᐊᖃᕐᓂᕐᒧᑦ ᐃᓱᒫᓘᑕᐅᓂᖅᐸᐅᕗᖅ”.
ICC−ᑯᑦ ᑕᕝᕘᓇ ᖃᐅᔨᒋᐊᕐᕕᐅᒍᓐᓇᖅᑐᑦ ᐱᔪᓐᓇᕐᓂᖃᖅᑎᑕᐅᒍᑎᒥᒍᑦ ᓯᕗᓂᖃᑦᓯᐊᕈᑎᒋᔮᑦ ᐃᖅᑲᓇᐃᔭᖃᑎᖃᕐᓂᐊᓂᕐᒥᓐᓂᑦ ᐃᓚᐅᔾᔪᑎᓕᓕᒫᓂᑦ ᐱᓗᐊᖅᓱᒋᑦ ᑖᒃᑯᐊ ᕿᑭᖅᑕᓪᓚᑐᒥᐅᑕᐃᑦ ᐅᖃᖅᓯᒪᔪᖃᖅᑎᓪᓗᒍ ᓱᕈᕐᓇᖅᑐᑦ ᐃᓄᐃᓴᓪᓕᖁᔭᐅᓪᓗᑎᒃ ᒪᓕᑦᓱᒍ ᐊᑦᑐᐃᓂᕐᓗᑦᑕᐃᓕᔭᕆᐊᖃᕐᓂᖅ ᑕᒪᒃᑯᓂᖓ ᐊᑦᑐᖅᑕᐅᒍᓐᓇᖅᑐᓂᑦ ᓄᓇᓕᕐᔪᐊᓂᑦ ᐊᒻᒪᓗ ᐃᓄᐃᑦ ᓄᓇᓕᖏᓐᓂᑦ.
-30-
ᖃᐅᔨᒋᐊᕐᕕᒋᒍᒃ:
ᑭᐊᓕ ᐃᓂᖑᕗᒃ ICC (ᐊᓛᔅᑲ) +1 907-274-9058 kelly@iccalaska.org
ᑐᑯᒻᒥᙳᐊᖅ ᓇᐃᒃᔭᐃ ᐆᓪᓴᓐ ICC (ᑲᓛᖠᑦ ᓄᓈᑦ) +299 323632 tukumminnguaq@inuit.org
ᓯᑏᕙᓐ ᕼᐃᐊᓐᑐᕆ ICC (ᑲᓇᑕ) +1 613 668-1923 type88@post.com