ᒫᔾᔨ 7, 2022 – ᑖᒃᑯᐊ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ICC−ᑯᑦ) ᐱᓯᒪᓕᖅᑐᑦ ᑲᑐᔾᔨᒍᑕᐅᓪᓗᓂ ᐊᖏᖃᑎᒌᒍᑕᐅᓯᒪᔪᒥᒃ ᐅᖃᐅᓯᕆᔭᐅᓯᒪᔪᒥᒃ ᐊᖓᔪᖅᑲᐅᑎᓄᑦ ᑲᓇᑕᒥ, ᑭᖕᑕᒪᖓ ᑎᐊᓐᒫᒃ, ᕕᓐᓚᑦ, ᐊᐃᔅᓚᓐ, ᓄᐊᕙᐃ, ᓱᕖᑕᓐ, ᐊᒻᒪᓗ ᒥᐊᓕᒐᐃ ᓄᓇᖓᓐᓂᒃ ᑐᑭᒃᓯᕋᖅᑐᓂᑦ ᓄᖅᑲᖓᑎᑕᐅᑲᐃᓐᓇᖁᓪᓗᒋᑦ ᐃᓘᓐᓇᑎᒃ ᑲᑎᒪᓂᕆᕙᑦᑕᖏᒃ ᐅᑭᐅᖅᑕᖅᑐᒧᑦ ᑲᑎᒪᔩᑦ ᐱᓕᕆᖃᑎᒌᑦᑐᑦ ᑎᒥᖁᑎᖏᓪᓗ.
ICC−ᑯᑦ ᐱᓯᒪᒻᒥᔪᑦ ᐅᖃᐅᓯᒥᓂᕐᒥᑦ ᕋᓴᒥᐅᑦ ᐃᒃᓯᕙᐅᑕᖓᓐᓄᑦ ᐅᑭᐅᖅᑕᖅᑐᒧᑦ ᑲᑎᒪᔨᓄᑦ ᐊᖏᖃᑕᐅᓪᓗᓂ ᑐᒃᓯᕋᖅᑕᖓᓄᑦ ᐊᓯᖏᑕ ᓄᓇᓕᕐᔪᐊᑦ. ᕋᓴ ᐃᒃᓯᕙᐅᑕᐅᓂᕐᒥᒃ ᑎᒍᒥᐊᖅᑐᑦ ᒪᐃ 2023-ᖑᕋᓱᖕᓂᖓᓂ.
ᐱᒋᐊᖅᑎᑦᓯᖃᑕᐅᓯᒪᔪᖅ ᐅᑭᐅᖅᑕᖅᑐᒧᑦ ᑲᑎᒪᔨᓂᒃ, ICC−ᑯᑦ ᐃᓚᒋᔭᖅ ᐱᖓᓲᔪᖅᑐᓄᑦ ᓄᓇᖃᖅᑳᖅᓯᒪᔪᑦ ᑎᒥᖁᑎᖏᓐᓄᑦ ᐱᖃᑕᐅᕕᖃᐃᓐᓇᕐᓂᐊᓕᖅᓱᑎᒃ ᐱᖃᑕᐅᕙᓐᓂᕐᒥᒃ ᐱᔪᓐᓇᐅᑎᓖᑦ. ᐃᓄᐃᑦ ᓱᑯᑦᑲᒥᐅᑦ, ᕋᓴᒥᐅᑦ, ᐃᓚᒋᔭᐅᔾᔪᑎᓖᑦ ICC−ᑯᓐᓄᑦ ᐊᓯᖏᓪᓗ ᒪᕉᒃ ᐱᖃᑕᐅᕕᖃᐃᓐᓇᖃᑕᐅᔪᒃ ᑕᒪᑐᒧᖓ ᕋᓴᒥᐅᑦᑕᐅᖅ ᐃᓚᐅᔾᔪᑎᖃᖃᓯᐅᑎᒻᒥᔪᑦ – ᑖᒃᑯᐊ ᐊᓗᐃᑦ ᓄᓇᕐᔪᐊᒥ ᑲᑐᔾᔨᖃᑎᒌᑦ ᐊᒻᒪᓗ ᓵᒥ ᑲᑎᒪᔩᑦ. ᕋᓴᒥᐅᑦ ᑲᑐᔾᔨᖃᑎᒌᖓ ᓄᓇᖃᖅᑳᖅᓯᒪᔪᓄᑦ ᐅᑭᐅᖅᑕᖅᑐᒥ (RAIPON) ᐱᖃᑕᐅᕕᖃᐃᓐᓇᖃᑕᐅᔪᑦᑕᐅᖅ.
ICC−ᑯᑦ ᐱᖏᐊᖅᑐᒥᓃᑦ ᐅᓇᑕᕐᔪᐊᖅᑐᖃᕆᐊᖓᓚᐅᖅᑎᓪᓗᒍ ᑲᑐᔾᔨᖃᑎᒌᖕᓂᒃᑯᑦ ᓂᐱᒋᔭᐅᓂᐊᕋᒥᒃ ᐃᓄᖕᓄᑦ ᐃᑳᕐᓗᒋᑦ ᓄᓇᓕᕗᑦ ᐊᖏᕐᕋᖃᕐᕕᒋᔭᕗᑦ ᐃᓄᐃᑦ ᓄᓈᑦ. ᐃᖅᑲᓇᐃᔮᕆᓯᒪᔭᕗᑦ ᐃᓚᓕᐅᑎᑦᓯᐊᖁᓪᓗᒋᑦ ᖃᑕᙳᑎᑦᓴᕗᑦ ᓱᑯᑦᑲᒥᐅᑦ ᐃᓚᓕᐅᑎᒍᓐᓇᖅᓯᒪᔪᑦ 1992−ᒥ.
ᐃᓱᒫᓗᒋᒐᑦᑎᒍ ᓯᕗᓂᒃᓴᖓ ᐅᑭᐅᖅᑕᑐᒧᑦ ᑲᑎᒪᔩᑦ ᑐᙵᕕᓕᒃ ᓴᐃᓕᓂᒃᑯᑦ ᑲᑐᔾᔨᖃᑎᒌᖕᓂᖃᕐᓂᕐᒥᒃ ᐃᓅᖃᑎᒌᓐᓂᑯᓪᓗ ᐃᖅᑲᒋᐅᑎᓂᕐᒥᑦ.
ᐃᓄᐃᑦ ᑐᓂᓯᒪᓂᖃᖅᑐᑦ ᐅᑭᐅᖅᑕᖅᑐᒧᑦ ᓄᓇᒥᓂᑦ ᓴᐃᓕᓇᖁᔨᔪᑦ, ᐅᖃᐅᓯᒥᓂᖓ ᓴᖅᑭᑎᑦᓱᒍ ᐊᖓᔪᖅᑳᖑᓂᑰᑉ USSR−ᒧᑦ ᐊᖓᔪᖅᑳᖅ ᒥᑲᐃᓪ ᒍᐊᐸᓯᐊᕝ 1987−ᖑᑎᓪᓗᒍ ᐅᖃᐅᓯᒃᓴᒥᓂᒃ ᐅᖃᓕᒪᑦᓱᓂ ᒧᕐᒪᓐᔅᑭᒥ. ICC−ᑯᑦ ᐅᖃᓕᖅᑭᑦᑖᒍᑎᖃᖅᓯᒪᔪᑦ ᑕᒪᒃᓱᒥᖓ ᑐᓴᖅᑎᑦᓯᒍᑎᒋᖃᑦᑕᖅᓱᒍ ᐊᑐᐊᒐᕐᓕᒫᕐᒥᓐᓂ ᑎᑎᕋᖅᓯᒪᔪᓃᑦᑐᓂᑦ, ᐱᓗᐊᖅᑐᒥ ᒫᓐᓇᖃᒻᒥᐅᓯᒪᔪᑦ ᑕᕝᕙᓂ ᐅᑦᑭᐊᕕᒃ ᐊᖏᖃᑎᒌᒍᑎ 2018 ᑎᓕᔭᐅᔪᑎ ᑐᙵᕕᐅᓗᓂ ᐃᖅᑲᓇᐃᔮᕆᒋᐊᓕᓐᓂᒃ ᐱᓕᕆᔾᔪᑕᐅᓗᓂ ᐊᖏᖃᑎᒌᒍᑎᒋᔭᐅᓪᓗᓂ ᐅᑭᐅᖅᑕᖅᑐᖅ ᓴᐃᓕᓂᖃᖅᓱᓂ ᓄᓇ.
ICC−ᑯᑦ ᖃᐅᔨᓴᕐᓂᓖᑦ ᐅᓇᑕᕐᓂᐅᔪᒥᒃ ᖃᐅᔨᒪᒐᓱᐊᑦᓯᐊᖅᓱᒍ ᖃᓄᐃᑦᑐᖃᓕᕐᒪᖔᖅ ᐊᖏᖃᑎᖃᖅᓱᑎᓪᓗ SAO−ᖑᔪᓂᒃ ᑕᒪᓐᓇ ᓄᖅᑲᖓᑎᑕᐅᑲᐃᓐᓇᕐᓂᖓ ᐱᕕᖃᕐᕕᐅᓂᐊᕐᒪᑦ ᐃᓱᒪᑦᓴᖅᓯᐅᕈᑕᐅᓗᓂ “ᐱᔭᕆᐊᓖᑦ ᐊᐅᓚᑕᐅᒋᐊᓖᑦ ᐱᓪᓗᒋᑦ ᑲᔪᓯᒍᑎᒋᓂᐊᖅᑕᕗ ᑲᑎᒪᔩᑦ ᐱᒻᒪᕆᐅᑎᓪᓗᒍ ᐃᖅᑲᓇᐃᔮᖓᓂᒃ ᑕᑯᓐᓇᕐᓗᒋᑦ ᐅᓪᓗᒥᐅᓕᖅᑐᑦ ᐊᑐᖅᑕᐅᔪᑦ.”
ᑐᑭᓯᒋᐊᕐᕕᔅᓴᖅ:
Kelly Eningowuk
ICC (Alaska)
kelly@iccalaska.org
ᑭᐅᕈ ᓴᐃᒪᓐ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ᑲᓇᑕ) csimon@inuitcircumpolar.com
ICC Greenland
iccgreenland@inuit.org