Press Releases

Documenting our Progress

ᑕᒪᒃᑯᐊ ᐱᑕᖃᓐᖏᓗᐊᖃᑦᑕᕐᓂᖏᑦ ᐃᑲᔫᑎᔅᓴᐅᒍᓐᓇᖅᑐᑦ ᐳᕝᕕᕆᓂᖅᑕᖃᖅᑎᓪᓗᒍ ᐅᑭᐅᖅᑕᖅᑐᒥ ᐊᑦᑐᐊᔪᓄᑦ ᐃᓄᓐᓄᑦ – ᓴᙱᓂᕆᔭᕆᐊᓕᖏᓐᓂ ᑕᑯᔅᓴᐅᑎᑦᑎᔪᑦ ᐃᓄᐃᑦ ᐱᖅᑯᓯᖏᓐᓂ

ᐄᑉᐳ 21, 2020 – ᐋᓐᑯᕆᔅᑦ, ᐊᓛᔅᑲᒥ – ᑕᒪᓐᓇ ᑲᔪᓰᓐᓇᑎᓪᓗᒍ ᐳᕝᕕᕆᓐᓈᓗᒃ ᓯᓚᕐᔪᐊᒥ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ, ᐅᑭᐅᑦᑕᖅᑐᒦᖃᑎᒌᑦ ᐃᓄᐃᑦ ᐋᓐᓂᐊᖅᑕᐃᓕᒪᔪᓕᕆᔨᒃᑯᑦ ᑲᑎᒪᔨᕋᓛᖏᑦ ᐃᓱᒫᓘᑎᖃᖃᑦᑕᖅᑯᑦ ᓱᓕ ᖁᕝᕙᓯᑉᐸᓪᓕᐊᑐᐃᓐᓇᑎᓪᓗᒍ ᐅᖓᓯᑦᑐᒦᑦᑐᓂᓪᓗ ᐃᓄᓐᓄᑦ ᓄᓇᓕᓐᓄᑦ ᐊᑦᑐᖅᑕᐅᓂᖏᓐᓄᑦ. ᑭᓱᑐᐃᓐᓇᕐᓂᑦ ᐃᑲᔪᖅᑕᐅᔾᔪᑎᔅᓴᓂᑦ ᐱᑕᖃᓐᖏᓗᐊᕐᖓᑦ ᐃᓪᓗᑭᔅᓴᖅᑐᓂᒃ, ᓂᕿᔅᓴᑭᑦᑐᓂᒃ, ᐃᒪᕐᒥᑦ ᑭᓈᓗᓐᓂᓪᓗ ᐊᒻᒪᓗ ᐊᓯᖏᓐᓂ ᑭᓱᑐᐃᓐᓇᕐᓂᑦ ᐱᔭᕆᐊᓕᓐᖏᓂ ᐱᓗᐊᖅᑐᒥᑦ, ᐊᑕᖏᓐᖏᑉᐸᑕ, ᐃᓄᐃᑦ ᓄᓇᓕᓕᒫᑦ ᑕᐃᒪᐃᑦᑐᒦᑦᑑᔮᓕᖅᑐᑦ ᐃᓄᐃᑦ ᓄᓇᖓᓐᓂ. ᐊᕕᑦᑐᖅᓯᒪᔪᓂᒃ ᐅᑭᐅᖅᑕᖅᑐᒥ ᐱᖃᓯᐅᑎᓪᓗᒋᑦ ᓄᓇᓖᑦ ᐊᓛᔅᑲᒥ, ᑲᓇᑕᒥ, ᑲᓛᖡᑦ ᓄᓈᓂ, ᓱᑳᑦᑲᒥᓗ (ᐅᓛᓵᒥ) ᐅᖓᓯᑦᑐᐊᓗᒻᒪᑕ ᐃᓄᖃᖅᑐᑎᑦ 180,000−ᓂᑦ.

“ᐃᓄᐃᑦ ᓄᓇᓕᖏᓐᓃᑦᑐᑦ ᐱᓕᕆᒻᒪᑕ ᑲᒪᐃᓐᓇᕋᓱᐊᖅᑐᑎᑦ ᐱᖅᑯᓯᖏᓐᓂ ᐊᔅᓱᕈᓐᓇᖅᑐᒦᒃᑲᓗᐊᖅᑎᓪᓗᒋᑦ,” ᐅᖃᓚᐅᖅᑐᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖓ ᑕᓕ ᓴᑉᐳ ᑐᕈ. “ᐃᓅᖃᑎᒌᖏᓐᓇᕋᓗᐊᕋᑦᑕ ᑲᑎᒪᐃᓐᓇᖅᑐᑕ ᑕᐃᒫᒃ ᖃᐅᔾᔨᑎᖃᕋᑦᑕ. ᐅᖓᓯᑦᑐᒦᒋᐊᖃᖅᑐᓂ ᐃᓅᖃᑎᒻᒥᑦ ᐅᐊᑦᑎᐊᕈᓗ ᐊᑐᓚᐅᖅᓯᒪᔭᑦᑎᓐᓂ ᓲᕐᓗ ᐅᖃᐅᔾᔭᐅᒋᐊᕐᓂᖅ ᖃᓂᒪᓐᓈᓗᓐᓂᑦ ᒪᑯᓂᖓ ᐳᕙᓪᓗᓐᓇᒥᑦ, ᐊᐅᐸᓚᑳᕐᓂᑦ, ᓄᑮᖅᑎᒍᑕᐅᒐᕙᑦᑐᓂᓪᓗ. ᑕᐃᒪᐃᓐᓂᖓᓄᑦ ᐃᓕᑦᑐᖃᑦᑕᖅᑯᒍᑦ. ᐊᑯᓂᐊᓗᒃ ᑲᒪᒋᖃᑦᑕᖅᓯᒪᒐᑦᑎᒍ ᐊᕐᕌᒍᓄᑦ ᖁᓕᐅᓗᐊᖅᑐᓄᑦ, ᓲᕐᓗ ᐃᓄᒋᐊᓗᐊᖃᑦᑕᕐᓂᖅ ᐃᓪᓗᒥᑦ, ᑭᓈᓗᖃᕐᕕᖃᑦᑎᐊᖏᓐᓂᖅ ᐃᒥᖅᑕᕕᒻᒥᓪᓗ, ᐊᒥᓱᓪᓗ ᐳᕙᓪᓗᖃᑦᑕᖅᑐᑎᑦ, ᖃᕋᓴᐅᔭᒃᑰᕈᓐᓇᐅᑎᑕᖃᑦᑎᐊᕋᓂᓗ ᓇᓗᓇᓐᖏᑦᑐᖅ ᐱᔭᕆᐊᑐᓂᖅᓴᐅᔮᓕᖅᐸᑦᑐᑦ ᖃᓂᒪᓐᓈᓗᒃ ᐱᔾᔪᑎᒋᓪᓗᒍ, ᐊᒻᒪᓗ ᐊᐃᑦᑐᐃᖃᑦᑕᐅᑎᒍᓐᓇᖏᓐᖏᓐᓂ ᑕᒪᑐᒥᖓ.”

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐅᑭᐅᖅᑕᖅᑐᒥ ᐃᓄᐃᑦ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᑲᑎᒪᔨᕋᓛᑦ, ᐅᑯᐊᖑᓪᓗᑎᑦ ᑭᒡᒐᖅᑐᐃᔨᖏᑦ ᑎᓴᒪᓂᑦ ᓄᓇᓕᕐᔪᐊᕐᓂᑦ ᑲᑎᒪᐅᖅᑐᑎᑦ ᐱᓇᓱᐊᕈᓯᕆᓚᐅᖅᑕᑎᓐᓂ ᐅᖄᓚᐅᑎᒃᑯᑦ ᐅᖃᐅᓯᖅᑐᑎᑦ ᐳᕝᕕᕆᓐᓈᓗᒻᒥᑦ. ᑲᑎᒪᔨᕋᓛᑦ ᐅᖃᖅᑐᑎᑦ ᐊᒥᓱᐊᓗᐃᑦ ᐃᓄᒋᐊᖃᑦᑕᕐᖓᑕ ᐊᖏᕐᕋᖏᓐᓂ ᐃᓪᓗᑭᔅᓴᖅᑐᑎᓪᓗ ᐱᐅᓐᖏᓕᕙᓪᓕᐊᓪᓚᕆᓐᓂᐊᖅᑐᖅ ᑕᒪᓇ ᐊᓂᖅᑎᕆᓂᖅ ᐊᒥᓱᓄᑦ ᐊᑐᖅᑕᐅᒌᖃᑦᑕᖅᑐᓄᑦ ᓄᓇᓕᓐᓂᑦ. ᑕᒪᒃᑯᐊᖑᒌᖅᑐᑎᓪᓗ ᓂᕿᔅᓴᑭᑦᑐᑦ ᐊᒥᓱᓄᑦ ᐊᑐᖅᑕᐅᒌᖅᑐᓂᑦ, ᐃᓱᒫᓘᑎᕗᑦ ᐱᓪᓚᕆᐊᓗᒻᒪᑦ ᐱᔭᕆᐊᑐᓪᓗᓂᓗ.

ᑕᒪᒃᑯᐊᓗ ᐋᓐᓂᐊᕕᓐᓂᑦ ᐱᔨᑦᑎᖅᑕᐅᑦᑎᐊᓐᖏᓐᓂᖏᑦ ᐊᑐᐃᓐᓇᖅᑕᖃᓐᖏᓗᐊᕐᓂᖏᓐᓄᑦ ᐃᓪᓚᕆᐊᓗᒻᒥᔪᖅ ᐃᓱᒫᓗᓇᕆᐊᓪᓚᑲᓐᓂᖅᑐᓂᓗ. ᑲᒪᒋᔭᐅᓐᖏᑉᐸᑕ, ᐊᑦᑐᕐᓗᑎᖃᑦᑕᐅᑎᓂᖅᓴᐅᒐᔭᖅᑐᑦ ᐃᓅᒍᓐᓃᖅᑐᖃᖃᑦᑕᕐᓗᓂᓗ. ᑕᐃᒃᑯᐊᓕ ᓯᓚᑖᓃᑦᑐᑦ ᐅᑭᐅᖅᑕᖅᑐᒥ ᖃᕋᓴᐅᔭᒃᑯᑦ ᖃᐅᔨᒋᐊᖃᑦᑕᕐᖓᑕ ᐃᖅᑲᓇᐃᔭᕐᕕᒻᒥᓄᑦ ᐊᓯᖏᓐᓄᓪᓘᓐᓃᑦ, ᐱᔪᓐᓇᓂᖅᓴᐅᒻᒪᑕᓗ ᐊᑐᐃᓐᓇᐅᓂᖅᓴᐅᓪᓗᑎᓪᓗ ᐊᑭᑭᓐᓂᖅᓴᐅᓪᓗᑎᓪᓗ ᑖᒃᑯᐊ ᐃᓄᐃᑦ ᓄᓇᖓᓐᓃᑦᑐᑦ ᑕᐃᒪᐃᓐᖏᓂᖅᓴᐅᒻᒪᑕ, ᐱᓗᐊᖅᑐᒥᑦ ᓯᓚᕐᔪᐊᒥ ᖃᓂᒪᓐᓈᓗᑦᑕᖃᖅᑎᓪᓗᒍ, ᐅᓗᕆᐊᓇᖅᑐᒦᓐᓂᖅᓴᐅᓪᓗᑎᑦ ᐃᓱᒫᓗᓇᖅᑐᒦᑦᑐᑎᑦ. ᐱᑕᖃᕆᐊᖃᓪᓚᕆᒻᒪᑦᑕᐅ ᖃᕋᓴᐅᔭᒃᑰᕈᓐᓇᐅᑎᒥᑦ ᑐᑭᓯᒋᐊᕈᑎᔅᓴᓂᒃ. ᑕᒪᒃᑯᐊ ᐃᓱᒫᓗᓇᖅᑐᑦ ᐊᑦᑐᐃᓂᖃᕐᒥᒻᒪᑕ ᐊᓯᖏᓐᓂ ᐃᓄᓐᓂᑦ ᐊᒥᓲᓂᖅᓴᐃᓪᓗ ᐳᕝᕕᕆᓐᓂᖅᓴᐅᓕᒃᑲᓂᖅᑐᑎᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.