Press Releases

Documenting our Progress

ICC−ᑯᑦ ᓄᖅᑲᐅᓯᕐᓂᖏᑦ “EEE−ᒥᒃ ᐃᓕᓐᓂᐊᓯᓐᓈᑦ ᑲᑎᒪᓂᕐᓂᑦ” ᐱᕙᓪᓕᐊᑎᑦᓯᒍᒪᓪᓗᑎᒃ ᐅᑭᐅᖅᑕᖅᑐᒥ ᐊᑐᐊᒐᐅᔪᓂᑦ ᐊᔾᔨᒌᑎᑦᓯᓂᕐᒧᑦ ᓈᒻᒪᑦᑐᒥᓪᓗ ᐱᖃᑕᐅᓂᖏᓐᓂᑦ ᐃᓄᐃᑦ ᓄᓇᓕᖏᑕ ᐊᒻᒪᓗ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖓᓂᒃ

ᓄᕕᐱᕆ 26, 2021 – ᐊᓐᑯᕆᔾ, ᐊᓛᔅᑲ – ᑖᒃᑯᓇᓂ ᑕᖅᑭᓂ ᐱᖓᓱᓂ ᐅᑭᐅᒃᓵᖑᕋᑖᒥ ICC−ᑯᑦ ᐊᔾᔨᒌᖏᑦᑐᓂᒃ ᖃᕆᑕᐅᔭᒃᑯᑦᐃᓕᓐᓂᐊᓂᖃᖅᑐᒥᓃᑦ ᐃᑲᔪᖅᓯᖁᔭᐅᓪᓗᑎᒃ ᐱᕙᓪᓕᐊᔭᐅᓂᖓᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᓄᓇᕐᔪᐊᒥ ᐊᑐᐊᒐᒃᓴᖏᓐᓂᑦᐊᔾᔨᒌᑎᑦᓯᓂᕐᒧᑦ ᓈᒻᒪᑦᑐᒥᓪᓗ ᐱᖃᑕᐅᒋᐊᖃᕐᓂᖏᑦ (EEE) ᐃᓄᐃᑦ ᓄᓇᓕᖏᓐᓂ ᐊᒻᒪᓗ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖓᓂᒃ. ᑕᒫᓂᖃᐃ 35−ᓃᑦᓱᑎᒃ ᓂᕈᐊᕋᒃᓴᓕᐊᖑᓯᒪᔪᑦ ᐃᓄᐃᑦ ᑲᑎᒪᔭᖅᑐᖅᓯᒪᔪᑦ ᐃᑳᖅᓱᒍ ᐃᓄᐃᑦ ᓄᓈᑦ ᐱᖃᑕᐅᓐᓂᖅᐳᑦ ᐃᓕᓐᓂᐊᕐᓂᕐᓂ ᐊᔾᔨᒌᖏᑦᑐᓂ.

ᑭᖑᓪᓕᐹᖅᓯᐅᕐᓂᖃᖅᑎᓪᓗᒋᑦ ᐃᓕᓐᓂᐊᓯᓐᓈᑦ ᐊᔾᔨᒌᖏᑦᑐᓂᑦ ᑲᑎᒪᖃᑕᐅᔪᑦ, ᑲᑎᑕᐅᔾᓗᑎᒃ, ᓄᕕᐱᕆ 18, 2021, ICC−ᑯᑦ ᐃᒃᓯᕙᐅᑕᖓᑦ ᑖᒃᑕ. ᑕᓖ ᓴᒻᐳ ᑐᐊᕉ ᐅᖃᐅᓯᕆᒍᒪᔭᒥᓂᒃ ᐅᖃᐅᓯᓕᒥᓂᖅ ᒪᑐᓯᒍᑎᒥᓂᒃ.ᑖᒃᑕ. ᑕᓖ ᒪᖅᐳ ᑐᐊᕉ ᑖᓐᓇ ᐊᕐᓇ ᐅᖃᖅᓱᓂ “ᐊᕐᕌᒍᒐᓴᐅᓗᐊᖅᑐᓂᑦ, ᑭᓕᓯᓂᐊᕐᓂᐅᑉ ᑕᐃᔭᐅᓂᖓᑕ ᖃᐅᔨᓴᖅᑐᓕᕆᓂᕐᒥ, ᐊᓚᔾᔭᐃᔪᖃᖃᑦᑕᖅᓯᒪᕗᖅ ᐱᔮᕆᔪᓂᑦ ᐱᐅᖏᑎᑦᓯᔪᓂᑦ ᐅᕝᕙᓘᓐᓃᑦ ᐊᑐᓂᕐᓗᑦᑐᓂᑦ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖓᑦ ᒥᒃᓯᖃᕈᓃᑎᓪᓗᒍᓘᓐᓃᑦ ᑕᒪᑐᒪ ᑐᑭᖓᓅᖓᒋᐊᖃᕋᓗᐊᖅᑎᓪᓗᒍ ᐊᓯᖓᖏᓐᓄᑦ ᒥᒃᓯᖃᖏᑦᑐᓄᑦ ᐊᑐᖅᓱᒋᑦ. ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖓᑦ, ᐊᒻᒪᓗ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᓐᓂᑦ ᑎᒍᒥᐊᖅᑏᑦ ᐃᓕᑕᕆᔭᐅᔭᕆᐊᖃᖅᐳᐅᑦ ᐃᖅᑲᒋᔭᐅᑦᓯᐊᕐᓗᑎᓪᓗ ᐊᓯᒥᓐᓄᑦ. ᓯᕗᒧᑦ ᑲᔪᓯᓂᖅ, ᑕᒪᓐᓇ ᐃᖅᑲᓇᐃᔮᖑᔪᖅ ᐃᑲᔪᖅᓯᓂᐊᖅᑐᖅ ᐅᕙᑦᑎᓐᓂᑦ ᓇᓗᓇᐃᑦᓯᐊᕆᒐᓱᐊᖅᑎᓪᓗᑕ ᐊᓯᑦᑎᓐᓄᑦ ᐃᖅᑲᒋᓗᒋᖅ ᐃᓕᑕᕆᓗᒋᓪᓗ ᐱᒻᒪᕆᐅᔪᑦ ᐊᑐᐊᒐᐃᑦ ᐊᑐᕆᐊᓖᑦ ᑲᒪᒋᑦᐊᕐᓂᐊᕐᓗᒍ ᓈᒻᒪᑦᑐᓂᑦ, ᐊᔾᔨᒌᑎᑦᓯᔪᓂᑦ, ᓈᒻᒪᒋᐊᖅᑐᓂᓪᓗ ᐃᓘᓐᓇᐃᓐᓄᑦ, ᐊᒻᒪᓗ ᐊᑐᕐᓗᒍ ᑭᓯᐊᓂ ᖃᐅᔨᒪᓂᕗᑦ. ᑕᒪᓐᓇ ᐃᖅᑲᓇᐃᔮᖑᔪᖅ ᐱᔾᔪᑎᓕᒃ ᐱᔪᓐᓇᐅᑎᑦᑎᓐᓂᑦ ᓇᒻᒥᓂᖃᕐᓂᕐᒧᑦ, ᐱᖃᕐᓂᕐᒧᑦ, ᐊᐅᓚᑦᓯᓂᕐᒧᑦ, ᐱᕙᓪᓕᐊᑎᑦᓯᓂᕐᒧᑦ, ᐊᒻᒪᓗ ᓴᐳᔾᔨᓂᕐᒧᑦ ᖃᐅᔨᒪᓂᑦᑎᓐᓂᑦ.”

ᐊᑐᐊᒐᐃᑦ ᐊᑑᑎᖃᕐᓂᐊᖅᑐᑦ ᐊᑐᖅᑕᐅᓕᖅᑐᓂ ᐅᓪᓗᒥ ᐱᔮᓪᓕᕈᑕᐅᓗᑎᒃ ᐃᓄᐃᑦ ᐊᐅᓚᑦᓯᒍᓯᖓᓂᑦ, ᑐᑭᒧᐊᒍᑎᓂᑦ, ᐊᒻᒪᓗ ᓯᕗᓪᓕᐅᑎᔭᕆᐊᓕᓐᓂᒃ ᑲᓇᑕᒥ ᐱᓕᕆᕕᐅᔪᓂᓗ ᓄᓇᕐᔪᐊᒥᓗ ᑲᑎᒪᓂᐅᕙᑦᑐᓂ, ᓲᕐᓗ ᐅᑭᐅᖅᑕᖅᑐᒧᑦ ᑲᑎᒪᔩᑦ ᑲᑐᔾᔨᖃᑎᒌᑦᑐᑦ ᐊᒻᒪᓗ ᑲᑐᔾᔨᖃᑎᒌᑦᑐᑦ ᓄᓇᓕᕐᔪᐊᑦ.

ᐱᕙᓪᓕᐊᔭᐅᓂᖏᑕ ᐊᑐᐊᒐᑦ ᐃᑲᔪᖅᓯᔭᐅᓂᖃᖅᑐᑦ ᑲᑎᖅᑎᑕᐅᓯᒪᔪᓄᑦ ᐅᓂᒃᑳᓕᐊᒥᓂᕐᓂ ICC−ᑯᓐᓄᑦ. ᐅᓂᒃᑳᓕᐊᒥᓃᑦ ᑲᑎᑎᑦᓯᕙᑉᐳᑦ ᑐᑭᓯᒃᑲᓐᓂᕈᑎᒃᓴᓂᑦ ᑎᑎᕋᖅᑕᐅᓯᒪᔪᓂᓗ ᐃᓄᐃᑦ−ᐋᖅᑎᑦᓯᒪᔭᖏᓐᓂᑦ ᐊᑐᐊᒐᒃᓴᓂ, ᒪᓕᒐᐃᑦ, ᐊᑐᕋᑦᓴᐃᑦ, ᐊᑐᐊᒐᐃᑦ, ᐊᒻᒪᓗ ᖃᐅᔨᒪᔭᑐᖃᐅᔪᑦ ᐊᑐᐊᕋᑦᓴᐃᑦ ᖃᓄᖅ ᐊᓯᕗᑦ ᐱᖃᑕᐅᔭᕆᐊᖃᕐᒪᖔᑕ ᓄᓇᓕᑦᑕ ᐊᒻᒪᓗ ᖃᐅᔨᒪᓂᑦᑎᓐᓂ. ᐅᕙᓂ ᐃᑭᐊᖅᑭᕕᒻᒦᑦᑐᖅ: https://bit.ly/3zCbONA

“ᐊᒥᓱᑦ ᑲᑐᔾᔨᖃᑎᒌᑦᑐᑦ ᓄᓇᓕᕐᔪᐊᑦ ᐱᒋᐊᖅᑎᓯᒪᔭᖏᑦ ᐊᒻᒪᓗ ᒐᕙᒪᐅᖃᑎᒌᑦᑐᑦ ᐊᑐᐊᒐᖏᑦ ᐃᑲᔪᖅᓯᔭᐅᒍᓐᓇᖅᑐᑦ ᖃᐅᔨᒪᓂᖃᕐᓂᑎᓐᓄᑦ,” ᐅᖃᖅᑐᒥᓂᖅ ᑕᓖ ᓴᒻᐳ ᑐᐊᕉ. “ᐅᑐᐱᕆ 2−ᒥᒃ ᑎᑭᑦᓱᒍ ᓄᕕᐱᕆᕆ10 ᓯᕗᓕᖅᓯᑎᐅᔪᒧᖓ ᖃᐅᔨᒪᓂᕗᑦ ᐱᓪᓗᒍ, ᐅᖃᖃᖅᑐᒥᓂ ᓯᕗᓕᓚᐅᖅᑐᖓ ᑲᑎᒪᔭᖅᑐᓯᒪᑎᓪᓗᑕᖓ COP26−ᒥ. ᓇᓗᓇᖏᓚᖅ ᓄᓇᓕᕐᔪᐊᑦ ᐱᖃᑕᐅᔪᑦ ᓯᓚᐅᑉ ᐊᓯᔾᔨᕐᓂᖓᑕ ᑲᑎᒪᓂᕐᒥ ᐊᒻᒪᓗ ᐊᒥᓱᑦ ᐊᓯᕗᑦ ᐅᖃᐅᓯᖃᖅᑎᓪᓗᒋᑦ ᐊᒥᓲᓂᖏᑦ ᑐᑭᓯᐅᒪᔪᑦ ᐃᖅᑲᒋᔭᓖᓪᓗ ᓇᐅᑦᓯᑐᑦᓯᐊᕆᐊᖃᕐᓂᕐᒥᑦ ᐱᕙᓪᓕᐊᔭᑦᑎᓐᓂᑦ ᓴᖅᑭᑎᑦᓯᖃᑦᑕᖁᓪᓗᑕ ᐅᖃᐅᓯᖃᕐᓗᑕᓗ ᖃᐅᔨᒪᓂᑦᑎᓐᓂᑦ, ᐅᕙᒍᑦ ᐊᑐᖅᑕᖏᑎᒍᑦ ᒪᓕᓪᓗᒋᓪᓗ ᐱᒻᒪᕆᖁᑎᒋᔭᕗᑦ. ᑕᒪᐅᓇ ᐃᖅᑲᓇᐃᔮᕗᑦ ᐊᑑᑎᖃᕐᓂᐊᕐᒪᑦ ᐃᓄᖕᓄᑦ ᐊᓯᖏᓐᓄᓪᓗ ᐃᓘᓐᓇᐃᓐᓄᑦ ᐱᖃᑕᐅᒍᒪᓂᖃᖅᑐᓄᑦ ᓴᖅᑭᖅᑎᑕᐅᓂᖏᓐᓄᑦ ᖃᐅᔨᒪᓂᖃᕐᓂᖏᓐᓂᑦ ᐃᓄᐃᑦ ᒥᒃᓵᓐᓄᑦ ᐊᒻᒪᓗ ᐃᓄᐃᑦ ᓄᓈᓂᑦ.”

ᑎᑎᕋᖅᑕᐅᒋᐊᕐᖓᖅᑐᖅ ᑭᖑᓪᓕᖅᐸᐅᓗᓂ ᑎᑎᕋᖅᓯᒪᔪᖅ ᓂᕆᐅᒋᔭᐅᔪᖅ ᑐᓂᑎᐅᖅᑲᖅᑕᐅᓛᕐᓂᖓᓂᒃ ᐃᓘᓐᓇᖏᓐᓄᑦ ICC−ᑯᓐᓄᑦ ᐃᓚᒋᔭᐅᔾᔪᑎᓕᓐᓄᑦ ᑎᒥᐅᔪᓄᑦ ᐱᒋᐊᓕᕋᑖᕐᓂᖓᓂ ᐊᕐᕌᒍ 2022 ᑕᑭᓕᒫᓪᓗᐊᒥᒃ ᐱᕕᖃᖅᑎᑕᐅᕕᐅᓗᓂ ᕿᒥᕐᕈᔭᐅᓂᕐᒧᑦ. . The ᑎᑎᕋᖅᑕᐅᒋᐊᕐᖓᖅᑐᖅ ᑐᓂᔭᐅᒍᒫᕐᓂᐊᕐᓂᖓᑕ ᐋᖅᑭᑦᑕᐅᓯᒪᕕᐊ ICC−ᑯᑦ ᐊᐅᓚᑦᓯᔨᖏᑕ ᑲᑎᒪᔨᖏᓐᓄᑦ ᐅᐃᕐᖓᑦᓵᒥ ᑕᕝᕙᓂ 2022 ᐊᖏᖅᑕᐅᖁᓪᓗᒍ ᓴᖅᑭᑎᑕᐅᖁᓪᓗᒍᓗ ᑭᒃᑐᐃᓐᓇᕐᓄᑦ 14−ᖓᓂ ICC−ᑯᑦ ᑲᑎᒪᓂᑐᐃᓐᓇᐅᑎᓪᓗᒍ ᑲᑎᒪᓚᐅᙱᓐᓂᖏᓐᓂ. ᐃᔪᑎᓪᓗᐊᑕᖓ ᐊᑐᐊᒐᐃᑦ ᐃᑲᔪᖅᓯᖁᓪᓗᒋᑦ ᓄᓇᕐᔪᐊᒥ ᐃᖅᑲᓇᐃᔭᖑᔪᓂᑦ. ᐃᓚᓕᐅᑎᑎᑦᓪᓗᒍ, ᐊᑐᐊᒐᐃᑦ ᐊᑑᑎᖃᕋᔭᖅᑐᑦ ᐱᖃᑕᐅᒍᒪᔪᓄᑦ ᐃᖅᑲᓇᐃᔭᕐᓗᑎᒃ ᐃᓄᐃᑦ ᓄᓈᓂ, ᐃᖅᑲᓇᐃᔭᖃᑎᖃᕐᓗᑎᒃ ᐊᑑᑎᖃᖅᑐᓂᒃ ᐱᓕᕆᖃᑎᖃᕐᓗᑎᒃ ᓇᒻᒥᓂᖃᖃᑕᐅᓗᑎᒃ ᐅᕙᑦᑎᓐᓄᑦ, ᐃᑲᔪᖅᓯᓂᖃᕋᔭᖅᑐᑦ ᑲᒪᒋᑦᓯᐊᕐᓗᒋᓪᓗ ᐊᑐᖅᑕᐅᑎᑦᓯᐊᕐᓗᒋᑦ ᓄᓇᓕᕗᑦ ᖃᐅᔨᒪᓂᕐᓗ, ᐃᑲᔪᖅᓯᑲᓐᓂᓂᐊᖅᑐᖅ ᐃᓄᐃᑦ ᐊᐅᓚᑦᓯᒍᓯᖓᓂᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.