Sitipiri 20, 2021 – Aankurij, Alaaska – Inuit Ukiuqtaqtumiuqatigiit Katimajingit (ICC) alianaigusukput tusaqtittijariaksaq qaritaujakkut Inuit Qanuinngittiariaqarninginnut Katimaningmit Sitipiri 20−mit Utupiri 26, 2021−mut. Ukiuqtaqtumiut Inuit Aanniaqarnanngittulirinirmut Ajauqtit Katimajiralaangit (CIHSC) parnaisimaliqtut taassuminga katimaniuniaqtumik arraaguuk marruuk ungataanut.
Inuulluta, qaujimajugut iliqqusituqaqtigut kajusitittiniq sapujjisimanirmut pijjutauvangninganik imminiingilaqinirmut,” taimanna ICC−kut Iksivautangat Tilii Saampu Tuuru. “Inuit Aanniaqarnanngittulirinirmut Katimaniq iniuvuq makkuktut uqaqatigiigunnaqtutik Ikajuqtuivaktut ikajuqtuigittuglu pillugit aktuanirijangit iliqqusingmut ikajuqsijut iniqaqtitaunirmut tunngavigigunnarlugu. Makkuktut ilautitauvut innarnit quttiktumiinniqsaniglu inungnit sivuliqtigijaujunit tusarumallarikpaktutik tautuqquuqtaminik ikajuqturumallugillu tamatumunga namunngauvallianirijaujumut kajusitittijumallutik Inuit iliqqusituqanginnik sivummuaqtittumallugit katujjilluta qanuinngittiarunnarnittinnut. Pikkugivakka aaqqiksuilauqtut tamatumani katimanirmi isumaksaqsiuttiaqsimaninginnut pinajuinnaqpangninginnullu kajusitittillutik 2021−mi ICC−kut Aanniaqarnanngittulirinirmut Katimarjuarnirijaujumik.
2021−mi ICC−kut Aanniaqarnanngittulirinirmut Katimanirmit ullumi pigiaqpuq 50 ungataaniittunik Inungnik nakituinnaq Inuit Nunanganninngaaqtunik (Alaaska, Kanata, Sukuta, Kalaałłiit Nunaanni). Piqatautittivut makkuktunit, innait, CIHSC-kunnut ilagijaujut, amma ICC−kut sivuliqtingit. Uqausiqtangit nipiliuqtauttiaqattarniaqtut amiqqaarutaujunnarniarmata ikajurlutiglu qaujimajitarijaulutik atuagaliuqtinut, piliriaksanut aulattijinut asinginnullu sivuliqtinut isumakkut qanuinngittiaqtulirijinut.
“Niriukpunga tunngasuktittilaarninnik ilaujulimaanik 2021−mi ICC Aanniaqarnanngittulirinirmut Katimarjuarnirmi,” uqaqtuq CIHSC Iksivautaq Mini Guri. “Taqqiit 18 aniguqsimaliqtut nutaanillu nanisisimaliqtugut Inunnik katitirijjutissanik ajjigiinngittunik nunalinni. Taanna qaritaujakkut aaqqiksimajuq atuutiqattiarninganik nunalingmi Nunarjuami Qaritaujakkut Qaujimanirni Qaujimaniqauqtuq uqaqatigijautillugit Qaritaujakkut Vivuarimi Maatsimilu 2021. Pinasuarusiuniaqtunit katimaqataujut niriugunnaqsiniaqput katimarjuarniuniaqtumik aaqqiksuqtausimajumik inuit pijarialinginnik amma iliqqusirmut pimmariugijanginnik.”
Pingasut katinngajut 18−ngullutik inuit ilaulaaqtut arvinilingni ilinniarnanik Sitipiri 20−Mi Utupiri 26,2021−mut Ikarranut pingasunut ilinniarnaulaaqtuq Zoom−mi. Katimaniq atuinnaujuq Kalaałłiit Nunaanni, Inuktitut, Ulaasakkut, amma Qallunaatut Uqallasuunut. Kingulliqpaaq katimaniq Utupiri 26−mi katitittiniaqpuq kikkutuinnanik iliqqusituqarnut quviasuutiqarnirmik uqaqatigiingnirmiglu kingullirmi piliriangujuksanik.
Katimanrmi takuniaqtuq ilagijaujunit suliriniujunit suurlu “Napaaqtuq Inuusiqarnaqtuq”, “Iliqqusirijaq Piqalujaq”, “Piruqsainiq Angajuqqaangunikkut Inuit Pijjusingatigut Pimmariugijanginnit”, “Iliqqusirmit Utiqtitsinirmit”, qanuiliurutaujunnaqtunillu inuusirmit kipisititsittailimanirmut.
Taanna katimaniq pijjutiqaqtuq 2018−mit Utqiagvik Sulinirarutimit, tilijausimallutik ICC−kut “Katimatittilutik Ukiuqtaqtumit Inuit Katimavigjuangninginnit Aanniaqangnanngittuliriningmut Qanuinngittiangningmullu piliriaqarlutik pinajungningnit pigiaqtaniglu mikigligiaqtittinasuktutik nungutirinasungningmillu aanniaqangnanngittuliriningmut ajjigiinngittuutinit aannirutauvaktunit ilagiinut sivulliujjaksanullu isumamut qanuinngittiangningmut, uirisimaningmut, imminiiqtailimatittiningmullu.”
-30-
Qaujigiarviksat:
Kiali Ininguvuk
ICC (Alaaska
+1 907-274-9058
kelly@iccalaska.org
Tukumminnguaq Naikjai Uulsan
ICC (Kalaałłiit Nunaa)
+299 323632
tukumminnguaq@inuit.org
Sitiivan ᕼIanturi
ICC (Kanata)
+1 613 668-1923
type88@post.com