Sitipiri 22, 2021 – Aatuaa, Antauriju – ICC-kkut Kanatami upigijaqaqput Kanataup Angajuqqaarjuanganik nutaannguriaqtaummat tilijaujjutinga. Taakkua niruaqtauliqqitillugitgavamakkut ajjigiigjuumijunik pitittiniaqput pijjutaulluataqtunik inungnut nunarjualimaami suurlu silaup asijjiqpallianinga, Ukiuqtaqtumi Katimajirjuat, Nunarjuarmi Katujjiqatigiit Katimarjuarnirijangat, amma nunaqqatigiit pijjutiqarlutik aaqqigiarutiqarnirmik.
Ukiuqtaqtumi niruaratsaujuni, quviasuutigivavut Luuri illauq saalaqalaurninganut Nunavummi Nutaamut Isumaqsurunnarnirmut Piliriqatigiinut (NDP). Ivaan Juuns niruaqtauliqqilauqtuq lipuru Paatikkunnut Laapatuami, kiggaqtuilluni Inuit nunalinginnik Nunatsiavummi. Palaak-Kupakkuanguniraqtaujuq Siulvia Puurupi, saalaksalauqtuq iksivaarviginiartaminik Nunavingmi niruaqtauvigisimajangani Apitipi-Pai-Jaims-Nunavik−Iijumi.
“Takunnaqtavut qanuinniujut piujukkut isumaaluutaujunut uqausiriqattaqtatinnut nunarjuarmit Inunnut”, uqaqtuq Maanika Iul-Kanajuq, Angajuqqaaq Inuit Tapiriit Kanatami. “Piliriqatiqainnarniaqpugut gavamakkunnik, piliriqatiqarlutalu asinginnik piliriqatigiinik, nalunngittiarumanirmut isumagijaksait uqausirivaktavut kiggaqtuqtugit Inuit tukisiumajaugaluarmangaata, Nunarjuarmi Katujjiqatigiini, Ukiuqtaqtumi Katimajini, ammalu UNFCCC kajusinirivaktanganik, taisijumallutik qassiarjungnik. Kingullirmi nunarjuarmi silaup asijjiqpallianinganut katimaniq − COP 26 – pigialaaqtuq Nuvipiri 1-mi Galaasguu, Sikaatlanmi. Kanata piqatauquvavut pillugu quvvasittummariummata uvattinnulimaaq. Niriukpunga nutaamik ministauqatigiit atiqalirniarninginnik maannaruluk nutaamik Avatilirinirmut Ministamik naammanaattiaqullugu tamatumunga pimmarialungmut nunarjualimaami katimanirijaujumut.”
-30-
Qaujigiarvigiguk:
Sitiivan Hanturi ICC (Kanata) 1 613 668-1923 type88@post.com