Inuit Makitattiarunnarningit — Puatkiit Inuusingit Pimmariugivut

Juuni 11, 2020 – Aankurits, Alaaska – pisurajattualuuvattunit naammasanngittualunnit, Inuit Ukiuqtaqtumiuqatigiit Katimajingit makitaqataugivut Puatikinut ammalu uviniqatiginngitanginni naammasanngittualunnit nilliaqattatillugit naammasanngittualunnit taimailluatittingittunillu tamanna inulirinirmut piunngitittikannillarimmat paliisiillut pittiaqattangitturjuaraaluullutik, uviniqatiginngitaminik, taimailluatittinngittiaqtutillu Mialigait Nunanganniimiut namilimattiarlu silarjualimaami.

Akunirjuaraaluk kinguvaariit, Inuit assuruqattainnaqsimammata uviniqatiginngitaminik nilliakaummautilinnik taimailluatittingittunillu inunnit namituinnaq nunalirjuarnit. Ajjiungittuugaluaqtau pijunnautimit namminiqsurasuarnirmit nunattinillu, ukiuqtaqtumillu, atuinnaujut kisutuinnait nunaqaqkaaqtuminiit nalunaiqsimajut Inuit pijunnautinginni, piqasiujjillutik Silarjuami Katujjiqatigiinnik nalunaiqsisimaninginni Pijunnautinginni Nunaqaqkaaqtuminiit, taimailluaqtitauqattanginninginnit suli saqkijaarngat apuqtarutauvattuttik pijunnautinginnut kajusittiarasunninginnillu inulirinirmit makimajjutissanillu.

Inuit akunirjuaraaluk uviniqatigijaunnginninginnut piugijauqattaqsimanngimmata ukiut 100−nit, angiqsimatinnagit aullaaqtaullutit, ilinniariaqtitaullutit, qallunaat piqujanginni malittitaullutik, qallunaaruqtitaugasuqattaqsimallutit, uviniqatiginngitanginnut piugijaunatit iqkaqtuivilirinirmullu pijunnattiaratit makua arnait, surusiit asingillu attuqtausarainniqsaujut inuit.

Inuit Ukiuqtaqtumiuqatigiit Katimajingit tilisivut Mialigait Nunanganniit, Kanatami, Ulaasaanit, Kalaaɬiit Nunaanilu piliriqatiqarlutit inunnit maligaliurniarngata piqujarnillu tamakkuninga atuqtaugunnarajaqtunik inuqatigiinnirmit, piqasiutilugillu iqkaqtuiviit, ajauqtuijjutiit paliisinnguat, anullassiivimmiutait maligalirijiillu.

Silarjuami Katimanikkut tamakkua Piijarunnaqtuugaluat Qanuittuinnaittiaq Naammasannginiujut Uviniqatiginngitaminik kisiani tigusilauqsimajut 1965−mi katimatillugit silarjuaq ukiunut avatiuluaqtunut “Pigiarutausimagiaqaqsimaliqtuugaluaq tamanna Naammasannginnit Uviniqatiginngitaminik ammalu Taimailluatittinginni”, pigiarutiqalluaqsimanngittut gavamakkut ammalu tamanna pitalillarialuk ilainnaaqtauningit puatikiit asingillu uviqatigijaunngittut, makualu nunaqaqkaaqtuminiit.

Nillirunnaqsilauqtugut kajusigumajattinni “silarjuaq puatikinit ilainnaangillutit, puatikiit inuusirminik, makimajutissaminik, katimajiunirmillu sanngininginni kajusisimavut” taimaak nalunaiqsimammata puatikiit inuusingit pimmariugivut kanatami silarjuamilu tamanna pigiaqtausimajuq.