Juuni 16, 2023, Insiangma Kavnigiani Kuriiraup −Tungilia Katimaniup Angiqatigiingutiup Sapujjiniarluni Maligaqangittunik Imavingni Iqalugasuarviuvattuni Qitiqpasiani Ukiuqtaqtuup Imavingani Insan, Nigiani Kuriijaup—Tungilia Katimaniup Katimajiit Angiqatigiingutimut Sapujjinirmik Maligaqtiguungittunik Imavingni Iqalugasuarniuvattunut Qitiqpasiani Ukiuqtaqtuup Imavingata (CAOFA) katimaniqalauqput tamaani pisasuarusirmi, Inuillu piqatauninga ilagilluniuk kanatami katimajaqtuqsimaqataujut isumaliurutiqarniq tukitaarutiginiarlugu isumatsaqsiurutiqatsiaraluarmangaaq atuigunnaqtunik Inuulluta piusittinnik, piluaqtunimi angunasuarnikut niqiqariaqarnikullu.
Inuit piqatauninga tavvani amisunut−arraagunut pivallianiuniaqtumi taimanganik sivuliulauqsimajumik aajiiqatiginiusimajuni Angiqatigiiguti pillugu. Piqataunivuti tasaksumunga atangiititsimmat Nunaqaqqaaqsimajut Qaujimaninganik tavvani CAOFA−kut atuliqtisimajanga. Inuit atangiqtumik atuinnautitsijut, nalimugiinnilimmik pinasuarniqarvilimmik tukisiumanirmik ukiuqtaqtumik isumatsaqsiurutiqaqpattamik niqigiinguqatigiilimatsianik, attuqtautuinnariaqarniinnik Inuit niqingit, ilitaqsiniqaqsunilu inungnit timilinnik, piqataullutik inuit, attuaniqarmata ukiuqtaqtumi uumajutnut silaqatigiinut najugaqatigiinullu. Tamanna tukisiumaniq tamaksumanga aturiaqallarimmat Angiqatigiigut aulajjariaqujimmat qaujisatsiarluni sapujjinirmikt maligaqaungittunik iqalugasuarviuvattunik ukiuqtaqtumi imavingni ilangani Qitiqpasiata Imaviup Ukiuqtaqtumi nautsitutsautsiaqullugik puijit najuganginnit.
Tanna tungiliani katimanimininga Piqataujut kinguningani pijuminiq Pijunnaqtitauluni Katujjiqatigiigutaujumik Piliriamik Killisiniarnirmut Qaujisaqtulirinirmi ammalu Nautsiturnirmi (JPSRM) tukimuagutitsanganik pannaummit, piqasiujjijumik Nunaqaqqaaqsimajut Qaujimaninganik qaujisarnirmi parnaummik tukisitsiakannirumallugu Qitiqpasiani Ukiuqtaqtuup Imavingmi uumajut silaqatigiit najugaqaqatigiit ammalu pigiarutaugunnaqsuni iqqanaijaangugialik sivunittinni taakkununga Piqataujunut.
ICC −kut qaujikkaiqattaqsimajut Inuit ilagijauninginnik ukiuqtaqtumi uumajut silaqatigiinut najugaqaqatigiinullu niqiqaqpatsutillu niqinik nirjutijanik atuinnaujunit. Pimmariummat Inuit najuutininga sannginilik Angiqatigiigutit atuliqtitautillugit, ammalu ICC−kut ilagijaunginnaniaqsutik CAOFA pivallianingani kiggaqtuilutik Inulimaanit.
“Taimaatsainagalak atangiqtumik nunarjuap takunnarningatitut, CAOFA pivallianinga ilagimmauk anginiqsaup aaqqisuqtauvalliajuup. ICC−kut kajusijut piqatauvigillunigit ajjigiingittuni nunarjuami pivallianiujuni. Ilaliutitillugu taaksumunga, piqatauvattugut angiqatigiigutimut piuqsuriaqarnirmuungajumik atutsisuarlugillu puijit ajjigiingittut kanatami killiliuqtausimajumi nunani, Juunait Naisankullu Tukimuagutiliarisimajanga Parnaut Katimanirmi Silaup Asijjirninga Pillugu, Nunarjuami Katimajiit Silaup Asijjirninganut, Imalirijikkut Timiqutinga, Piqataullunittauq Namminivut Pikialasuarsuaq−Piliriaq, ungataanuuqtuq mialigait nunangata killiliuqtausimaninginnik. Atuutiqaqtunit ikajuqsimajigivattavut atuutiqatuinnangittut Inungnut inuunasuaqtunut ukiuqtaqtumi; kisianittauq nunarjuaq avatilimaangalu.
-Siaja Alsvig, Iksivautarijaq, Inuit Ukiuqtaqtumiuqatigiit Katimajinginnut
“Piqataujut iqqanaijaqatiqariaqarniaqtut inungnit pivalliatitauqullugu tunngaviliuqtauluni ammalu pivallianirmi tukilimmik piqatautitsinikkut Inungnit atuliqtitauningani angiqatigiigut, ilitarijauniqatsiarlutillu Nunaqaqqaaqsimajut Qaujimaninga nangminiq pijunnautimigut.”
-ᕼuup Sakimajak, Aulatsiji Katimajiuqataujuq, Inuit Ukiuqtaqtumiuqatigiit Katimajinginnut
“Inuit ilagimmauk uumajut silaqatigiittunut najugaqatigiinut ammalu nirijaksaqarlutik kisianiulluni niqinik nirjutijanik atuinnaujunit. Inuqutivut inuusilit angunasuarnirmik, iqalugasuarnirmik, katiqsuinirmillu piqqusirmik, pijatsaqaqpugullu kamatsianirmik atuinnarijattinnik makimautittinnik piqqusittinnut inuusirmillu isuqangittumut.”
– Maija ᕼauri Puruuvu Nukaqsiq , Maijanga Nuas Siluup Puarup.
| CONTACT: | ||
| Kelly Eningowuk | Kuluk Lyberth | Cassandra Elliott |
| ICC (Alaska) | ICC (Greenland) | ICC (Canada) |
| (907) 274-9058 | 299 34 22 25 | 613-407-2642 |
| kelly@iccalaska.org | Kuluk@inuit.org | celliott@inuitcircumpolar.com |