Kinguumajauninga Pinaasugaqarniq Piqataunginnarialinni Piqataujuni
Mai 20, 2021 – Aankurij, Alaaska– Inuit Ukiuqtaqtumiuqatigiit Katimajingit (ICC−kut), pingasuujuqturijaullutik Piqataunginnarialinnut Piqataujut Ukiuqtaqtumut Katimajinut (AC), upigijaqaqput Ukiuqtaqtumut Katimajinit 25−giliqtanganit arraagu katimajiuninginnik, 12−nganik Ukiuqtaqtumut Katimajiit Ministautingita katimaninganik, iksivautaqaqsutik Iaslanmiinngaaqsimajumit, pigiaqpuq.
Uqaqsimajumi, Angajuqqaangat ICC−kut Alaaska, Jimi Sitats uqaqtuminiq, “Inuit piqatauqattaqsimajut tavvani pinasuaqtuni ungataanut arraagut 25 upigijaksaqammaripput. Pingasuujuqtut piliriqatigiit, ajjigiingittunit pijaksaliit, ammalu ajjigiingittunit qaujimalitaliit katujjiqatigiittunit iqqanairisimavut amisunit timiullutik iqqanaijaarillugit taimanganit pigialauqsimammata Katimajiit pigiaqtitauliqtillugit Sitipirimi 1996 Aatuaami. Quviagivavut amisut angajuqqautit ukiuqtaqtumut ammalu piqataunginnaliqsutik piqataujut ajuinnarutiliit pimmariujunit atuagaksanit atuliqujaliangusimajunit savvaqpatsugit taakkunuanga ministaujunut Sitamaujungigaqtunut Ukiuqtaqtumi Nunalirjuanut taakkunani ungataanut marruuk avvangatalu arraaguugasait qaangiqsimaliqtuni.”
ICC−kut ikajuqsisimavut saqqiqtitautillugit Ukiuqtaqtumut Katimajiit Sitipiri 19, 1996−ngutillugu atiliuqtautillugu Aatuaamut Angiqatigiigut. Iksivautarilauqsimajavut, Miari Saiman pilirisimaniqaqpuq pivalliajauningani Aatuaamut Angiqatigiigut. ICC−kut Kanatami Angajuqqaanga Maanika Iul−Kanajuq, ICC−kut Kalaałit Nunaanut Angajuqqaaq ᕼjalma Taal, ammalu ICC−kut Angajuqqaangat Luipav Taian katimajaqtuqatausimannirmijut 12−riliqtangani ukiuqtaqtumut katimajiit katimaninganut.
Ukiuqtaqtumut Katimajingita Ministautingit katimaniqaqtillugit, pivallianiqaqpuq, kisianittauq sulikkanniq iqqanaijaaksait atangiiniqsaugaluarmangaata Kiggatuqtauningatalu Piqataunginnanirmut piqataujut kiggaqtuijut Nunaqaqqaaqsimajunit nunatujumi nunaqaqtunik Ukiuqtaqtumi.“ tukinga ‘atuutilimmit piqatauniq’ ajjigingitanganit tukilik Ukiuqtaqtumut uqaqsimaninga taakkua Piqataunginnanirmut Piqataujut tukingata.”
Jimi Sitats upigijaliminiq Ukiuqtaqtumut Katimajinit utirninginnut sivullirmi pinasuaqtamininginnut nalimugiititsigasuarnirmik aturunnaqtut pivalliagutaulutik saputijaulunilu avati. “Uqalimalauqsimavunga taaksumunga timiujumut arraaguuq marruuk aniguqtuunni Ruvaniami tamanna nalimugiingniq kinguumajautillugu. ICC−kut sulijuqsaqtut Ukiuqtaqtumut Katimajiit suli nanisigasuarninginnit taaksuniminga nalimugiinnirmit. Qujanaqpuq, nunarjuami silaup asijjirninga sulikkanniq katimajjutiksanuuqtauningata.”
ICC−kut nipiqarutigillugu isumaaluutauningata siammapalliajumit tariurmiutat saputijauningit iniujut. Inuit piviqariaqaqput qularnangittumit tamakkununga saputijausimajunut angunasuarusiminnit atuqullugit niqitsatinnit Mitsauttumit, ICC−kut uqaqtuminiit piqtaugajanginninganik uqaqatigiigutaujuni turaangajut qanuq niqitsaqarniq nautsituqtaujuksaummangaat aulataulunilu. Inuit piqatauviqariaqaqput ukiuqtaqtumi uumajunit aulatsinirmungajut pivalliajauliqpata. Isumaaluutiqaratta pinasuarniuqattaqsimajut pillugit ilanginnut nuqqaqtitaugasuarninga Inuit angunasuarningata niqitsamit.
“Kajunngiqsaillarippungut Ukiuqtaqtumut Katimajinit ilaqarlutik inungnit pivalliajaqarlutik atuagaksanut atuliqujalianut nipiqautiginiarmajjuk isumaaluutigijavut taakkunuunga marruunnut isumaaluutigijattinnut,” uqaqtuminiq Sitats. “Avititaujjaangittugut niqitsatinnit piqqusittinnillu. Avititaujjaangittugut niqitsatinnit piqqusittinnillu. Angirutigijjaanngitavut piqqusivut nuqqaqtitaugasuaqpat.” Sitats nalunaiqsigiaqsuni ICC−kut taisigajaqtut timiqutigijaujunit ilitaqsisimanngittunit pijunnautinginnit Ukiuqtaqtumiut Sivulliit Inuit niqiqariaqarninginnit piqqusirmitigullu annaumaninginnit.
ICC−kut uqariakkaniqsutik akuniuliqtuq makitaninganik Ukiuqtaqtuq sailiniqsaulirluni nunaugiaqarninganik, ammalu nungujuittuqanngittuuluni. Nuqqausirutimini uqausiksaminik Jimi Sitats uqaqtuminiq, “Ujagivavut aislaantikmiut piliriqatigiittut pinasuaqsiarninga pillugu sivulirnirmigut timiqutaujumit iksivautarijauniqaqtillugit. Piliritsiaqsimajummarialuit uqumaiksanaqtuugaluaqtillugu nuvagnarjuamut-19−mut qanimannautillugu. Ikajuqtuiniqaqpugut Rasamiinngaaqsimajut iksivautauniarninganit.”
-30-
Qaujigiarviksat:
Kiali Ininguvuk ICC (Alaaska) 907-274-9058 kelly@iccalaska.org
Tukumminnguaq Naikjai Uulsan ICC (Kalaałłiit Nunaa) tukumminnguaq@inuit.org
Sitiivan ᕼIanturi ICC (Kanata) 613 668 1923 type88@post.com