Juuni 16, 2021 – Aatuaa, Antiuriju – Nalunaiqsivugut Kanatami nutaarmit allavimmi Kamisanaup Ilataaqtut Nunaqaqqaaqtuminit uqausinginni ajjiungittumit assuruutaunginnaqtumit piuqsuaqtaunasunninganni Inuit uqausingit, uqalauqtuq taimaak Inuit Ukiuqtaqtumiinguqatigiit Katimajingit. Pitaqariaqarninginnillu Silarjuami Katujjiqatigiit Nalunaiqsisimaninginni Pijunnautingitta Nunaqaqqaaqtuminiit.
“Quviappugut nalunaiqsigunnaratta raaput uat tikkuaqtaummat Aulattijiunialiqtuni,” uqaqtuni Maanika Ial-Kanajuq, Angijuqqaaq Inuit Ukiuqtaqtumiinguqatigiit Katimajingit Kanatami. “Inuusirminik iqqanaijaariqattaqtaminik takussalisimattiarngat sanngijuulluni nilliajiusimalluni inuit uqausinginni, angirraqaqtuq Kuujjuarmi, Nunavummi, Kanatamilu taimaiqattaqsimavuq, ammalu Inuit Nunangannit. Uppirusuttiaqtugut inuttitut sanngatittaukannirnialiqtuq kamagijauttianiqsaukkannilirlutillu.” Aulattiji Uat pijittilauqsimammijuq 2018−mi Inuit Ukiuqtaqtumiinguqatigiit Katimajingit katimavijjuarninginni, ilagijaulauqsimallunilu Inuit Ilinniaqtulirinirmit Katimajiralaanginnut.
Naggajjau Juuni 14−mi, 2021 Minista Kanatami Ittarnisalirijikkunginni, Sitiivan Giulput, nalunaiqsilauqtuq nutaarmit kamisanamit, raanut ignasmit, ilagijaujuq allangajunut (Secwepemc Nation) puritis kalampiami. Asingillu aulattijiit juajji liputimut iqqilinnit maanituupami, ammalu juan raijas ilagijaugilluni iqqilinnut (Muskeg Lake Cree) angirutimit 6 saskaatsuami.
Saqqiqtauninganni taanna Kamisanaup Allavinganni Nunaqaqqaaqtuminirnut Uqausiq pillarialuuvuq atuliqtittivaajuq Kanatami Nunaqaqqaaqtuminit piqujanginni, kajusititaulauqsimajumit Juuni 21−mi, 2019−ngutillugu. Taanna Kamisanaup Allavinganni Nunaqaqqaaqtuminirnut Uqausiq aulaniaqtuq imminik Kanataup Gavamanganinngaarluni ikajuqtuqtaulutit nunakaqqaaqtuminiit uummakanniqulugit, aulainnaqullugit sanngatikkanniqullugillu nunaqaqqaaqtuminiit uqausingit. Saqqijaqtittikannirmijuq kikkutuinnarnut ujjisuqujillutit nunaqaqqaaqtuminiit uqasinginni, kiinaujaqaqtitaulutillu qaujisaqtauninginnut ammalu atuqtauqattarninginni nunaqaqqaaqtuminiit uqausingit Kanatami. Piqqusikkullu saqqijaaqtituttikannirmijuq akailliurutausimajumit pijittirarnikkut qimirrujauqattariaqarninginnillu unnirluutausimajunik.
“Tamana takunnarattigut pimmarialuuninganni,” uqaqtuni Inuit Ukiuqtaqtumiinguqatigiit Katimajingit Issivautanga Tali Saampu Turuu. “Parnapallialiqtilluta saqqilaaqtatinni Silarjuami Katujjiqatigiit Ukiut Avatiit Nunaqaqqaaqtuminirnit Uqausirnit pigiaqtugu 2022−mi – 2032−mut, Kanatami pigiarutaujut asinginnillu Nunalirjuarnit malissarumaqtunit piuqsuarnirmit saqqijaaqtittinirmillu nunaqaqqaaqtuminiit uqausinginni.” Inuit Ukiuqtaqtumiinguqatigiit Katimajingit kiggaqtuijiit Silarjuami Katujjiqatigiit Ukiut Avatiit Nunaqaqqaaqtuminirnit Uqausirnit Nunavut Tunngavinganni Angijuqqaaq Aluki Kuuttiq, uppinattiaqtuq nilliajiuqattasuuq Inuit Uqausinginni pijjutiqaqtuni.
Silarjuami Katujjiqatigiit Nalunaiqsisimaninginni Pijunnautingitta Nunaqaqqaaqtuminiit, Ilanga 13 uqaqsimajuq pijunnautinginni uqausirnit ilanganiittuni 1: “nunaqaqqaaqtuminiit pijunnautiqaqtut uummatittikannirasuarlutit, aturlutit, aaqqiilutit tunilugillu sivunissanginnut pimmariulirumaarlutit, uqausiit, unikkaaqtuatuqait, isumatuniit, titirarniit uqamaarniit, ammalu nalunaiqtausimaningit pisimattiariaqarninginnillu namminiq atingit nunalinnit, nunangit inuusingillu.”
-30-
Tukisigiarvigijunnaqtait:
Sitiivan ᕼanturi Inuit Ukiuqtaqtumiinguqatigiit Katimajingit Kanatami +1 613 668 1923 type88@post.com