Iippu 25, 2023– Taimaittariuqtuq qaujisarnirnut kiinaujaqaqtitauniq gavamatuqakkunnit iniqaliqtittiniaqtuq Kanatamik Inunnillu nunarjuqarmi sivuliqtinut kajusinnarunnaqtunut ukiuqtaqnuni usikaqtarnirnut.
Mimuariul Silattuqsavvijjuanga Inuit Ukiuqtaqtumiuqatigiit Katimajingit Kanatamikkullu (ICC) katujjillutik aulattijuuk nunarjuarmiutigut katujjiqatigiinnirnik saaqullugit qanuigiavvigilugillu unuqsigiarningit umiarjuakkut usikaqtarniit, attuajullu avatini attuijut ukiuqtaqtuni nunalinnik ikajurlugillu Inuit nunalingita aturiaqarningit attarnangittunik akinillu atuttiaqtunik niurainirnik.
Ullumi, Vuransua-Pilip Sampaing, Minista Isumangnangittulirinirnut, Kiglisiniarnirnut Kisuliuqtinullu, uqausiqaqpuq kiinaujaqaqtittinirnik $91 6 miliannik arraagut 7 iluani aturlugit Kanata Sivulliuluni Qaujisattiarnirnut Kiinaujanik (CFREF) ikajuutaulutik sanajauninginnut Qanittaq Salumajunut Ukiuqtaqtuni Umiarjuakkut Usikaqtarnirnut Pigiarutiup.
Unulaangullutik kiinaujat tunijausimajunit tamakkiinnut mimuariulmut Inuit ukiuqtaqtumiuqatigiit katimajingit kanatamikkunnulluunniit, taakkua ikajuutillat sanngiittittiniaqtut ilisainiqtigut nunaqaqqaaqtunullu katujjinirnik. Taanna pigiaruti tamakkiinnut qanuitaunasuttaqaqtuq sanalutik ilautittijumik nunarjuarmiunullu atuqtunik Inunnut -aulataujunut qaujisarnilirijunik.
Qanittaq Salumajunut Ukiuqtaqtuni Umiarjuakkut usikaqtarnirnut pigiaruti katijjutauniaqtuq Inuit nunalinginnut piliriqatiminullu sivuliqtinut gavamaqatiginut nunarjuarmiunillu ilisainirnut, gavamanut kisuliuqtinullu sanalutik sanngijunik isumanangittunillu umiarjuat aaqqissimaninginnut aulanirnullu sanauganut, atuqtalimaanginnut atuagat aulattiniillu, piruqsainirnullu nunalinni ilaujunnarlutik sivuliqtiulutillu sivunirni ukiuqtaqtuni umiarjuakut usikaqtarnirni.
Piliriniup atinga aaqqissimaningalu saqqijaaqtittivuuk Inuit inuusikkut uppirijanginnik Qaujimaninginnillu tunngaviliuqsimallutillu ippigusuttukkut katujjinirnut aturlutik atugassanik, Inuit qaujimajanginnik, piliriqatigiinik sanasimajunullu nanisijjutigilugit piulaatigut katujjinikkut qanuqtuurutinik assururnaqtunut ukiuqtaqtunut saanngajunut.
“Upittugut katijjiqatiqaratta Mimuariul Silattuqsavvijjuanganik taakkununga atuutiqattiaqtunut qaujisarnirnut pigiarutimut attuajunut ukiuqtaqtuni umiarjuakkut usikaqtarnirnut,” uqaqtuq Inuit Ukiuqtaqtumiuqatigiit Katimajingit Kanatamikkut Angajuqqaanga Lisa Qupirrualuk. “Taimaippuq nunarjuarmiunut taututtaullattillugu Ukiuqtaqtuni umiarjuakkut usikaqtarnirniq, isumagillugit attuiningit silait asijjirningita unuqsijunut umiarjuakkut usikaqtarnirnit, qanuinninginnullu Ukiuqtaqtunut avatinut. Inunnut iliqqusinut asijjiutauniaqtuq ikajurlunilu iniqarnittinnut sivuliqtiunirnut taakkuninga pilirijunut.”
Qanuiliurasuttangit Qanittaq Salumajunut Ukiuqtaqtuni Umiarjuakkut Usikaqtarnirnut Pigiarutiup ukuanguvut:
- qaujimajaujunut tunngaviliurluni saaqullugit Inuit umiarjuakkut usikaqtarnirnut assuruutingit, tusaumajautillugit attarnanginningit umiarjuat aulajut ukiuqtaqtuni saputilugillu taikkua avatiit;
- sanarrutiliurluni qanuqtuurutinillu aturialinnik piusigiarutaulutik akinginnut, kajusijunnarninginnut pilirittiarninginnullu ukiuqtaqtuni umiarjuat; ammalu
- tunilugit qaujimajaujut aturialiit aulajjautaulutik gavamaqatigiini nunarjuarmiutigullu atuaganut asijjiinirnut umiarjuanut aulajunut ukiuqtaqtuni
“Aturluni ippigusuttunik tukiqattiaqtunillu katujjiqatigiinnirnik unuqtunut piliriqatigiinut qassikallanut gavamaqatigiingitunut, Mimuariul Silattuqsavvijjuangat Inuit Ukiuqtaqtuuqatigiini Katimajingit Kanatamikkullu aulajjaijut ajungittullannik katujjiqatigiinik saaqullugit assururnattiaqtut akaunngiliurutiit saataujunut ukiuqtaqtunut,” uqaqtuq Luuktaaq Niul Pus, angajuqqaaq tuglialu nalimuttukkut iqqaqtuijiulaukattuq.
“Pigiarninganit, Mimuariul Silattuqsavvijjuangat upisimallattut piliriqatiqariassaq sanilirilugit Inuit Ukiuqtaqtumiuqatigiit Katimajingit Kanatamikkut, Nunaqaqqaaqtut katujjiqataujut ikajuqataujullu Inuit assuruutingit atuutiqaluaqtillugit tikitaunasullutik taassumani asijjiijumut pigiarutimut, piruqsailutalu silattuqsavvijjuatta nunarjuarmiutigut qaujimajauninganik nillinaqtunut tariunut isumaruluujarunnarnirnut.”
Mimuariul iniqattiaqtuq ilisainirnut sivuliqtiullutik pilirinirmut Ilagijaullutik Kanatami 20-nit qaujisarnirnut silattuqsavvijjuanit, quttinniqsanut ilinniavvituangujuq kanatami imminutuaq Tariurnut Tariukkuurnirnullu Kisuliurnirnut Pilirinilik saqqijaaqtittisimallutillu qaujisarnirnut ajunginnirnik ajjigiinngiruluujaqtuni kisuliriruluujaqtunut, piqasiuttugit nunanit atugassat, silait asijjirninginnut kiglisiniarniit sanaugatigullu.
Qanittaq Salumajunut Ukiuqtaqtuni Umiarjuakkut Usikaqtarnirnut Pigiaruti katujjaulluni sanajaujuq Inuit timinginnut tusavviqaqtutillu inunnit qaujimajitarnit ukiuqtaqtunit, ikajurniaqtutillu qaujisarnirnik ilauqataulutik ajjigiingittunut ilisainirnit qaujimajitanut katujjijunullu tunngajunut Kanatamiunit quttinniqsanut ilinniavvinnit piqasiullugu Mimuarial ilaulutillu Silattuqsavvijjuanga Atuvaap, Talhousi Silattuqsavvijjuanga, Silattuqsavvijjuanga Manturialp Silattuqsavvijjuangalu Puritis Kalampiap.
Inuit katujjiqataujut piqasiujjijut Inuvialuit Avissimajunut Kuapuriisanganik, Nunatsiavut Gavamanganik, Nunavut Tunngavik Inkuapuriitakkunnillu, Makivvik Kuapuriisanganganik, Inuit Tapiriit Kanatamikkut Gavamaqatigiinilu Inuit Makkuttut Katimajinginnit.
Unugalattut atuutiqattiaqtut inulimaanit, namminilinnit aulattinirnillu katujjiqataujut ikajurmijut pilirinirmut.
Pigiaruti turaaqtitauniaqtuq aaqqiruluujaqsimajunut aulajjusirnut aulattinurnullu tunngavinnut piqasiujjijumut kiggaqtuinirnik Inunnit katujjiqataujunit, silattuqsavvimmiunit, gavamanit kisuliuqtinillu.
Qanittaq Salumajunut Ukiuqtaqtuni Umiarjuakkut Usikaqtarnirnut Pigiaruti tunnganiaqtuq Saint Jaans Ilinniavvikkuvinginni Mimuariul Silattuqsavvijjuarmi Inuit Ukiuqtaqtumiuqatigiit Katimajingit Kanatamikkunnilu Aatuaa, Antiariumi. Ilikkannirit pigiarutimut, katujjiqatigiinginnut qaujisaqtanginnullu, uvani intuniatkut: https://www.qanittaq.ca/.
Kanata Sivulliuluni Qaujisattiarnirnut Kiinaujat Missaanut
Kanata Sivulliuluni Qaujisattiarnirnut Kiinaujat ikajusuut akitturautijutigut niruaqtaujunut Kanatamit quttinniqsanut ilinniavvinnit ajunngiluaqtaminut sannginirminik nunarjuami sivuliqtinnguqtillugit ajungitamigut. Kiinaujat pingasunut timinut pigiarutaujut Inuusirnut Kiglisiniarnirnut Inuuqatigiinullu Qaujisarnirnut Katimajinginnit (SSHRC), Nunamiunut Kiglisiniarnirnut Kisuliuqtiunirnullu Qaujisarnirnut Katimajinginnit (NSERC), Kanatami Timiit Qanuinginnirnut Qaujisarnirnillu (CIHR)
Inuit Ukiuqtaqtumiuqatigiit Katimajingit Kanatamikkut Missaanut
Inuit Ukiuqtaqtumiuqatigiit Katimajingit Kanatamikkut (ICC) Nunaqaqtaaqtut Inuit Timigivauk (IPO), sanajaujuq 1977-mi piruqtinnasullugit quviasuutigilugillu katinningit 180,000 Inuit Alaaskamit (Amialikkat), Kanatamit, Kalaałłiit Nunaannit, Sukutkamillu (Rasia). Inuit Ukiuqtaqtumiuqatigiit Katimajingit pilirivut piruqtinnasuttugit Inuit pijunnautingit, saputilugit ukiuqtaqtuni avatiit, saputilugillu tusaumajautillugillu Inuit inuujjusingit. Silait asijjirninginnut, uppirusuttugut atuutiqattiarasugillugu nunarjuarmi sivuliqtinut gavamanullu ilisarijaulutik, ippigilugit atuliqtittiarlugillu Inunnut pijunnautingit Inuit asilimaallu nunaqaqqaaqtut Inuit nunarjuami.
Mimuariul Silattuqsavvijjup Missaanut
Mimuariul Silattuqsavvijjuanga atausiungittumi ilinniavvinni, kisuruluujanut ilisagassanut silattuqsavvijjuangujuq turaangajuq kisuruluujaliurnirnut, isumanangittulirinirnut pittiallannirnullu ilisainirni ilinnirnilu, qaujisarnirnut, ilinniarnikkut ilisarijaunirnut inulimaatigullu katinnirnut. Ilinniavviqaqtutik Saint Jansmi, Kuanu Purukmi ᕼApi Vali Guus Paimilu, Niuvaunlanmi, ᕼArlu, Iasiksmilu, Junaitat Kingtammi, Mimuarial Silattuqsavvijjuaq tunngasaijuq ilinniaqtinik ilisasimarjuatunillu nunarjuarmiulimaanit, piqasiuttugit ungataani 19,000 ilinniaqtut 115nit gavamaqatigiingittunit. Mimuariul ilautittijut nunaliqatigiingit angiqsimajut piruqsaijumallutik tusaumajautittilutillu isumanangittulirinirnik ikajurnirmini qaujimajaujunut ajunngiluaqtunullu nunalinni, gavamaqatigiini nunarjuarmiunilu.
Sanajaulluni inuuluni puigujjaikkutauluni inuqutittinnut tuqulauqtunut Sivulliqpaami Nunarjuarmiut Unatavijjuaqtillugit, Mimuariul Silattuqsavvijjuanga atuinnangittumik angiqsimavuq inunginnut Niuvaunlan Lapatuallu qanuigiaqpattunilu iqqanaijaamitigut imminullu pijumajaminut Takuttiakkannirumalugit Mimuariulkkut, takuguk www.mun.ca.
-30-
Pivalliajulirijinut Uqaqatissat:
Kasantura Ialiat
Inuit Ukiuqtaqtumiuqatigiit Katimajingit Kanatamikkut Tusaumaqatigiinnirnut Tiliurijingat
celliott@inuitcircumpolar.com
613-407-2642
Jiav Gurin
Aulattiji, Tusaumaqatigiingniit, Titiravvinga Tugliata (Qaujisarniit), Mimuariul Silattuqsavvijjuanga
jeffg@mun.ca
709-864-4073, 709-687-9243