Sivurngani Nunaup Ulluqaqtitauningata 2021, ICC−kut Pijunnautitaaqtitauvut Nautsiturnirmit Gavamauqatigiittut Katimajinginnik Silaup Asijjirninganut (IPCC)

Iippu 21, 2021 – Ankurij, Alaaska – Inuit Ukiuqtaqtumiuqatigiit Katimajingit (ICC−kut) quviasupput uqausiqariaksaq kajusitsiarninganit Tuksiraut Nautsituqtiunirmut Gavamauqatigiittuni Katimajinginnut Silaup Asijjirninganut (IPCC−kut). ICC−kut sivulliqpaullutik Nunaqaqqaaqsimajunut Timiqutaujut Tigumiaqtiuniaqtut Nautsituqtiunirmit Taakkunani IPCC−kunni. Taakkua IPCC−kut timiujut iqqanaijaaksaqaqsutik qaujisaqtulirinikkut killisiniarnirmit turaangajunit silaup asijjirninganut. Timiujuq saqqiqtitaminiq Katujjiqatigiittut Nunalirjuat Atilirinirmut Piliriamut (UNEP) ammalu Nunarjuami Silalirinirmut Timiqutiujuq (WMO−kut) 1988−ngutillugu. Taakkua IPCC−kut maannaujumi 195−nit ilagijaujuqutiliit nunalirjuanit ammalu tausanginniittunit ikajuqpattunit. ICC−kut Tuksirautiliuqtuminiit Nautsituqtiunirmut Titiraqtingannut IPCC−kut viivvuariutillugu 2020. Tamanna tamaksuminga pijunnaqtitauniq angiqtaminiq 53−giliqtanganit Katimaningita IPCC−kut, katimallutik qaritaujakkut, pigiaqsutit Maajji 22 tikitsugu 26, 2021−mi. ICC−kut tusaqtitaullutik Iippu 15−mi.

ICC−kut Iksivautangat Talii Sampu uqaqtuminiq, “Titiraqtavunni titiqqaliavut IPCC−kut titiraqtingannut, ‘ICC−kut piqataugumaniqaqput IPCC−kut iqqanaijaanginni pivallianinginnilu, piluaqtumi turaangajunut nunattinnut angirraqarvitinnut qanurlu Nunaqaqqaaqsimajut Qaujimaninga isumagijaummangaat atuqtauqattarningatalu. ’ arraaguuni aniguqtuni ikajuqsimajugut pijariaqallarittuni IPCC−kut unikkaalianginni pijjutilinnit silaup asijjirninganit ammalu piluaqtumi, tariumi imarni ammalu nunaup quanguninga nilauningata. Sivulliqpallutik Nunaqaqqaaqsimajut Timiqutingat tigumiarniaqtut tamaksuminga, sivuniqaqpugut amisunnguriarniarninginnit pikatauniq ammalu kajusititauninga iqqanaijaqatiqarnivut taakkuninga IPCC−kut sivuliqtinginnit ammalu iqqagijaujuq katujjiqatigiittunut−pivalliajauninga qaujimaningita killisiniaqtimmariit qaujisarnikkut piliriangitigut tavvani katimanirmi. Tamaani pinasuarusirmi nalunairniaqtavut ‘Nunaup Ulluqaqtitauninga’  Ippu 22−nguliqpat Ruviagillutigu nalunaiqtavut taanna sivurngani pimmariujuq ulluqaqtitauningata, pijaksavut taijauninga ‘utiqtillavut surraittuuninganu Nunavut.”

ICC−kut ikajuqsimajut tavvani IPCC−kut Pimmariutillugu Unikkaaliarisimaja Tariup Imaup ammalu Nunaup Quanguninga Nilauningata Asijjipalliajumi Silamik, Saqqiqtitaulluni Sitipiri 2019. Nunaup quanguninga nilauninga turaangajuq quanguniajunut nunami. 10−pusanga nunaup vusauningata aujuittulik uvvaluunniit sikuuniliit. ICC−kut kamagijaqarniqsaminiit unikkaatinniittumit Pikialasuarsuaq Tilijjaujutigisimajangat uuttuutigijaulluni Inuit Qaujimaniqarninginnit ammalu Inungnut−Aulatauninga nunami quanguniujut asijjirningata Utiuqtaqtumi Imanginni, sanianiittut Taakkua Kalaałiit Nunaata ammalu Qikiqtaaluup Kanatami.

“Amisut attunirluttautillugit silaup asijjirninganut nunalittinnilu nunarjuami, taanna atausiq uuttuutaugunnaqtuq qanuq Inuit nipiqarutigimmangaagu ikajuqsiniaqtillugu qaujijaujunit ᕼannalanginniittuni killisiniaqtirjuat qaujisaqtit iqqanaijaanginnit piliriqatiqaqsutik tamakkuninga unikkaaliangujunit taakkununga IPCC−kunnut,” uqaqtuminiq ICC−kut Kanatamut Tuglia Angajuqqaaq) Liisa Kupirrualuk. “Nautsituqtiunirmit Pijaksaqarniq sanngitsigiariniaqput Inuit nipinginnit tamaksuma silaup miksaanut katimanirni ikajuqtuigiakkanirniaqsunilu inungnit piqatauninginnit iqqanaijaanganik taakkua IPCC−kut.”

“ICC−kut iqqanaijaqatiqainnaqtut IPCC−kunnit qaujimagiatsiaqsutik isumatsaqsiurutautsiaraluarmangaaq nunaqaqqaaqsimajunut Qaujimaniq sivunirmi qaujisautauniaqtuni, ”Ilangiaqsuniuk uqausini. “niriugijaqaqpugut Nautsiqtiunirmit Pijunnarniqaqtitauniq ikajuqsiniaqtuq uvattinnit tukisijauvallialuni taakkununga silamit qaujisarnikkut killisiniaqtimmaringnit pimmariuninga katujjiqatigiilluni−piliriniq qaujimaniq aturlugu. ”

Inuit Ukiuqtaqtumiuqatigiit Katimajingi Nautsituqtiunirmit pijunnarniqaqtitaummijutauq taavvani Katujjiqatigiittut Nunalirjuat Atuagaksanganik Katimanirmi Silaup Asijjirninga Pillugu (UNFCCC−kut), ammalu tigumiaqtut Qaujigiarvitsaulutik Pijunnautiqaqtitauniq ll Katujjiqatigiittuni Nunalirjuani, pijunnautitaamininga 1983−ngutillugu.