Press Releases

Documenting our Progress

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑲᒪᔨᐅᖃᑕᐅᕗᑦ ᐅᑭᐅᖅᑕᖅᑐᒥ ᐃᓱᒪᓕᕆᓂᕐᒨᖓᔪᒥᒃ ᑲᑎᒪᓂᕐᒥᒃ

ᒫᔾᔨ 25, 2015 – ᐃᖃᓗᐃᑦ, ᓄᓇᕗᑦ – ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ, ᑲᓇᑕᐅᑉ ᒐᕙᒪᖓ ᐊᒻᒪᓗ ᓄᓇᕗᑦ ᒐᕙᒪᖓ ᑲᑐᔾᔨᖃᑎᒌᕝᕕᖓ ᑲᑎᒪᓂᕐᒥᒃ ᐊᐅᓚᑦᓯᓂᖅ ᐅᑭᐅᖅᑕᖅᑐᒥ ᐃᓱᒪᓕᕆᓂᕐᒨᖓᔪᒥᒃ ᑲᑎᒪᑎᑦᓯᐅᓂᐊᓛᖅᑐᒥᒃ ᐃᖃᓗᓐᓂ, ᓄᓇᕗᑦ, ᒫᔾᔨ 25 ᑎᑭᓪᓗᒍ 27. ᐱᔾᔪᑎᖓ ᐅᓪᓗᓄᑦ−ᐱᖓᓱᓄᑦ ᑲᑎᒪᓂᐅᑉ ᐊᒥᖅᑲᐅᑎᖃᕐᓂᐊᕐᒪᑕ ᓈᒻᒪᓂᖅᐹᓂᒃ ᐊᑐᕋᑦᓴᓂᒃ, ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖓᓂᑦ ᐊᒻᒪᓗ ᓄᓇᓕᐅᑉ ᐃᓱᒪᒋᔭᖏᓐᓂᑦ ᐃᓱᒪᓕᕆᓂᐅᑉ ᒥᒃᓵᓄᑦ ᐊᒻᒪᓗ ᐊᔪᕐᓇᕐᓂᖓᓂᒃ ᐅᖃᐅᓯᕆᓗᒍ ᐃᓅᓯᕐᒥᒃ ᓇᖕᒥᓂᖅ ᑭᐱᓯᖃᑦᑕᕐᓂᖅ ᐅᑭᐅᖅᑕᖅᑐᒥ ᓄᓇᓕᐅᔪᓂ.

ᑖᓐᓇ ᑲᑎᒪᓂᖅ ᐃᓚᒋᕙᐅᒃ ᐊᖏᓂᖅᓴᐅᓪᓗᓂ ᐅᑭᐅᖅᑕᖅᑐᒥ ᑲᑎᒪᔩᑦ ᐱᒋᐊᕈᒪᔭᖓᓂᒃ ᑲᓇᑕᒥ ᐃᒃᓯᕙᐅᑕᐅᔪᒧᑦ (2013-15), ᓯᕗᓕᖅᑕᐅᑲᓯᐅᑎᔪᖅ ᑲᓇᑕᒧᑦ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᓐᓄᑦ, ᓄᐊᐅᐃ, ᑭᖕᑕᒻᖓᑕ ᑎᐊᖕᒫᒃ, ᒥᐊᓕᒐᐃᑦ ᓄᓇᖓᓐᓃᙴᖅᓯᒪᔪᑦ ᐊᒻᒪᓗ ᕋᓴᒃᑯᑦ ᑲᑐᔾᔨᖃᑎᒌᙱᓐᓄᑦ. ᓄᓇᕐᔪᐊᒥ ᑲᑎᒪᓂᖅ ᐅᐸᑦᑕᐅᓯᒪᔪᖅ ᐅᖓᑖᓃᑦᑐᓄᑦ 100 ᑲᑎᒪᔭᖅᑐᖅᓯᒪᔪᑦ, ᐱᖃᓯᐅᑎᓪᓗᒋᑦ ᑭᒡᒐᖅᑐᐃᔩᑦ ᐅᑭᐅᖅᑕᖅᑐᒥ ᓄᓇᓕᔾᔪᐊᓄᑦ ᐊᒻᒪᓗ ᐅᑭᐅᖅᑕᖅᑐᒥ ᓄᓇᖃᖅᑳᖅᓯᒪᔪᓄᑦ ᑎᒥᖁᑎᒋᔭᐅᔪᓄᑦ, ᐃᓅᓱᑦᑐᖃᐅᕆᓪᓗᓂ, ᖃᐅᔨᓴᖅᑏᑦ ᐊᒻᒪᓗ ᐱᓕᕆᐊᒧᑦ ᐊᐅᓚᑦᓯᔩᑦ.

ᐃᖅᑲᒋᔭᐅᑦᓯᐊᖅᑐᖅ ᓕᐅᓇ ᐊᒡᓘᑲᖅ, ᑲᓇᑕᒥ ᒥᓂᔅᑕ ᐅᑭᐅᖅᑕᖅᑐᒥ ᑲᑎᒪᔨᓄᑦ, ᒥᓂᔅᑕᕆᔭᖅ ᐅᑭᐅᖅᑕᖅᑐᒥ ᑲᑎᒪᔨᓄᑦ, ᒫᓐᓇᐅᔪᒥᓗ ᐃᒃᓯᕙᐅᑕᕆᔭᐅᔪᖅ, ᒪᑐᐃᖅᓯᔪᒥᓂᖅ ᑲᑎᒪᓂᕐᒥᒃ ᐊᒻᒪᓗ ᑐᐊᓐ ᓯᒥᔅ, ᐊᖓᔪᖅᑳᖅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ – ᑲᓇᑕ, ᐊᒻᒪᓗ ᑐᒡᓕᕆᔭᐅᓪᓗᓂ−ᐃᒃᓯᕙᐅᑕᐅᓂᕐᒧᑦ ᐅᑭᐅᖅᑕᖅᑐᒥ ᑲᑎᒪᔩᑦ ᐃᑯᐱᕝᕕᓕᕆᓂᕐᒧ ᐱᕙᓪᓕᐊᑎᑦᓯᓂᕐᒧᑦ ᐱᓕᕆᖃᑐᒌᑦᑐᓄᑦ ᑲᑐᔾᔨᖃᑎᒌᓄᑦ, ᒪᑐᐃᖅᓯᔾᔪᑎᒥᓂᒃ ᐅᖃᐅᓯᑦᓴᓕᒥᓂᖅ. ᓯᒥᔅ ᐅᖃᐅᓯᖃᖅᑐᒥᓂᖅ ᓈᒻᒪᖏᑦᑑᓂᖓᓂᒃ ᐊᒥᓲᓗᐊᖅᑐᑦ ᐃᓅᓯᕐᒥᓐᓂᒃ ᓇᖕᒥᓂᖅ ᑭᐱᓯᕙᑦᑐᑦ ᐃᓄᐃ ᓄᓇᖓᓐᓂ ᐊᓯᖏᓐᓂᓪᓗ ᐅᑭᐅᖅᑕᖅᑐᒥ ᓄᓇᓕᐅᔪᓂ, ᐱᓗᐊᖅᑐᒥ ᐃᓅᓱᑦᑐᑦ.

“ᑖᓐᓇ ᑲᑎᒪᒍᑎᖃᕐᓂᖅ ᐱᒻᒪᕆᐅᕗᖅ ᐃᓱᒪᓕᕆᓂᕐᒥᒃ ᐊᒻᒪᓗ ᖃᓄᐃᖏᓯᐊᕆᐊᖃᕐᓂᖅ ᐊᑦᑐᐃᕙᒻᒪᑦ ᐊᑐᓂᒃ ᐊᒻᒪ ᐃᓘᓐᓇᑎᓐᓂᑦ, ᐅᖃᖃᑎᒌᒍᑕᐅᖃᑦᑕᕆᐊᖃᕐᒪᑦ. ᓈᓴᐅᑎᑐᐃᓐᓇᐅᙱᒻᒪᑕ ᐅᕝᕙᓘᓐᓃᑦ ᐊᒥᓲᓂᖏᑦ ᓇᓗᓇᐃᔭᖅᑕᐅᓯᒪᑐᐃᓐᓇᙱᑦᑐᑦ, ᐃᓄᖕᓂᑦ ᒪᓐᓇ ᐱᔪᖅ ᐃᓚᙵᐅᑎᒋᓯᒪᔭᑦᑎᓐᓂᒃ ᑕᐃᒃᑯᐊᓗ ᕿᒪᑦᑕᐅᔪᑦ ᑲᔪᓯᒋᐊᖃᕐᒪᑕ ᐃᓅᓯᕐᒥᓐᓂᒃ. ᐃᓚᐃᖃᑦᑕᖅᓯᒪᔪᒍᑦ, ᐱᖃᑎᑦᑎᓐᓂᑦ ᐃᖅᑲᓇᐃᔭᖃᑎᑦᑎᓂᓪᓗ, ᑎᓪᓕᕝᕕᐅᖃᑦᑕᖅᓯᒪᒐᑦᑕ ᓯᕗᓕᖅᑎᒋᒍᓐᓇᑕᖅᑎᓐᓂ ᓯᕗᓂᒃᓴᕗᑦ ᐱᓪᓗᒍ.” ᐅᖃᖅᑐᒥᓂᖅ ᑐᐊᐃᓐ ᓯᒥᔅ, ᐊᖓᔪᖅᑳᖅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕ.

ᐊᒥᓱᑦ ᐱᔾᔪᑕᐅᕙᒻᒪᑕ ᐊᒥᓲᒍᑕᐅᔪᑦ ᐃᓅᓯᕐᒥᓐᓂᒃ ᓇᖕᒥᓂᖅ ᑭᐱᓯᕙᑦᑐᑦ ᐅᑭᐅᖅᑕᖅᑐᒥ, ᐱᔾᔪᑕᐅᖃᓯᐅᑎᓪᓗᑎᒃ ᐊᑐᐃᓐᓇᐅᖏᓐᓂᑯᖏᓐᓄᑦ ᑮᓇᐅᔭᓕᐅᕋᓱᐊᕈᒪᓗᓂ ᐱᕕᑦᓴᐅᒍᓐᓇᖅᑐᑦ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓ, ᐃᖕᒥᓐᓂᒃ−ᐅᐱᒋᒍᓐᓃᕐᓂᖅ ᐊᒻᒪᓗ ᐱᖅᑯᓯᖅ, ᐊᑐᖅᑕᐅᓯᒪᔪᑦ ᖁᐊᖅᓵᓇᖅᑐᒃᑰᖅᓯᒪᓃᑦ, ᐃᓪᓗᑭᑦᓴᕐᓂᖅ, ᐊᔪᖅᓴᕐᓂᖅ, ᐊᔪᓕᕈᑎᖃᖅᓯᒪᓃᑦ, ᐊᒻᒪᓗ ᓂᕿᒥᒃ ᐊᔪᖅᓴᖃᑦᑕᕐᓃᑦ. ᐊᒃᓱᕈᕈᑕᐅᖃᓯᐅᑎᔪᖅ ᐃᓄᖕᓄᑦ ᐊᓯᖏᓐᓄᓪᓗ ᓄᓇᖃᖅᑳᖅᓯᒪᔪᓄᑦ ᓄᓇᓕᒻᒥ ᐱᔨᑦᓯᕋᕈᑕᐅᔪᓄᑦ ᐊᑐᐃᓐᓇᖃᙱᓗᐊᕐᓂᖅ ᐊᒻᒪᓗ ᐱᔪᓐᓇᓯᐊᖅᑐᓂᒃ ᐃᓄᖕᓂᑦ ᐃᑲᔪᕈᓐᓇᖅᑐᓂᒃ ᐊᑦᑕᓇᖅᑐᒦᓕᖅᑐᓄᑦ ᐅᕝᕙᓘᓐᓃᑦ ᑭᙴᒪᑦᓯᔪᓄᑦ ᐃᑲᔪᖅᑕᐅᒍᑎᑎᒍᑦ.

ᐊᒥᖅᑲᐅᑎᖃᕐᓂᖅ ᓈᒻᒪᓂᖅᐹᓂᒃ ᐱᓕᕆᔾᔪᑕᐅᒍᓐᓇᖅᑐᓂᒃ ᐃᓱᒪᓕᕆᓂᕐᒧᑦ ᐃᓚᒋᕙᐅᒃ ᐋᖅᑭᒋᐊᕈᑎᑦᓴᐅᑉ, ᐊᒻᒪᓗ 2014−ᖑᑎᓪᓗᒍ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᐱᒋᐊᖅᑎᑦᓯᔪᒥᓃᑦ ᖃᕆᑕᐅᔭᒃᑯᑦ ᐃᑭᐊᖅᑭᕕᒻᒥᒃ ᓇᓗᓇᐃᔭᐃᓯᒪᔪᓂᒃ ᐃᓄᖕᓄᑦ ᐃᓱᒪᓕᕆᓂᕐᒨᖓᔪᓄᑦ ᖃᓄᐃᖏᑦᓯᐊᕆᐊᖃᕐᓂᕐᒧᓪᓗ ᑖᒃᑯᓄᖓ ᓯᑕᒪᓄᑦ ᓄᓇᓕᕐᔪᐊᖑᔪᓄᑦ. www.arcticcbm.org/wellness

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑲᓇᑕᒥ ᑲᔪᓯᐅᔾᔨᓂᐊᖅᐳᑦ ᐊᔪᐃᓐᓈᖃᕐᓗᑎᒃ ᑐᙵᕕᑦᓴᑦᓯᐊᖑᔪᓂᒃ ᐱᒋᐊᕈᑕᐅᒍᓐᓇᖅᑐᓂᒃ ᑖᒃᑯᓄᖓ ᐱᓇᓱᐊᕈᑕᐅᓂᐊᖅᑐᓂᒃ ᖁᑦᓯᓕᕇᑦᑐᓄᑦ ᒐᕙᒪᓄᑦ ᓄᖅᑲᖅᑎᒍᒪᓪᓗᒍ ᐃᓅᓯᕐᒥᓐᓂᒃ ᓇᖕᒥᓂᖅ ᑭᐱᓯᓂᖅ. ᐊᒥᓱᑦ ᓈᒻᒪᓂᖅᐹᑦ ᐱᓕᕆᔾᔪᑕᐅᒍᓐᓇᖅᑐᓂᒃ ᐅᑭᐅᖅᑕᖅᑐᒥ ᐃᓱᒪᓕᕆᓂᕐᒧᑦ ᐊᒻᒪᓗ ᐊᔪᐃᓐᓇᕐᓂᖅ ᓇᓗᓇᐃᖅᑕᐅᓯᒪᔪᑦ ᖃᐅᔨᓴᕐᓂᒃᑯᑦ ᐊᒻᒪᓗ ᐃᖃᓗᓐᓂ ᑲᑎᒪᓂᕐᒥ. ᑕᒪᒃᑯᐊ ᒫᓐᓇᐅᔪᒥ ᐊᒥᓱᙳᕆᐊᖅᑕᐅᓯᒪᔪᑦ ᐅᑭᐅᖅᑕᖅᑐᒥ ᓄᓇᓕᐅᔪᓂ, ᖃᐅᔨᕙᓪᓕᐊᒍᑕᐅᓪᓗᓂᓗ ᐊᑐᖅᑕᐅᓕᖅᐸᓪᓕᐊᓂᖓ ᓄᓇᖃᖅᑳᖅᓯᒪᔪᑦ ᖃᐅᔨᒪᓂᖏᑦ ᐊᒻᒪᓗ ᓄᓇᓕᖕᒥ ᖃᐅᔨᒪᓕᑕᐃᑦ ᑕᒪᑐᒧᖓ ᑲᒪᒍᓐᓇᕐᓂᖏᑦ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.