Press Releases

Documenting our Progress

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐊᐅᓚᑦᑎᔩᑦ ᑲᑎᒪᔭᖅᑐᖅᐳᑦ ᓅᒃᒧᑦ, ᑲᓛᖡᑦ ᓄᓈᓂ

ᔮᓐᓄᐊᕆ 20, 2015 – ᐋᑐᐋ, ᐋᓐᑎᐅᕆᐅ – ᐊᐅᓚᑦᓯᔨᖏᑦ ᑲᑎᒪᔨᖏᑕ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ ᑲᑎᒪᔪᒥᓃᑦ ᓅᒃᒥ, ᑲᓛᖡᑦ ᓄᓈᓂ ᐅᑯᓇᓂ ᐅᓪᓗᓂ 13 ᑎᑭᑦᓱᒍ 15 ᔮᓐᓄᐊᕆ 2015 ᐊᕐᕌᒎᒃ ᒪᕐᕉᒃ ᐊᓂᒍᖅᐸᑎᒃ ᐸᕐᓇᓂᕐᒧᑦ ᐊᒻᒪᓗ ᐸᕐᓇᐅᔾᔨᓗᑎᒃ ᑲᑎᒪᓂᒃᓴᒧᑦ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑭᒡᒐᖅᑐᐃᕙᑦᑐᑦ ᓄᓇᕐᔪᐊᒥ ᐱᒋᐊᖅᑕᐅᒍᒪᔪᓂᒃ ᐅᖓᑖᓃᑦᑐᓄᑦ 150,000−ᓄᑦ ᐃᓄᖕᓄᑦ ᕋᓴᒥ (ᓱᑯᑦᑲ), ᒥᐊᓕᒐᐃᑦ ᓄᓇᖓᓐᓂᒃ (ᐊᓛᔅᑲ), ᐅᑭᐅᖅᑕᖅᑐᖏᓐᓂ ᑲᓇᑕᐅᑉ ᐊᒻᒪᓗ ᑲᓛᖡᑦ ᓄᓈᓂᒃ. ᐊᐅᓚᑦᓯᔩᑦ ᑲᑎᒪᔨᖏᑦ ᒫᓐᓇᐅᔪᒥᒃ ᐃᒃᓯᕙᐅᑲᓖᑦ ᐅᑲᓕᖅ ᐃᔨᑦᓯᐊᒥᒃ ᐃᖃᓗᒻᒥᐅᑕᖅ, ᓄᓇᕗᑦ, ᓂᕈᐊᖅᑕᒥᓂᖅ ᑕᕝᕗᖓ ᐃᒃᓯᕙᐅᑕᐅᓂᕐᒧᑦ ᔪᓚᐃᖑᑎᓪᓗᒍ 2014. ᓅᒃᒥ ᑲᑎᒪᓂᕐᒥ ᐅᐸᒍᑎᓯᒪᔪᒥᓃᑦ ᓄᓇᐃᑦ ᐊᕕᑦᑐᖅᑕᐅᓯᒪᓂᖏᑎᒍᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᖓᔪᖅᑳᓄᑦ ᐊᒻᒪᓗ ᑐᒡᓕᐅᔪᓄᑦ ᑖᒃᑯᓇᙶᖅᓯᒪᔪᓂᒃ ᓯᑕᒪᓂ ᐅᑭᐅᖅᑕᖅᑐᒥ ᓄᓇᓕᔾᔪᐊᓂᒃ ᐃᓄᐃᑦ ᓄᓇᓕᖃᕐᕕᖏᓐᓂ.

ᑖᓐᓇ ᐊᒡᒋᖅᑐᖅ ᐊᕐᕌᒍ ᓇᓗᓇᙱᑦᑐᖅ ᐱᔭᒃᓴᖃᕈᑕᐅᓂᐊᕐᓂᖓᓂᒃ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᓐᓄᑦ. ᐊᐅᓚᑦᑎᔩᑦ ᑲᑎᒪᔨᖏᑦ ᕿᒥᕐᕈᔭᓕᒥᓃᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᒃᑯᑦ ᓯᕗᓪᓕᐅᑎᒍᒪᔭᖏᓐᓂᑦ, ᐱᕙᓪᓕᐊᑎᑕᐅᓪᓗᓂ ᐊᒻᒪᓗ ᐸᕐᓇᐅᔾᔨᒍᑕᐅᓪᓗᓂ ᑐᑭᒧᐊᒍᑎᒃᓴᓂᑦ ᐊᑐᓕᖅᑎᒍᒪᔭᒥᓐᓂᒃ ᑎᓕᔭᐅᔾᔪᑎᒋᓯᒪᔭᕐᒥᓐᓄᑦ ᑖᓐᓇ ᐊᕐᕌᒍᓄᑦ ᓯᑕᒪᓄᑦ−ᑎᓕᔭᐅᔾᔪᑕᐅᓯᒪᔪᖅ ᐊᑐᐃᓐᓇᐅᑎᑦᓯᒍᑕᐅᓯᒪᔪᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᓯᕗᓕᖅᑎᐅᓂᕐᒧᑦ ᑲᑎᒪᓂᒃᓴᒧᑦ ᑲᑎᒪᕕᒃᓴᖓ ᓈᒻᒪᓯᑉᒥᑉᐸᑦ ᐃᓅᕕᒻᒥ ᓄᙳᐊᓂ ᔪᓚᐃᑉ 2014 ᐃᓄᐃᑦ ᐊᑐᓕᖅᑎᑦᓯᔪᒥᓂᐅᑎᓪᓗᒋᑦ ᑖᒃᓱᒪᖓᑦ ᑭᑎᒑᔪᐃᑦ ᐅᖃᐅᓯᖅᑕᓕᐊᕆᓯᒪᔭᖏᓐᓂᑦ. ᑖᓐᓇ ᐅᖃᓯᖅᑕᓕᒃ ᐅᖃᐅᓯᐅᓯᒪᔪᓂᒃ ᐃᓱᒫᓘᑕᐅᔪᓂᒃ ᓲᕐᓗ ᒪᑯᓂᖓ: ᐅᑭᐅᖅᑕᖅᑐᒥ ᑲᑎᒪᔩᑦ ᐊᒻᒪᓗ ᐊᓯᖏᑦ ᓄᓇᕐᔪᐊᒥ ᑲᑎᒪᓂᕐᒨᖓᔪᓂᒃ; ᐊᕙᑎᒥᒃ ᑲᒪᑦᓯᐊᕆᐊᖃᕐᓂᕐᒨᖓᔪᓂᒃ; ᐊᑦᑕᓇᙱᑐᒃᑯᑦ ᐅᓯᑲᑦᑕᓂᕐᒨᖓᔪᓂᒃ ᐃᖃᓗᓕᕆᓂᕐᒨᖓᔪᓪᓗ; ᐃᑯᕕᕝᕕᓕᕆᓂᕐᒨᖓᔪᓂᒃ; ᐃᓄᐃᑦ ᑎᒥᖏᑕ ᐃᓗᓯᖏᓐᓅᖓᔪᓂᒃ ᖃᓄᐃᙱᑦᓯᐊᕐᓂᕐᒧᓪᓗ; ᓂᕿᖃᕐᓂᕐᒨᖓᔪᑦ ᐊᔪᖅᓴᙱᓐᓂᕐᒨᖓᔪᑦ ᓂᕿᑦᓴᒥᒃ ; ᐃᓕᓐᓂᐊᖅᑐᓕᕆᓂᖅ ᐊᒻᒪᓗ ᐅᖃᐅᓯᓕᕆᓂᖅ; ᐱᖅᑯᓯᑐᖃᒃᑯᑦ ᖃᐅᔨᒪᓂᖃᕐᓂᕐᒨᖓᔪᑦ ᐊᒻᒪᓗ ᑭᓪᓕᓯᓂᐊᕐᓂᕐᒧᑦ ᖃᐅᔨᓴᖅᑐᓕᕆᓂᒃᑯᑦ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᓯᕗᓕᖅᑕᐅᖃᓯᐅᑎᒻᒥᔪᑦ ᒪᕐᕉᓐᓄᑦ ᐊᓯᖏᓐᓄᑦ ᐅᖃᐅᓯᖅᑕᓕᐅᖅᑕᐅᓯᒪᔫᓄᑦ ᐅᖃᐅᓯᐅᓯᒪᔪᓄᑦ ᐊᑐᓕᖅᑎᑕᐅᓯᒪᔪᑦ ᐃᓚᐅᒍᑎᖃᕐᓂᕐᒥᒍᑦ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ, ᐅᖃᐅᓯᖅᑕᓕᐅᖅᑕᐅᓯᒪᔫᓄᑦ ᐅᖃᐅᓯᐅᓯᒪᔪᓄᑦ ᓇᖕᒥᓂᖅᓱᕈᕐᓇᓂᕐᒨᖓᔪᓂᒃ ᐅᑭᐅᖅᑕᖅᑐᒥ (2009) ᐅᖃᖅᓯᒪᔪᖅᑕᓕᒃ ᐊᐅᓚᑕᐅᓂᖓᑕ ᓄᓇᕐᔪᐊᒥ ᐱᓕᕆᖃᑎᒌᓐᓂᖏᑦᑕ ᐅᑭᐅᖅᑕᖅᑐᒥ ᐊᒻᒪᓗ ᐊᖏᖃᑎᒌᓐᓂᕆᕙᑦᑕᖓᑦᑕ ᓄᓇᕐᔪᐊᒥ ᐊᐃᕙᒍᑕᐅᔪᓄᑦ ᐅᑭᐅᖅᑕᖅᑐᒥ, ᐃᓚᐅᑎᑦᓯᖃᑦᑕᕆᐊᖃᕐᒪᑕ ᐃᓄᖕᓂᑦ. ᐊᒥᓱᙳᐸᓪᓕᐊᓂᖏᑦ ᓄᓇᕐᔪᐊᒥ ᐱᔪᒪᓂᕆᔭᐅᔪᑦ ᐅᑭᐅᖅᑕᖅᑐᒥ ᐅᔭᕋᕐᓂᐊᕐᓂᒨᖓᔪᓄᑦ, ᐅᖅᓱᐊᓗᒃᓴᐃᑦ ᐊᒻᒪᓗ ᐆᒪᔪᑦ ᑕᕆᐅᕐᒥᐅᑕᐃᑦ ᐊᑐᖅᑕᐅᒍᓐᓇᕐᓂᖏᓐᓄᑦ ᑲᔪᓯᒍᑕᐅᓯᒪᕗᑦ ᐃᓄᖕᓄᑦ ᐊᑐᓕᖅᑎᓯᒍᑕᐅᓯᒪᓪᓗᑎᒃ ᓄᑖᖑᓂᖅᐹᖅ ᐅᑭᐅᖅᑕᖅᑐᒥᐅᖃᑎᒌᓄᑦ ᐃᓄᓐᓄᑦ ᐅᖃᐅᓯᖅᑕᓕᐊᖑᓯᒪᔪᒥᒃ ᐅᖃᐅᓯᐅᓯᒪᔪᓂᒃ ᐊᑐᕈᓐᓇᖅᑐᓄᑦ ᓄᓇᒦᑦᑐᓄᑦ ᐱᕙᓪᓕᐊᒍᑕᐅᓂᕐᒧᑦ ᐊᑐᐊᒐᕐᓂᑦ ᐃᓄᐃᑦ ᓄᓈᓂ (2011) ᐊᑐᐊᒐᓕᐅᕈᑕᐅᓂᐊᕐᓗᑎᒃ ᐊᑐᕈᓐᓇᖅᑐᓄᑦ ᓄᓇᒦᑦᑐᓄᑦ ᐱᕙᓪᓕᐊᒍᑕᐅᓂᕐᒧᑦ ᐃᓄᐃᑦ ᐃᓚᐅᕕᒋᓂᐊᖅᑕᖏᓐᓂᑦ, ᐊᐅᓚᑦᓯᓂᕐᒨᖓᔪᑦ, ᐱᕙᓪᓕᐊᑎᑦᓯᓂᕐᒨᖓᔪᑦ, ᐅᕝᕙᓘᓐᓃᑦ ᐊᑐᕐᓂᕐᒧᑦ ᐊᑐᕈᓐᓇᖅᑐᓂᑦ ᓄᓇᒦᖔᖅᓯᒪᔪᓂᑦ ᐅᑭᐅᖅᑕᖅᑐᒥ ᐃᓄᐃᑦ ᐃᓅᓯᖃᕐᕕᖏᓐᓂ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᐱᓕᕆᓂᖃᖃᑕᐅᓪᓚᕆᑉᐳᑦ ᐅᑭᐅᖅᑕᖅᑐᒥ ᑲᑎᒪᔨᓂ ᐊᒻᒪᓗ ᑲᑐᔾᔨᖃᑎᒌᓂ ᓄᓇᓕᐅᔪᓄᑦ ᑎᒥᖁᑎᒋᔭᐅᔪᓄᑦ ᐱᓕᕆᖃᑕᐅᔪᓄᑦ ᓄᓇᖃᖅᑳᖅᓯᒪᔪᑦ ᐃᓄᐃᑦ ᐱᔪᓐᓇᐅᑎᖏᓐᓄᑦ.
ᑎᒥᖁᑎᒋᔭᐅᓪᓗᑎᒃ ᐃᓚᒋᔭᐅᙱᓐᓇᕐᓂᐊᓕᕐᓗᑎᒃ ᐱᖃᑕᐅᑎᑕᐅᓂᕐᒧᑦ ᐃᓚᐅᑎᑕᐅᓂᕐᒧᑦ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᒃᑯᑦ ᐃᒃᓯᕚᖃᑕᐅᖃᑦᑕᖅᑐᑦ ᐅᑭᐅᖅᑕᖅᑐᒥ ᑲᑎᒪᔨᓄᑦ ᐱᖃᑕᐅᓪᓗᑎᒃ ᓯᑕᒪᐅᔪᖅᑐᓄᑦ ᓄᓇᓕᕐᔪᐊᓄᑦ ᐊᒻᒪᓗ ᑕᓪᓕᒪᓄᑦ ᐊᓯᖏᓐᓄᑦ ᓄᓇᖃᖅᑳᖅᓯᒪᓂᖅ ᐱᓪᓗᒍ ᑎᒥᖁᑎᒋᔭᐅᔪᓄᑦ ᐱᖃᑕᐅᕕᖃᖃᑕᐅᔪᓄᑦ ᐃᓚᐅᖏᓐᓇᕆᐊᖃᕐᓂᕐᒧᑦ ᑕᒪᑐᒧᖓ. ᑲᓇᑕᐅᑉ ᒪᕐᕉᓐᓄᑦ−ᐊᕐᕌᒎᓐᓄᑦ ᐃᒃᓯᕙᐅᑕᐅᓂᕐᒨᖓᕕᖓ ᐅᑭᐅᖅᑕᖅᑐᒥ ᑲᑎᒪᔨᓂ ᐃᓱᓕᒍᒫᖅᑐᖅ ᒥᓂᔅᑕᐅᑏᑦ ᑲᑎᒪᓕᖅᐸᑕ ᐃᖃᓗᓐᓂ ᓄᙳᐊᓂ ᐄᑉᐳ 2015, ᐊᒻᒪᓗ ᒥᐊᓕᒐᕐᒥᐅᒧᑦ ᐃᒃᓯᕙᐅᑕᐅᓕᖅ 2015−ᒥ ᑎᑭᓪᓗᒍ 2017.

ᑖᒃᑯᐊ ᒥᐊᓕᒐᕐᒦᙶᖅᓯᒪᓪᓗᑎᒃ ᑲᑎᒪᔨᐅᖃᑕᐅᔪᑦ ᑐᒃᓯᕋᖅᓯᒪᔪᑦ ᐊᔪᐃᓐᓇᕈᔾᔨᔪᒥᒃ ᐱᓕᕆᐊᒃᓴᒥ ᐃᒃᓯᕙᐅᑕᐅᓂᓂ ᐊᑐᕐᓗᒍ ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᒃᑯᑦ ᑎᑎᕋᕐᓯᒪᓕᖅᑐᑦ ᐃᑲᔪᖅᑐᐃᓪᓗᑎᒃ ᒥᐊᓕᒐᒃᑯᑦ ᑎᑎᕋᖅᑎᖓᓪᓄᑦ, ᔮᓐ ᑭᐅᕆ ᐊᒻᒪᓗ ᑲᔪᙱᖅᓴᐃᒍᑎᒥᓐᓂᒃ ᐃᖅᑲᓇᔮᙳᒃᑲᓐᓂᖁᓪᓗᒍ ᐊᔪᖅᓴᖃᑦᑕᕐᓂ ᓂᕿᒥᒃ ᐃᓪᓗᓕᕆᓂᕐᓗ ᐅᑭᐅᖅᑕᖅᑐᒥ ᓄᓇᖃᖅᑐᓄᑦ ᐱᔾᔪᔾᔨᓗᑎᒃ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.