16 ᐅᑐᐱᕆ 2012 – ᓅᒃ, ᑲᓛᖠᑦ ᓄᓈᑦ – ᐊᖅᑲᓗᒃ ᓕᖕ, ᐃᒃᓯᕙᐅᑕᖓᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐅᓪᓗᒥ ᐅᐱᒋᔭᓕᒃ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐊᖓᔪᖅᑳᖓᓂᒃ ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᐃᒃᓯᕙᐅᑕᖓᑕ−ᑐᒡᓕᐊᓂᒃ ᑲᓇᑕᒧᑦ, ᑐᐊᐃᓐ ᓯᒥᔅ, ᑐᓂᐅᓯᐊᕐᓂᖓᓂᒃ ᐃᖅᑲᒋᔭᐅᓂᕐᒧᑦ 2013−ᖑᑎᓪᓗᒍ ᐃᓐᑎᐸᐃᕈ ᑐᓂᐅᓯᐊᖅ ᒐᕙᒪᓕᕆᓂᕐᓄᑦ.
ᐃᓐᑎᐸᐃᕈ ᑐᓂᐅᓯᐊᖑᕙᑦᑐᑦ ᑐᓂᔭᐅᕙᑦᑐᑦ ᑲᓇᑕᒥᐅᓄᑦ ᑕᒪᒃᑮᓐᓄᑦ ᓄᓇᖃᖅᑳᖅᓯᒪᔪᓄᑦ ᐊᒻᒪᓗ ᐃᓱᒪᑐᔫᑎᑕᐅᓂᕐᒧᑦ ᐊᓯᓄᑦ.
“ᑖᒃᑯᐊ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐅᐱᒋᔭᖃᖅᐳᑦ ᑐᐊᐃᓐ ᓯᒥᔅᓯᐅᑉ ᐃᖅᑲᓇᐃᔮᕆᖃᑦᑕᖅᓯᒪᔭᖏᓐᓂᑦ ᐃᖅᑲᓇᐃᖅᓱᒋᑦ. ᑐᓂᐅᓯᐊᒥᓂᖓ ᐅᕐᓂᖅᓯᐅᕈᑎᐅᕗᖅ ᓱᓕᓂᖓᓂᒃ ᒐᕙᒪᓕᕆᓂᒃᑯᑦ ᐊᒃᓱᕈᐊᖃᕐᓂᒃᑯᑦ ᐃᖅᑲᓇᐃᔮᖃᕐᓂᖅ ᐊᒻᒪ ᐃᖅᑲᒋᔭᖃᕐᓂᖅ ᑕᐃᒃᑯᓂᖓ ᐊᔾᔨᒋᖏᑕᖏᓐᓂᒃ ᐃᓱᒪᒋᔭᓖᑦ ᐱᓪᓗᒋᑦ ᐊᑦᓱᕈᕐᓇᖅᓯᕙᓪᓕᐊᔪᑦ ᐅᑭᐅᖅᑕᖅᑐᒥ ᑲᔪᓯᑎᑕᐅᑦᓯᐊᖅᓯᒪᒻᒪᑦ ᐱᓕᕆᐊᖑᓂᖏᑦ.” ᒥᔅᑕ ᓕᖕ ᐅᖃᒃᑲᓂᖅᓱᓂ, “ᑐᐊᐃᓐ ᖃᐅᔨᒪᒻᒪᑦ ᑲᑐᔾᔨᖃᑎᒌᒍᑕᐅᑉᐸᑦ- ᐊᑑᑎᖃᑦᓯᐊᕐᓂᐅᓴᑐᐃᓐᓇᖅᑐᑦ ᐱᓕᕆᖃᑎᒌᓐᓃᑦ ᐊᓯᓂᒃ ᐱᓕᕆᖃᑎᖃᕐᓂᖅ ᐃᓄᖕᓂᒃ ᐊᖅᑯᑎᑦᓯᐊᕙᐅᒻᒪᑦ ᐊᑑᑎᖃᖅᓱᓂ ᐋᖅᑭᑦᓱᐃᓂᕐᒧᑦ ᐊᒻᒪᓗ ᓱᕐᕋᐃᑦᑑᑎᑦᓯᓂᕐᒧᑦ ᐃᓄᐃᑦ ᐃᓅᓯᖓᓂᒃ.”
ᑖᓐᓇ ᐊᖓᔪᖅᑳᖓᑦ ᐃᓐᓯᐸᐃᔪᒃᑯᓐᓄᑦ ᐅᖃᖅᑐᒥᓂᖅ ᐃᒫᒃ, “ᐊᑐᓂᒃ ᐊᒻᒪᓗ ᐃᓘᓐᓇᐃᑕ ᑐᓂᐅᓯᐊᖃᑦᑕᖅᓯᒪᔪᑦ ᑖᒃᓱᒥᖓ ᑐᓂᐅᓱᐊᖑᓲᒥᒃ ᐃᔾᔪᐊᕋᑦᓴᐅᓯᐊᖅᐳᖅ ᐊᒻᒪᓗ ᓯᕗᓕᖅᑎᐅᓪᓗᓂ ᐊᑦᑐᐃᓂᖃᖅᓯᒪᔪᖅ ᐊᑑᑎᖃᑦᓯᐊᑐᒃᑯᑦ ᓄᓇᓕᖕᒥᓐᓂ ᑲᓇᑕᒥᓗ.”