ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᕿᒥᕐᕈᔪᓐᓇᖅᓯᓚᐅᖅᑐᑦ ᐃᓱᒪᓪᓗᑎᓪᓗ ᐅᑭᐅᖅᑕᖅᑐᒥ ᑲᑎᒪᔩᑦ ᒥᓂᔅᑕᖏᓐᓂ ᒥᔅᓵᓄᑦ

ᒪᐃ 12, 2017 – ᕕᐅᐹᒃᔅ, ᐊᓛᔅᑲ – ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖓ, ᐅᑲᓕᖅ ᐃᔨᑦᑎᐊᖅ ᐅᖃᓚᐅᖅᑐᖅ ᐃᑉᐸᔅᓴᖅ ᐅᑭᐅᖅᑕᖅᑐᒥ ᑲᑎᒪᔨᖏᑦ ᒥᓂᔅᑕᐃᑦ ᐱᐅᐹᒃᔅᒦᑦᑐᑦ, “ᐊᕐᕌᓂ ᐅᑭᐅᖅᑕᖅᑐᒥ ᑲᑎᒪᔨᖏᑦ ᓇᓪᓕᐅᓂᖅᓯᐅᓚᐅᖅᑐᑦ ᐅᑭᐅᓄᑦ ᐊᕙᑎᓄᑦ − ᑕᕝᕙᓂ ᐊᕐᕌᒍᒥ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᓇᓪᓕᐅᓂᖅᓯᐅᓛᓕᕐᒥᔪᑦ ᐅᑭᐅᓄᑦ 40−ᓄᑦ. ᐃᔨᑦᑎᐊᖅ ᐅᖃᖅᑐᓂ. “ᐃᓱᒪᖅᓴᖅᓯᐅᑲᐃᓐᓇᕆᐊᖃᕋᑦᑕ ᕿᒥᕐᕈᓗᒋᑦ ᐅᐊᑦᑎᐊᕈ ᖃᓄᐃᑦᑐᒥᓂᐅᓚᐅᖅᓯᒪᔪᑦ ᓇᑭᓐᖔᖅᓯᒪᓂᑦᑎᓂᓪᓗ, ᓇᒧᓐᖓᓂᑦᑎᓂᓪᓗ, ᓇᒧᓐᖓᕐᓂᐊᕐᒪᖔᑦᑎᓂᓪᓗ,” ᐅᖃᖅᑐᓂ.

“ᒥᐊᓕᒐᐃᑦ ᓄᓇᖓᓐᓂᒥᐅᑦ ᐊᔅᓱᕈᖅᓯᒪᒻᒥᒻᒪᑕ ᓯᕗᕙᖅᑎᑦᑎᑲᓐᓂᕋᓱᐊᖅᑐᑎᑦ ᐅᑭᐅᖅᑕᖅᑑᑉ ᑲᑎᒪᔨᖏᓐᓂ ᓇᓪᓕᐅᓂᖅᓱᐅᖃᑕᐅᓪᓗᑎᑦ ᐱᓕᕆᐊᕆᓯᒪᔭᖏᓐᓂ” ᐅᓂᒃᑳᖅᑐᓂ ᓈᓐᓯ ᖃᕆᑕᖅ-ᓕᓐᑎᐅ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᐅᑉ ᐊᖏᔪᖅᑳᖓ. “ᒥᐊᓕᒐᕐᒥᐅᑦ ᐃᔅᓯᕙᐅᑕᖏᑦ ᐅᖓᕙᕆᐊᖅᑕᐅᓂᐊᕐᖓᑕ ᑲᑎᒪᔨᓄᑦ ᐊᒻᒪᓗ ᐱᖃᑕᐅᖏᓐᓇᖃᑦᑕᕐᓂᐊᖅᑐᑎᑦ − ᓯᕗᒧᐊᑉᐸᓪᓕᐊᓪᓗᑕ ᐱᖁᔭᑦᑎᓐᓂ ᐋᖅᑭᐸᓪᓕᐊᓪᓗᓂ ᐅᓪᓗᒥᐅᓕᖅᑐᕐᓗ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐅᑉᐱᕆᔭᖃᖅᑐᑦ ᒥᐊᓕᒐᕐᒥᐅᑦ ᐱᕙᓪᓕᐊᖏᓐᓇᖅᑐᑦ ᐃᑲᔪᖅᑐᐃᕙᑦᑐᑎᑦ ᐅᑭᐅᖅᑕᖅᑐᒥᐅᑕᕐᓂᑦ ᐱᖁᔭᓕᐅᖅᑎᓪᓗᒋᑦ ᐃᔅᓯᕙᐅᑕᐅᖃᑦᑕᕐᓂᐊᖅᑐᒧᑦ. ᑕᒪᓐᓇ ᐊᔾᔨᐅᖏᑦᑐᓕᒻᒪᑦ; ᐊᑐᓂ ᐃᔅᓯᕙᐅᑕᐃᑦ ᓯᕗᒧᐊᑉᐸᓪᓕᐊᔪᑦ ᓄᑖᕐᓂᑦ ᑕᑯᓐᓇᖅᑕᖏᓐᓂ ᑲᒪᓇᓱᐊᖅᑐᑎᑦ ᐃᓅᓯᕆᓯᒪᔭᒥᓂᓪᓗ ᑲᑎᒪᔨᐅᓕᖅᑎᓪᓗᒋᑦ − ᑕᒪᓐᓇ ᐱᐅᔪᐊᓗᒃ − ᓄᑖᕐᓂᑦ ᑕᐃᒫᒃ ᓴᖅᑭᖅᑐᖃᓲᖅ.”

ᑎᓴᒪᐅᔪᖅᑐᒋᔭᐅᓗᓂ ᐅᑭᐅᖅᑕᖅᑐᒥ ᑎᒥᐅᔪᖅ ᒥᐊᓕᒐᐃᑦ ᐃᔅᓯᕙᐅᑕᖓ ᑐᓐᖓᓱᑦᑎᑦᑎᑲᓐᓂᖅᑐᑎᓪᓗ ᕕᓂᔅᒦᓐᖔᖅᑐᓂᒃ ᐃᔅᓯᕙᐅᑕᕐᒥᑦ, ᔨᒻ ᓯᑖᑦᓚ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐊᓚᔅᑲᒥ ᐊᖏᔪᖅᑳᖓ ᐊᑐᐃᓐᓇᐅᑎᑦᑎᓪᓗᓂ. “ᖃᐅᔨᒪᒋᐊᖃᖅᑐᒍᑦ ᑕᒪᒃᑯᐊ ᐱᓕᕆᐊᓕᒫᕗᑦ ᒥᐊᓕᒐᐃᑦ ᓄᓇᖓᓐᓂ ᐃᔅᓯᔭᐅᑕᑎᒍ ᐃᑲᔫᑎᖃᓪᓚᕆᓐᓂᐊᕐᖓᑕ ᐱᖃᑕᐅᖏᓐᓇᕐᓂᐊᖅᑎᓪᓗᒋᑦ ᐱᓕᕆᐊᑦᑎᓐᓂ ᐸᕐᓇᐸᓪᓕᐊᑎᓪᓗᑕ ᐊᒻᒪᓗ ᓇᖃᖅᑳᖅᑐᒥᓂᑦ ᖃᐅᔨᒪᓂᖏᓐᓂ ᐊᑐᕐᓗᑕ.” ᓯᑳᑦᔅ ᐅᖃᖅᑐᓂ, “ᓄᓇᖃᖅᑳᖅᑐᒥᓃᑦ ᖃᐅᔨᒪᓂᖏᓐᓂ ᐊᑐᕐᓗᑕ ᖃᐅᔨᓴᖅᑎᒻᒪᕇᓪᓗ ᐱᔭᕇᖅᓯᒪᑦᑎᐊᓂᖅᓴᐅᖃᑦᑕᕐᓂᐊᖅᑐᒍ ᐱᐅᓯᕚᓪᓕᑲᓐᓂᕐᓗᒋᓪᓗ ᐱᓕᕆᐊᖑᔪᑦ ᑲᑎᒪᔨᓂᑦ.”

“ᐅᑭᐅᖅᑕᖅᑐᒥ ᑎᒥᐅᔪᑦ ᑲᔪᓯᑐᐃᓐᓇᖁᑦᑎᐊᖅᑕᕗᑦ ᑐᑭᖃᕐᓂᖅᓴᒥᑦ ᐱᐅᓂᖅᓴᐅᔪᒥᑦ ᐱᖃᑕᐅᓂᖅᓴᐅᒍᓐᓇᕐᓗᑎᑦ ᐊᒻᒪᓗ ᐱᓕᕆᖃᑎᖃᐃᓐᓇᕐᓗᑎᑦ, ᐃᓚᓕᐅᑎᕙᓪᓕᐊᓗᑎᒃ ᐱᕙᓪᓗᐊᓗᑎᓪᓗ,” ᐅᖃᖅᑐᓂ ᐃᔨᑦᓯᐊᖅ.

Hᐊᔭᓪᒪᕐ ᑕᓪ, ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓛᖡᑦ ᓄᓈᓂ ᐊᖏᔪᖅᑳᖅ ᐅᖃᓚᐅᖅᑐᖅ ᐃᒫᖃᐃᖅᑐᓂ, “ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐅᖃᖅᑐᓂᓗ ᐱᓐᓚᓐᒥ ᐊᔅᓱᕈᖃᑦᑕᕐᖓᑕ ᐃᑲᔪᖅᑐᐃᓇᓱᐊᖅᑐᑎᑦ ᐱᒻᒪᕆᐅᔪᒥᑦ ᐃᓕᓐᓂᐊᖅᑐᓕᕆᓂᕐᒥᑦ ᑎᒍᓯᕙᓪᓕᐊᓗᑎᓪᓗ ᐃᑯᐱᑦᑐᓕᕆᓂᕐᒥᑦ ᐅᑭᐅᖅᑕᖅᑑᑉ ᓄᓇᓕᖏᓐᓂ ᖃᐃᖁᔭᐃᓐᓇᕆᓗᓂᒋᓪᓗ ᐃᓚᒋᔭᐅᔪᓕᒫᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᓕᓐᓂᐊᖅᑐᓕᕆᓂᕐᒧᑦ ᑲᑎᒪᓪᓗᑎᑦ 2018−ᒥ ᑲᓛᖡᓐ ᓄᓈᓂ.” ᑖᓪ ᐅᖃᖅᑐᓂ, “ᐃᓱᒪᒋᑐᐃᓐᓇᕈᓐᓃᕐᓗᑎᒍ ᓯᕗᒧᐊᕆᐊᖃᓕᕋᑦᑕ ᒪᑯᐊᓗ ᐃᓚᑯᐃᑦ ᓴᖅᑭᖅᑎᒐᓱᐊᕐᓗᒋᑦ ᐊᑦᑐᐊᖏᓗᐊᕐᖓᑕ ᖃᓪᓗᓈᓂᒥᐅᑦ ᐅᑭᐅᖅᑕᖅᑐᒥᐅᓪᓗ ᓄᓇᓕᑦ. ᐊᔾᔨᐅᖏᑦᑐᒥᑦ ᓵᖅᑮᒍᓐᓇᕋᑦᑕ ᐊᑐᖅᑕᐅᒍᓐᓇᖅᑐᓂᒃ ᑕᐃᒪᐃᓪᓗᐊᑎᑦᑎᓂᕐᒥᓪᓗ ᐱᐅᓂᖅᐹᖑᔪᓂᒃ ᐃᓕᓐᓂᐊᖅᑐᓕᕆᓂᕐᒥᑦ ᖁᓕᕇᑦᑐᓂᑦ, ᐸᐃᕆᕕᓕᕆᓂᕐᒥᓪᓗ ᐃᓕᓐᓂᐊᑎᑦᑎᓂᕐᒥᑦ.”