Press Releases

Documenting our Progress

ᐅᑦᕿᐊᕕᒃ ᑲᑎᒪᑎᑦᑎᓂᐊᖅᑐᑦ ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᓐᓂ 2018 ᑲᑎᒪᕕᔾᔪᐊᑎᓪᓗᒋᑦ

ᐊᐃᐳᓗ 3, 2017 – ᐅᑦᕿᐊᕕᒃ, ᐊᓛᔅᑲ – ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᖁᕕᐊᑉᐳᑦ ᓇᓗᓇᐃᖅᓯᒻᒪᑕ ᐊᖏᖅᓯᒪᓂᖏᓐᓂ ᑲᑎᒪᑎᑦᑎᒍᓐᓇᕐᒪᖔᑕ ᐅᐊᖕᓇᖓᓂ ᓯᕕᖓᔪᖅ ᓂᐅᕕᐊᒥ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ 13−ᖓᓐᓂ ᑲᑎᒪᕕᔾᔪᐊᕐᓂᕐᒥᑦ ᔪᓚᐃᒥ 16- 19, 2018 ᐅᑦᕿᐊᕕᒻᒥ, ᐊᓚᔅᑲ. ᑎᑎᖅᑲᒥ ᑲᑎᒪᑎᑦᑎᓂᐊᕐᓂᖓᓐᓂ, ᒪᐃᔭ ᕼᐊᐅᕆ ᐳᕋᐅᕗ ᓄᑲᖅᑎ ᐅᖃᓚᐅᖅᑐᖅ “ᐃᓅᓪᓗᑕ, ᐃᓅᒐᑦᑕ ᓄᓇᒥᐅᑕᐅᓪᓗᑕ ᐅᑭᐅᖅᑕᖅᑐᒥ ᑕᐃᒪᐃᖏᓐᓇᕐᓂᐊᖅᑐᑕᓗ ᐃᓅᓯᑦᑎᓐᓂ ᐃᓅᓪᓗᑕ ᐊᔾᔨᐅᖏᑦᑐᒥᑦ ᐃᓱᒪᖃᕋᑦᑕ ᐃᓗᐊᓂ ᓯᓚᕐᔪᐊᑉ ᐅᑭᐅᖅᑕᖅᑐᖓᓐᓂ”.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᑎᒪᓂᕐᔪᐊᕐᓂᑦ, ᑎᓴᒪᑦ ᐊᓂᒍᕋᐃᒻᒪᑕ ᐊᕐᕌᒍᑦ, ᑲᑎᒪᑎᑕᐅᕙᑦᑐᑦ ᑲᓛᖡᑦ ᓄᓈᓂᒥᐅᑦ, ᑲᓇᑕᒥᐅᑦ, ᐊᓛᔅᑲ ᐊᒻᒪᓗ ᓯᑳᑦᑕᒥ, ᐅᓛᓵᒥᐅᓪᓗ ᐅᓂᒃᑳᕆᐊᖅᑐᖅᑐᑎᑦ ᐅᖃᐅᓯᖃᖅᑐᑎᓪᓗ ᓯᓚᕐᔪᐊᑉ ᐅᑭᐅᖅᑕᖅᑐᖏᑦᑕ ᐸᕐᓇᐅᑎᓂᖏᓐᓂ ᑲᒪᒋᐊᖃᖅᑐᑎᑦ ᒪᑯᓂᖓ ᐊᕙᑎᓕᕆᓂᕐᒥᑦ, ᐱᕙᓪᓕᐊᓂᕐᒥᑦ, ᐃᓄᐃᑦ ᐱᔪᓐᓇᐅᑎᖏᓐᓂ, ᐋᓐᓂᐊᖅᑕᐃᓕᒪᔪᓕᕆᓂᖅ ᐃᓄᓕᕆᓂᕐᓗ ᐊᑦᑐᖅᑕᐅᔪᓂᒃ ᐃᓄᓕᒫᓂᒃ. ᑲᑎᒪᖃᑦᑕᖅᑐᑦ ᖁᕕᐊᓲᑎᖃᖅᑐᑎᑦ ᐊᔾᔨᐅᖏᑦᑐᓂᑦ ᐱᖅᑯᓯᐅᔪᓂᒃ, ᓴᓇᓐᖑᐊᕐᓂᕐᒥᑦ ᐃᓕᖅᑯᓯᖏᓐᓂᓪᓗ ᐃᓄᐃᑦ ᑎᓴᒪᓂᒃ ᓄᓇᓕᕐᔪᐊᓂᑦ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐃᔅᓯᕙᐅᑕᖓ, ᐅᑲᓕᖅ ᐃᔨᑦᓯᐊᖅ, ᑐᓐᖓᓱᑦᑎᑦᑎᓪᓗᓂ ᒪᐃᔭᐅᑉ ᑐᓂᒍᒪᔭᖓᓐᓂ, ᐅᖃᖅᑐᓂᓗ “ᐱᒻᒪᕆᐅᓗᐊᓐᖑᐊᕐᒥᔪᖅ ᑭᖑᓪᓕᕐᒥ ᑲᑎᒪᓂᕐᔪᐊᖑᒐᔭᖅᑐᒥ ᐅᑦᕿᐊᕕᒻᒦᒃᑲᔭᕐᖓᑕ, ᑕᒫᓂ ᔫᓂᒥ ᓇᓪᓕᐅᓂᖅᓯᐅᕐᓗᑎᓪᓗ ᐅᑭᐅᓂᑦ 40−ᓂᒃ ᑲᑎᒪᓂᐅᖃᑦᑕᖅᑐᓂᑦ ᐄᐸᓐ ᕼᐊᑉᓴᓐ ᑕᒪᓐᓇ ᓴᖅᑭᓚᐅᖅᓯᒪᒻᒪᒍ of ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ”.

ᑖᒃᑯᐊ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᓯᕗᓕᖅᑏᑦ ᑲᑎᒪᔨᓕᕋᓛᖏᑦ ᑲᑎᒪᓚᐅᖅᓯᒪᔪᑦ ᐅᑦᕿᐊᕕᒻᒥ ᐅᓪᓘᓐᓄᒃ ᒪᕐᕉᓐᓄᒃ ᐸᕐᓇᑦᑐᑎᑦ ᑲᑎᒪᓂᕐᔪᐊᔅᓴᒥᑦ ᐊᒻᒪᓗ ᐅᖃᐅᓯᖃᖅᑐᑎᑦ ᐊᓯᖏᓐᓂ ᓯᓚᕐᔪᐊᑉ ᐅᑭᐅᖅᑕᖅᑐᖓᑕ ᒥᔅᓵᓂᑦ ᓯᓚᕐᔪᐊᒥᓗ ᖃᓄᐃᓘᕈᑕᐅᔪᓂᒃ. ᐅᑭᐅᖅᑕᖅᑐᒥ ᑲᑎᒪᔩᑦ ᐅᖃᓯᐅᓂᖅᐹᖑᓚᐅᖅᑐᖅ, ᐊᒻᒪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐅᖃᖅᑐᑎᑦ ᐱᖃᑕᐅᓛᕐᓂᖏᓐᓂ ᒪᐃᒥ ᒥᓂᔅᑕᐃᑦ ᑲᑎᒪᓂᖏᓐᓂ ᕕᐅᐹᒃᔅᒥ, ᐊᓛᔅᑲᒥ ᐃᔅᓯᕙᐅᑕᖓ ᐅᑭᐅᖅᑕᖅᑐᒥ ᑲᑎᒪᔨᓂᒃ ᑐᓂᔭᐅᓚᖅᑐᓂᒃ ᕕᓐᓛᓐᒧᑦ. ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑎᓕᓯᓛᕐᒥᔪᑦ ᑲᑎᒪᔭᖅᑐᖁᔨᓪᓗᑎᑦ ᐊᐃᐳᓗᒥ ᓯᓚᕐᔪᐊᑉ ᑲᑐᔾᔨᖃᑎᒌᖏᓐᓂ ᐃᓚᒋᔭᐅᖏᓐᓇᓛᖅᑐᓂᒃ ᓄᓇᖃᖅᑳᖅᑐᓕᕆᓂᕐᒥᑦ ᐊᒻᒪᓗ ᐊᔭᐅᖅᑐᐃᖏᓐᓇᕐᓂᐊᖅᑐᑦ ᐱᖃᑕᐅᖏᓐᓇᖁᔨᓪᓗᑎᑦ ᓄᓇᖃᖅᑳᖅᑐᒥᓂᕐᓂᑦ ᓯᓚᕐᔪᐊᑉ ᑲᑐᔾᔨᖃᑎᒌᖏᓐᓄᑦ ᑎᒥᐅᔪᒧᑦ.

ᑲᑎᒪᔩᑦ ᑲᑎᒪᓪᓗᑎᑦ ᑲᔪᓯᓐᓂᕆᓯᒪᔭᖏᓐᓂᓪᓗ ᓯᓚᕐᔪᐊᑉ ᐅᑭᐅᖅᑕᖅᑐᖓᓐᓂ ᐃᓄᐃᑦ ᐱᕙᓪᓕᐊᓂᕐᒧᑦ ᑲᑎᒪᓂᐅᔪᒥᑦ ᐋᓐᑯᕆᔅᒥᑦ ᐱᓇᓱᐊᕈᓯᕆᓚᐅᖅᑕᑎᓐᓂ ᐱᖃᑕᐅᖃᑦᑕᓂᖅᓴᐅᓂᐊᓕᖅᑐᑎᑦ ᓯᓚᕐᔪᐊᑉ ᐅᑭᐅᖅᑕᖅᑐᖏᓐᓂᒥᐅᑦ. ᑲᑎᒪᓂᖏᓐᓂ ᐊᐅᓚᑕᐅᓚᐅᖅᑐᑦ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᓐᓄᑦ ᑕᐃᒫᒃ ᐱᓕᕆᓂᐊᕐᓂᖏᓐᓂ 2014−ᒥ ᑭᑎᒐᕈᐃᑦ ᓇᓗᓇᐃᖅᑕᐅᓯᒪᓂᖓᓐᓂ ᑕᐃᒪᒃ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᔪᓯᖁᓪᓗᒋᑦ ᓯᓚᕐᔪᐊᑉ ᐅᑭᐅᖅᑕᖅᑐᖏᑕ ᐃᓄᐃᑦ ᓇᒻᒥᓂᖃᕐᓂᕐᒧᑦ ᐱᕙᓪᓕᐊᓂᖏᓐᓄᑦ ᑲᑎᒪᓂᐅᔪᒥᑦ ᕿᒥᕐᕈᓂᐊᖅᑐᑎᑦ ᐱᓕᕆᖃᑎᖃᒃᑲᓐᓂᕈᓇᕐᒪᖔᑕ ᐃᓄᓐᓂᑦ ᓇᒻᒥᓂᖃᖅᑎᐅᔪᓂᒃ ᑐᓴᕐᕕᒋᓗᒋᓪᓗ ᐊᑐᖅᓯᒪᔭᒥᓂᒃ.

ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐸᕐᓇᑦᑐᑦ ᒪᕐᕈᐊᖅᑎ ᑲᑎᒪᑲᓐᓂᓛᕐᓂᖏᓐᓂ ᐊᕐᕌᒍᒋᓂᐊᖅᑕᑎᓐᓂ. ᐆᒪᔪᓕᕆᔨᕐᔪᐊᒃᑯᑦ ᑲᑎᒪᑎᑦᑎᓛᕐᒥᔪᑦ ᑲᓇᑕᒥ ᐅᑭᐊᔅᓵᑉ ᓄᓐᖑᐊᓂ 2017−ᒥ ᐊᒻᒪᓗ ᐃᓕᓐᓂᐊᖅᑐᓕᕆᓂᕐᒧᑦ ᑲᑎᒪᑎᑦᑎᒻᒥᓗᑎᑦ ᑲᓛᖡᑦ ᓄᓈᓂ ᐅᑭᐅᖑᓕᖅᑲᑦ. ᑲᑎᒪᓚᐅᖅᑎᓪᓗᒋᑦ ᐊᓯᖏᓐᓂᓪᓗ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᐱᓕᕆᐊᖃᕐᓂᐊᖅᑐᑦ ᐅᑭᐅᓄᑦ ᑎᓴᒪᓄᑦ ᐅᓂᒃᑳᕆᔭᐅᒻᒥᓗᑎᑦ ᑲᑎᒪᑎᓪᓗᒋᑦ ᔪᓚᐃᒥ 2018−ᒥ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᑎᒪᓂᕐᔪᐊᖓᓐᓂ ᐅᑦᕿᐊᕕᒻᒥ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.