Press Releases

Documenting our Progress

ᑎᒃᑯᐊᖅᑕᐅᔪᖅ ᒥᐊᓕ ᒪᐃᓴᓐ ᒥᓂᔅᑕᐅᓪᓗᓂ ᑭᒡᒐᖅᑐᐃᓂᐊᖅᑐᖅ: ᑕᒪᓐᓇ ᐱᒋᐊᖅᐸᓪᓕᐊᑲᓐᓂᖅᑐᑯᓗᒃ ᐅᑭᐅᖅᑕᖅᑐᒥ ᓯᕗᓕᖅᑎᐅᓂᐊᕐᓗᑎᑦ ᐊᑐᖅᑕᐅᓂᐊᖅᑐᓂᒃ

ᐋᒡᒌᔅᓯ 5, 2016 – ᐊᕐᕕᐊᑦ, ᓄᓇᕗᑦ – ᐅᓪᓗᒥᐅᔪᖅ, ᑲᓇᑕᐅᑉ ᒐᕙᒪᒃᑯᖏᑦ ᓯᕗᒧᐊᖅᐸᓪᐊᓕᒋᕗᑦ ᐱᓕᕆᓂᐊᕐᓂᖏᓐᓂ ᓄᓇᖃᖅᑳᖅᑐᒥᓂᕐᓂᑦ ᐅᑭᐅᖅᑕᖅᑐᒦᑦᑐᓂᑦ.

ᓴᖅᑭᖅᑕᐅᓂᖓ ᑖᓐᓇ ᒥᓂᔅᑕ ᑭᒡᒐᖅᑐᐃᔨᐅᓂᐊᖅᑐᖅ ᐱᓕᕆᖃᑎᖃᖃᑦᑕᕐᓂᐊᖅᑐᖅ ᐅᖃᐅᔾᔨᒋᐊᕆᖃᑦᑕᕐᓗᓂᓗ ᒐᕙᒪᒃᑯᓐᓄᑦ ᑕᒪᑐᒥᖓ ᑐᑭᖃᑦᑎᐊᖅᑐᓂᑦ ᑎᒥᐅᔪᓂᒃ ᐅᔾᔨᕆᔭᐅᒋᐊᓕᓐᓂᒃ ᐱᔭᐅᒋᐊᓕᓐᓂᓪᓗ ᐃᓄᓐᓄᑦ ᐊᓯᖏᓐᓄᓪᓗ ᐅᑭᐅᖅᑕᖅᑐᒥ ᑲᓇᑕᒥ ᑕᒪᓐᓇ ᐱᒻᒪᕆᐅᒻᒪᑦ ᐊᑐᓕᖅᑎᑕᐅᒋᐊᓖᒃ ᐱᓕᕆᐊᖑᓂᐊᖅᑐᓂᒃ ᒫᔾᔨᒥ 10, 2016 ᒥᐊᓕᒐᐃᑦ-ᑲᓇᑕᓗ ᐱᓕᕆᖃᑎᒌᓐᓂᖏᓐᓂ.

ᓈᓐᓯ ᖃᕆᑕᖅ−ᓕᓐᑎᐅᓪ ᐊᖏᔪᖅᑳᖅ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ ᑲᓇᑕᒥ ᐅᓪᓗᒥᐅᔪᖅ ᐅᐱᒋᕙᒌᖅᑐᖅ ᓴᐃᒪᓐᒧᑦ ᐅᖃᖅᑐᓂᓗ “ᑖᓐᓇ ᐅᖃᐅᓯᐅᖅᑲᐅᔪᖅ ᓯᕗᒧᐊᑉᐸᓪᓕᐊᓂᐅᓂᐊᖅᑐᖅ ᑐᑭᖃᑦᑎᐊᖅᑐᓂᓗ ᐅᑭᐅᖅᑕᖅᑐᒥ ᓯᕗᓕᖅᑎᐅᔪᒥᑦ ᐃᓕᖅᑯᓯᐅᓂᐊᓕᖅᑐᖅ, ᐃᓚᓕᐅᔾᔨᓗᓂᓗ ᐃᓄᓐᓂᑦ.”

ᐃᓕᓴᖅᓯᓚᐅᕐᒥᔪᖅ ᑎᒃᑯᐊᖅᑕᐅᓯᒪᓂᖓᓂ ᒥᐊᓕ ᓴᐃᒪᓐ ᒥᓂᔅᑕᒧᑦ ᑭᒡᒐᖅᑐᐃᓂᐊᕐᓗᓂ, ᐅᖃᖅᑐᓂᓗ “ᐱᓕᕆᓂᑯᓪᓚᕆᐊᓗᒃ ᑖᓐᓇ ᐃᓄᒃ ᓯᕗᓕᖅᑎ ᐱᒻᒪᕆᐅᔪᖅ ᖃᐅᔨᒪᑦᑎᐊᖅᑐᖅ ᐊᕕᑦᑐᖅᓯᒪᔪᓂᒃ, ᑲᓇᑕᒥ ᓯᓚᕐᔪᐊᒥᓗ. ᐃᓄᓪᓗᓂ ᐊᕐᓇᖅ, ᐅᐱᒋᑦᑎᐊᖅᑕᕋ ᑎᒃᑯᐊᖅᑕᐅᒻᒪᑦ ᐱᓪᓚᕆᐊᓗᒻᒧᑦ.”

ᐅᖃᐅᓯᐅᓚᐅᖅᑎᓪᓗᒍ ᑕᒪᓐᓇ ᑲᓇᑕᐅᑉ ᒐᕙᒪᒃᑯᖏᓐᓂ ᐱᓕᕆᓂᐊᕐᓂᕋᓚᐅᖅᑕᖏᓐᓂ ᓄᑖᕈᖅᑎᑦᑎᓗᑎᑦ ᐃᓄᐃᑦ ᒐᕙᒪᑐᖃᒃᑯᓪᓗ ᐱᓕᕆᖃᑎᒌᓐᓂᖏᓐᓂ ᐱᓕᕆᔪᒪᓂᖅᓴᐅᓗᑎᓪᓗ ᓯᓚᒥᑦ ᐊᒻᒪᓗ ᐆᒻᒪᖅᑯᑎᓕᕆᓂᕐᒧᑦ ᐱᖁᔭᕐᓂᑦ ᑕᒪᑐᒥᖓ ᐊᒻᒪᓗ ᐱᓕᕆᐊᖏᓐᓂ ᓄᓇᒧᑦ ᓄᓇᑖᕈᑎᖓᑦᑕ ᐊᖏᕈᑎᖓᓐᓃᑦᑐᒥᑦ ᐅᑭᐅᖅᑕᖅᑐᒥ. ᑲᓇᑕ ᐱᓕᕆᓂᐊᕐᓂᕋᕐᒥᔪᖅ ᑕᒪᒃᑯᓂᖓ ᐊᔅᓱᕉᑕᐅᕙᑦᑐᓂᒃ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ, ᐃᓕᓐᓂᐊᖅᑐᓕᕆᓂᕐᒧᑦ, ᓄᓇᖃᖅᑳᖅᑐᒥᓂᑦ ᐅᖃᐅᓯᖏᓐᓄᑦ, ᐱᓕᒻᒪᐸᓪᓕᐊᓂᕐᒧᑦ, ᐱᓗᐊᖅᑐᒥᓪᓗ ᓄᓇᖃᖅᑳᖅᑐᒥᓂᕐᓂᑦ ᐃᓅᓱᑦᑐᓂᑦ. ᑕᒪᓐᓇ ᐃᓕᖅᑯᓯᐅᔪᖅ ᐅᑭᐅᖅᑕᖅᑐᒥ ᓯᕗᓕᖅᑎᐅᓂᐊᖅᑐᓂᒃ ᐱᒋᐊᖅᑎᑦᑎᓂᑦᑎᐊᕙᐅᒐᔭᖅᑐᖅ ᐅᑭᐅᖅᑕᖅᑐᒥ ᑲᑎᒪᔨᖏᓐᓄᑦ ᐊᓯᖏᓐᓄᓪᓗ ᓯᓚᕐᔪᐊᒥ ᑲᑎᒪᓂᐅᔪᓄᑦ.

ᖃᕆᑕᖅ-ᓕᓐᑎᐅᓪ ᐅᖃᓚᐅᖅᑐᖅ “ᐱᓕᕆᖃᑎᖃᕈᒪᑦᑎᐊᕐᖓᑦ ᓴᐃᒪᓐᒥᑦ ᐱᕕᖃᖅᑎᑕᐅᓂᖓᓐᓂ ᐊᑑᑎᖃᑦᑎᑦᑎᐊᕐᓂᐊᖅᑕᖓ ᐅᑭᐅᖅᑕᖅᑐᒥ ᐃᓄᓕᕆᓂᕐᒥᓪᓗ ᑲᓇᑕᒥ ᓯᓚᕐᔪᐊᒥᓗ.”

For more information: Carole Simon ICC Canadacsimon@inuitcircumpolar.com613-563-2642

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.