Press Releases

Documenting our Progress

ᑐᓴᕋᑦᓴᐅᑎᑕᖅ

14−ᒋᓕᖅᑕᖓᓂ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᑲᑎᒪᓂᒥᓂᖓᑦ

“ᐃᓄᐃᑦ – ᓴᙱᓂᖅ ᐊᒻᒪᓗ ᓴᐃᓕᓂᖅ”

ᔫᓂ 30, 2022 – ᐊᓐᑯᕆᔾ, ᐊᓛᔅᑲ – ᐃᓄᐃᑦ ᓱᑯᑦᑲᒦᙶᖅᓯᒪᔪᑦ, ᐊᓛᔅᑲᒥᒃ, ᑲᓇᑕᒥᒃ, ᐊᒻᒪᓗ ᑲᓛᓪᓕᑦ ᓄᓈᓂᒃ ᑲᑎᒍᒫᕐᒪᑕ ᔪᓚᐃᑦ 19−ᒥ 21−ᒧᑦ, 2022, ᑲᑎᙵᖏᒃᑲᓗᐊᕐᓗᑎᒃ ᑲᑎᒪᓂᖃᕐᓗᑎᒃ 14−ᒋᓕᖅᑕᖓᓂᒃ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑕ ᑲᑎᒪᔩᑦ ᑲᑎᒪᓂᕆᓗᓂᐅᒃ ᑲᑎᒪᔾᔪᑎᖃᕐᓗᑎᒃ “ᐃᓄᐃᑦ – ᓴᙱᓂᖅ ᐊᒻᒪᓗ ᓴᐃᓕᓂᖅ”.

ICC−ᑯᑦ ᐃᒃᓯᕙᐅᑕᖓ, ᑕᓖ ᓴᒻᐳ ᑐᐊᕉ, ᖁᕕᐊᓱᑉᐳᖅ ᐅᖃᐅᓯᖃᕆᐊᒃᓴᖅ ᓯᕗᓕᖅᑎᖓᑦ ᑲᓛᓪᓕᑦ ᓄᓈᑕ, ᒧᑦ ᐳᐊᕈᑉ ᐃᒋᑎ, ᐊᖏᖅᑐᒥᓂᐅᖕᒪᑦ ICC−ᑯᑦ ᑲᑎᒪᓂᖃᓕᖅᐸᑕ ᐃᑲᔪᖅᑎᒋᔭᐅᒐᔭᕐᓂᕐᒥᓂᒃ. ᑐᐊᕉ ᐃᓚᓯᓪᓗᓂ, “ᐊᔪᕐᓇᕋᓗᐊᖅᑎᓪᓗᒍ ᑲᑎᒋᐊᒃᓴᖅ ᑎᒥᒃᑯᑦ ᐱᔾᔪᑎᒋᓪᓗᒍ ᐊᑦᑐᐃᓂᖃᖃᑦᑕᕐᓂᖓ ᓱᓕ ᓄᕙᒡᓇᕐᔪᐊᖅ−19, ᐱᔪᒃᓴᐅᔮᕐᓂᖃᖅᐳᒍᑦ ᐊᐅᓚᓂᐊᕐᓗᒍ ᑕᒪᓐᓇ ᑲᑎᙵᖏᒃᑲᓗᐊᕐᓗᑕ ᑲᑎᒪᓂᐅᓂᐊᖅᑐᖅ, ᑲᑎᒪᓂᖃᖅᑎᑦᓯᓂᐊᖅᑐᖅ 66−ᓂᒃ ᑲᑎᒪᖃᑕᐅᓂᐊᖅᑐᓂᑦ ᐅᖃᐅᓯᖃᕐᓗᑎᒃ ᐊᓂᒍᖅᑎᓯᒪᔭᑦᑎᓐᓂᒃ ᑲᑎᒪᔩᑦ ᑲᑎᒪᓂᖃᓚᐅᖅᓯᒪᑎᓪᓗᒋᑦ 2018−ᒥ ᐅᑦᕿᐊᕕᖕᒥ, ᐊᓛᔅᑲ.”

ᓄᓇᕐᔪᐊᒥ ᐊᑐᖅᑕᐅᔪᑦ ᓯᓚ ᐱᓪᓗᒍ ᐃᓱᒫᓘᑕᐅᖏᓐᓇᕐᓂᖏᑦ ᐊᑦᑐᐃᓂᕐᓗᐸᓪᓕᐊᑐᐃᓐᓇᖅᑐᑦ ᐅᑭᐅᖅᑕᖅᑐᒥᒃ, ᓂᕈᐊᖅᓯᒪᔪᒍᑦ ᑲᑎᒪᔾᔪᑎᒋᒍᒪᓪᓗᒍ ᓴᙱᓂᖓᑦ ᐃᓄᖁᑎᑦᑕ ᑲᔪᓰᓐᓇᖅᑐᒥᓪᓗ ᐱᓕᕆᐊᕆᕙᑦᑕᕗᑦ ᑲᒪᒋᔭᐅᑦᓯᐊᖁᓪᓗᒍ ᓱᓕᓂᖅ ᓴᐃᓕᓂᕐᒥᓗ ᐊᑐᖅᑕᐅᖏᓐᓇᕐᓂᖓ ᓄᓇᓕᑦᑕ ᓄᓇᓕᑐᖃᐅᓂᕇᖕᓇᖅᑕᖓᑕᓗ ᓄᓇᑦᑕ ᐃᓱᖃᖏᑦᑐᒧᑦ.

ᑲᑎᒍᓐᓇᖏᓐᓂᑎᓐᓄᑦ ᑎᒥᒃᑯᑦ, ᑲᑎᒪᔩᑦ ᑲᑎᒪᓂᕆᓂᐊᖅᑕᖓ ᑭᒡᓕᖃᖅᑎᑕᐅᓂᐊᖅᑐᖅ ᐅᓂᒃᑳᓕᐅᕈᒪᔪᓄᑦ ᐱᓕᕆᐊᑦᑕ ᒥᒃᓵᓄᑦ ᑐᓴᕋᑦᓴᓕᐅᕐᓂᕐᒧᑦ; ᐃᓱᒪᑦᓴᖅᓯᐅᕈᑕᐅᓂᖓ ᐊᑐᓕᖅᑎᑕᐅᒥᖓᑕᓗ 2022 ᐊᖏᖃᑎᒌᒍᑎᐅᑉ ᑎᒥᒃᑯᑦ ᑲᑎᒪᖃᑎᒌᒍᒫᕐᓂᐊᕈᑕᐅᓯᒪᔪᖅ ᐃᓪᓗᓕᔅᓴᑦᒥ, ᑲᓛᓪᓕᑦ ᓄᓈᓂ ᔪᓚᐃ 2023−ᖑᓕᖅᐸᑦ ᐅᖃᖃᑎᒌᒍᑕᐅᒃᑲᓂᕐᓂᐊᑎᓪᓗᒋᑦ ᐊᑐᐊᒐᑦᓴᐃᑦ ᑐᑭᒧᐊᒍᑎᑦᓴᐃᓪᓗ ᐱᕚᓪᓕᖅᑎᑕᐅᒃᑲᓐᓂᖁᓪᓗᒍ ᐃᖅᑲᓇᐃᔮᖓᑦ ICC−ᑯᑦ 2022-2026−ᒧᑦ ᐱᓕᕆᐊᖃᕐᓂᖅᓴᖓᑦ ᑲᓛᓪᓕᑦ ᓄᓈᓂ ᐃᒃᓯᕙᐅᑕᖃᕐᕕᒃᓴᖓ. ᐃᓚᓕᐅᑎᑎᓪᓗᒍ, ᓄᑖᒥᒃ ᓯᕗᓕᖅᑎᑖᖅᐸᓪᓕᐊᓂᐊᕐᓂᕗᑦ, ᐱᖃᓯᐅᑎᓗᒍ ᓄᓇᕐᔪᐊᖅ ᐱᓪᓗᒍ ᐃᒃᓯᕙᐅᑕᐅᓂᐊᖅᑐᒥᒃ, ᑲᓛᓪᓕᑦ ᓄᓈᓄᑦ ᑐᓂᔭᐅᒍᒫᕐᓂᐊᕐᓗᓂ.

ᐊᕐᕌᒍᑦ ᓯᑕᒪᑦ ᐊᓂᒍᖅᓯᒪᓕᖅᑐᓂ ICC−ᑯᑦ ᐃᓚᓕᐅᑎᓯᒪᓕᖅᑐᒥᒃ ᐊᑐᓕᖅᓯᒪᔪᑦ ᓄᓇᖃᖅᑳᖅᓯᒪᔪᓄᑦ’ ᑎᒥᖁᑎᒋᔭᐅᔪᒥᒃ ᓄᓇᕐᔪᐊᒥ ᐃᒪᓕᕆᔨᒃᑯᑦ ᑎᒥᖁᑎᖓᓂ, ᑲᑐᔾᔨᖃᑎᒌᖏᓐᓂ ᓄᓇᖃᖅᑳᖅᓯᒪᔪᑦ ᓂᕿᖃᕈᓯᖏᑦ ᐱᓪᓗᒋᑦ ᐊᐅᓚᑕᐅᔪᓂ, ᐊᒻᒪᓗ ᓇᐅᑦᓯᑐᖅᑎᐅᓂᕐᒥ ᒐᕙᒪᐅᖃᑎᒌᑦ ᑲᑎᒪᔨᖏᓐᓂ ᓯᓚᐅᑉ ᐊᓯᔾᔨᕐᓂᖓ ᐱᓪᓗᒍ. ICC−ᑯᑦ ᐃᖅᑲᒋᔭᐅᓂᖃᐃᓐᓇᖅᑐᑦ ᐃᖅᑲᒋᔭᐅᑦᓯᐊᖅᓱᑎᒃ ᓄᓇᕐᔪᐊᒥ ᓄᓇᖃᖅᑳᖅᓯᒪᔪᓄᑦ’ ᑎᒥᖁᑎᒋᔭᐅᓂᕐᒥᒃ ᑖᒃᑯᓇᓂ ᔫᓇᐃᑎᑦ ᓇᐃᓴᓂ, ᐅᑭᐅᖅᑕᖅᑐᒥ ᑲᑎᒪᔨᓄᑦ, ᐊᓯᖏᓐᓄᓪᓗ ᐊᒥᓱᓄᑦ ᒐᕙᒪᐅᖃᑎᒌᑦᑐᓄᑦ ᑎᒥᖁᑎᒋᔭᐅᔪᓄᑦ ᑲᑎᒪᔾᔪᑎᖃᖅᐸᑦᓱᑎᒃ ᐃᓱᒫᓘᑕᐅᔪᓂᑦ ᐊᑦᑐᐊᓂᖃᖅᑐᓂᒃ ᐃᓄᖕᓄᑦ ᐅᑭᐅᖅᑕᖅᑐᒥ.

“ᕿᓚᓈᕆᔭᖃᖅᐳᒍᑦ ᖃᕆᑕᐅᔭᑎᒍᑦ ᑲᑎᒪᓂᖃᓛᕐᓂᑎᓐᓂᑦ ᐱᓗᐊᖅᑐᒥᓗ, ᑲᑎᒪᓂᖃᓛᕐᓂᑎᓐᓂᑦ ᐃᓪᓗᓕᔅᓴᕐᒥ ᑲᑎᒪᓂᖃᕐᓗᑕ ᐊᕐᕌᒎᓛᖅᑐᒥ ᖁᕕᐊᓲᑎᖃᓛᕐᓂᕗᑦ ᓄᓇᓕᑦᑎᓐᓂᒃ, ᐊᑕᐅᓯᐅᖃᑎᒌᖕᓂᑎᓐᓂᒃ ᓴᙱᓂᑦᑎᓐᓂᓗ”, ᐅᖃᖅᑐᒥᓂᖅ ᔭᒫᓪ ᑖᓪ, ᑐᒡᓕᐊ ᐃᒃᓯᕙᐅᑕᐅᑉ, ᑲᓛᓪᓕᑦ ᓄᓈᓂ.

ᖃᐅᔨᒋᐊᕐᕕᒃᓴᑦ:

ᑭᐊᓕ ᐃᓂᖑᕗᒃ ᑲᐃᑎ ᐃᒋᑎ ᒪᑦᔪᕕᐅᑦ ᑭᐅᕈᓪ ᓴᐃᒪᓐ

ICC (ᐊᓛᔅᑲ) ICC (ᑲᓛᓪᓕᑦ ᓄᓈᓂ) ICC (ᑲᓇᑕ)

+1 907-274-9058 +299 323632

kelly@iccalaska.org kattie@inuit.org csimon@inuitcircumpolar.com

ᑖᒃᑯᐊ ᐃᓄᐃᑦ ᐅᑭᐅᖅᑕᖅᑐᒥᐅᖃᑎᒌᑦ ᑲᑎᒪᔨᖏᑦ (ICC) ᓄᓇᖃᖅᑳᖅᓯᒪᔫᓪᓗᑎᒃ ᑎᒥᐅᔪᖅ (IPO), ᐱᒋᐊᖅᑎᑕᒥᓂᖅ 1977−ᒥ ᖃᐅᔨᔭᐅᑎᑕᐅᓗᓂ ᖁᕕᐊᓲᑕᐅᓗᓂᓗ ᐊᑕᐅᓯᐅᖃᑎᒌᖕᓂᖓ 180,000 ᐃᓄᐃᑦ ᐊᓛᔅᑲᒥᐅᑦ (ᒥᐊᓕᒐᐃᑦ ᓄᓇᖓᓂ), ᑲᓇᑕᒥ, ᑲᓛᓪᓕᑦ ᓄᓈᓂ, ᐊᒻᒪᓗ ᓱᑯᑦᑲᒥᐅᑦ (ᕋᔅᓴ). ICC−ᑯᑦ ᐃᖅᑲᓇᐃᔮᖃᖅᐸᑦᑐᑦ ᐊᑐᖅᑕᐅᖁᓪᓗᒋᑦ ᐃᓄᐃᑦ ᐱᔪᓐᓴᐅᑎᖏᑦ, ᖃᐅᔨᓴᑦᓯᐊᕐᓗᒍ ᓇᐅᑦᓯᑐᕐᓗᒍ ᐅᑭᐅᖅᑕᖅᑐᒥ ᐊᕙᑎ ᐊᑐᖅᑕᐅᖁᓪᓗᒍᓗ ᐃᓄᐃᑦ ᐃᓅᓯᖃᐅᓯᖓ. ᐱᔾᔪᑎᒋᓪᓗᒍ ᓯᓚᐅᑉ ᐊᓯᔾᔨᕐᓂᖓ, ᓱᓕᔪᖅᓴᕋᑦᑕ ᐃᓚᐅᔭᕆᐊᖃᓪᓚᕆᖕᓂᖏᓐᓂᒃ ᓯᕗᓕᖅᑏᑦ ᓄᓇᕐᔪᐊᒥ ᐊᒻᒪᓗ ᒐᕙᒪᐅᔪᑦ ᐃᓕᑕᖅᓯᔭᕆᐊᖃᕐᓂᖓ, ᐃᖅᑲᒋᔭᖃᑦᓯᐊᕐᓗᑎᒃ ᐊᑕᖏᖅᑐᒥᓪᓗ ᐊᑐᓕᖅᑎᑕᐅᓗᑎᒃ ᑎᒥᖃᖅᑐᒧᑦ ᐱᔪᓐᓇᐅᑎᒋᔭᐅᔪᑦ ᐃᓄᖕᓄᑦ ᐊᓯᖏᓐᓄᓪᓗ ᓄᓇᖃᖅᑳᖅᓯᒪᔪᓄᑦ ᓄᓇᕐᔪᐊᓕᒫᒥ.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.